الهواش يقولها وبالفم المليئ

[hutteen my love]

علمنا من مصادرنا الخاصة أن الهواش قال له وبالفم المليئ أنه لاينوي الاستقالة أبدا وهو لن يترك حطين الا اذا الادارة أرادت ذلك( يعني بالمختصر المفيد هو مابيترك منشان مايروحوا عليه المصاري أما اذا الادارة شالتوا فهيك بيضمن حقو )

بس للأسف لايوجد في نادي حطين ادارة تستطيع اتخاذ المواقف وانما هناك ادارة تستطيع محاربة بعضها البعض واثارة الفتن وخلق البلبلة أرجوا أن تكون أستقالة الهواش والادارة في يوم واحد بس بدك مين يحس ويقدر

[SALAHDIN]

طبعاً فيها الشغلة راتب محرز

إذا ترك بيطير الراتب , بينما إذا شالتوا الإدارة فرح تدفعلوا رواتب الموسم كلو وتعويضات حسب العقد

[hutteen my love]

متل بزمانوا وقت اللي كان عم يدرب الوثبة قام صاروا يقولوا ياهواش ليك الجمهور كلوا مابدوا ياك أستقيل قام قلهن أنا مابستقيل اذا مابدون ياني يشيلوني الادارة

[نيدفيد الحطيني]

يعني شو الحل بدو يضل قاعد على قلبنا وياخد مصريات النادي اللي ما بيستحق منها ولا فرنك

لك رووووووح حل عناااااا بقى دخيل الله

[الحوت المهاجر]

والله شي مسخرة يعني بكل الدنيا اذا المدرب حس حالو فشل وما ئدم شي للفريق

بيستقيل وبحمل حالو بكل صراحة نتائج الفريق

الا عنا ما حدا بيحب يترك الكرسي تبعوووووو بالتدريب الا في اخر لحظة

[Abo Yasso]

يعني هيك انو اذا شالتو الأدارة اكلين هوى و اذا خلينا اكلين هوى اكتر
الله يستر و يجيب العواقب سليمة

[الحوت القاتل]

هذه المشاركة محذوفة

[ذئب روما]

اذا الوثبة وطبعا لا استخفاف .. قلعتو تقليع للهواش فشو رأيكن لكن اذا كان الحوت عم يمر في أزمات وخسارات وهو حاطط رجل على رجل وعم يتوقع لتزيد النتيجة...

ذئب روما

[Saeedoo]

شباب رجاء"

بلا كلام وإساءة لأي شخص ..سواء الهواش أو غيره

الهواش معو حق ...خلونا نحكي بصراحة

الزلمة عميشتغل ويسترزق ...شو بدك منو يساوي ...
لاتقلولي نبعتلو وما نبعتلو ....شو نحنا بالغابة ..!!؟؟

ما بصبير هالحكي ياشباب رجاء"

[Saeedoo]

الله يزكرك بالخير يا كيفورك ..

فوق ما كان عميشتغل صح ...وما حدا عميأمنلو دعم ولا ملاعب ولا معسكرات

ومع ذلك مشوه بعد لعبة تشرين السنة الماضية

وهلق ...صرلنا 8 لعب ما شمينا ريحة الفوز ...وماحدا عميمشي الهواش ...

أأأأأأأأأأأأيه زمن ..
صدق اللي قال :

حطيــــــــــــــــــــــن باعـــــــــــــــــوك الحــــــــــــــــــــــــــبايب

[rabee74]

يا شباب ما معقول هالشي يلي عم يصير خلونا إيد وحدة لنجدة نادينا الحبيب

[hutteen my love]

وسمعنا من العصفورة أنو الهواش راح اليوم الصبح عند الادارة منشان يصفي حسابوا ويستقيل لكن الادارة رفضت الاستقالة وقالت انها متمسكة فيه (بقا شو رايكون )

[Khalil]

لك بحياتو ما استقال الهواش
الا بقرار من الادارة

[الآغا]

لك يا اخي بدك تبقى ابقى الك تاريخ مع النادي بس طالب بلاعبين ، بلا اختراعاتك ؛ بلا طفلك المدلل ياسر اهتم بالشباب تدريجيا مش تعمل لاعب بلحظة حب النادي يلي عم ترتزق منه لانو حطين فينا ومننا

[الآغا]

أرسل أصلا بواسطة hutteen my love

وسمعنا من العصفورة أنو الهواش راح اليوم الصبح عند الادارة منشان يصفي حسابوا ويستقيل لكن الادارة رفضت الاستقالة وقالت انها متمسكة فيه (بقا شو رايكون )

الله يوفقك احكي مع العصفورة واتاكد لانو اذا هالحكي صحيح فوداعا حطين

[abu kamal]

يالله حسبي اله ونعم الوكيل
أحسن شي متل ماحكي أبو وليد
حطين باعوك الحبايب ولله

قمة المسخره الله يصطفل بكل الي كانو السبب ويكسر ايدين بجاه النبي

[juventini]

طيب كيف بدنا نتوقع من الهواش يعمللنا فريق متل العالم و الخلق إذا كان ضامن رواتبو و تعويضاتو لنهاية الموسم مهما كانت النتائج و مهما تدهور وضع الفريق..؟؟ بعمركون شفتو موظف بيقبض رواتبه سلف عن سنة و بيشتغل مظبوط بعدين؟

[syriana]

أرسل أصلا بواسطة hutteen my love

وسمعنا من العصفورة أنو الهواش راح اليوم الصبح عند الادارة منشان يصفي حسابوا ويستقيل لكن الادارة رفضت الاستقالة وقالت انها متمسكة فيه (بقا شو رايكون )

كون محلك ............ بخنقها للعصفورة .

[syriana]

أرسل أصلا بواسطة juventini

طيب كيف بدنا نتوقع من الهواش يعمللنا فريق متل العالم و الخلق إذا كان ضامن رواتبو و تعويضاتو لنهاية الموسم مهما كانت النتائج و مهما تدهور وضع الفريق..؟؟ بعمركون شفتو موظف بيقبض رواتبه سلف عن سنة و بيشتغل مظبوط بعدين؟

عزيزي كمان لازم يكون في عقد ..
يعني كمان العقد شريعة المتقاعدين والمشكلة في صياغة العقد ..
منتذكر من كم سنة وقت الي طفشو لعمار عوض بس لانو مافي عقد وكان عم يدرب الفريق لانه ابن هذا النادي ..

هلق شو قصدي :
من حق المدرب ان يضمن حقه ويضع شروطه والعقد هو مياق ومجموعة شروط يصيغها الطرفان المدرب وادارة الفريق .. فاذا كانت هناك مشكلة في شروطة فهي مشكلة من وافق عليه ولم يدرسه دراسة متانية