:::... حوارات يومية من واقع حياتنا الانبطاحية ( الحلقات 1-2-3-4-5-6-) ...:::

انتظروا الحلقة الخامسة
تحياتي

[fayez]

مشكور أخي بشار حلقة حلوة و أنا بإنتظار الحلقة الجاية36_1_11[1

[أبو هشام الحطيني]

ههههههههههههههههههههههههههههههههههههههههههههههههههههههههههههههههههه

منين عم تجيب هالحكي؟؟؟!!!

مشكورين شباب على مروركم

[ديار]

فعلا من واقع حياتنا اليومية.....
الله يعين و يساعد

::: اهات وطن :::

أسامة : دايما دموع ، دموع ، دموع ، دم دم دم ، دايما دموع ، دموع ، دمووووووووع

هيثم : لا لا ما حلوة سماع هي : في ناس بتحب تاخد كل حاجة مع أنها مش محتاجة ، و ناس بترضى بأي حاجة ..

أسامة : لك عمي هيثم

هيثم : عيونو

أسامة : ليش نحنا دائما منغني أغاني حزينة و معتة و كلها مئت ؟

هيثم : لأنو نحنا هيك طبيعتنا ، على فكرة مو بس نحنا ، كل الشعب هيك

أسامة : مممم ، يعني مافي أسباب تانية قد تؤثر ؟

هيثم : لا مافي ، يعني شو بدو يكون في؟؟ عايشين أحلى عيشة ، رواتب و عم تكفينا و تفيض و أحيانا عم ندفع زكاة ، و احترام ، مافي بلد قدنا بتحترم المواطن ، لك عنا حرية رأي و لأ مو بس هيك ، بيشجعوا هالشغلة كمان ، عنا حرية إعلامية ما بتحلم فيها أوروبا و الدول المتغدمة لأنو نحنا منشجع الإعلاميين و خصوصا الإعلاميين المتميزين خريجي الجامعات ، لك الطالب من ولادنا بس يتخرج من الجامعة دغري بيلاقي شغل ، لك يمكن بنفس اليوم يا زلمة ، بعدين صحي ،جامعاتنا من أحسن الجامعات ، لا رشوة و لا فساد و لا محسوبيات و لا واسطات و غير هاد و هاد الدكاترة مافي منهن و بحياتن ما جابو أسئلة من برا المناهج أو أسئلة تعجيزية ... لك يا زلمة شو بدي أحكيلك لأحكيلك

أسامة : مزبوط حكيك يا سيدي ، لعما يا زلمة شو نحنا حزاينية و مئتين ، لا و مو بس هيك و جاحدين للنعمة

هيثم : هات غنية من عندك لكان على هالسيرة

أسامة : ليك الواوا ، بوس الواوا ، خلي الواوا بح ، لما شفت الواوا ...


::: لي بتقصر تنوره :::


عمر : اوووووووف لك شوفتا !!!!

حازم : لك اي شوفتا

عمر : يعني لك خيو أكيد شو فتا ؟

حازم : الله وكيلك شوفتا قبلك !

عمر : العمى ضربك شايفا قبلي و مابتحكي !!!

حازم : شي منو كتير !!!

عمر : إينو كتير !!! لعمى ضربا شو مقصره شو مفكرا حالا بباريس !!!! لك شايف يلي شايفو ؟!

حازم : خلصنا عاد قلتلك شفتا أوففففففففف!!

عمر: لك لأ ياغبي !! شايف الكعب اللي لابستو , طالعا فيو أطول من لعيبة السله , ليش أولتك معليتو هالقد ؟!!

حازم : إي بجوز بدون يوظفوا بالبلديه منشان تغير لمبات الشوارع , معلومك الرافعات و و هالحكي صاير مكلف36_1_21[1].*

عمر : قولتك , طيب تعا نمشي من هون

حازم : لك ياعيني نحن طريقنا من هون ما من هنيك !!!

عمر : لك خلينا نمشي ورا هالقمر بركي منتعرف !!

حازم : أي روح لقلك , بس بركي بتبهدلك بهدله محترمه

عمر : مافشرت , مشي لشوف

عمر : شو هالطول بتل عرق الفول , شو ناوي تشتغلي بالبلديه تغيري لمبات العواميد , صايرين كتار خزات العين!!!!

البنت : و الله لازم تنبسط , عالأقل بتلاقي مين يغير لك هالنواسه المحروقه يلي براسك هههه36_1_21[1].*

حازم : ههههه والله عرفت ترد عليك مزبوط هالضرسانه

عمر : تضرب أنت و اللي عاد بيمشي معك , بدال ماتحكيلك شي كلمه تنقذ الموقف , عم تضحك

حازم : شو بدي أحكي أفحمتك !!

عمر : يرحم أيام زمان كنا نلطش البنت , ماتسترجي تندار علينا , هلأ صرنا منللطش ومنهرب , الله يلعن أبو هالزمن

حازم : إي هاد بسمو مد العولمه , بطل في فرق بين البنت و الشب , بعدين خيو ليش لحتى تلطش , شوف شي شغله تاني تعملا بدل هالصياعه !!!

عمر : المصيبه أنو أنا التلطيش من هواياتي

حازم : أي غيرا , روح سجل دوره كمبيوتر

عمر : و الله جبتا ,, لروح شوفلي شي إعلان بالوسيله عن شي دوره نصب بالكمبيوتر , سلام

حازم : سلام

[fayez]

مشكور بشارو وأنا بإنتظار الحلقة السادسة....


هذه الحلقة حلو كتير الله يعطيك العافية......

شكرا على ردك يا غالي

[مهند شاويش]

مشكور انا عم تابعك حلقة بحلقة وناطرين لسا وبدي طلب هالمسلسل بدنا ياه مكسيكي يعني ما عشر حلقات وتقلنا خلص
عنجد عامل جو حلو الله يكتر خيرك

هههههههههه تكرم عيونك

[YOUSEF..MS]

هههههههههههههه
حلوة ابو البيش
والله تعودنا على هالمسلسل
وناطرين الحلقة السادسة.

تكرم عيونك هي هلأ بمرحلة التحميض

[fadoooooo]

شكرا و الله شكرا نحن بانتطار ما يتبع

::: وللموبايلات القديمة فوائدها :::


مناف : لك ما بدك تغير ها الموبال بقا ؟؟؟متل الشحاطة ولو

يوسف : لأ سيدي هاد الموبايل بالذات ما بغيرو أبدا يعني حتى لو جبت غيرو ما رح بيعو

مناف : ليش بقا ؟؟؟

يوسف : ياسيدي بتتذكر لما كنت انت و انس مارقيين قدام مخفر الشرطة و شفتوني جارر واحد بدي دخلو على المخفر

مناف : اي هداك النشال اللي كمشتو انت وقت كان بدو يسرقلك جزدانك

يوسف : هو بعينو يا سيدي بتعرف انو لولا ها الموبايل ما كنت مسكتو بالمرة

مناف : شلون هي بقا شو دقيتلو و قلتلو رجاع يعني ؟؟؟ ولا بعتلو شي رسالة عل البلوتوث ؟؟؟

يوسف : لك لأ يا سيدي انا بقلك شو صار .... ياسيدي لما لطش الجزدان و ركد ما قدرت لحقو مسكت ها الموبايل و شلفتو عليه قام فجيتو اي لو ما فجيتو شلون كنت بدك ياني لحقو ؟؟؟




::: دكتور الجامعة :::


يوسف : منين جايبو هاد السؤال ؟؟؟

مناف : اي يا زلمة شو بيعرفني ؟؟؟!!!!

يوسف : اي بدي اسألو هلأ بس يطلع .....

مناف : لا تعذّب حالك .... ما رح يجاوبك هلأ بلالك ها الكسفة

يوسف : ما فشر هلأ شوف اذا بيكسفني شو رح ساوي .... خليني اضربب ها اطينة بهل العجينة مالي خسران شي راسب بهالمادة خليه يكسفني و شوف شو بدي ساويلو ؟؟؟!!!

مناف : ولك لا تتهوّر هلأ بيتحطط عليك

يوسف : اي سيدي مو فارقة معي ... فخار يكسّر بعضو النسة اذا ما اترفعت ها المادة هون النسة الجاي بتترفع لما مننتقل من الجامعة

مناف : ها ليكو ليكو روح لقلك لنشوفو ....

يوسف : دكتور دكتور .... ممكن سؤال ...؟؟؟؟

الدكتور : نعم ....

يوسف : بس بس سؤال دكتور...؟؟؟

الدكتور : لا تسأل ....

يوسف : بالله بالله دكور سؤال واحد ليش ما بدك تجاوبني

الدكتور : سآلة عندك الي شي ....

يوسف : طيب دكتور ....

الدكتور : نعم ...

يوسف : اي نعامة ترفسك .... 36_1_21[1].*

الدكتور : 36_1_7[1].

مناف : خخخخخخخخخخ 36_1_21[1].* ركود لقلك ركود ....خخخخخخخ

[أبو هشام الحطيني]

هههههههههه
لك منين عم تجيب هالحكي يا زلمة
دوختنا بهالحياة الانبطاحية

بس ملعوبة

ههه من مصادري الخاصة ولسه في حلقات كتير لسه ما شفت شي
الحياة حاليا فيا كتير شغلات انبطاحية واذا ذكرناها ما بنخلص بس حبيت اعملها حلقات منشان يزيد حماس الاعضاء ويكبر معلاقون ههههه

[مهند شاويش]

متل بقعة ضوء الفكرة عم تكبر بعقلي ورح زودك مستقبلك بكذا فكرة تصيغون عرياحتك
ذكرتني بما رح تظبط معك ما في حدا عم يسمعك تعيت بسام كوسا قبل الاخبار

لك خربطنا ب اسم الحلقة هي المفروض تكون السادسة
يلا بركي حدا من الشباب بيزبطلنا ياها بمعيتو

شكرا على ردودكم شباب

[ديار]

فعلا أخي بشار جمعن حلقة ورا حلقة و بيطلع معك مسلسل أحلى من مسلسل بقعة ضوء على قولت الأخ italiano الأفكار من حياتنا الواقعية و من اللي منعيشو
الله يعطيك العافية استمر و لكن أخي بشار نصيحة حاول التنويع بطريقة الحوار هي منشان المشاهدين ما يملوو 36_1_21[1].*
بالتوفيق