:::... حوارات يومية من واقع حياتنا الانبطاحية ( الحلقات 1-2-3-4-5-6-) ...::: - الصفحة 3 - نادي حطين السوري

#41 (**permalink**) 19/02/07

اوكي تكرمي اختي
رح اطلب من المشرفين هون يجمعوا كل الحلقات بموضوع واحد
وكل حلقة بتنزل بعد يومين تلاته يدمجوا بالموضوع واخر شي بيصير مجموعة حوارات حلوة ولذيذه

ديار · #42 (**permalink**) 19/02/07

بالتوفيق إنشالله
بس ما تنسى تبعتن لتلفزيون قبل شهر رمضان القادم

#43 (**permalink**) 19/02/07

ايه تكرمي واذا بدك بنجيب ممثلين من المنتدى كمان

fayez · #44 (**permalink**) 19/02/07

مشكور بشار على الحلقة الحلوة و فعلا" بضحك كتير36_1_21[1].*

#45 (**permalink**) 20/02/07

::: عااادي :::

عمار : يا زلمة مو طبيعي النصب بهالبلد

علاء : عاااااااادي

عمار : شوف شوف هالشوفة ، بلش الصيف و بلش التشليط

علاء : عااااااااادي

عمار : يا زلمة أنا بتصور أنو النوادي الليلية و الخمارات و البارات أكتر من الجوامع و الكنايس بهالبلد

علاء: عاااااااااادي

عمار : لك شو صار بقصة الخربطة بفحص الرياضيات حلوها ولا لسا ، الطلاب على أعصابها يا زلمة

علاء عاااااااادي

عمار : على سيرة الدراسة إيمتى بدنا نخلص من الفساد بالجامعة ما بشوف إلا طلاب عم يشتروا الأسئلة

علاء : عااااااااادي

عمار : يا زلمة الواحد بهالبلد شو ما عمل عادي

علاء : عاااااااااااادي

عمار : بس بالنسبة للوضع السياسي....
علاء : عااااا 36_1_7[1]. شو ؟؟ شو قلت ؟؟ لك تضرب شو بتلعي و لعيك كلو بلا طعمة ، لك أنت شو بدك بهالشغلة ؟ لك شو فهمك أنت أصلا بهالشغلة لك ....

::: كلو متل بعضو :::

مناف : قوم خييو قوم لقلّك ننزل نشتريلنا شي تي شيرتين تلاتة و الله ما عاد عندي شي جديد البسو ...

يوسف : عود عود شو بدك بهل الصرعة بس يجو أهلك من السفر ابقى وصيهون يجيبولك شي من هنيك

مناف : ليش بقا لأستنى ؟؟؟

يوسف : يا سيدي مشان شغلتين ....
لقلك بقا شو هنن
أولا : كل الموديلات صايرة بتشبه بعضها بكل المحلات يعني بدك تلبس الشغلة و تشوف أشكال ألوان لابسين متلها .... نزيل شوف بالسوق كلشي وكالات منزلة نفس الموديل

مناف : اي و تانياً

يوسف هي بقا محرزة تسمعها منيح ....
يا سيدي مو بس الموديلات بالمحلات
لك حتى الشباب صايرين نفس الموديل الصلاة على النبي كلو مربي أجسام و صاير متل عارضين الأزيياء من وقت ما انتشرت شغلة البروتين و الكرياتين
صرت مو تشوف نفس الكنزة لأ و كمان تحس حالك عم تطلّع بالمراية يا زلمة كل الشباب نفس المنظر صايرين ..

مناف : اي و الله هي معك حق فيها صايرين متل الكربونة

يوسف : لكن عود و سماع الكلمة و بلالك وجع ها الراس و انت عم تدور على شغلة ما حدى يلبس متلها

عاشقة حطين · #46 (**permalink**) 20/02/07

هههههههههههههههه

والله معك حق يسلم هل الادين موضوع بيحمل حكمة حلوة

#47 (**permalink**) 20/02/07

الله يسلمك وشكرا الك على ردك
اذا بدك في حلقات سابقة قبل هي فينك تطلعي عليهم
فيهم حوارات ظريفة كتير

#48 (**permalink**) 20/02/07

شو يا شباب ما قريتوا لهالحلقة؟

مهند شاويش · #49 (**permalink**) 20/02/07

انا هلأ قريت الحلقة وانا بقمة المتعة
مشكور يا غالي

مهرتوو · #50 (**permalink**) 20/02/07

مشكور بشار والله شي كتير حلوو مشكور كتير

YOUSEF..MS · #51 (**permalink**) 20/02/07

الله يقويك يا بشار
عم تحكي الصحيح اللي عم نشوفو ونلامسو بحياتنا بشكل يومي

#52 (**permalink**) 20/02/07

اهلين بالشباب

rayana · #53 (**permalink**) 21/02/07

اقتباس:

أرسل أصلا بواسطة أبو مروان الحطيني

الله يقويك يا بشار
عم تحكي الصحيح اللي عم نشوفو ونلامسو بحياتنا بشكل يومي

ye3tik l3afye bachar

#54 (**permalink**) 21/02/07

::: وبعدين !!! :::

الاول: لكيفك شو اخبارك

التاني: ماشي الحال

الاول : شو عم تشتغل هالايام

التاني : ولا شي

الاول : لك شو بعدك ما خلصت الجامعة

التاني : مشان شو خلصا
الاول: يعني بتتوظف بشي وزارة بيصير عندك وظيفة 36_1_21[1].*

التاني : وبعدين

الاول : مع الايام بتترقى وبتصير شغلة مهمة بالوزارة

التاني: اي وبعدين

الاول : بتتجوز وبيصير عندك ولاد وبتربيهم

التاني : اي وبعدين

الاول : بتدخلهم المدارس وبيكبروا

التاني : اي وبعدين

الاول : بتدخلهم الجامعات وبيصيرو شغلة وبتفتخر فيهم

التاني : اي وبعدين الاول : وبعدين ولا شي

التاني : انا هلق ولاشي مستاهلة كل هالحوصة مشان ولا شي

36_1_21[1].* 36_1_21[1].*

::: طارت التحويشة :::

نجلا : حبيبي

وائل : لك عيونو لحبيبك ، قلبو لحبيبك ، روحو لحبيبك ، أمريني

نجلا : يسلم ما ذكرت ، هلق أنت مو مرة قلتلي من زمان أنو أبوك محوّش قرشين مرتبين

وائل : هههههههههه إي

نجلا : ليش ما تبيع رقمك بالجمعية السكنية و مع القرشين منشتري بيت عالحارك ، أحسن ما ننطر الجمعية 4 سنين لخر

وائل : ليش ما دريتي؟

نجلا : لا

وائل : ليش أنا ما قلتلك ؟

نجلا : لك لأ ، شو ؟

وائل : بتتذكري الحادث اللي عملو الوالد قبل سنة و هو سايق السيارة عطريق المطار ؟

نجلا : إي ، ينذكر و ما ينعاد

وائل : مو كان معو بالسيارة 3 أشخاص ماتوا بوقتها الله يرحمن ؟

نجلا : إي ، و هو ألف الحمدلله نفد

وائل : إي ألف الحمدلله

نجلا : إي شو المغزى؟

وائل : إي دفع المصاري اللي كانو معو و اتدين فوقهن

نجلا : ليه؟؟؟ مشان يصلح السيارة ؟

وائل : لا لا ، السيارة مو مشكلة ، بس دفع دية لأهالي التلات أشخاص

نجلا : لعفا !! ، ليه يعني ؟

وائل : إي لأنو هو المسبب بالحادث

نجلا : معقول !!!!

وائل : متل ما عم قلك ، راحت تحويشة العمر و تدين فوقهن كمان

نجلا : معقول حبيبي في قانون هيك بالعالم ؟؟

وائل : هو مو معقول ، بس مو لتكون البلد بالأصل متل العالم ....

مهند شاويش · #55 (**permalink**) 21/02/07

احلى واحلى يسلمو كتير

#56 (**permalink**) 21/02/07

العفو يا غالي

حسون الحطيني · #57 (**permalink**) 21/02/07

شي حلو كتير وخاصة الولا شي

#58 (**permalink**) 21/02/07

شكرا كتير على مرورك حسون الغالي

YOUSEF..MS · #59 (**permalink**) 22/02/07

الله يقويك بشار
ناطرين الحلقة العاشرة..

#60 (**permalink**) 22/02/07

::: ايمت بدنا نصير زلمه :::

سعد : إيمتى بدنا نصير يا زلمة

شوقي : الله كريم

سعد : و نعم بالله ما اختلفنا ، بس شو مشان وضعنا يعني

شوقي : ليش شبو وضعنا يا معلم ، الحمدلله على كل حال

سعد : أخي الحمدلله على كل حال صح ، بس يا أخي ... يعني .... والله ما بعرف شو بدي احكي

شوقي : احكي خيو احكي

سعد : يعني أخي شغل و عم نشتغل متل الحمير و دراسة و عم ناكل خس و ندرس ، بس و آخرتها ؟

شوقي : لك يا أبو سعود كلو هاد بتلاقيه بعدين

سعد : إيمتى بعدين يعني !!!؟ بس يصير عمري خمسين سنة ؟

شوقي : حبيب ما بتعرف ، الدنية حظوظ ، بيجوز السنة الجاية تشنّص معك و بيجوز تموت قبل ما تشنّص

سعد : تقبر حالك شو فهمان ، يعني صارت كل الشغلة هلق حظوظ ؟ و بركي ما إجى حظي أنا قبل ما موت ؟

شوقي : بتكون متلك متل عشرين مليون مواطن سوري هههههههههه

سعد : هههههههههههههههه ........ يا سيدي شر البلية ما يضحك

*********************

::: في العجلة الندامة :::

ميادة : شو وينها جوكندا اليوم ؟

مودي: مابعرف !! هي صارت 11 و لهلأ ما اتصلت ... رح رنلها متل العادة منشان تتصل على رقم المكتب

و فعلاً يا سبحان الله رن التلفون بعد بضع ثواني ...

مودي: صباحك يا حلو

***: ((صمت))

مودي:ليش بتنطفيلي ألبي لتتصلي شو بدك عزيمة؟

***: صوت مكتوم (مدري هه هه هه مدري اح اح اح)

مودي: و لك شبكي على هالصبح !!

***: صباحك آنسة

مودي: أهلين ... عفواً مين

***: معك المهندس معن, يسعد صباحك

مودي: و صباحك أستاذ يا هلا

المهندس معن: يمكن أنا كمان مخربط , يلا بسيطة كسبنا هالصباح الحلو

الخلاصة : في العجلة الندامة , ليش بضل مندفعة أنا ... و

ملاحظة :جوكندا لهلأ ما اتصلت

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات