:::... حوارات يومية من واقع حياتنا الانبطاحية ( الحلقات 1-2-3-4-5-6-) ...:::

أحمد : مرحبا يا ..

إبراهيم : أهلين أبو حميد

أحمد : شو مالك يا ....

إبراهيم : ولا شي...

أحمد : لكان ليه هيك خلقتك ....

إبراهيم : والله ما في شي بس مدايق شوي

أحمد : خير يا طير

إبراهيم : والله طلعوني من المدرسة

أحمد : بسيطة برهوم

إبراهيم : والتوكيل ...راتبه بعد ست شهور

أحمد : لأ هيك صار أكل( ......)

إبراهيم: يازلمة طالب جامعة أد اللوح ومو ملاقي شغل

أحمد : سّطح يا زلمة ....شو بدنا نساوي

إبراهيم : شو رأيك نساوي أركيلة

أحمد : والله جبتا برهوم ....قوم حط الفحمات

إبراهيم : لعيونك أحلا نفس


ـــــــــــــــــــــــــــــــــــــــــ


مناف : انت مستعجل شي ؟؟؟

يوسف : خييو و الله بلاها الركبة بالباص ساعة لنصل هاد غير ال 100 قليل زوء اللي بدك تشوفون عن يدفشو و يطحشو

مناف : اي طلاع طلاع خلّصنا بلا سلبة ...

بعد ما ركبنا بهل الباص عل الواقف التقينا بجارنا ( شب ضرير الله يعينو معو أخو الصغير قاعدين بأول مقعد )و بتشتغل العجقة الساعة 2 الظهر و بتبلش العالم بتهجم عل الباص كأنو شباك الفرن وقت المجاعة


فلانة : لك ليكي شو انو قليل زوء ما اتحسوس على حالو و قاملنا هو و أخوه الصغير ...

فلانة التانية : لعمى بقلبو لعمى ليكي كمان شلون عم يطلع فنا ما كسر عينو لعمى شو انو وقح

مناف : سمعان ؟؟؟؟!!!!!

يوسف : سمعان بس دقيقة لقلها شغلة ...

يا آنسة .... يا آنسة ....

فلانة : أنا ؟؟؟

يوسف : في غيرك واقفة انت ورفيقتك هون ؟؟؟؟

فلانة : نعم ؟؟؟؟

يوسف : شايفة قليل الزوء اللي عم تحكي عليه الليي قاعد هنيك و عم تقولي انو عم يطلّع فيكون ؟؟؟

فلانة : اي شبو ؟؟؟؟

يوسف : هاد الزلمة الله يعينو ضرير

مناف : خلص شو بدك فيها الزوء ما بتتعلمو الناس تعليم الزوء شغلة بالفطرة

ترقبوا الحلقة الثانية غدا ......
مع تحياتي

[مهرتوو]

ههههههه
ايو الله الله يعطيك العافية والله تقول كل الشباب هيك

[ديار]

والله كتير حلوين أخي بشار
والله شغلة هالباص شغلة و خاصة وقت ما العالم بتحل من الدوام أو تروح عالدوام
بتلاقي الباص مانو قادر يمشي من الركاب36_1_21[1].*
والله حالة...........,بس الشر البلية ما يضحك

[ذئب روما]

اي والله قصة حلوة كتير و 100 بالمية فينا نعيشها والله يعينا عليها خاصة لما نخلص من المعهد ما منلاقي ولا سيرفيس ولا حتى شي واسطة نقل فاضي..


ذئب روما

ايه والله معك حق ههههه

شكرا على مرورك ديار

[YOUSEF..MS]

هههههههه
الله عليك ابو البيش
بالفعل كلامك صحيح

إيهاب : أهلين بالحبيب

شهاب : أهلين عمي إيهابو ، كيفك ؟

إيهاب : و الله الحمدلله ، أنت شلونك و شلون تحضيرك للفحص

شهاب : يستر عرضك لا تجبلي سيرة الدراسة

إيهاب : ليش ؟ ما عم تدرس منيح ؟

شهاب : يا زلمة بقلك لا تجبلي سيرة الدراسة بتقوم بترد بتسألني عن الدراسة !!!

إيهاب : هههههههههههه طيب ، كيف شغلك

شهاب : ببوس إيدك لا تفتح سيرة الشغل ، أنا ما بصدق أطلع من الشغل و بلحش كل همومو ورايي

إيهاب : طيب أمرك خيو ، شو بدنا نسألك ؟

شهاب : ما بتفرق

إيهاب : طيب وين عم تروح و وين عم تجي

شهاب : كتير شايف عندي وقت روح و إجي فيه ؟

إيهاب : طيب كيف أوضاعك العاطفية حبيب

شهاب : لك شو ناوي تخليني ابكي انت اليوم ؟

إيهاب : إي احترنا يا أقرع من وين بدنا نسرحك

شهاب : أخي بتعمل معروف ؟

إيهاب : أمرني

شهاب : تركني بهمي

إيهاب : ههههههههههههههههههههههه طيب خيو أنا نازل عالقهوة إذا بدك لحقني

شهاب : قول انشالله

إيهاب : سلام

شهاب : سلام

.
.
.
.
شهاب : يفضح حريشو كأبني بزيادة على هالأسئلة شيتو ..... حسيت حالي ميّت

**********************


ماجد : يلعن ******

حامد : 100 مرة

ماجد : لك معقول يا زلمة 35 سؤال من أصل خمسين من برا المقرر ؟؟؟

حامد : لك حتى ال15 اللي من المقرر صعبين

ماجد : لك شو د****ا هالدكتورة ؟؟

حامد : دكتورة مين و الناس نايمين ؟ حبيبي الأسئلة شغل رئيسة القسم

ماجد : أكيد عم تمزح

حامد : روح اشتري الأسئلة من الكشك و شوف بعينك

ماجد : طب ليش ؟ .... يلعن ****** و أنا عم قول لحالي هالدكتورة كيف جابت هيك أسئلة مع أنو أسئلة الفصل الأول تبعها كانت متل المي

ماجد : إي هو مشان هيك حطت رئيسة القسم أصبعتها بالنص ، لأنو نسبة النجاح بالفصل الأول كانت 96.63 % فحبت تمازح الطلاب شوي

حامد : إي يلعن ******* شو نكتجية

وبالتوفيق لكل الشباب الي عم يعلوا فحوصات ....

[مهرتوو]

الله يوفق الكل والله يعطيك العافية والله شي كتير حلوو ما قلتلي كيف دراستك وشغلك وضعك العاطفي

[ديار]

و الله إذا هيك الوضع بسوريا شي ببكي,للأنو عنا بالإمارات بتلاقي الدنيا كلياتها مطبولة بقصة الإمتحانات حتى وزير التربية بذات نفسو بيعمل زيارات للمدارس و بيسأل الطلاب بالصفوف عن رأين بالإمتحانات كل سنة ............
الله يعين الجميع شو بيعمل الواحد, أزمة و بتمر

[Bayren]

يا عيني عليكي


عم أنطر هل الموضوع كل يوم......

[YOUSEF..MS]

ههههههههههه
حلوة
بس لو تنحكى مع صو كاريكاتيرية

ع: ألو مرحبا (ن)

ن: أهلين حبيبتي (ع)

ع: لك ليش ما عم تنزلي على الجامعة والله اشتقنالك

ن: خليها لربك إي ما عم اقدر ارفع راسي الله وكيلك

ع: ليش خير خير والله القتيني عليك حبيبتي شو صاير معك

ن: ليش ما ادريتي هالـ(.......) شو مساوي فيني

ع: ليش شو ساوا

ن: لك تركني وآل بطل يحبني ودقيتله هديك المرة على الموبايل وآم فصل بوشي وحكيت معه عالمسنجر وآم ألي روحي من وشي وماعاد بدي شوفك ولابدي احكي معك

ن: لك اتخيلي أنه عملي بلوك وماعاد رد عليي

ع: له له يا (ن) والله زعلتيني طيب ما اعرفتي هو ليش عمل هيك

ن: لك ما هون المصيبة آل بطل يحبني لأنه حب وحدة تانية

ع: يوه.... شو هالحكي مشان وحدة تانية بيعمل هيك لك هي أكيد ما بتستاهل ضفرك حبيبتي ولايهمك لا تدايقي ولا تنهمي بكرة بيجيك أحسن منه.

ن: إيه والله ياريتني اسمعت كلمتك وقت يلي كنت تقوليلي أنه هاد شب ........ وما بيستاهلك

ع: شفتي وقت يلي قلتلك هيك ما رديتي عليي يالله على كلن خلصتي منه

ن: إيه والله بس أنا كنت كتير حبه وماعم اقدر انسا

ع: إي بكره بتنسي ما تخافي يالله حبيبتي أنا بدي روح خليني شوفك بالجامعة أوكيه

ن: أوكيه حبيبتي يالله باي

سكرت (ن) الخط
(ع) ولي على آمتي والله ما كنت بعرف أنه هيك بده يصير فيها
يالله منيح يلي ما عرفت أنه رفيقها تركها مشاني والله كانت شختتني36_1_21[1].*

[fayez]

مشكور بشاروووووووووو حلوة و بضحك.................36_1_21[1].*

شكرا على ردك عزيزي وعلى مرورك

[حمودة الحطيني]

مشكور بشاررررو الغالي

[أبو هشام الحطيني]

هههههههههههههههههههههههههههههههههههههههههههههههههههههههههههههه

اهلين بالشباب ومشكورة ردودكم الحلوة وترقبوا الحلقة 4 بكرا

[emy]

لسه فى حلقى 4 من الحوار ده بس بجد حلو ههههههههههههههه

:::موظفين هالايام:::

لينا :يا الله شو مالة ضايق نفسي .

سهى (نائبة المدير) : مو جاي عبالي اشتغل اليوم يا بنات حطولنا شي فرش .

أحلام : حأتوفى من الشوب أنـــــــــــــــــا.

سهى : معكم حق مكتبكم لازمو مكيف .

بعد نص ساعة :

لينا :هالمناقصة صرلها من أول الاسبوع ما كنت أعرف ابعتها ومالة قادرة طلع فيها .

أحلام : أنا خلصت من يلي عندي بس صفي حجوزات الفور سيزن .

لينا : تعي خدي تسلي بهالمناقصة .

أحلام :حلي عني .....

لينا : يلا ما رح ابعتها اليوم خليها لبعدين .

أحلام : والله شي بأشعر البدن هالشغل صاير على قولتك يا لينا .




_________***_________

:::خرجك:::

أبو كنان سائق السيرفيس : تحرك ولاك بسرعة اصعد ألعمة شو الهجيل المايع ....

سمير جالس بجانبه : طول بالك أخي لا تعصب مو مستاهلة ...

أبو كنان : شو ما بدي عصب ليك الدب ما عم بيعرف يصعد ...

سمير : استهدِ بالله يا رجل الدنيا لسه صبح ...

ألتفت أبو كنان لسمير و رمقه بنظر ينبعث منها الشرار ، ثم تابع المسير ....

سكت سمير عن الكلام و لم يعد يجرؤ على التلفظ ببنت شفة ..

تابع أبو كنان سائق السرفيس السب و الشتم و التسلط على الناس إلى أن وصل أحدى المواقف حيث توقف و استرخى قيلاَ.

سمير يتابع ما يحدث بترقب ..

أبو كنان شو هل الحمار ليش هيك موقف سيارتو بالورب . و وضع يده على الزمور بشكل مستمر ..

سمير تنفس الصعداء و قال إجيت و الله جابها فالسيارة المتوقفة لا تحمل أي نمرة ..

ليش ما عم يريد هل .... و ..... قالها أبو كنان . ثم ما لبث أن ترجل من سيارته و ذهب إلى السيارة المتوقفة و راح يركلها برجله و يقول :
شو يا معلم ما عم تسمع.. أطرش حرك بسرعة و عاد أبو كنان مسرعاً إلى سيارته و جلس خلف مقوده .
على ما يبدو أنه شعر أنو الضرب مو ضرب صحاب ...

ترجل شاب طويل ذوشعر أسود و عينان زرقا وتين مفتول العضلات من السيارة التي لا تحمل نمرة بكل هدوء و صمت و اتجه قاصداً أبو كنان ...

أبو كنان تقلص خلف المقود و تشبث به بقوة ...

سمير الله يستر ستعلق طوشة كبيرة لأن أبو كنان الزلمة فتوة و وو ..

إقترب الشاب من أبو كنان و قبل أن يتكلم انهال عليه ضربا مبرحا يشفي صدور الجماهير في اليرفيس ...

نظر سمير إلى أبو كنان ، ينتظر منه الرد و لكن أبو كنان خنث و لم يلفظ حرفاَ واحد و عاد بسياراته إلى الخلف بعد أن فرغ ذاك الشاب من ضربه . و تقدم ليتجاوز تلك السيارة بكل رويه و رضا ...

سمير شو يا أبو كنان من شوي كنت عنتر زمانك أراك لم ترد و لو بكلمة على اللكمات التي وجهها لك ذاك الشاب ...

أبو كنان شو بدي رد ياخيو هدول أ..........

يا سبحان الله أنت المنتقم الجبار الناس المساكين تتحكم برقابهم و تسبهم و تشتمهم و أنت سائق سرفيس ...

و تُضرب و تُشتم من ..... و لا تجرؤ على الدفاع عن نفسك هذه هي مسخرة القدر قالها سمير بأسى قبل أن يصل إلى مكان عمله .....