رد على موضوع الأخ محمد نور ( كيف نعيد الجمهور المثقف إلى الملعب )

[ابو الليل]

السلام عليكم

إن كنا في زمن الأحتراف أو أي زمن فالجمهور هو ملح المدرجات وحلاوتها وأود أن أقترح هذا الأقتراح الذي رأيته ملائماً لوضع جمهورنا الذي لم نعد نعرف الصالح فيه من الطالح.

الأقتراح طبعاً بمساعدة النادي وله الأستفادة على جميع الأحوال.:

هو أن ننشئ بطاقة تسمى بطاقة جمهور أو بطاقة ملعب وهي عبارة عن قصاصة كرتونية أنيقة 10سم× 8سم
ملصوق عليها لأسم والصورة الشخصية والرقم التسلسلي أي مثل البطاقة الشخصية ولكن بمفردات أقل وكل من يريد أن يحمل هذه البطاقة يتوجه إلى النادي ومعه صورتان شخصيتان و25 ليرة ويتم هناك ملئ بيانات البطاقة والختم عليها من النادي وهي ليست بطاقة عضوية ولا تنهيك عن ثمن بطاقة الدخول بل بطاقة ملعب ولا يجوز أن تصدر هذه البطاقة إلا لحاملي البطاقة الشخصية ( ووالله شغلة سهلة ومحترفة ) .

إيجابيتها :
1- عدم دخول الأطفال
2- المبلغ الذي ستجمه الأدارة من ال 25
3- الظهور بمظهر حضاري
4- تسهيل عمل عناصر حفظ النظام أي من يفتعل المشاكل تسحب بطاقته ويبلغ عنه لأدارة النادي بعدم الجواز له ببطاقة أخرى إلا بعد مثلاً مثلاً مباراتان


ملاحظة:

إن تمت هذه الفكرة بإذن الله الرجاء عدم إعطاء أي شخص البطاقة إلا له بشخصه وبالأسم أي

مثلاً : لا يسمح لي بأن أحضر بطاقة لغيري أو أن أعيرها لأحد
عدم إبرازها إلا على باب الملعب
عدم تلفها بل إذا أردت أن تتلفها تسلّمها للنادي أصولاً

وأتمنى التوفيق للجميع أبو الليل

[ابو البحر]

اخي الكريم ابو الليل

مشكور على الفكرة الرائعة متلك

انت حكيت عن الايجابيات بس انا رح احكي عن السلبيات
اولا ياغالي رح اذكر شغلة اهم من هيدي وحكينا فيها وما تنفذت طبعا انا مارح احكم على موضوعك بالاعدام

اخوي من فترة طلبو رابطة مشجعين النادي من رابطة مشجعي موقع النادي انو ننضم ونصير ايد وحدة طبعا هيدا شي حلو بس جاييك بالحكي
بعد موافقة الاشخاص المسؤلين طلب مننا انو نقدم صورة عن الهوية + صورتين شخصية ليش
منشان يسوو بطاقات خاصة برابطة المشجعين
قدمنا هالشي يلي نطلب وكان الوعد انو بدهون يومين ليصيرو بتعرف انو لهلئ ما خلصو اليومين ؟؟؟؟؟؟؟؟؟؟؟؟؟؟

هيدا ياغالي اهم من الجمهور لانو عمل الرابطة هية التحكم بالجمهور عن بعد وما بيخفى عن بعض الاشخاص الكبيرين بالعمر انو رابطة مشجعين حطين كانت يوم من الايام اقوى من الجمهور وكان عندها سلطة
بئا اذا هيك طلب ما تنفذ شو بدك ينفذو ":hl

اما بالنسبة للاطفال
هنة المشكلة الحقيقية بالجمهور بس صعب كتير ينضبطو
بتعرف انو في عالم بيروحو على الملعب قبل بيوم من المباراة وبيخلعو قفل وبيحطو قفل جديد وتاني يوم قبل اللعبة بيجو وبيفتحوه بالمفتاح وما حدى حاسس طبعا اذا كانت هيك الطريقة لدخول هيك اطفال شو بدك يعملو بالملعب بسلامة فهمك
رح اذكر موقف صغير صار معي
مرة من المرات كان في كام واحد عم يسبو جيت وحكيت معهم بكل ادب واحترام انو ما بيصير هالشي
بتعرف شو كان الجواب ؟؟؟؟؟؟؟؟؟
روح من هون احسن ما تتفعس
والحمد لله انو كبرت عقلي ورحت لانو لو رديت كان الجمهور فات بيبعضو
بس في طريقة ممكن تكون فعالة
مثلا انا بالنسبة للحارة يلي ساكنها فيني وعي الشباب وبحكم انو كبير بالنسبة الهم رح يتفهمو الوضع بكل احترام وعلى فكرة هيدا الدور جربتو ونجح معي لا والاحلى من هيك انو اي شي بيصير بالنادي بيجو وبيسألوني هيدا الشي صح ولا غلط وبيعتمدو كتير على كلامي وهيدا الشي حلو كتير
يعني بالمختصر المفيد كل واحد فينا عندو رسالة ولازم يقوم فيها بالمنطقة يلي هو ساكنها وشكرا
وبرجع وبقلك مشكور على اهتمامك بالموضوع
ابو البحر علووووووش

[مهرتوو]

اي هية كتير حلوة هي الفكرة بس متل ما قال اخوي ابوو البحر انوو حدا ينفزا بس من شان جمهور الضيف شو بدنا نعمل هي شغلة لازم نعملا حساب كمان يعني لازم هي البطاقة كل الاندية تعمل لحالى هيك بطاقة حتى يمشي الحال ولا شو رئيكون

[ابو الليل]

السلام عليكم

ردودكم بلسم لقلبي وللمرور.

يعني هي الشغلة بسيطة كتير ومابدها عذاب وإذا بالفعل حابين يصير عنا جمهور حقيقي أو يرجع الجمهور الحقيقي عليهم أن يتّبعوا هكذا خطوات لأنها أفكار محترفة ومن اجل جمهور الضيف لا أعتقد أنو الأطفال لح يجوا من حمص وحلب والشام ودخيلك هنن فريقين تلاتة الهم جمهور الوحدة والأتحاد والكرامة والباقي مابيوجع راسواااااااااااااااااااااااااا !!!!!!!!!!!!!!!!!!!!!
على كل حال أتمنى أن نتبع الأساليب الحديثة لأرجاع الجمهور الكرنفالي

تقبّلوا تحياتي : أبو الليل

[محمد نور]

أرسل أصلا بواسطة ابو الليل

السلام عليكم

أرسل أصلا بواسطة ابو الليل

ردودكم بلسم لقلبي وللمرور.

يعني هي الشغلة بسيطة كتير ومابدها عذاب وإذا بالفعل حابين يصير عنا جمهور حقيقي أو يرجع الجمهور الحقيقي عليهم أن يتّبعوا هكذا خطوات لأنها أفكار محترفة ومن اجل جمهور الضيف لا أعتقد أنو الأطفال لح يجوا من حمص وحلب والشام ودخيلك هنن فريقين تلاتة الهم جمهور الوحدة والأتحاد والكرامة والباقي مابيوجع راسواااااااااااااااااااااااااا !!!!!!!!!!!!!!!!!!!!!
على كل حال أتمنى أن نتبع الأساليب الحديثة لأرجاع الجمهور الكرنفالي

تقبّلوا تحياتي : أبو الليل

هلا أخوي
انت عم تحكي صح
بس اذا ما تنظم الدخول للملعب ببطاقات وأرقام صعب هالحكاية تصير
خاصة انو لما بدك تفوت على الملعب دوبك تعطيه الكرت للواقف على الباب من التطحيش فكيف بدك ياه لسا يشوف بطاقتك وصورتك ؟؟
هيدي الامور كلها صح
والحل بيد اللجنة التنفيذية لتنظيم ملاعبنا كلها مو بس الباسل
والله ولي التوفيق
محمد نور

[حسون الحطيني]

هيدي بتصير بدول اوروبية مو عنا

[قلب حطين النابض]

ياريت مين يسمعنا

[عاشق اليونايتد]

هي يلي عم تحكي يا ابو الليلاكبر من عنا بكتيروما بتصير لانو بعدين المستفيدينما عاد بيستفيدو وبيسرقووووووووو

[Bayren]

كيف الشباب::::

1- بحب أشكركم على النقاش الحضاري, يلي فاتحينوا و إن شاء الله الخير للفريق

2- هو بالقوانين ممنوع ينفتح موضوع كرد على موضوع و لكن نظرا لأهمية الموضوع,

و الطريقة الحضارية الموضوع رح يضل مفتوح لحتى نوصل لنتائج جيدة و إن شاء الله

خير

[فاروق ابن البحر]

السلام عليكم

يا جماعة كلام الاخ ابو البحر عن انو كل واحد عندو رسالة لازم يقوم فيها صح تماما ولازم كلنا نقوم بهادا الشي يعني حتى بالملعب لازم كلنا نحاول ضبط الجمهور يلي حوالينا ما نقعد نسكت ونخاف على حالنا من شي اتلة يعني كل واحد لازم يعتبر حالو عضو رابطة مشجعين ويقوم بنفس دور الرابطة طبعا بالتنسيق مع الرابطة وبالنهاية الله يقدم يلي فيه الخير لحطين وللكل

[ابو الليل]

السلام عليكم

أفيدكم علماً إخوتي وأنا أعي ماأقول وحزين لما سأقول :

أن من يبدأ بالمشاكل هو جمهورنا وهم من يبدأون بالبلبلة لتضيع الطاسة وليدخلوا ببلاش وهذه هي الحقيقة آسف لهذه الحقيقة لأنني رأيتها بعيني ولم يرويها لي أحد

ثانيا :
من يقف على الباب لا يتمنى أن تتجمع عليه الناس لكي لا تكثر لديه المشاكل ويتبعه عناصر حفظ النظام هم أيضاً لا يتبلّون أحد وهذا أيضاً رايته بعيني ولكن صراحاً نسبة كبيرة من جمهورنا حرام حرام أن تدخل إلى الملعب وأيضا هذا ما شاهدته في آخر ثلاث مباريات على أرضنا والحل الذي وضعته سابقاً أبسط الحلول الحرفية السلسة وأفيد أيضاً.

جمهور الأهلي المصري يتجاوز أحياناً الستين ألفاً ورايتهم بعيني أيضاً كيف يدخلون إلى الأستاد صحيح عددهم كبير ولكن الجميع في طابور واحد ومن أراد أن يحضر المباراة يقف بالطابور والكل سواسية عدا (المشكلجية ) وإذا لم نستطع أن ننظم جمهور لا يتجاوز العشرة آلاف فهذه نقطة أستفهام يجب أن نقف عندها ونجاوب أنفسنا نحن كجمهور قبل المسئولين

والسلام : يتبع

[abu marwan]

فكرة حلوة كتير .... بس صعب تطبق عنا باللادئية

[حمودة الحطيني]

فكرة حلوة .... بس بدها ((( مين يسمعها )))

[ابو الليل]

السلام عليكم


الأمل هو جسر نبنيه على بحيرة من اليأس

ولوووووو

[ابو الليل]

أرسل أصلا بواسطة bayren

كيف الشباب::::

1- بحب أشكركم على النقاش الحضاري, يلي فاتحينوا و إن شاء الله الخير للفريق

2- هو بالقوانين ممنوع ينفتح موضوع كرد على موضوع و لكن نظرا لأهمية الموضوع,

و الطريقة الحضارية الموضوع رح يضل مفتوح لحتى نوصل لنتائج جيدة و إن شاء الله

خير

شكراً لك يا مصطفى ولا تؤاخذني نسيت ":hl

[الآغا]

لك وين بدك تطبق هالحكي اذا جمهورك 90 % صار ولاد وأطفال يعني 12 - 13 سنة

[نوار مالك مجبور]

يا حرام على هالادارة

بس لو تسمع هالافكار الرائعة

من الاعضاء الرائعين


ابو الليل

بحييك من قلبي

على فكرتك الرائعة


أبو النور

[ابو الليل]

السلام عليكم

شكراً أبو النور ......وكلنا ابناء حطين

ثانياً

إن هذه الفكرة خلقت لتمنع الأطفال من الدخول وأتمنى أن تقرأوا الموضوع جيداً

وبالتوفيق للجميع

عندي حل وسط
اول شي بيجنب عمل بطاقات للجمهور لانا مسألة صعبة كتير وخاصة في الاف وهدا ضيع بطاقتوا وتعا طلعلو بطاقة تانية ومابعرف شو والتاني نسي بطاقتوا بالغسالة
لانو لصراحة نحن ما كفو هيك شغلات
والصفار متل ما قلتوا مشكلة كبيرة
الحل صغير وبسيط وبيسهم بخفض البطالة
اول شي شي متطوع او اي حدا من عناصر حفظ النظام بينتبه عالملعب منشان ما يصير تكسير اقفال وبيوم اللعبة الي بدوا يفوت بيطلع الهوية الشخصية وخالصين
بئا لا بطاقات ولا شي واكيد الصغير مارح يكون معو هوية ولذلك مارح يفوت
وخالصين

[ديار]

لو سمحتوا سؤال
ما هي أعمار أو متوسط أعمار الأشخاص الذين يقومون بهذه الأعمال-أي الصغار-؟؟؟؟