يرجى الحذر بعض جماهير اندية اخرى تخرب علاقة حطين والطليعة

[فهد الطليعة]

السلام عليكم
تقوم جماهير نادي سوري لا اود ذكره من ان تخرب علاقة جمهور الطليعة وحطين
ولا اعرف لماذا اختارو هذا الوقت بتحديد قبل مباراة الطليعة مع حطين الحوت الازرق
اللي صدقوا انوا اغلب جمهور الطليعة بشجعوا اذا مو الكل لسببين
الاول انوا احلى لعب هو لعب حطين
التاني انوا مفرخة لاحلى لعيبة سوريا متل عارف وسليم
وبحب قول للشخص اللي عم حاول انوا يخرب علاقة اعصار العاصي بلحوت الازرق لا تحاول
لانوا الطليعة وحطين ناديين كبار وجماهيرون واعية ويوم الجمعة سوف ترى كيف سيكون ملعب حماه وكانه ملعب اللاذقية وتكون مباراة خيالية تليق باعصار حماة وحوت اللاذقية

[مهرتوو]

انشاء الله يا سيدي تكون متل ما عم تحكي وحتى كان جمهور حطين كتير راقي بلتعامل مع جمهور ولعيبة الكرامة والله ما سبون ولا مسبة

[فهد الطليعة]

يا سيدي والله جمهورنا مسالم كمان بس ما حدا يشغل الفتيل والله يسترنا من الحكام ما يقوموا
يحطوا العويد لانوا راح ياكل قتلة قبل ما يدخل علملعب

[ابو الليل]

السلام عليكم

التوفيق للجميع إن شاء الله وشكراً أخ فهد

[ابو البحر]

مشكور ياغالي كلك زوء بس بالنسبة لموضوع الحذر دخلك شو فينون يسوو اكتر من يلي صاير فينا
جمهورنا واعي والحمد لله بأستثناء بعض المغرضين
انتظرو حوتنا
انه قادم بقوة
ان شاء الله سنكون اول الناس في مدينة حماة
وسنشجع فريقنا حتى صافرة النهاية
اتمنى التوفيق للحوت
holeee
حطين عالغدا
حطين عالعشا
حطين عالترويئة
حطين كل دقيقة
دقي ياموسيقا
هي
هي
هي
حطين

[فهد الطليعة]

اه يا مللك اه بدنا اللعبة تكون حماسية
وهيه هيه هيه الدوري طلعاوية

[محمد نور]

ولا يهمك أخوي
نحن جمهورنا واعي
واللي عم يخربو صغار عم يسمعو كلام المندسين
بس الباقي كلو واعي
والكرنفال بالطليعة سمعت عنو
وانو في تحيب كبير بجمهورنا
تحية إلك ولكل المذوقين متلك
وبالتوفيق للطليعة وحطين

[قلب حطين النابض]

أرسل أصلا بواسطة ابو البحر

مشكور ياغالي كلك زوء بس بالنسبة لموضوع الحذر دخلك شو فينون يسوو اكتر من يلي صاير فينا
جمهورنا واعي والحمد لله بأستثناء بعض المغرضين
انتظرو حوتنا
انه قادم بقوة
ان شاء الله سنكون اول الناس في مدينة حماة
وسنشجع فريقنا حتى صافرة النهاية
اتمنى التوفيق للحوت
holeee
حطين عالغدا
حطين عالعشا
حطين عالترويئة
حطين كل دقيقة
دقي ياموسيقا
هي
هي
هي

حطين
اه يا غالي يارتني كون معكن حتى اطلع معك اول واحد ولنام بالملعب كمان
ياريت الحطينية كلن متلك36_1_11[1 36_1_11[1 36_1_11[1

حطين وبس

[عاشق اليونايتد]

خير وانشاء الله الفريق بيبيض الوش بكراااااااااا

[فاروق ابن البحر]

شكرا اخوي فهد الطليعة على موضوعك الحلو متلك وبالنسبة ليلي عم يحاولوا يعملو مشاكل فهدول شوية مجانين ومندسين عندون مصالح خاصة شو بدنا فيهون المهم انو انا بعرف جمهور الطليعة منيح وحضرت اكتر من لعبة بحماة للطليعة وعنجد بهنيكون على جمهوركون الرائع وانشاء الله بتكون مباراة حطين والطليعة من اجمل مباريات الدوري هي السنة وبالتوفيق للفريقين

اما بالنسبة للحكام فالحمد لله انو مو العويد حكم المباراة لانو الحكام هنن ( احمد دلو - شاكر حميدي - خالد سويد - ويس مصطفى ) طقم الحكام من حلب

[فهد الطليعة]

انا بعرف انو تاريخ الطابة غدار وبتمنى الفوز للاحسن سواء حطين او طليعة لاني
ابن حطين وابن الطليعة

[فهد الطليعة]

شكرا اخي فاروق كللك ذوء واكيد راح تشوفوا جمهور الطليعة كيف راح يحضرلكون كرنفال

[ذئب روما]

الله يعطيك العافية على كل حال..قال بقول المثل (اللي فيو شوكة بنخزو) وانا عرفت من طريقة حكيك انو كلامك موجه للكرماوية حصرا...لذلك رح أجاوبك بطريقة حلوة:
الكرامة وحطين واحد مهما صار ورح يصير...
وأنا كوني هون بالمنتدى كرماوي حطيني أصيل انا على السراء والضراء هون وانت عم تعمل فتن من موضوعك هدا واتمنيت لو حكيت عالمكشوف لأنو نحنا هون أسرة قبل كل شيء..
وانت طبعا فايت تقول للشخص اللي عم يحاول يخرب العلاقة بين الناديين الكبار لا تحاول) بس بدي أتأكد مين هو لأنو اذا أنا وطبعا مش أنا لأنو ما منحكي على حدا نحنا والشباب الطيبة بتعرف هالشي ارجو التوضيح هون..وبدي أقول فوت على منتدى كوورة وشوف شو كاتبين عن التركماني هذا اللاعب الخلوق من جهة جماهير الطليعة اللي مش نسيانة لهلء خسارتها مع الكرامة والحركة(الموس) اللي سواها التركماني الهن بعد المسبات عليه بالملعب..
2 - أعرف ان بعض وأقول هنا بعض من المثقفين عندكم أقفلو الملعب ومنهم الحارس للملعب (يا للتفاني بالعمل) على الجمهور وخاصة اللاعبين بالملعب وبدأوا بالحجارة وكم لاعب مننا أخدوهن على المشفى الوطني..ولاتنسو انو الطليعة لاعبين من الكرامة ومدربين هم اللي سوو من لما كان بالتانية..
وبدي أقول للجماهير الواعيه بالطليعة العزيز والمنطقة الوسطى ..انو الحوت بكفيه اللي فيه لذلك نرجو منكم ضبط النفس بالمباراة اللي رح تكون منقولة تلفزيونيا (art) ..
الحكي هدا يمكن رداً على موضوعك اللي من ( تحت لتحت) ارجو ان يكون موضوعك عالمكشوف وتقول مين الاشخاص ومين هو الشخص اللي عم تحكي عليه وأنا متأكد أنو مش أنا ولا أي حدا هون بالمنتدى لانو موضوعك بس حكي..بحكي.. وبالتوفيق الك هون بالمنتدى للمشاركة يعني بس مش موضوع وبس ...بالتوفيق لحطين بحماه وجلب نتيجة ايجابية ان شاء الله .. ولو فيو شي حكيي أرجو من المشرفين تنبيهي قبل التصرف بأي شيء .. وشكرا لصاحب الموضوع اللي صحاني على كتير شغلات.. وارجو من المشرفين انو ما يتصرفو بأي شي الا لما يا خدو رأيي فيه مثلاً الحذف لموضوعي .. حطين والكرامة واحد..

ذئب روما

[YOUSEF..MS]

الله يكتر من أمثالك

[محمد نور]

أخوي أبو حميد
نحن والجماهير الحمصية دائما خوات وخصوصا الكرماوية
كما جماهير الطليعة اللي هنن خواتنا كمان
ما بعتقد فهد الطليعة أصدو عليك وانت فهمت الوضع غلط
لهيك رجاء اذا كان القصد عليك فنحن ما رح نسدىء هالشي لأنو نحن خوات منزمان متل ما فهد الطليعة اخونا
ولو اي عضو غلط بحق التاني لازم نسامحو لأني الأخ دائما بسامح أخو
لهيك الموضوع رح ينقفل وياريت بدال فتح مواضيع للاستفسار او التعاتب إرسال رسائل على الخاص
لأنو الموضوع بخص العضوين ذئب روما وفهد الطليعة
ورجاء تكون الرسائل الخاصة مبنية على الحوار الراقي
وأي شي غلط بصير ياريت تنبهونا عليه
والله ولي التوفيق
أخوكم محمد نور