أعضاء تحت دائرة الأضواء (sahed)

[SAHED]

أرسل أصلا بواسطة فاروق منلا

ااااااااااااااااااااخ يا شباب ما تركتولي شي احكي عن سهود حبيب قلبي وهادا اغلبكون اكيد ما اجتمع فيه بشكل شخصي كيف انا يلي اجتمعت فيه كتير ويمكن كنت اخر حطيني بسوريا ودعتو وقت سافر ساهد ساهد ساهد حبيب القلب صديقي واخي الغالي ويلي الو فضل كبير علي بالمنتدى وكان الو فضل كبير علي باحلى موضوع الي اهداف محمد جعفر شكرا الك اخوي ساهد وبالتوفيق الك بالامارات وعودة قريبة الى ( التضامن ) انشاء الله
بس سؤالي اخوي ساهد : انت كم مرة حبيت ؟ هههههههههههه اذا انا غالي عندك بتجاوب

فاروق الغالي هلا بيك نورت موضوعي وانت من يوم يومك منور وفعلا انك اخ وصديق غالي جدا جدا وكنت اخر حطيني ودعتوا بسوريا قبل سفري يمكن بساعتين وإن شاء االله اللقاء قريب
ومنشان سؤالك يا سيد فاروق .

بس سؤالي اخوي ساهد : انت كم مرة حبيت ؟

كمان انت التاني مرح جاوبك لأنو سدئني اذا دخلت الحكومة لهون وشافت هيك جواب وعلى هيك سؤال ليوصل الدم للركب لذلك خليني ساكت احسنلي

[SAHED]

أرسل أصلا بواسطة ديار

السلام عليكم ورحمة الله و بركاته
فعلا أخي بشار ما قصرت والله يعطيك العافية على هالخطوة المميزة
أخ ساهد عندي كم سؤال:
1. شي تتمنى تحقيقه, و أخر حققته.
2.ما عنوان أخر كتاب قرأته؟و متى؟
3. أكثر ما تريد تجاهله عند غضبك.
مع الشكر والتمنيات بالتوفيق

1. شي تتمنى تحقيقه, و أخر حققته.
شيء أتمنى تحقيقه أكيد اني انجح بعملي الجديد
وشيء حققته إني قدرت اثبت وجودي بمنتدانا الغالي مع اني كنت خايف جدا لما بلشت اول مشاركاتي
2.ما عنوان أخر كتاب قرأته؟و متى؟
اخر كتاب إسمه (( لا تحزن )) للدكتور عائض القرني وجاري القرأة فيه حاليا يعني لسا ما خلص
3. أكثر ما تريد تجاهله عند غضبك.
مع انو ما فهمت مغزى سؤالك بالظبط بس انا من النوع يلي بعصب نادرا بس لما عصب مشكلة كبيرة وبحاول إبعد عن الموضوع يلي سبب هالشي بأي طريقة كانت

[SAHED]

أرسل أصلا بواسطة ابو البحر

اخوي بشار مشكور على جهودك

الاخ ساهد
من الناس الرائعين صح انا ما تقابلت معك بس سمعت صوتك وتعرفت عليك وبالفعل انك انسان رائع
طبعا انا بدي اسألك ياغالي
كلنا منعرف انك ساكن بالشام سؤالي كيف بتتعامل مع الاشخاص يلي بيشجعو نادي غير حطين يعني بتحس بالوحدة معهم ولا عندك رفقات حطينية
وشو اهم شي بحياتك حاليا
والسؤال الاهم لو كنت رئيس نادي حطين شو بتسوي
مع تمنياتي لك بالتوفيق
اخوك ابو البحر علووووش

هلا بيك اخوي ابو البحر وعلى فكرة انا وانت التقينا بمباراة حطين والوحدة بالشام انا شفتك بس يمكن انت ما شفتني وحكينا مرتين يمكن بالغرفة الصوتية عندك

1 - كيف بتتعامل مع الاشخاص يلي بيشجعو نادي غير حطين يعني بتحس بالوحدة معهم ولا عندك رفقات حطينية

لما كنت بسوريا كان معظم جيراني وحداوية وجيشاوية وكانت المأساة الكبرى لما حطين يخسر لأنو كل الشباب بزوروني منشان الشماتة بس بصراحة لأنو انا ما بكون مقصر فيهم لما يكون حدا منهم خسران36_1_21[1].* وفي عندي كم شب رفقاتي بالشام حطينية وبالبيت الكل حطينية الحمد لله

2 - وشو اهم شي بحياتك حاليا ؟؟

أهم شي بحياتي حاليا شغلي و و و و و و لا هي خليها الي

3 - والسؤال الاهم لو كنت رئيس نادي حطين شو بتسوي ؟؟

هي حديثها طويل اخوي بس كان اول شي عملتوا رجعت للنادي كل شي خبرات قديمة ومخلصة وطردت كل شخص بالنادي يسعى وراء الكرسي فقط لأنو لو يصير هيك شي رح تنحل كل امور النادي

[Rammstein]

.. موفق ساهد ... عوده سريعه الى الوطن ..

[SAHED]

بشكر جميع من شارك من الاعضاء وجميييييييييييييييييييييع من لم يشارك
وشكر خاص خاص للأخ بشار يلي استضافني
وبفضل إغلاق الموضوع وبتمنى من الاخ بشار التفكير في عضو مميز للإستضافة