أعضاء تحت دائرة الأضواء (sahed)

من أول يوم اشتركت فيه بالمنتدى وهالحكي من شهرين تقريبا تعرفت على أعضاء حبابين ورائعين حسيت بمدى اكابريتن و فهمن وتواضعهم بس هالانسان الي رح احكي عنو الو نكهة خاصة ....انسان بيتميز بميزات قل مثيلها بين الناس وانا مهما كتبت عن هالميزات ف انا اكيد ما رح اوفيه حقه ... شو بدكن احسن من شب اكابر لدرجه ما طبيعيه وخدوم جدا ومتعاطف جدا ومتفائل جدا جدا 36_1_21[1].*
وقلبوا كبير بيحب حطين للموت ومقولته الشهيرة حطين راجع ولا يهمك وبالرغم من كلشي مرينا فيه ف بتشوفوا لهالانسان الوحيد الي ما بييأس و ما بيستسلم وبيضل عندوا امل بالحوت والعيبه ما بتطلع منو مهما استفزيتو 36_1_11[1

هدا الشخص يلي انا واثق تماما ومليون بالمية ومتأكد ان الكل بالمنتدى من صغيرن لكبيرن بيحرموا وبيقدروا
لعلمكم ساهد هو الانسان الي فرح الكتير من اعضاء وزوار المنتدى ونسانا همومنا بمواضيع متميزه كموضوعه الاخير (كول فته وشراب مته ولا تنسى السته) يلي ذكرنا بمباراتنا مع تشرين المباراة التي لم ولن تنسى ولن ينساها جمهور حطين ولا حتى جهمهور تشرين طبعا

لحتى تتعرفوا اكتر على ساهد
الاسم : ساهد علي الموعد
العمر : 26 سنة (عقبال ال 100)
البرج : السرطان
الحالة الاجتماعية : اعزب

الحالة العاطفية: 36_1_12:

مكان الاقامة السابق : مدينة دمشق

مكان الاقامة الحالي : أبو ظبي ( الامارات العربية المتحدة)

العمل : يملك محل صيانة جوالات بمدينة دمشق

سجل في المنتدى بتاريخ : 06/05/06


هواياته : جمع كل ما يخص حطين من مباريات و اهداف وصور
وذكريات وعرضها عليكم بالاضافة الى كتابة الشعر ويكفيكم ضغطة واحدة لزيارة موقعه الالكتروني وقراءة اجمل الاشعار والعديد من الزوايا المتميزه

الموقع الالكتروني : http://sahed2004s.spaces.live.com/

الصورة الشخصية : (ريتها ما تبلى هالطلة )




وقد سافر ساهد الى أبو ظبي منذ فترة قصيرة في مهمة عاجلة ونتمنى له ان يعود بالسلامة قريبا
ساهد انا بيسعدني وبيشرفني اليوم اني استضيفك وحطك بضيافة الاعضاء يلي بيحبوك وبيقدروا جهودك العظيمه لهذا المنتدى ويكفي انك صاحب رابع اعلى مشاركات ب 2747 مشاركة
لحتى يعرف الكل حجم هالانسان الي عم احكي عنو
وهلأ حابب افسح المجال الي ول اعضاء المنتدى بتوجيه اسئلة وياريت تتفضل مشكورا بالاجابة عنها ....

وانا من ناحيتي رح اسئلك كام سؤال

1- عرفنا عن نفسك بكلمات موجزه ؟؟ من هو ساهد الموعد؟؟

2-كيف انضميت للمنتدى اول مره ؟؟

3- ماذا تعني لك الحياة ؟؟

4- طموحاتك وكيف تتمنى ان يكون مستقبلك ؟؟

5- شو بيعنيلك حطين؟؟

[Rammstein]

... والعيبه ما بتطلع منو مهما استفزيتو 36_1_11[1...
.. تحياتي ساهد .. يمكن من فتره كان في حساسيه بيني وبينك ...
... انا بتمكنالك الخير .. والله يوفقك

[abu marwan]

شو بدكن احسن من شب اكابر لدرجه ما طبيعيه وخدوم جدا ومتعاطف جدا ومتفائل جدا جدا

والله شهادتي فيه مجروحة لساهد
بالفعل شب أكابر فوق ما تتصورو

[ذئب روما]

الله يعطيك العافية حبيبي بشار على استضافتك الكريمة لأخونا ساهد .. وعن جد شخص رائع بكل معنى الكلمة ومهما تكلمنا نبقى مقصرين ....مشكوور...


ذئب روما

[حمودة الحطيني]

احلى ابو السهووووووووووووووووووووود

[نوار مالك مجبور]

مجرووووووووووحة شهادتي

بأسد بني أمية


الله يوفقو و يرجعو بالسلامة


ابو النور

[الطير الحطيني]

الله يوفقوا بمهمتو بالإمارات إنشاء الله بضل حطييييييييييييييني أصيل

ب انتظار ساهد بس يا شباب ماحدا فيكون سأله لهلأ غيري
سهود كيف شفتلي الامارات ؟؟؟

[ابو الليل]

السلام عليكم

ساهد شلونك.

من وين بالشام؟

شو الأكلة المفضلة؟

كم مرة حبيت؟

وبتمنى لك التوفيق

[الحوت المهاجر]

الشباب بالمنتدى كلها خير وبركة وبوجود هيك شباب رح نشوف منتدانا ان شاء الله قريبا

الاول عربيا وشوي شوي منصير عالميا كمان لي لاء

مو ضروري بعدد المشتركين بس الاهم بنوعية الاشتراكات وغناها وتنوعهاااااا

ووانت كمان بشارو ما شاء الله عليك والكل خير وبركة

[SAHED]

بسم الله الرحمن الرحيم

بشار الرائع ما بعرف شو بدي أحكي بس إنت صدمتني بكل معنى الكلمة أول صدمة كانت بتشريفك ومشاركتي مهمة إشراف منتدى قناة حطين وهاد طبعا فخر إلي لأنك عضو من أروع الأعضاء وانشطهم يلي بضمها منتدانا وتاني صدمة كانت بإستضافتي بموضوع كنت انا استضيف فيه الأعضاء وهاد الموقف ما كنت متوقع إني إتعرضله 36_1_21[1].* بس فعلا من أروع المواقف .
بشكرك على المقدمة الرائعة النابعة من قلب إنسان حطيني أصيل .
وأنت عطيتني أكتتر ما بستاهل لأن كل شي بشتغله بالمنتدى كرامة لعيون حطين وعشاق حطين وهاد فرض علي إني ساويه قبل ما يكون واجب وعلشان يبقى تاريخ نادينا محفوظ ومتاح لكل الحطينين وغير الحطينين وإن شاء الله العودة ستكون قريبة جدا لي وستكون عودة قوية بمجموعة أهداف حطينية تتجاوز ال 150 هدف من أجمال أهداف فريقنا الغالي .
اسئلتك بصراحة أول مرة حطيت هي الاسئلة كنت حس إنها رغم بساطتها إلا إنها بدها مجهود كبير للغابة عنها واليوم إنت حطيتني بحالة الإجابة ":hl وإن شاء الله أقدر أكون عند حسن ظن الجميع تحياتي لك ولجميع الاعضاء الاخوة الرائعين .


1- عرفنا عن نفسك بكلمات موجزه ؟؟ من هو ساهد الموعد؟؟

ساهد الموعد من أصل فلسطيني والام سورية مقيم في سوريا منذ ولادته حاصل على شهادة هندسة تدفئة مركزية وكهرباء منزلية من مركز تدريب الامم المتحدة وشهادة صيانة أجهزة النقال من أكاديمية دار عمان العمر 26 سنة أعزب

2-كيف انضميت للمنتدى اول مره ؟؟

بصراحة اول مرة دخلت فيها لهون كانت بالغلط لأني كنت ادخل الموقع السابق بس ما كنت لاقي يه شي وبالصدفة دخلت لهون وشفت الجو الاسري الرائع المليء بالاحترام اول فترة ما كنت شارك مظبوط كنت اتصفح وبس بس بعد فترة شهر يمكن وجدت موضوع تهنئة بعيد ميلادي وهون حسيتها شغلة كبيرة جدا ومن وقتها ما قاطعت المنتدى

3- ماذا تعني لك الحياة ؟؟

الامل - الحب - القوة

4- طموحاتك وكيف تتمنى ان يكون مستقبلك ؟؟

كل إنسان عنده طموحات وطموحاتي أكيد متل اي إنسان العيش عيشة كريمة وكل ما إستطعت تطوير نفسي أكيد رح كون جاهز

5- شو بيعنيلك حطين؟؟

حطين حطين حطين
اذا بدي اكتب شو بيعني فهيك راحت الحكاية للصبح ورح اختصرها بجملة وحدة
(( أي شيء رائع بيخطر ببال أي إنسان فهو حطين بالنسبة الي ))

تحياتي لك بشاروووووو

[SAHED]

أرسل أصلا بواسطة Rammstein

... والعيبه ما بتطلع منو مهما استفزيتو 36_1_11[1...
.. تحياتي ساهد .. يمكن من فتره كان في حساسيه بيني وبينك ...
... انا بتمكنالك الخير .. والله يوفقك

اخوي إعذرني إذا ئلتلك ما كانت حساسية بالعكس كانت نقاش بين اخوة في مكان واحد وتحياتي العميقة لك
36_1_11[1 36_1_11[1 36_1_11[1

[SAHED]

أرسل أصلا بواسطة أبو مروان الحطيني

شو بدكن احسن من شب اكابر لدرجه ما طبيعيه وخدوم جدا ومتعاطف جدا ومتفائل جدا جدا

والله شهادتي فيه مجروحة لساهد
بالفعل شب أكابر فوق ما تتصورو

أبو مروان إذا بدنا نحكي عن الاكابر والخدوم فلازم نوقف عندك مطولا لأنو خدماتك إلي كانت رائعة وتعبك معي ما بنساه .
تحية خاصة إلى فنان وشاعر ومصمم منتدانا الرائع

[SAHED]

أرسل أصلا بواسطة ذئب روما

الله يعطيك العافية حبيبي بشار على استضافتك الكريمة لأخونا ساهد .. وعن جد شخص رائع بكل معنى الكلمة ومهما تكلمنا نبقى مقصرين ....مشكوور...


ذئب روما

ذئب روما الكرماوي الرائع يمكن انا وياك حكينا مرة باحد مواقع الشات على ما أذكر وفعلا غنك شاب رائع واخلاقك عالية وهاد الشي ببين من حبك لحطين يلي بوازي حبك لفريقك الرائع الكرامة تحياتي الحارة لك

[SAHED]

أرسل أصلا بواسطة نوار مجبور/أبو النور/

مجرووووووووووحة شهادتي
بأسد بني أمية
الله يوفقو و يرجعو بالسلامة
ابو النور

يعني أبو النور كل العالم تحكي إلا إنت لأنو أنا ما بطلع نقطة ببحرك الكبير يا عاشق حوتنا الكبير لأبعد الحدود ومنك نستمد حبنا

[SAHED]

أرسل أصلا بواسطة ابو الليل

السلام عليكم

ساهد شلونك.

من وين بالشام؟

شو الأكلة المفضلة؟

كم مرة حبيت؟

وبتمنى لك التوفيق

هلا وغلا بابو الليل الغالي يلي ما بشوف بكتاباته غير الاخلاق العالية


من وين بالشام؟

انا عايش بمنطقة تدعى الزاهرة

شو الأكلة المفضلة؟

الاكلة الوطنية عندي هي الرز ببازيلا

كم مرة حبيت؟

حدا مسلطك علي إنت 36_1_21[1].* شو حبيت ما حبيت رح خليها حرئة بئلبك وما رح احكي 36_1_21[1].*

بسم الله الرحمن الرحيم

بشار الرائع ما بعرف شو بدي أحكي بس إنت صدمتني بكل معنى الكلمة أول صدمة كانت بتشريفك ومشاركتي مهمة إشراف منتدى قناة حطين وهاد طبعا فخر إلي لأنك عضو من أروع الأعضاء وانشطهم يلي بضمها منتدانا وتاني صدمة كانت بإستضافتي بموضوع كنت انا استضيف فيه الأعضاء وهاد الموقف ما كنت متوقع إني إتعرضله 36_1_21[1].* بس فعلا من أروع المواقف .
بشكرك على المقدمة الرائعة النابعة من قلب إنسان حطيني أصيل .
وأنت عطيتني أكتتر ما بستاهل لأن كل شي بشتغله بالمنتدى كرامة لعيون حطين وعشاق حطين وهاد فرض علي إني ساويه قبل ما يكون واجب وعلشان يبقى تاريخ نادينا محفوظ ومتاح لكل الحطينين وغير الحطينين وإن شاء الله العودة ستكون قريبة جدا لي وستكون عودة قوية بمجموعة أهداف حطينية تتجاوز ال 150 هدف من أجمال أهداف فريقنا الغالي .
اسئلتك بصراحة أول مرة حطيت هي الاسئلة كنت حس إنها رغم بساطتها إلا إنها بدها مجهود كبير للغابة عنها واليوم إنت حطيتني بحالة الإجابة ":hl وإن شاء الله أقدر أكون عند حسن ظن الجميع تحياتي لك ولجميع الاعضاء الاخوة الرائعين .


ــــــــــــــــــــــــــــــــــــــــــــــــــ

حبيبي انا ضيف عندك بالاشراف وانت الاساس وبلاك ما بيسوى منتدى قناة حطين وانا لما حكيت عنك حكيت عن جوانب قليله عرفتا فيك وماحكيت عن كلشي وانت انسان اصيل وحطيني اصيل شو ما صار يصير وانسان بتحفظ الجميل وياريت كل الناس متلك يا سهود
قسما بالله كلشي قلتوا عنك ماكان مجاملة اطلاقا
وشكرا على كلماتك الرائعة يلي بتزيد اصراري على تطوير نفسي اولا وتطوير المنتدى اكتر واكتر
وبوجود ناس متل خالد وابو كمال والمحشية وصلاح
اي انسان بهالمنتدى بيرفع القبعة احتراما ..
حبيبي انشاء الله انبسطت بالامارات وبدي تحكيلنا شو عملت ومين شفت من الاعضاء سعيدو والشباب

[فاروق ابن البحر]

ااااااااااااااااااااخ يا شباب ما تركتولي شي احكي عن سهود حبيب قلبي وهادا اغلبكون اكيد ما اجتمع فيه بشكل شخصي كيف انا يلي اجتمعت فيه كتير ويمكن كنت اخر حطيني بسوريا ودعتو وقت سافر ساهد ساهد ساهد حبيب القلب صديقي واخي الغالي ويلي الو فضل كبير علي بالمنتدى وكان الو فضل كبير علي باحلى موضوع الي اهداف محمد جعفر شكرا الك اخوي ساهد وبالتوفيق الك بالامارات وعودة قريبة الى ( التضامن ) انشاء الله

بس سؤالي اخوي ساهد : انت كم مرة حبيت ؟ هههههههههههه اذا انا غالي عندك بتجاوب

[ديار]

السلام عليكم ورحمة الله و بركاته
فعلا أخي بشار ما قصرت والله يعطيك العافية على هالخطوة المميزة
أخ ساهد عندي كم سؤال:
1. شي تتمنى تحقيقه, و أخر حققته.
2.ما عنوان أخر كتاب قرأته؟و متى؟
3. أكثر ما تريد تجاهله عند غضبك.
مع الشكر والتمنيات بالتوفيق

[ابو البحر]

اخوي بشار مشكور على جهودك

الاخ ساهد
من الناس الرائعين صح انا ما تقابلت معك بس سمعت صوتك وتعرفت عليك وبالفعل انك انسان رائع
طبعا انا بدي اسألك ياغالي
كلنا منعرف انك ساكن بالشام سؤالي كيف بتتعامل مع الاشخاص يلي بيشجعو نادي غير حطين يعني بتحس بالوحدة معهم ولا عندك رفقات حطينية
وشو اهم شي بحياتك حاليا
والسؤال الاهم لو كنت رئيس نادي حطين شو بتسوي
مع تمنياتي لك بالتوفيق
اخوك ابو البحر علووووش