ناقشوا مبارتنا مع الحرية بواقعية

[abu kamal]

حطين × الحرية

حطين لدية 28 نقطة , الحرية أقل بنقطة كلاهما مهدد كلاهما مدرسة كروية كبيرة

موضوع للنقاش


--------------------------------------------------------------------------------

--------------------------------------------------------------------------------


1/ ماهي التشكيلة والخطة الأميز برأيك لمباراة الحرية ؟

2/ برأيك هل ستشكل مباراة الحرية المنعطف الأخطر حول صراع الهبوط ؟

3/ هل حطين قادر على تخطي عقبة الحرية بدون عناء ؟

4/ بحسب معرفتك للرية ماهي أبرز نقاط ضعفه وماهي ابرز نقاط قوته ؟

5/ إن تحقق الفوز يدخل الحوت أخيراً دوامة الأمان أليس كذلك برأيك ماهي مفاتيح تحقيق هذا الفوز ؟

[BaTiGoAl]

أرسل أصلا بواسطة abukamal

حطين × الحرية
--------------------------------------------------------------------------------
--------------------------------------------------------------------------------
1/ ماهي التشكيلة والخطة الأميز برأيك لمباراة الحرية ؟
بتصور بالخطة للي عم يلعبها 352 هي منيحة لفريقنا وان كنت بقول 442 افضل بس سؤالي ليش ما عم يلعبا؟بما انو جناحين عنا و2 هجوم نحنا ايام منحتاج والخط الدفاعي 4 فهو مؤمن عكل انا ما بيزعجني الا خطة 361 لانو دفاعية بحتة في بعض المواقف والصراحة حطين ما عم يعرف يحافظ على الهدف اذا كان فايز ((نقطة ضعف علينا))
2/ برأيك هل ستشكل مباراة الحرية المنعطف الأخطر حول صراع الهبوط ؟
انا متفائل من ناحيتي انو حطين رح يتجاوز هالمرحلة وبالفعل هي منعطف لانو في حال خسارتنا لا سمح الله وفوز الباقي فهي رح تشكل خطر كبير كتير خاصة انو اخر لعبتين صعبين كتير
3/ هل حطين قادر على تخطي عقبة الحرية بدون عناء ؟
اذا فكرو هيك فهن رح يخسرو ما في شي بيجي بالسهل اكيد اي لعبة بدها جهد وتعب ولعب من قلب ورب والحرية بما انو بهيك موقف فما رح تكون لقمته سهلة
4/ بحسب معرفتك للحرية ماهي أبرز نقاط ضعفه وماهي ابرز نقاط قوته ؟
الصراحة معرفتي ليست بالكبيرة بالحرية لكن انا اتابع ايام الو بعض المباريات هو فريق جيد وايام ينقصه التوفيق والحظ
5/ إن تحقق الفوز يدخل الحوت أخيراً دوامة الأمان أليس كذلك برأيك ماهي مفاتيح تحقيق هذا الفوز ؟
اللعب الرجولي -الثبات في الاداء عدم التراجع للخلف في حال تقدمنا بهدف لاننا حاليا من اضعف الدفاعات ((تالت اضعف دفاع في الدوري وتالت اقوى هجوم في الدوري)) والتوفيق من الله

وبالنهاية بشكر ابو كمال العزيز على هالاسئلة الحلوة وانشالله بالتوفيق لحطين

[مهند شاويش]

لنكون واقعيين كتير وما شوي لازم نعترف بإنو ضياع الفوز بلعبة الحرية معناه دخول دوامة حقيقية ما منعرف كيف رح نخلص منها
الحرية ما جاية على اللادقية سياحة ورح يلعب للفوز من الثانية الأولى
حطين لازم يلعب بتشكيلة 3-6-1 متل تشكيلة مباراة الجيش بالشام هادي التشكيلة بالشوط الأول بستنزف لياقة الحرية ومنحافظ على لياقة فريقنا للشوط التاني
لازم نلعب دفاع منطقة بنص ملعبنا ونحصر لعب الحرية بنص الملعب خلال الشوط الأول معفرض مراقبة مان تو مان على راس الحربة عند فريق الحرية
ممكن حدا يسأل معقول بارضنا بدنا ندافع؟
نحنة ما رح ندافع بس لأنو النقطة مهمة لازم نلعب بواقعية خاصة بالشوط الأول
بالشوط التاني وشو ماكانت النتيجة لازم تتغير خطة اللعب لتصير 4-4-2 مهاجمين صريحين ولازم نستغل أعمار لاعبي الحرية الكبيرة واعمار فريقنا الصغيرة كون معظم لاعبينا شباب بالتاكيد لياقة فريقنا رح تكون أفضل
شغلة مهمة كمان وهية لعبة الأعصاب نحنة لازم نلعب بأعصاب باردة ومع مرور الوقت رح تكتر أخطاء فريق الحرية بكل تأكيد اذا بقينا عم نلعب بتكتيك جيد وباعصاب مرتاحة
التشكيلة اللي لازم تلعب برايي :
عماد عيسى
-عمار ياسين-- وافي درويش -شادي ظرطيط
احمد والي - اركان مبيض -هشام عابدين -محمد فارس-سليم خضيرة-أسامة حداد
جمعة خضير
على الرغم من تراجع مستواه بس لازم يلعب مروان سيدة بالشوط التاني كمهاجم تاني
المبارة ما رح تكون سهلة أبدا وبدها وقفة منيحة
بتوقع نفوز 2-1

[Rammstein]

انا عجبتني خطه 3-6-1 ..... لانو ما عنا غير مهاجم واحد مستواه منيح
اما التاني وما رح قول اسمه الله يعينو
المهم انا برايي لازم يلعب الوالي بمركزو الجديد وسط متاخر لانو حاسس انو الدفاع بيصير هيك مامن اكتر