مروان سيدة من المخطئ

مهند شاويش · #1 (**permalink**) 06/05/06, 07 :47 07:47:47 PM

جمهورنا العزيز لاعبنا مروان سيدة
ما هكذا تكون العلاقة بين اللاعب والجمهور فما صدر من الجمهور تجاه مروان سيدة غير مقبول باي شكل من الأشكال وكذلك ردة فعل مروان سيدة غير مقبولة باي شكل من الأشكال
لكن لكل فعل رد فعل يساويه بالشدة ويعاكسه بالاتجاه
شتائمكم يا جمهورنا العزيز لم تعد مقبولة وتخصيصكم لموشحات تخص لاعبين بعينهم بات امرا غير مقبول
الموسم الماضي كان محمد فارس نجم الشتائم الجماعية من الجمهور وكذلك اركان مبيض وعلي حسونة هذا الموسم ياسر عكرة وشادي ظرطيط ومروان سيدة
إلى اين يا جمهورنا الكريم ؟
فوالله إنه امر معيب ومخجل ومحبط ما يصدر منكم وتعملون على تفعيل الأزمة داخل النادي ولا تحلونها كنت اتمنى من مروان سيدة ان يقوم بشكركم بدل ان يرد عليكم بمثل ما فعلتم لكنه اخطأ مثلكم وخطؤه غير مبرر وعليه ان يعتذر
لكن يا جمهورنا العزيز إلى اين وإلى متى ؟

Kh@led · #2 (**permalink**) 06/05/06, 08 :04 08:04:37 PM

بالفعل ... شي معيب..أنا كنت بارض الملعب و سمعت شغلات ما توقعت انها كانت بتوصل..

اول الشي ضاعت الطابة من محمد ابو الريف...قام بسمع واحد بيقول ...ما شغلتك...

و كمان طابة تاني ضيعها ابو الريف..مع انو كانت النتيجة 3-0 النا.... سمعت واحد شتمو لابو

الريف...و المرتين سمعون ابو الريف...و كمان بالشوط الاول ... والنتيجة كانت 1-0 النا...

مابشوف قنينة ماء بارض بزتها واحد من الجمهور على الحكم المساعد و الله ستر ما اجت

عليه... يعني لشو هل الشي يلي ما لو طعمة...وعنجد شي مخجل ...

والعلقة صارت قال لانو السيدة شتم حدا من الجمهور.... فرئيس الرابطة عد حالو انو هو بيمثل

الجمهور كلو ..فيعني انو السيدة عم يسبو ...فعلق معو... هاد غير الحركات يلي عملها برى

الملعب...عيب ...والله عيب

maher norway · #3 (**permalink**) 06/05/06, 08 :29 08:29:47 PM

فالج لالالالالالالالالا تعالج

juventini · #4 (**permalink**) 06/05/06, 09 :02 09:02:10 PM

لا حول ولا قوة إلا بالله.. عن جد يا مهند شي بيخجل.. العما بعينون هالبهايم اللي بين الجمهور شو بدون و شو بيرضيهون؟ يعني ما عاد الواحد يعرف من وين بدو يراضي شلل البهايم اللي مندحشة بالجمهور.. يا زلمة.. علة الجمهور السوري منتشرة بكل الفرق.. تخيل يا رجل حتى هون بأبو ظبي بلعبة الكرامة اشتغلت المسبات عالحكم و الله ستر إنو كان أجنبي ما فهم شو عم ينقال..!!! ما بعرف شو بدي قول.. بس بالنسبة للاعب مروان سيدة من حقو يزعل و ينقهر بس ما لازم يتفاعل مع الجمهور بهالطريقة.. ممكن الغضب غلب عليه بس لازم يطول بالو أكتر من هيك و لا يخلي شلل فاسدة و تافهة تعكر مسيرته بالنادي..

BaTiGoAl · #5 (**permalink**) 06/05/06, 09 :14 09:14:49 PM

لا حول ولا قوة الا بالله ... انا ما حضرت اللعبة والصراحة قرفان احضرا بالملعب من هيك ناس لانو اذا بشوف هيك مناظر قدامي ...
لك ما معقول لك ابن مدينتي وبلدي ولك عالاغلب بيقربني بروح بسبو؟؟؟!! قسما بالله عيب عيب والله عيب لايمت؟؟ يا جماعة ...لايمت لازم نلاقي حل؟؟؟!!!
يعني والله ما بعرف لاعب ابن نادينا عم نسبو شو يعني بس واحد من ياللي عم يسبو شو يعني ؟؟؟!!!
يا ريت لو واحد من اللي عم يسب يحط حالو محل اللاعب وقتا يقلي ... انا رضيان انسب !!!!

SALAHDIN · #6 (**permalink**) 06/05/06, 11 :47 11:47:54 PM

شو بدك تساوي إذا أعضاء الرابطة الأغبياء .

Samer · #7 (**permalink**) 07/05/06, 03 :21 03:21:44 AM

يعني و الله عجيبة بسبو عالخسارة اما علفوز هي جديدة. شو القصة

abu kamal · #8 (**permalink**) 07/05/06, 07 :21 07:21:51 AM

بالفعل ... شي معيب

Saeedoo · #9 (**permalink**) 07/05/06, 08 :42 08:42:37 AM

والله العظيم عيب ....لأيمت بدهم يضلو هالجهلة بالجمهور ..

لازم تكون رابطة المشجعين ناس فهمانة وتوقف هيك مهازل ...

والله صارو بيقرفو الواحد اللعب

juventini · #10 (**permalink**) 07/05/06, 08 :44 08:44:34 AM

لهالسبب متل ما حكينا من قبل.. هالعالم السفيهة ما بيهمها حطين فاز ولا خسر.. جاية عالملعب لإنو ما في حدا بالقهوة و جاية عالملعب منشان تسب و جاية عالملعب منشان تعوض احساسها بالعجز و النقص و فراغ الشخصية.. جاية عالملعب منشان تشرح لكل العالم الأصل الشريف و الطاهر اللي طالعة منو, و شو أفضل طريقة من السب و الشتم لحتى تفرجي العالم قديش إنها ولاد عالم و ناس؟؟؟؟ كل واحد سب لازم يعرف إنو شمل حالو بالمسبة مع المسبوب مين ما كان يكون.. بس بدك تحكي هالحكي للناس اللي بتحس و بتفهم ما لهالبهايم اللي ما بيعرفوا الخمسة من الطمسة و لا بيميزوا الكومبيوتر من التلفزيون و لا الريموت من فتاحة العلب..!

نوار مالك مجبور · #11 (**permalink**) 07/05/06, 03 :46 03:46:43 PM

العمى على هالرابطة ياللي بتهوي العمى/ الكبير /ما بيمثلنا لحتى رئيس رابطةبنادي رياضي بدو يمثلنا .
أبو النور

maher43 · #12 (**permalink**) 07/05/06, 08 :29 08:29:31 PM

معك حق خالد يعني اذا بيروح اللاعب فرصة بيسبوووه واذا جاب كووول الكل بيصفق يعني اللاعب احيانا يحطىء واحيانا بيجيب اهداف و يعني لازم نشجعوا ونوقف معوا
هديك السنة اكلها محمد فارس مسبات كبيرة وهالسنة اتحسن مستواه كتير و الكل بيصفقلوا
طولوا بالكم على الشباب يا شباب

juventini · #13 (**permalink**) 08/05/06, 09 :16 09:16:25 AM

ما حدا عم يطول بالو عاللعيبة يا ماهر.. هيدول العالم اللي بتسب اللعيبة عم تسبون بسبب و بدون سبب.. و حتى لو كان المستوى رديء فما بيجوز أبداً أبداً حدا ينسب بهالطريقة العلنية المقرفة..

BaTiGoAl · #14 (**permalink**) 08/05/06, 02 :59 02:59:36 PM

المشكلة تعا فهم الامي ... انو ما ينطق هيك حكي ...
فالج لا تعالج فعلا ... اللاعب دامو شارك باللعب وتاقلم عاللعب بمشاركاتو اكيد رح يادي ويعطي انشالله لا تنسو مروان لسا لهلق ما اخد فرصته معلش نحكي الصراحة ... بغض النظر عن اداؤو ...هو هلق واجب عليه يحاول يحسن ادائه ويشتغل على حاله بس بنفس الوقت لازم يعطوه الفرصة الكاملة لانو ما في لاعب بينزل من بطن امه عالملعب لعيب وقد الضغط والتشنج اللي بسويه ... جمهورنا على اللاعبين حرام والله حرام ...بس شو بايدنا نعمل

juventini · #15 (**permalink**) 09/05/06, 07 :09 07:09:08 PM

و هي وقفوه لمروان سيدة.. الحق على مين!

BaTiGoAl · #16 (**permalink**) 10/05/06, 02 :25 02:25:59 AM

تجي عالصراحة الحق على الجمهور ... قبلو ...
للصبر حدود عقولة يمكن ام كلتوم

نوار مالك مجبور · #17 (**permalink**) 10/05/06, 02 :46 02:46:22 AM

عوجة لك أمة الله عوجة /إذا البلد عوجة كيف جمهورها .
أبو النور

مهند شاويش · #18 (**permalink**) 10/05/06, 05 :11 05:11:07 AM

يعني انا بفهم بإنو مروان سيدة بيستاهل العقوبة
بس اللي صعب افهموا انو كيف بيتعاقب لاعب على هيك تصرف وما بيتعاقب غيرو
في لاعب لعب كل الموسم وكان الو عز بمسباتو ومشاكلو مع الجمهور وما كان حدا من الادارة يسترجي يقلو مين انت بعتقد كلامي واضح على مين عم احكي
وكنا نشوف عقوبات خلبية متل حرمان من الراتب بس كنا نعرف على اي مكتب يروح ليقبض راتبو
تطبيق القانون والنظام على الكل امر ممتاز
بس خيار وفقوس مصيبة ما بصير

juventini · #19 (**permalink**) 10/05/06, 09 :53 09:53:54 AM

اقتباس:

أرسل أصلا بواسطة italiano

تطبيق القانون والنظام على الكل امر ممتاز
بس خيار وفقوس مصيبة ما بصير

هيدي هي المصيبة..

Rammstein · #20 (**permalink**) 12/05/06, 03 :36 03:36:03 AM

No CoMMenT
رابطه نشح
كللن بتحسن هبابير وما بيفهموا شي لا بالطابه ولا بالتشجيع المظبوط
يعني شو الفايده اذا سبو اي لاعب ......

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات