الى رابطة المشجعين

[sailor]

تحياتي للجميع
والف مبروك الفوز الجديد اللي اعاد الثقة بالفريق
انا حابب اطرح مشكلة مهمة بتخص الجمهور واحترام الجمهور
دائما مباريات حطين بتشهد اقبال جماهيري جيد برغم وجود احيانا البرد او الحر الشديد
دائما الجماهير تزحف الى الملعب لمساندة الفريق ... لكن ماذا نلاحظ؟؟؟
ابواب الملعب مغلقة باستثناء باب واحد او اثنين.... نرى التدافع قرب الابواب
حتى عند الخروج من الملعب نلاحظ نفس الحالة
الا يستحق هذا الجمهور الوفي قليلا من الاحترام من قبل ادارة النادي وهو الداعم الرئيسي
للنادي؟؟؟؟؟؟؟؟
ياجماعة السنة الماضية حضرت مبارة حطين والاتحاد بحلب وكان حمهور ملعب السابع من نيسان يزيد عن 20 الف متفرج
اتوقعت اني مش رح اقدر ادخل بسهولة.... تخيلو دخلت خلال ثواني وبدون ماالمس كتف اي مشجع تاني
كمان الخروج كان كتير سهل مع اني كنت جالس مع جماهير الاتحاد
ارجو من ادارة النادي الاهتمام بهذا الموضوع... كما ارجو من رابطة المشجعين متابعة الموضوع للوصول الى نتيجة
كتير من الناس بطلت تحضر المباريات وانا منهم لهذه الاسباب

شكرا للجميع

[الحوت المهاجر]

موضوع مهم اخوي والله منعاني منو كتيرررررر باللادئية وبغير ملاعب بيكون الضغط اخف لان البواب اكتر ياريت يدرس الموضوع ويشوفو حل

[amino]

نحكى بهالموضوع كتير كتير
بس ما حدا عم يسمع....المهم المطرح دافي

[Saeedoo]

ملاحظة مهمة وصحيحة ...

نرجو من القائمين على تنظيم المباريات ودخول الملعب مراعاتها

المشكلة عنا عناصر حفظ النظام مصيبة


بدك تدور علغة تفاهم معهم لتوصلهم الفكرة

[ابو الليل]

السلام عليكم

لاتنده مافي حداااااااااااااااااااااااااااا

[Mekdido]

يعطيكن العافية شباب ... بالنسبة لهل المشكلة إذا إنت احترمت حالك و أنا احترمت حالي ودخلت بطريقة مزوقة فغيرك ما رح تفرق معو ... بقلك يالله جايين نتسلى و بعدين ببلش يكبر راسو و يفتعل المشاكل

[sailor]

عزيزي mekdido المشكلة مش بالجمهور المشكلة انو ابواب الملعب مغلقة باستثناء باب او اتنين
يعني جمهور حلب معروف مستواه ومع ذلك بتدخل الملعب بدون ماتلمس اي انسان لانو كل الابواب مفتوحة

اكيد لازم يكون حل.... لازم رابطة المشجعين تشكل وفد وتناقش الموضوع مع الادارة
واذا مااستجابت الادارة ممكن تصير خطوات عملية اخرى مثلا تنظيم مقاطعة لمبارة واحدة اظن كافية انو الادارة تستجيب ينظمو الدخول بفتح ابواب الملعب كلها
طبعا هيدا بسبب حرصي على نادي حطين ...وانو نكون راقيين ونختلف عن باقي الاندية
لانو معروفين اهل الساحل انهم مثقفين وعندهم احساس عالي

تحياتي للجميع

[باتي البرشلوني]

مشكور اخوي

لاتعليق شو بدنا نحكي

[محمد نور]

خي للأسف انطرح الموضوع كذا مرة ونحن اللي علينا منحكي والجهات المعنية تسمعنا وتنفذ
وببداية الدوري انطرحت هون بالمنتدى أفكار ممكن تصير دستور للملاعب بس للاسف أصحاب القرار الرياضي بضلو (مطنشين) لانهم بيعتقدو انو نحن لسا جيل جديد ما منفهم بهيك شي
وبالنهاية منتمنى دائما يكون إلنا اذن صاغية لأنو نحن مطلعين على العالم عبر الانترنت عكسون هن اللي للأسف أغلبهم لايفقهون بشيء يسمى (كمبيوتر)
وخليها على الله
أخوك محمد نور

[Bayren]

مرحبا شباب

شكرا أخي العزيز على هلا الطرح المفيد للموضوع الذي بعتبروا من المواضيع الهامة

معك حق دائما في أبواب كتير مسكرة.......بتوقع العملية بدى تنظيم أكتر

ما منقدر نقول إلا إن شاء الله خير ........

[T . AJJAN]

مشكور على الموضوع المميز متلك
بس هذا الطلب راح نطلبو من ادارة الموقع حتى هم يقوموا بتوصيل راينا الى ادارة النادي
حطين شو بدك جمهورك كلو حدك

[أبو هشام الحطيني]

الله يبارك فيك يا أخوي Sailor لأنك عم تحكي مظبوط لما بيكون التنظيم كويس بالملعب على الماخل و المخارج بتحس حالك بمنظر حضاري بيرفع من سوي الحوت
بس أنا بقترح اقتراح انو تتكون رابطة المشجعين و تاخد الموضوع على عاتقها بالتنسيق مع الادارة بشكل طوعي و أن يكون لأعضاء الرابطة زي موحد مع بطاقة تعريف بالمنظمين ليقومو بدور التنظيم لأنو اذا بدك تعتمد علادارة ... وصلت !!!
و بالتوفيق للحوت

FORZA HUTTEEN