آن الأوان يا حطين

[عتيق]

الناس على المشاركة بكل لعبة للحيتان والبروشورات بتتوزع كل خميس بمجهود الشباب
يلي بحب حطين لنسهل الموضوع ا كتر بنعمل التصميم وبنبعتوا على المطبعة
وبنعمل 4000 او 5000 نسخة وبتتوزع على الناس يلى مقاطعة اللعب بشكل عام

[basharo13]

الف شكر الك على هل الموضوع ولازم الكل يتكاتف ليصير للنادي دخل حلو وجيد وانشالله بينجح مشروع اللافتات الاعلانية بس هل المشروع وحدوا ما بظن يكفي بس على قولة الثل بحصة بتسند جرة

[عاشق الآغا]

في اقتراح بأني يلعب الفريق لعب خارجة عن الدوري ويكون سعر الكرت فيها شيء رمزي وبعتقد أنو الجماهير ما بتمانع بالعكس بتركض ركيض وهالمدخول بيرجع للنادي وفي اقتراح تاني من كام سنة نزل شريط لحطين { واللي عندو ايها لا يبخل علي فيه وياخد شو ما بدو حق نسخو لأني الشريط اللي عندي راح بحريق البيت } المهم اي أنو ليش ما بينزل بالسوق هيك شي مرة تانية والعالم بتصير بتشتري اسيديات وبيرجع المدخول للنادي أو كمان في اقتراح أني حدا بالملعب بأي لبعة كانت يصير بيع البسة للاعبين حين ويكونو موقعين عليها أو كرات الخ..... { بس انشالله يكون توقيعهم حلو } ومنشان الأعلان على السيدي بينحط بفلات بالملعب قبل وبين الشوطين بحطو أغاني لحطين منها بتشجع اللاعبين وتجنن الجمهور ومنها العالم بتطلع من الملعب لعند البياع ليجيبوه وهيك بتكونوا خلصتوا جمهور حطين من الديجيتال ومشترات سيديات هيفاء وهبي ونانسي عجرم او نسقو مع الفنان وفيق او غيرو يعني المهم شو رئيكم ؟

[maher43]

بالتوفيق للحوت

[Bayren]

و الله الاقترحات حلوة يا شباب

و منوعدكم اذا طلعت المجلة رح

يوصل صوتكم للكل

[BaTiGoAl]

للرفع حاليا قيد المناقشة.....

[أبو هشام الحطيني]

أرسل أصلا" بواسطة Kh@led
قريبا رح يتم تركيب 35 لوحة اعلانية حول اسوار النادي .. و رح اتدخل ما يقارب 4 الى 5 مليون كل سنة

شو صار بهالموضوع ؟؟؟!!!

[ehab]

وليش ما يكون للنادي مشاريعو التجارية الخاصة بغض النظر عن المحلات الي على طرف النادي مثلا البركة نحنا في عندنا باللادئية ومن محبين النادي والداعمين الاساسين الو كتير تجار ترانزيت ليش مثلا ما بيعملوا كام صفقة من رأسمال تابع للنادي ولخزينو النادي و كام صفقة مع الربح بيصير للنلدي راسمال عميشتغل بشكل مستقل يعني يتم تاسيس شركة خاصة بالنادي وادارتها مستقلة تماما عن ادارة النادي ولكن ايرادات الشركة تعو للنادي ولمصاريف الفريق و و و وهيك بيكون النادي متل شركة تجارية وبيغطي مصاريفو بنفسو والله اذا الداعمين بيساعدوا النادي بهالطريقة انا برايي الشخصي بيكونوا اسسوا فعلا نادي نموذجي لسورية كلها اذا ما قلنا لمنطقتنا كلها و ع العموم بتضل فكرة وبتعبر عن رأيي الشخصي بس مع فائق الاحترام والمودة لكل من يحب نادي حطين

[الامير totti]

افكار بمجملها حلوة .. ونحن كاعضاء بحاجة الى الافضل والاوفر تكلفة ..
وان شاء الله رح نلاقي افكار كتير تخدم نادينا ...
يعطيكن العافية جميعا

[فتى المتوسط]

برأيي الفكرة اللي طرحها الحوت المهاجر (جوال حطين)ممتازة وخصوصاً أن شركة Mtn للاتصالات سقدم على طرح خدمة الثري بوينت فايف جي (3.5)g التي تتوافق مع أجهزة الجيل الثالث حسب ما هو متوقع قريباً في سوريا وهو مايفيد بنقل لقطات مباشرة لفريق حطين أثناء المبارياتالمختلفة

[BaTiGoAl]

أرسل أصلا بواسطة فتى المتوسط

برأيي الفكرة اللي طرحها الحوت المهاجر (جوال حطين)ممتازة وخصوصاً أن شركة Mtn للاتصالات سقدم على طرح خدمة الثري بوينت فايف جي (3.5)g التي تتوافق مع أجهزة الجيل الثالث حسب ما هو متوقع قريباً في سوريا وهو مايفيد بنقل لقطات مباشرة لفريق حطين أثناء المبارياتالمختلفة

الصراحة انحكى كتير بالموضوع بشكل عام والكل اتفق على انها فكرة رائعة وممكن تؤدي بنجاحات كويسة ....
بتمنى هلق من الاداراة ((ادارة الموقع)) تقدر ترسل رسالة لادارة النادي اذا امكن لنعرف راي المختصين بها الفكرة ... وما غلط ابدا متل ما صار سابقا شاركنا السيد راشد جعارة والاستاذ خالد مثبوت بمواضيع عديدة
يشاركنا احد اعضاء الادارة الحالية بمواضيع تم طرحها من اجل النادي يا ريت تصير ....
الموضوع قديم وما شفنا حراك عليه
بتمنى هلق يصير تحرك بشكل فعلي خاصة انو الدوري واقف وما في انشغالات
لازم نأسس تاسيس قوي بعد خمس سنوات تخبط...
من كل النواحي وكل هالشي بيحتاج لتخطيط من الادارة الكريمة وباذن الله ما بتقصر

[أبو بشير الحطيني]

مشكور على موضوعك الحلو