جريدة السنابل لاول مرة في اللاذقية

[alaadine-k]

ستكون جريدة السنابل الرياضية ذات المنشأ الحلبي متواجدة في مكتبات اللاذقية بدءا من يوم الاحد المقبل .. حيث ستخصص ادارة التحرير التي ارتات ان تكون اللاذقية المكان الثاني لتواجدها بعد حلب تمهيدا لتوسع انتشارها على مستوى سوريا .. والجدير ذكره ان السنابل ستتناول هموم اندية اللاذقية وتحظى بشعبية جارفة بحلب .. وتمتاز بجودة ورقها الفاخر وتغطيتها للفساد الرياضي وشجون الرياضة السورية . ومراسلها في اللاذقية علاء الدين قريعة

[الامير totti]

لازم يكون فيه هيك جريدة ...وخاصة انو صحف اللاذقية غائبة تماما عن الساحة الرياضية

[abu marwan]

الصراحة حسب ماكنت اسمع من الرجال القدامي انو كانت اللاذقية اكتر محافظة بيصدر فيها جرائد
وهالحكي من قبل العام 1950 وياريت لوترجع الاذقية لهديك الايام

[أبو هشام الحطيني]

اللادئية طول عمرا منبع الفكر و الثقافة و منبر للحقيقة
و شكرا" لإدارة هالجريدة على ثقتها بقراء الرياضة باللادئية و ثقتهم بمحلها

مشكور أخوي علاء الدين

[Saeedoo]

شكرا" علاء عالخبر

بس حسب معلوماتي أنو هالصحيفة غير محبوبة بحلب ومعروفة بإثارة الفتن والمشاكل

والله أعلم

بس من كتير شباب أهلاوية تحديدا" هيك خبروني من زمان

[alaadine-k]

اخ سعيد السنابل صحيفة شعارعا النقد ... تقويم وتقييم .. وتلقي الضوء على السلبيات لكنها تكرس الايجابيات

[Saeedoo]

ان شاء الله أخ علاء ...وأتمنى لك ولها التوفيق بمحطتها الجديدة باللاذقية

على كل حال أنا ما بعرفها شخصيا

بس عمبحكي عن مسموعاتي عنها

[الحوت المهاجر]

بالتوفيق استاذ علاء بمهمتك كمراسل للجريدة باللادئية وان شاء الله بيصير عنا باللادئية هيك جريدة بجهود الصحفيين الموجودين لازم يكون في هيك جرايد تحط ايدها على الغلط وتظهروا للعالم وبنفس الوقت توضع الحلول للمشاكل من دون تجريح وتشتغل بطريقة النقد البناء بعيدا عن العداوات الشخصية والمصالح