استثمارات لنادي حطين ( شاركونا الأفكار )

[SALAHDIN]

المال هو عصب الإحتراف . وبدونه لا يمكن لنا إنشاء إحتراف كامل , فمهما فعلنا لإنجاح هذا الإحتراف سيبقى منقوصاً إذا ما كان المال غير متوفر .
و نادي حطين ينقصه المال بشكل كبير فالنادي لا يمتلك إرادات سوى مدخول المباريات , وهي مداخيل غير كافية و متذبذة كون 95% من جمهورنا لا يأتي إلى الملعب إلا مع النتائج الجيدة ومع أول خسارة تراه يبتعد .
حتى أننا مللنا من عهد الوصايات لأنه لم يأتي لنا إلا بالمشاكل .
الحل برأي هو إيجاد استثمارات لنادينا تبعد عنه الوصيين وتبعد عنه الباحثين عن مصالحهم

لكن ماهي هذه الإستثمارات التي ستساعد النادي على تأمين مدخول مادي محترم .
أعتقد أنك تملك أفكار لذلك .
أتمنى ألا تبخل على ناديك بها لأننا سنقوم بجمع أفكارك و أفكار غيرك ونوصلها لأصحاب القرار .
ولا تقلل من أهمية فكرتك مهما كانت بسيطة
متل مابيقول المثل العامي ( بحصة بتسند صخرة )

يلا خلونا نبلش

[hosam]

المحلات اللي الون سنين يستفيدو منون بشي طريقة
او يعملو متل الاهلي مسابح ومقاصف
ولا تقلي منين المصاري

[SALAHDIN]

بالنسبة للمحلات أخ حسام فمشكلتها مشكلة .
فكانت تابعة للأوقاف بعدين للإتحاد الرياضي بعدين للبلدية .
والإدارات المتعاقبة حاولت توجد حل للموضوع بس الموضوع عالق بالروتين متلو متل محلات تشرين يلي راحو هلأ بالنفق .

[BaTiGoAl]

انا برايي يستثمرو ... براس مال صغير شي محل سياحي صيفي حاليا خصوصي اننا داخلين على صيفية وانشالله بيربح معن ...بس يفكرو بشوية عقل وينسو جيبتن الشخصية ... كلشي بصير
يعني مثلا سؤالي للادارة ...
كل لعبة بما انو المبلغ عما يكون 100 ليرة والجمهور قول 2000 على الاقل وهاد اقل تقدير
يعني اللعبة 200 الف بتطلع قول بالشهر 4 اسابيع يعني قول 400 الف بالشهر بجيبو مصاري من الجمهور طيب انا بسال ؟؟؟ هالمصاري اولا كيف كانت عم تنصر وهي كلا فعلا للنادي ولا عم يتقاضى قسم منا الاتحاد الرياضي او سين عين من الناس هي شي
تاني شي فيه لعب كان يزيد عليها المبلغ عن هالشي فكانت تفك ازمات فعلا وهل هي مجبرة على تعهد اللعب ؟؟ يعني اي متعهد عم يتعهد اللعبة عالاغلب عم يربح عحساب النادي خلص يا اخي خلي شو ما طلعت اللعبة ... ياخدها النادي ما احسن ما يربحها شخص مفرد ..؟؟
المهم هون لسا اول كلامي وبس استلم اجوبة من الادارة وشو احوال الماديات بالنادي ؟ لنا كلام اخر وشكرا يا صلاح عالموضوع

[مهند شاويش]

هالموضوع مميز بس صعب شوي

الأفكار اللي رح قولا بتمنى تعجبكون
كل أندية العالم بتتعاقد مع شركة البسة متل اديداس أو نايك او حتى ديادورا صح؟
ليش إدارة النادي ما بتتعاقد مع أديداس مثلا لمدة خمس سنوات ولرياضتي السلة والقدم مقابل مبلغ مادي سنوي تدفعه شركة اديداس للفريق سنويا وقبل يداية كل موسم؟
لا تنسوا هون انحلت مشكلة لباس الفريق

كمان دعاية سيريتل أو أريبا مسؤول التسويق بالنادي بيتفاوض مع كلا الشركتين وبشوف العرض الأفضل وكمان لمدة خمس سنين ومبلغ قبل بداية كل موسم مع زيادة هذا المبلغ سنة بعد سنة
أوشي شركة سيارات خليجية او اوروبية تعمل عقد مع الفريق كمان لهيك مدة وبنفس الشروط

(فكرة الليرة )

هيدي الفكرة بتتنفذ لما منقدر نوثق بإدارة الفريق وبإنو هالليرة رح توصل ممكن حدا يضحك يقلي شو هي فكرة الليرة
اذا وافقت طبعا القيادة الرياضية اللي بالتاكيد رح تعارض هيك فكرة او لازم يلحسولن شي لحسة .

خلونا نقول عدد مشجعي حطين 20000 اذا ما اكتر بكتير صح؟
لنقول في صناديق تبرع بمراكز معينة بمدينة اللادقية لصالح نادي حطين
اذا 10000 مشجع بيدفعوا ليرة يوميا (مانو موضوع صعب حتى للفقير) داخل هالصناديق رح يدخل للنادي يوميا 10000 ليرة وأسبوعيا 70000 وشهريا 280000 ليرة شو رأيكون مفاجأة مهيك فكرة سهلة وبسيطة بس العوائق كتير متل ما قلت

الجمهور لازم يوثق بالادارة ولازم نحصل على موافقة القيادة الرياضية يعني اذا ما بدكون تساعدونا خلونا نساعد حالنا ؟
ولازم حملة إعلانية لهيك موضوع وصدقوني رح تكون النتائج مذهلة

الدوري السوري صار منقول على راديو وتلفزيون العرب تمام؟

دخلكون ليش نادينا ما بياخد مصاري متل الهلي والزمالك لما بينقلولون لعبة ولنفترض انو عاملين عقد مع اتحاد كرة القدم ليش ماحقنا كنادي ناخد حصتنا وكل نادي ياخد حصتو
هيدي مجموعة افكار بتمنى تخدمكون وانشالله اذا طلع معي شي جديد بخبركون

[abu kamal]

ياشباب بدنا اقترحات بناءة اقتراحتكم
كلها معروفة لهلأ ياريت نتفاعل مع الموضوع بجدية أكبر
وتحياتي للجميع
بدنا شغلات جديدة
طروحات مميزة رجاءً

[juventini]

شكراً عالموضوع يا صلاح.. و أنا شخصياً بشوف بأفكار مهند شغلات كتير مبتكرة و ممكن بشوية اهتمام تكون فعالة جداً .. يعني بالفعل ليش ما بيتم التعاقد بعقود طويلة الأمد مع شركات رياضية تكون راعية للفريق بمبلغ مالي معين بيتم الاتفاق عليه بالإضافة بطبيعة الحال للملابس و الأدوات الرياضية.. يعني فريقنا عم يطلع على Art يعني الشركة اللي رح يحمل الفريق شعارها ما رح تكون رايحة بالعتمة..
و بالنسبة لموضوع التبرع بليرة فهيدا برأيي قمة في الفعالية فيما لو سادت الثقة بين الجمهور العاشق لحطين و إدارة النادي و لكن في الأجواء الحالية و مع الحالة النفسية للجمهور و ضعف الثقة بالإدارة بعتقد الأمر لسا بحاجة لوقت لحتى نفكر بتطبيقه.. و لكن بالمستقبل هيدي خطوة كتير مهمة و كتير فعالة..

نقطة أخيرة: في مشكلة بتسمعها لما بتحكي العالم منشان يقدموا شي للهدف اللي ببالون.. بتلاقي الكل من ناحية الكلام ما في منو بس وقت التضحية كتيرين بيفكروا من منطق: "و ليش أنا حتى ادفع ليش ما غيري بيدفع؟" أو "ليش أنا حتى ضحي؟ ليش ما غيري بيضحي؟"
لهالسبب بعتقد إنو فكرة الليرة كتير مهمة و كتير منطقية و واقعية أولاً لإنها من ناحية التكلفة المادية الشخصية تافهة و ما بينحكى فيها و تانياً من ناحية إنو ما في حدا بيقدر يجي بعدين و يضرب النادي و اللعيبة منية إنو و الله أنا اللي عم اصرف عليكون.. و هالفئة من الناس (اللي يتضرب منية) هي اللي كان إلها اليد الطولى بالوضع المزري اللي عايشو النادي حالياً..

لازم يتكاتف مشجعي النادي و لازم ننظر بعين الاهتمام لكل فكرة بتنطرح مهما بدت نظرياً صعبة التنفيذ.. و إلا ما يجي يوم و هالأفكار تصير واقع ملموس..

[SALAHDIN]

أول شي بالنسبة لموضوع الليرة فهو فكرة ممتازة ومجربة ونجحت سابقاً وبتصور لو الإدارة بتهتم بهالموضوع وبتجيب ناس يكون سمعتها جيدة على مستوى اللاذقية ويكونوا محل ثقة بتقدر كل إسبوع تجمع مبلغ محترم .
و أكيد الكل بيعرف كيف نابولي قدر يجيب مارادونا من خلال جمع تبرعات من أبناء مدينة نابولي .

[SALAHDIN]

أنا عندي 3 أفكار بسيطة شوي بس وقت بتكتر المشاريع الصغيرة بيكون مردودها مجتمعة كتير حلو


1 - متل مابتعرفوا قدام النادي عم تنعمل عقدة مواصلات وموقع النادي كتير استراتيجي بالنسبة لهالعقدة و بالنسبة كموقعه بمدخل البلد و نحن فينا نستفيد من هالشغلة بالشي التالي :
إذا منعمل واجهة النادي المطلة على العقدة كلوحة إعلانية حالياً موجود إعلانين واحد لسامسونج والتاني لبيبسي بس في مساحة كبيرة غير مستغلة بتوقع لو بينحط على كامل الواجهة إعلانات رح يكون في ريع كويس وبنفس الوقت بيحلى شكل النادي الخارجي ( بتوقع كيف ماكان أظبط من المنظر الحالي )
و إذا ما في خبرات بهالمجال بين أعضاء الإدارة فينا نعرض هالمساحة للإستثمار الإعلاني يعني منكلف شركات الإعلان هي تتولى هالموضوع مقابل عقد عن سنتين أو تلاتة وبتوقع إنو في كتير شركات رح توافق ( المستقبل - السوار - كونكورد ) كونوا متل ماقلت بس يخلص مشروع عقدة اليمن رح يكون موقع النادي كتير مهم .

2 - باقي شهر تماماً لكأس العالم و نحن محرومين من مشاهدتوا ( إلا إذا كنت مشترك بالart ) والكل رح يضطر ينزل عالقهاوي ولحق على عجئة وعلى دخان و أراكيل و العالم فوق بعضها ,
ليش ما بيجيب النادي شاشة عرض كبيرة وبيحطها مثلا بملعب السلة أو بأي محل تاني ( مقابل مدرجات ملعب التارتان ) وبيخلي الدخلة مثلاً ب 25 ل . س خلال الدور الأول و 50 مثلا للدور التاني يعني بتوقع العالم رح ترغب كتير تحضر اللعب بالنادي بالهواء الطلق بعيد عن جو الدخان و العجئة , يعني متل ماصار بلعبتنا مع الشباب السعودي , يعني بتوقع إنو هالمشروع بغض النظر عن مردوده المالي بيعمل جو حلو بالنادي إذا ماتم وضع أعلام الدول , وبنفس الوقت فينا نجيب شركات تعمل دعايات ونجيب مثلاً صوت الغد أو صوت الشباب .


3 - من زمان كان في شي إسمو صحيفة حطين ( مطبوعة ) بس هلأ انتسيت ليش ما منرجع منعمل هالصحيفة وخليها تكون نصف شهرية , يعني عم نشوف الرياضية و اللاذقية الرياضية و الملاعب والموقف وهالجرايد كلها عم يكون في مساحة مانها قليلة للإعلان , يا جماعة موضوع التسويق الإعلاني كتير صاير قوي عنا بسوريا ليش ما نستفيد منو بالنادي .
فبينحط إعلانات بهالصحيفة وبنفس الوقت بيكون في مردود ( ولو قليل ) من بيع هالصحيفة .

***********************************************************

بتمنى ماكون طولت بالشرح و بتمنى يضل هالموضوع منفتح على طول ويتناقش فيه الكل لأنو متل ماقلت هالأفكار كلها رح نوصلها لأصحاب القرار , وبشكر كل الشباب يلي طرحت أفكارها وبانتظار المزيد منها ومن الباقي .

[نوار مالك مجبور]

قد أسمعت لو ناديت حيا ///////// ولكن لا حياة لمن تنادي
أبو النور

[juventini]

كلامك جواهر يا صلاح و أفكارك كتير فعالة.. بدنا اللي يقدر يوصلها صح للإدارة..

[Kh@led]

انا براي مبدئيا ... ينعمل صالة انترنت بالنادي.... وباسرع وقت ... هاد مبدئيا ...

في عنا شباب مستعدة تشتغل ... و مستعدة تفتح

[Samer]

انا شايف انو موضوع الاستثمارات بالنادي ضروري ولكن بحاجة لعدة امور:
1. ان يكون بالنادي ناس امينين و يعملون لصالح النادي و ليس الجيبة بس هلامر ما ممكن برأيي لالسباب كتيرة و معروفة.
2. لازم يكون في مساعدة من كافة الاطراف مش بس الجمهور و اعني المحافظة و الاوقافو غيره و هذا شبه مستحيل لعدة اسباب.
3. تركيبة الادارية بالنادي و كل الاندية لا تبعث على الثقة خاصة مع غياب التنظيم الاداري و الانتخاب المباشر لرئيس النادي من الجمهور و اعضاء الادارة. مع عدم نسيان غياب لانتماء من كافة الاعضاء و الاهم هو غياب اكفاءة و المهارة في العمل الذي غالبا ما يكون جديد على صاحبه .
4. عدم تفعيل دور الجمهور من خلال الاشتراكات مع تقديم مزايا لاعضاء النادي كتخفيض بسعر البطاقة او اي نشاطات اخرى تقرب العضو من النادي. و لكن هناك خطة لابقاء الجمهور بعيد و الغاء اي دور اجتماعي للنادي. مع غياب العناصر المثقفة و وجود جهلة و غوغائيين يناسبون عمل البعض من تحت الطاولة.
5. شعور الكثيرين بان النادي هو احتكار للبعض و انعدام دور الاخرين مثلا رئيس النادي الحالي صرلوا بالنادي عشرات السنين و هو غير مستعد ان يعطي فرصة للشباب ليشتغلوا.
6. موضوع الليرة مهدئ و كذالك الاعلان و هو ليس بحل. انا من الناس يلي ما بتبرع حتى بليرة طالما النادي هيك لانو بعطي الليرة للفقراء احسن. حطين كنادي صار عندي فكرة و ليس شيئ موجود بعد ما صار و يلي عمصير.
7. انتفاء دور المبادرات الشخصية باستثناء المنتدى و ذلك لعدة اسباب ذكرة فوق او سباب تانية!

منشان هيك اخي ابو كمال انا شايف انو الوضع بقيان على حالو و اذا صار و نافسنا بشي سنة فهو طفرة او مبادرة من شي مخلص متل ما صار ايام كيفورك و المدارس الكروية.

[BaTiGoAl]

يا شباب هلق ليش ما منفكر اذا الادارة جمعت كل هالمشاريع مع بعضا والله بيطلعو مبلغ مرتب ومحرز وكبير .. بس يشتغلو من قلب ورب وعجبني اكتر شي بها الموضوع ...
فكرة الليرة او الخمسة مثلا وفكرة كاس العالم شاشة متل مباراتنا مع الشباب السعودي بالسنين الماضية الفكرة جميلة وبتعطي مربح وصدقوني كتير من الناس رح تجي كرمال النادي وكرمال حطين ...
وبالنسبة لاعلان عن حملة الليرة او الخمسة متل ما قلتو لا حدى يستقل فيها فممكن نعمل اعلان ... بالملعب يكون علم كبير متل العلام الي عم نشوفا هلق بالملعب يوصل للجميع وصدقوني فيه كتير ناس ما رح تقصر ... وانشالله اذا تكاتفنا رح يمشي الحال هي .. بالنسبة لشركات الرياضة ليش لا ما غلط ابدا ...
يعني انشالله يتنفذ كام مشروع من المشاريع اللي كتبتوهن النادي بوقف على رجليه ..انشالله اذا اشتغل الضمير انشالله عند الادارة ...يارب تنسمع كلمتنا ... وانا ما بعرف متفائل مع هالتكاتف خير لحطين ...

[juventini]

و الله يا سامر أثرت بالفعل عدة نقاط على درجة كبيرة من الأهمية بس زعلتني بالتشاؤم اللي بكلامك.. معلوم إنو ما حدا رح يحاول يقدم شي ما دام حاسس إنو النادي ما عم يمثلو.. بس ما معناه نتخلى عن النادي و نتركوا للهوا يلعب فيه.

[Samer]

و الله بجوز معك حق يا جوفنتيني. بتمنى لجميع المبادرات النجاح و خير نشالله

[BaTiGoAl]

قولو انشالله يا شباب ما في شي مستحيل نحنا ولا مرة اجتمعنا وتكاتفنا حتى نتشائم من الموضوع هي اول مرة بتجتمع ايادي حطينية تحت سقف واحد وكلنا ما ننسى انو الكل همو حطين وبس خاصة انو ما النا مربح من نادي حطين ابدا ...سوا حبنا وانتمائنا الو ...
فانا من ناحيتي متفائل لو تطبق كلشي منقولو فعليا بالنادي فصدقوني رح نتميز كتير عن فرق تانية والكرامة لا تنسو هيك طلع وطلع من محبة جمهورو المخلصة ... ئلو والادارة المنتمية لناديها

[juventini]

على راسي يا سامر.. و متل ما قلت محمد المحبة هي أهم شي عم يجمعنا منشان النادي..