بعض من يومياتي في البحار - نادي حطين السوري

نوار مالك مجبور · #1 (**permalink**) 29/01/07

بعد مرور فترة من السفر بالبحار و المحيطات والبعد عن الأهل و الأحباب

جلست في مقدمة السفينة في ليلة سوداء لا أرى شي فيها

كل ما حولي ماء

النجوم فوقي و القمر قد غاب

جلبت معي مصباح صغير وبدأت أكتب كالمشـــتاق :

أكتب لكم ....

من مرافيء غربتي و من شواطىء أحزاني

يوميات آلامي ...

و بضع من لحظات عشتها بيني وبين نفسي ربما سعيدا .... و ربما أعاني ! !

أكتب لكم بعيدا عن مطر بلادي..... و خبز أمي ..... و بعيدا عن وحيي و إلهامي ...

و عن أبي المجاهد في همومنا ....

و عن خلي و إخواني .....

و عن فرح لطالما أشتقت له ..... يطرد أشباح وهمي

و يقوي عزمي و إيماني....

و عن طفل // ابن اختي // أحببته كولدي

والله يعلم بأني زرعت فيه حبي و عنفواني ......

نوار مالك مجبور

أبو النور

26/11/2005

في نقطة من المحيط الهندي

قادمين من ميناء العقبة في الاردن

إلى ميناء كاندلا الهندي

نوار مالك مجبور · #2 (**permalink**) 29/01/07

كانت ايام حلوة ورائعة

وان شاء الله بشهر ايلول راجع على البحر

ادعولنا

....................

أبو النور

Teary Eyes · #3 (**permalink**) 29/01/07

في بحر تعانقت قطرات مياهه ..

يبحر قلب سيبقى دائما مشتاق ..

و في تلك الليالي السوداء ..
أنر شمعة ..
و اكتب لنا ..

ستصلنا كلماتك دائما ..
----------------------------------------------

أخوي الغالي ..
ما جربت السفر بالبحر .. و البعد عن الأهل و الحبايب كتير ..
بس بقـــدّر هالإحساس ..

بالتوفيق دائما

مهرتوو · #4 (**permalink**) 29/01/07

الله على الاحساس الرائع
ويرجعك على بيتك وخبز امك وابن اختك واكيد تكون بحبك الابدي وهو البحر

نوار مالك مجبور · #5 (**permalink**) 29/01/07

TEARY EYES

كالعادة تمرين على المواضيع كمرور الشعراء

.........................

mhrtoo

بشكرك على مرورك الجميل

....................

ابو النور

#6 (**permalink**) 29/01/07

الله الله يا ابو النور وين كنت مخبي هالمواهب كلياتا
شعر رائع وكلام من القلب
الله يحميك الهي

YOUSEF..MS · #7 (**permalink**) 30/01/07

ابو النور :
أنا من الاعضاء اللذين يفتخرو بإشارفك عالمنتدى الأدبي
كلام جميل كجمال اشرافك عالمنتدى
فما خرج من القلب سيدخل القلب
اتمنى التوفيق لك في حياتك البحرية

ابو مروان

الحوت المهاجر · #8 (**permalink**) 30/01/07

أكتب لكم بعيدا عن مطر بلادي..... و خبز أمي ..... و بعيدا عن وحيي و إلهامي ...و عن أبي المجاهد في همومنا ....و عن خلي و إخواني .....و عن فرح لطالما أشتقت له ..... يطرد أشباح وهمي كـــــــــــلام رائــــــــــــــع اخــــــــــوي ابـــــــــو النــــــــــــــــور

rayana · #9 (**permalink**) 30/01/07

fe3lan chi ra2e3 ana min lnes li ktir ktir btefte5er ina tet3araf 3ala nes metel abou lnour insen ra2e3 bikalimat la tousaf insan mawhoub wa ma7boub bi imanihi bi kalimatihi w bi 7oudourihi afta5er kama kal abou marwan anaka mouchref w haza fe3lan chaye2 moucharref atamana laka kol ltawfik wal sa3ada laysa fakat bel ba7er alazi howa ajmal chay2 fi 7ayati bal bi 7ayatak kellaaaaa ma3 ahlak wma3 ba7rak wma3 kel a7bebak allah ye3tik alef 3afye

نوار مالك مجبور · #10 (**permalink**) 30/01/07

حطيني مغترب

بركة منتدانا كلك زوء

.................................

الحوت المهاجر

تســـلم يا طيب

................................

ريانا

كالعادة بتدبحي الشخص ياللي عم تحكي معو بلطافتك وصدق تعابيرك

نفتخر بوجود امثالك بالمنتدى

....................................

أبو النور

نوار مالك مجبور · #11 (**permalink**) 30/01/07

اقتباس:

أرسل أصلا بواسطة أبو مروان الحطيني

ابو النور :
أنا من الاعضاء اللذين يفتخرو بإشارفك عالمنتدى الأدبي
كلام جميل كجمال اشرافك عالمنتدى
فما خرج من القلب سيدخل القلب
اتمنى التوفيق لك في حياتك البحرية

ابو مروان

شاعرنا الغالي

ابو مروان نحن تلاميذك

....................

ابو النور

ذئب روما · #12 (**permalink**) 30/01/07

ابو النور ياغالي ما بقدر أحكيلك شي خوفا من أنو أي شي كلمة تمرق معي وتعطل الكلمات اللي قبلها لذلك بقلك الله يوفقك ويرجعك بالسلامة وما قصروا الشباب ....

ذئب روما

أبو ناظم · #13 (**permalink**) 30/01/07

أبو النور مشاعرك هي جربتا صحيح مدة سفري ما كانت كبيرة (حوالي الخمس شهور وقت العطلة الصيفية للجامعة) بس البحر بحر

و انا عم اقرا اللي كتبتو تذكرت حالي من شي 11 سنة بالبحر الأسود
نفس الشعور و الاحاسيس
نفس الظلمة
نفس الشوق

بس بضيف
شعور كبير بالرهبة من عظمة البحر و جبروته
شعور الخوف من المجهول
شعور الحنين الى اليابسة

و صدقني يا ابو النور بعد 11 سنة من هالشي
و احترافي لمهنة اخرى بعيدة كل البعد عن هالمجال

بقول و بصوت عالي

أحن الى البحر و الى غموض البحر

مشكور اخوي و الله يبارك فيك و يحفظك
نفس ال

نوار مالك مجبور · #14 (**permalink**) 30/01/07

أنا ســـــــــعيد انو في شخص

قدر يحس ويتخل اللحظة ياللي كنت فيها

الله يوفقك كيف ما رحت يا أســــتاذ

............................................

ابو النور

ابو البحر · #15 (**permalink**) 30/01/07

اااااااااااااااااااااااااااااااه يا بحر
واااااااااااااه يا غربة
واااااااااه منك يا غاالي ابو النور
البحر كلمة كبيرة كتير وبتحمل كل المعاني فما بالك انو + غربة الواحد بدو يصير شاعر غصب عنو
ابوالنور نحن ولاد البحر وصدئني متل السمك اذا طلعنا منو منموت هو حياتنا

واخيرا الله يجمعنا بمرفأفلسطين فاتحين محررين والرتب عم تلمع على كتافك

اخوك ابو البحر

نوار مالك مجبور · #16 (**permalink**) 30/01/07

واخيرا الله يجمعنا بمرفأفلسطين فاتحين محررين والرتب عم تلمع على كتافك

..................................

دبحتني وربّ الكعبة

آمين آمين آمين

................................

أبو النور

Saeedoo · #17 (**permalink**) 30/01/07

رائع أبو النور

الله يسلم هالأنامل
مافي أحلى من الأحاسيس لصادقة أحاسيس الشخص نفسو مهما كانت بسيطة

غير النصوص المنقولة

صدقني أبو النور ...أحيانا بحسدك وبحسد المسافرين بالبحر ..

بالتوفيق ياغالي

الامير totti · #18 (**permalink**) 31/01/07

احساس مفعم بالعاطفة للوطن وكل ما يحويه الوطن ...

ان شاء الله ترجع سالم غانم يا غالي ....)

نوار مالك مجبور · #19 (**permalink**) 31/01/07

سعيدووووووو الغالي

لك شو بدك بهالسفر خليك

بالامارات على القليلة ايمت ما بدك تجي على سوريا فينك

بساعتين بتكون بمطار حميميم
...............................................

توتي يا غالي

بشكر مرورك العطر

وامنايتك الي بالسلامة

الله يحميك انت واهلك واحبابك

...............................

أبو النور

Saeedoo · #20 (**permalink**) 31/01/07

أبو النور مظبوطة وجهة نظرك

بس أنا عمبحكي هيك لأني بحب البحر ...وبحب الابتعاد هيك فترة استريحححححح

أحيانا ما في أحلى من العزلة لفترة بجنب البحر أو أي مكان بعيد عن البشر

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات