اقتراح يستحق المشاركة

[maher43]

السلام عليكم شباب
وانا مارق من فترة من جنب نادي حطين اطلعت على نادي حطين عنجد انئهرت من منظروا وشكلوا يعني معقول نادي كبير وفريق كبير ما يكون عندوا مقر خاص ئلوا وملك ئلوا وحتى النادي اللي هو فيه بالاجار عنجد عيب وكمان هالحكي بينطبق على نادي تشرين

طيب بقترح يعني وبما انو رئيس النادي من الاغنياء ومتوفر معوا مصاري يقوم بشراء ارض او مقر للنادي من جيبتوا الخاصة و يكون حولها محلات و مقاهي للاستثمار يعني انو رئيس النادي يقوم بالدفشة الاولى وما بعتقد انو يكون صعب على مدير النادي هيك خطوة كبيرة وبس يصيروا يشتغلوا هالمحلات و تجيب عوائد و ارباح فينوا يسترجع كل شي حطوا و شوي شوي بيقوى الفريق وبيطلع و هيك بيصير فعلا افريقنا مكان و مقر بيحترم حالوا احسن من هالمقر القديم
شو رايكم ؟

[ذئب روما]

والله اقتراح بدو سنين وسنين ليتفكّر فيه بعدين سنين ليتنفذ بس الله كريم وهاي أول مرة بسمع منك انو آجار.... وكمان شو دخلو رئيس النادي ليكون غني او فقير ليشتري هو اللي عليه واللي بحبو النادي انو يتبرعو ما يشترو أرض منشان بكرة وانا متأكد انو رح يندمو وحكيي مو بس على نادي حطين على أغلب الاندية.... ولو متل ما عم تحكي كان سوا الفريق معسكر خارج القطر مش بطرطوس وطبعا حكيي على نادي حطين لحبّي الو وغيرتي عليه ومشكور على الاقتراح الصعب كتير... ذئب روما

[damacian sowred]

لو كان الجمهور عند قلبو عل النادي لازم بدل التكسير بعد كل لعبة يشارك
بهيك موضوع و يكون لرئيس النادي نص دفشة لأنو بالنهاية هاد نادينا وكلنا
لازم نحمل مسؤليتو


ومشكور على الأقتراح

[YOUSEF..MS]

اول الشي بشكرك على هالاقتراح اللي بالفعل لازم يتنفذ
بس بقول في مواضيع ومشاريع ابدى من بناء المقر
وبمقدمتها الاستقرار الاداري

[myaroo]

اخوي مافي داعي يشتري ولا شي يساوي هل الارض الخربانة ويفتحا اي شي ويلي بيشتغل فية بعود الو بعدين فكرة تانية اخوي
ليش مابيساوي قهوة بالنادي او كفتريا صغيرة وربي انا متاكد انو مابتفضى يعني بدل الطابوشة مثلا حطين ؟
وماتئلولي انو مافي محل لاء في اولن بملعب السلة فوق المدرجات حطو حديد وسئف بس من دون شي تحتو بتمنى التفكير بهل الموضوع من اعضاء الادارة

[BaTiGoAl]

أرسل أصلا بواسطة ذئب روما

والله اقتراح بدو سنين وسنين ليتفكّر فيه بعدين سنين ليتنفذ بس الله كريم وهاي أول مرة بسمع منك انو آجار.... وكمان شو دخلو رئيس النادي ليكون غني او فقير ليشتري هو اللي عليه واللي بحبو النادي انو يتبرعو ما يشترو أرض منشان بكرة وانا متأكد انو رح يندمو وحكيي مو بس على نادي حطين على أغلب الاندية.... ولو متل ما عم تحكي كان سوا الفريق معسكر خارج القطر مش بطرطوس وطبعا حكيي على نادي حطين لحبّي الو وغيرتي عليه ومشكور على الاقتراح الصعب كتير... ذئب روما

اخي ابو روما ....
نادي حطين في مشكلة كبيرة محبين النادي هن اللي عم يمشوه ...
فهادي مشكلة كبيرة
يعني لازم نلاقيلها مخرج باكتر من طريقة كون مشروع واحد حاليا ما بتكفي مصروف نادينا وتمويله بشكل كامل...
مشان هيك لازم نعمل اكتر من مشروع ونطبق أكتر من فكرة لنوصل للمطلوب طبعا الامر بيستوجب فترة كبيرة لكن صدقني هاد اول طريق الخلاص لحطين ليبدأ المشي بالطريق الصحيح ....
تقبل تحياتي

[maher43]

يا شباب مشكورين على المشالركة
بس شوي نحنا بدنا الخطوة الاولى و بعدين بتمشي الامور صدقوني يعني بالعقل يكون في مقر نادي وحولوا عدة محلات استثمارية وتعتبر دين لرئيس النادي بياخدها من الاستثمارات و من المحبين و من ريوع المباريات و بس تتوفر المصاري شوي شوي شوي بيكبر مقر النادي وبتشوفوا الناس كلها رح تصير تشتغل و فينا نجيب لاعبين و مدربين بس بدنا الخطوة الاولى و بس تتوفر المصاري فينوا النادي يعمل اكتر من مشروع استثماري وهيك ما عاد بيصير المحبين يدفعوا كتير مصاري وبالتالي القرارات ما عاد تصير ملك للي بيدفع و ملك لهادا ولهداك
وعنجد يا ريت تتصول للنادي وفكرة تستحق التفكير ومانها صعبة ابدا

بس بدي ذكر انو النادي اجار مو ملك و هو ملك للاوقاف لهيك منعوا الملحات اللي كانت بدها تنبنى انو تنبنى ويستفيد منها النادي ومشكورين

[nawwar]

اقتراح حلو كتير بس بعتقد بدو وئت للتنفيذ وتخطيط مو بهالسهولة

[أبو هشام الحطيني]

رأيي مو المهم (حاليا") مقر النادي المهم حاليا" تأمين مصادر تمويل للنادي لحتى تكون الخطوة الاولى للتطوير
لازم الادارة و قوانينها تتطور
سدئوني لحتى تنهض بأي مؤسسة يا شباب لازم تتطور الادارة
شركة نيسان للسيارات باليابان بنهاية 2003 اعلنت افلاسها و قررت تغلق لكن بآخر لحظة ققروا اصحاب هالشركة تغيير الادارة و سلموها لواحد لبناني
بظرف سنتين رجعت الشركة أقوى مما كانت عليه بكل تاريخها من خلال تغيير اسلوب الادارة

اوكي خلوني ناقش معكم الموضوع ب نظرة اكتر شمولية
دائما الانسان لما بدو يعرف السبب لازم يعرف المسبب هيدي اول نقطه واهم نقطة
متل ما قال باتيجول نادينا حاليا عم يعاني من مشكلة كبيرة متعلقة بالمال ويتم دعم النادي من الاخوه الميسورين ماليا
طيب خلونا نشوف العائد السنوي للنادي كيف عم يتوزع
اول شي اجور ورواتب سواء للاعبين او الادارة وهي الشغلة مافينا نلعب فيها
وتاني شي استقدام لاعبين محترفين والتعاقد مع مدربين و القيام ب مواضيع هيكلة ومعسكرات خارجية وتدريبات للفريق وترميم واصلاحات وغيرو وغيراتو وطبعا الغالبية من المال عم تنصرف ل استقطاب لاعب محترف او 2
نحن حاليا اذا بدنا نبدا اكتر من مشروع يا باتيجول لازم يكون معنا احتياطي مادي منيح لحتى يغطي هالاستثمارات ولازم يكون عنا احتياطي مادي لحتى نمول العجز بهالمشاريع بحال لا سمح الله ما توفقنا فيها
اولا وكبداية لازم تنطرح المشكلة امام كبار المسؤولين في الاتحاد الرياضي وتوصل لاعلى المستويات ولازم يصير تعديل بخصوص الاحتراف ولازم يركز النادي من السنة الجاية على تطوير اداء اللاعبين الحاليين والتركيز على بناء فريق قوي من ابناء النادي والابتعاد عن استقدام المحترفين هي اولا
وتانيا ايجاد حلول مناسبة لمشكلة الحضور للملعب ومشكلة غياب الجماهير والاعداد القليلة الي بتجي عالمبارة وخصوصا بحال النادي كان عم يخسر وهادا الشي بيأثر كتير على مدخول النادي وبالتالي مارح نقدر نتحرك
فلذلك لازم توضع دراسة جدية لهالموضوع ومطولة لحل هالمشكلة الكبيرة
ولما نقدر نحن نتوصل لحلول معقولة لمشاكل الاحتراف ولكل الموارد المالية الي بتجي للنادي بنقدر نحن وقتا نعمل استثمار صغير او عدة استثمارات حول النادي الحالي دون الحاجة لشراء اراضي وعقارات وبناء واجراءات من النقابة وطابو ما بعرف شو
وهالاستثمارات الصغيرة كمان بدها دراسة لانو موقع النادي الحالي بظن انو جيد للقيام بهالاستثمارت بس اهم شي يكون عنا شي موجود بالخزينه واكيد لما يصير هالشي رح يساعدنا الاخوه الميسورين لما يشوفو هيك خطوات عم تنجح وعم تتنفذ وياريت الي عندو اي اعتراض على اي نقطة يقلي منشان نتناقش

[Bayren]

بحيك على هل المشاركة الرائعة انا يلي بعرف أنو رئيس النادي حاول هل الشي بسش كان في صعوبة كبيرة......

حتى في موضوع طرحتوا جريدة الرياضية

مشكورة, و نقلوا خالد على المنتدى تتحدث فيه عن المنشأت الرياضية

يعني لنكون واقعين ما حدا رح يصرف مبلغ متل

خمسين مليون ليرة لأجل نادي حطين((على الأقل

بالمستقبل المنظور))بتعرفوا أسعار الأراضي ...

بس ممكن نشتغل على مشاريع صغيرة لتطوير

النادي و تحقيق أفضل ما يمكن






بكل الأحوال تحية كبيرة على موضوعك.. و الموضوع للتثبيت

[maher43]

مشكورين شباب
بس اخي انا حكيت انو رئيس النادي بما انو انو معوا ومنيح بس يقوم بالدفشة الاولى و بس يصير في مقر وحولوا محلات واماكن استثمارية شوي شوي رح يطلع النادي ووقتها فينوا متل ما حكيت رئيس النادي يقوم باقتطاع اجزاء من المبالغ من ريوع المباريات ومن محلات الاستثمار وطبعا بالاتفاق انو يكون جزء ئلوا وجزء للنادي وشوي شوي بيطلع النادي يعني ليش مصعبين القصة كتير والله سهلة ولسة بدنا نعدل بقانون الاحتراف وبدنا نطلع للعالي وللاتحاد الرياضي وما بعرف شو لشو كل هالشي
كل شي فينا نعملوا بحالنا بس محتاجين بداية الطريق وهي شوي صغيرة صعبة بس ممكن تصير واذا صارت يعني وقتها النادي بيعتمد على حالوا واللاعبين و القواعد اللي عنا بتطلع وبتطلع و بعد كذا سنة بيطلع النادي

[مهرتوو]

والله يا ماهر اقتراح من الصعب انوو يصير وبرأيي انوون يعملوو شي احسن يعني يعملو شي مورد مالي ثابت وهي فكرة مقهة من الفكر المميز وكتير حلوة ولا شوو

[maher43]

افففف ملينا فكار عم نعطيكم فكرة معقولة كتير وما صعبة ابدا بس كونوا مؤمنين فيها وبتصير

[BaTiGoAl]

أرسل أصلا بواسطة bayren

بحيك على هل المشاركة الرائعة انا يلي بعرف أنو رئيس النادي حاول هل الشي بسش كان في صعوبة كبيرة......

حتى في موضوع طرحتوا جريدة الرياضية

مشكورة, و نقلوا خالد على المنتدى تتحدث فيه عن المنشأت الرياضية

يعني لنكون واقعين ما حدا رح يصرف مبلغ متل

خمسين مليون ليرة لأجل نادي حطين((على الأقل

بالمستقبل المنظور))بتعرفوا أسعار الأراضي ...

بس ممكن نشتغل على مشاريع صغيرة لتطوير

النادي و تحقيق أفضل ما يمكن






بكل الأحوال تحية كبيرة على موضوعك.. و الموضوع للتثبيت

مشان هيك انا دعيت لعدم الوقوف على مشروع واحد ما حدى فينا طلب ..
اقامة مشروع تجاري ضخم جدا بالوقت الحالي ......
كام مشروع صغير يتنفذ بنفس الوقت ممكن يسند النادي وممكن يفيد كتير .....
يعني الجميع هلق عينهن عالادارة... بصراحة وشو الخطوات اللي بدها تنفذها بخصوص المواضيع اللي انطرحت عنا بالمنتدى؟؟؟؟ هل رح تتنفذ ؟ ام لأ؟
وفي حال ما رح تتنفذ يا ريت حدى يدخل من الادارة يطرحلنا شو السبب

؟؟؟؟
لنلاقي حل لها السبب اذا نوجد

[maher43]

اذا صح لازم حدا من الاعضاء اللي هون اللي ئلهم علاقة بالنادي يطرحوا هيك مشاريع او مشاركات منشان نعرف

[فاروق ابن البحر]

المشكلة يا اخوي ماهر انو اندية اللادئية ما بثبت على ادارة يعني اذا رئيس النادي اشترى ارض على حسابو شو بيضمنلو انو يبقى رئيس للنادي لحتى يسترجع امواله المصروفة

[maher43]

معك حق اخي الكريم طيب بتصير يعقد مع الادارة و يكون في شورط لو اتغيرت الادارة او هيك شي يعني بتصير شوي تفكير
بس اليوم عم شوف جنب النادي شغلات حلوة كتير