منتخب الوطن_ اين انت

[أبو ناظم]

شباب السلام عليكم

حبيت اشرككم بمشاعر اليوم اول مرة بحس فيا من زمان, انا مقيم بالامارات و متل ما بيعرف الكل اليوم نهائي خليجي 18 (الامارات * عمان) مشاعر رائعة للاماراتيين نشيد الوطن أعلام الوطن الحديث عن الفوز و الكاس و مسيرات الفرح, نساء و اطفال و رجال و شيوخ في بوتقة واحدة و هي الامارات و حب الامارات.

لوهلة حسيت حالي معون و تفاعلت معون و نسيت تماما اني لا احمل جنسية الامارات و لكن مشاعر الحب و التفائل اللتي ملأت الشوارع و الاذاعات خدرتني ثم استوقفت نفسي:

لماذا في سوريا لم نشعر بهكذا فرحة منذ زمن (أكتر من 15 سنة) لعب المنتخب باتت محسومة خسارة من ايران و الاردن و الامارات و ........... فاصبحنا في موقع اية فريق لا يحسب لسورية اية حساب و باتت مباريات المنتخب في دمشق و حلب لا يحضرها الا النذر القليل من البشر مع عدم اقتصار الهزيمة على كرة القدم فامتدت لتشمل الطائرة و السلة و غيرها الكل في تطور دائم (انظروا منتخبات الاردن و عمان و حتى اليمن في كرة القدم, منتخب لبنان في كرة السلة و القائمة تطول) على الرغم من ان:

الموارد البشرية ممتازة
الملاعب موجودة
الحس الوقومي و حب الوطن موجود

اذا فاين المشكلة لماذا كتب علينا ان لا نشعر بهكذا فرحة, صدقوني ياشباب اللي عم حس فيه الليوم شعور كتير غريب, شعور متناقض مع كم كبير من الاسئلة تحتاج كتب للاجابة عليها.

ومع هذا فكللي امل ان ياتي يوم نتوجه فيه الى الملعب و نحلم:

الكأس لسوريا

[الحوت المهاجر]

موضوع رائع اخوي ابو ناظم وشعورك هادا كلنا منحس فيه ومنحلم فيه لان صار الانتصار عنا متل الحلم الوردي وصعب يتحقق
بتعرف شو الفرق بينا وبين هالدول والمنتخبات يلي ذكرتها ؟؟
بهادي الدول عندهم عالم مخلصة وضميرها حي وبتحب بلدها وهمها الوحيد رفع علم البلد لو شو ما كلف من تضحيات وخسارة بينما عنا الهم الوحيد كيف بدو يعبي جيبوا لان بيعرف هالكرسي مو دايم وبدو يلحق يلم اكتر ما يمكن
عنا في شي اسمو مصلحة شخصية ممكن خلي منتخب وطن كامل يخسر كرمال فشل رجل بمنتخب ان كان ادراي او مدرب او حتى اي عضو باتحاد اللعبة
الفرق عنا انو ما بحسبوا حساب مشاعر المواطن وبيهتموا لزعلوا وفرحوا
والله الواحد اخوي ابو ناظم حلموا بشوف منتخبنا بكأس العالم لي لاء ونفرح ونشجع ونطلع مسيرات ونفتخر ونرفع علم الوطن بالعالي احسن ما عم نشجع البرازيل وايطاليا وما بعرف مين ؟؟
شو بدنا والله الطليان غير شكل وفعلوها السنة الماضية 36_1_12:

[ذئب روما]

موضوع رائع اخوي ابو ناظم وشعورك هادا كلنا منحس فيه ومنحلم فيه لان صار الانتصار عنا متل الحلم الوردي وصعب يتحقق



بشارك أخوي الحوت بالرأي....

[ابو البحر]

اخوي ابو ناظم
مشكور كتير ياغالي
والله معك حق متى نعيش الحلم حقيقة
اذا كنت اشتاق لشيء فهل تعرفون ماهو
انها اغنية دقو عالخشب يا حبايب
متى سنسمعها ونغنيها
لن اطلب من التلفزيون السوري اذاعتها
بل اتمنى ان تخرج عفوية منهم بعد انجاز جيد لمنتخبنا
ويمكن ما نسمعها بحياتنا بظل هيك اتحاد رياضي

[ربيع بكداش]

ببساطة العديد من لاعبي المنتخب لا يستحقون تمثيل المنتخب...........!!

ولو لعبنا في البطولات بفريق الكرامة لحققنا نتائج أفضل........

تحياتي لك

أرسل أصلا بواسطة ربيع بكداش

ببساطة العديد من لاعبي المنتخب لا يستحقون تمثيل المنتخب...........!!

ولو لعبنا في البطولات بفريق الكرامة لحققنا نتائج أفضل........

تحياتي لك

36_1_11[1 36_1_11[1

[Saeedoo]

موضوع رائع أخي أبو ناظم للنقاش والحوار ...

للأسف الفساد في إتحادنا الرياضي مستشري ...ومافي أي اهتمام بمتخبنا وهذا هو السبب
بتحكي من مدرب ليس له أي تاريخ تدريبي (فجر ابراهيم) يستلم المنتخب
ويفشل مرتين ..ورغم ذلك لسا قال عمينعطى فرصة

الخط ليس خطأه ...هي سلسلة كبيرة من الأخطاء تبدأ برئيس الاتحاد الرياضي وتنتهي بأصغر لاعب

[Saeedoo]

أرسل أصلا بواسطة ربيع بكداش

ولو لعبنا في البطولات بفريق الكرامة لحققنا نتائج أفضل........

تحياتي لك

لا أعتقد ...ببساطة بدي ذكرك من عشر أو 15 سنة

لما كان فريق الجيش متألق خارجيا ..واحتل مركز الوصيف بأكتر من بطولة عربية

بنفس الوقت تحول المنتخب لتقريبا 90 % من فريق الجيش وبالرغم من هالشي ما حقق شي يذكر

[الامير totti]

منتخب الوطن اين انت ..؟

سؤال لا يمكن لاحد ان يجيب عليه

لكن في القلب شيء اسمه منتخب سوريا

ولا نعرف اين هو !!!!

[أبو ناظم]

أرسل أصلا بواسطة Saeedoo

موضوع رائع أخي أبو ناظم للنقاش والحوار ...

للأسف الفساد في إتحادنا الرياضي مستشري ...ومافي أي اهتمام بمتخبنا وهذا هو السبب
بتحكي من مدرب ليس له أي تاريخ تدريبي (فجر ابراهيم) يستلم المنتخب
ويفشل مرتين ..ورغم ذلك لسا قال عمينعطى فرصة

الخط ليس خطأه ...هي سلسلة كبيرة من الأخطاء تبدأ برئيس الاتحاد الرياضي وتنتهي بأصغر لاعب

سعيد طيب و شو نهايتا

تجديد الثقة بالمدرب على الرغم من الفشل الذيع المتكرر
اختيار المنتخبات على اسس الله بس بيعلما
تهميش لاعبين و عدم اعطائهم الاحقية بالمنتخب و الكل بيتذكر عارف الاغا و المنتخب
محسوبيات و مصالح خاصة و ..........
و النهاية الخاسر الاكبر الكرة السورية

النداء يتكرر من الصحف و المجلات و الجمهور و لكن

لقد أسمعت لو ناديت حياً ولكن لا حياة لمن تنادي

و الله المستعان

[الحوت المهاجر]

اخوي ابو ناظم والله الموضوع مهم ومحزن ومحبط بنفس الوقت يعني لإمتى بدنا نصبر ونشوف عنا منتخب يرفع الراس متل العالمشو رأيك اخوي تحط موضوع ونوجه للسلطات العليا بصفتنا مواطنين بهالوطن الغالي وبدنا نشوف منتخب كويس وهادا حقنا نشوف علمنا مرتفع بكل العالم ونرفع راسنا اكتر واكترالموضوع مجرد اقتراح ومنشوف شو رأي الشباب الطيبة ؟؟ظ

[أبو ناظم]

أرسل أصلا بواسطة الحوت المهاجر

اخوي ابو ناظم والله الموضوع مهم ومحزن ومحبط بنفس الوقت يعني لإمتى بدنا نصبر ونشوف عنا منتخب يرفع الراس متل العالمشو رأيك اخوي تحط موضوع ونوجه للسلطات العليا بصفتنا مواطنين بهالوطن الغالي وبدنا نشوف منتخب كويس وهادا حقنا نشوف علمنا مرتفع بكل العالم ونرفع راسنا اكتر واكترالموضوع مجرد اقتراح ومنشوف شو رأي الشباب الطيبة ؟؟ظ

أخي الحوت المهاجر

و هل تعتقد بوجود اتحاد رياضي فاعل

هكذا رسائل تنتهي في

مزبلة التاريخ حصرياً

و كما اشرت لا حياة لمن تنادي

[الحوت المهاجر]

اخوي ابو ناظم معك لا حياة لمن تنادي بس نحن شو طالع بايدنا غير هيك منحاول ومنعمل الي فينا عليه والتوفيق من رب العالمين يعني ما بصير نسكت نهائيا