مسابقة جديدة .... شغل مخك - نادي حطين السوري

أبو هشام الحطيني · #1 (**permalink**) 30/01/07

سلام يا غوالي

شو رأيكن كل واحد فينا يعرض شي احجية أو لغز و بيحاول البايين يحلو هاللغز

ببلش أنا بهاللغز

يقول ابو نواس في محبوبته جنان:

جنان حصلت قلبي ××× فما ان فيه من باقٍ

لها الثلثان من قلبي ××× وثلثا ثلثه الباقي

وثلثا ثلث ما يبقى ××× وثلث الثلث للساقي

فتبقى أسهم ستٌ ××× تجزأ بين عشاقِ

فكم عدد أسهم قلب أبي نواس؟؟

بانتظار الأجوبة

الحوت المهاجر · #2 (**permalink**) 30/01/07

معقول يكون 162 سهم ؟؟؟

#3 (**permalink**) 30/01/07

رجاء شباب خففولنا من الالعاب وخلونا بالمفيد
وما حدا يزعل مني رجاء الكل هون مسجلين كرمال حطين
ركزو شوي عالمواضيع الي بتهم النادي بالاخبار والمدرجات
رجاء هالحكي لمصلحتكم عم احكيه وما تفكر انو على دورك يا ابو هشام
بس هالحكي كان لازم ينحكا من زمان \خدوها مني بروح رياضية وبكل محبة واخوية
وشكرا كتير لتفهمكم

ديار · #4 (**permalink**) 30/01/07

ســـــــــــــــــهـــــم واحـــــــد فقط

#5 (**permalink**) 30/01/07

يا ريت تقتصروا على موضوع او اتنين للترفيه كثرة المواضيع هي ما منها فائدة اطلاقا وتذكرو اننا منتدى رياضي وهدفنا اننا نوصل للنجاح عن طريق ايصال فكرتنا للناس وعرضنا الشيق واسلوب مناقشتنا
اما بهلطريقة رح تضيع الطاسة
ورح ينحكى انو اعضاء منتدى حطين ما شاطرين غير بالالعاب والالغاز والسلامات وما بعرف شو
رجاء مرة تانية انا متل اخوكم وياريت مره تانيه ما حدا يزعل من كلامي

ابو البحر · #6 (**permalink**) 30/01/07

مشكور كتير اخوي ابو هشام الغالي

وانا اؤيد الاخ بشار طبعا لمصلحة الجميع

مع حبي واحترامي للجميع

نوار مالك مجبور · #7 (**permalink**) 01/02/07

ممكن حدا يفسري شو عمبيصير هون

بعتقد انا لسا ما سافرت

لحتى الشباب تاخد قرارات عني و عن الاخ / بايرن /

بقسم الاجتماعي

بتمنى هالشي ما يتكرر

لما انا بسافر

احكوا وعبروا على كيفكم

اي شي ما بيعجبكم في منتدى الشكاوي

قدموا شكوى

........................

و اللعبة شغّالة

......................

أبو النور

#8 (**permalink**) 01/02/07

ماتزعج حالك ابو النور انا ماكان غرضي ابدا توقيف اللعبة بس يبدو ان الشباب فهموني غلط انا كان غرضي بس انو وجه الشباب للمشاركة بالمنتديات الحطينيه بشكل اكبر وانا رح شارك بالمسابقة لحتى اثبتلك حسن نيتي
انا بقول سهم واحد

أبو هشام الحطيني · #9 (**permalink**) 01/02/07

بسيطة يا شباب
ما في داعي للعصبية
بلاها احسن

ذئب روما · #10 (**permalink**) 01/02/07

ماحدا يزعل ىيا شباب ....

انا بعتقد انو 6 اسهم..

ذئب روما

YOUSEF..MS · #11 (**permalink**) 02/02/07

ابو النور...... بشار
بسيطة لا تكبروها ....
تذكرو انو نحنا هون مجتمعين مشان نادينا حطين
ولازم ما تخلو للخلاف مطرح بنوب...

YOUSEF..MS · #12 (**permalink**) 02/02/07

وانا بقول سهم واحد

مهرتوو · #13 (**permalink**) 02/02/07

وانا سهم واحد بس بقول

rayana · #14 (**permalink**) 03/02/07

eh w ana kamen b2oul sahem we7ed

أبو هشام الحطيني · #15 (**permalink**) 03/02/07

لأ لأ لأ لأ

و اذا ضل الخلاف ما رح قول كم سهم

نوار مالك مجبور · #16 (**permalink**) 03/02/07

رجاااااااااااء شباب

قلت كلمة وحدة انو اللعبة شـــغالة

وانا وأخوي بشـــار ما في خلاف

ولا أي حدا من لمشرفين في خلاف

بــس وجب التوضيح
....................................

أبو النور

Eng.Nana · #17 (**permalink**) 04/02/07

أكيد مو سهم واحد بس لأنو باقي 6 !!
امممممممم
.
.
.
. و بعد عملية حسابية طويلة
.
81 سهم في قلب ابو نواس

أبو هشام الحطيني · #18 (**permalink**) 04/02/07

كمان لأ

و عذرا" أخوي أبو النور

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات