:: الهندي يغادر حطين ::

[Kh@led]

غادر الحارس بسام الهندي نادي حطين بعد ان امضى فترة قصيرة بصفوف فريق الرجال شارك بها بعدة مباريات و ظهر بمستوى ليس افضل من مستوى حارس حطين الاحتياط مصطفى سيد احمد .
و تم اليوم تصفية جميع الامور المالية المتعلقة بالهندي .. بالتوفيق للهندي في رحلته القادمة

[YOUSEF..MS]

بالفعل هادا اللي كان لازم يصير لان مستواه مو افضل من مستوى مصطفى
اللي صرلو مواسم على دكة الاحتياط وناطر فرصته ...
بالتوفيق للهندي

بالتوفيق للحارس بسام الهندي وبنحب نشكره على جهوده بنادي حطين ومستواه الصراحة كان متذبذب خلال المباريات الي شارك فيها ونحن بنتمنالو كل خير والله ييسرلو

[Saeedoo]

الله يعطيه العافية ويوفقوا
حارس خلوق ومخلص لقميصو ...كمعظم خريجي المدرسة الاتحادية ...(باستثناء النادرين)

وإن شاء الله يكون مصطفى السيد أحمد قد الحمل.. ويكون طور حالو بالفترة الأخيرة

[Bayren]

بالتوفيق ان شاء الله

يعني الزلمة هيدا يلي عندو الله يوفقوا

و بصراحة ما انو احسن من سيد أحمد

[الآغا]

انا بحبو لبسام وزعلت عليه بس كان مستواه اقل من المتوقع

[SALAHDIN]

بالتوفيق لبسام خارج أسوار الحوت

حارس جيد قدم ما يملك للحوت

بانتظار تألق العيسى و خلفه السيد أحمد

[نوار مالك مجبور]

شـــــــــــــــــــكرا كابتن بســـــــــــام

وبالتوفيق

تحية كبيرة لك

بسبب دفاعك عن الوان حطين بكل شـــرف ونزاهة

.........................................

ابو النور

[alaadine-k]

ياشباب تذكروا التعاقد مع الهندي ببادىء الامر تم فحصه فنيا ثم وقع .. اريد ان استفسر كيف انديتنا تبرم صفقات من هذا النوع وبهذه الشاكلة الغريبة ..

بح صوتنا وطالبنا بالتريث بالتوقيع مع الهندي والسيد احمد يساوي منه الكثير ..لكن..!!

[abu kamal]

بالتوفيق

[Rammstein]

.. بالتوفيق للهندي ... وبشكروا لانو دافع عن الوان الحوت ...
... بس المشكله اذا انصاب عماد مره تانيه .. فحارسنا الاحتياط .. مصطفى السيد احمد ؟؟؟؟؟
... ربما يتحسن مستواه مع اني بشك بهل الشي ...

[الحوت المهاجر]

بالتوفيق للكابتن بسام هندي ومشكور على جهوده مع فريق حطين

كان غلط من البداية التعاقد معه لان عنا حارس برأي الخاص ااذا انعطى فرصة رح يصير مميز على مستوى سوريا كلها ( مصطفى سيد احمد ) بس للاسف كل دوري بيلعب لبعة او لبعتين
وبس
لازم نعتمد وخصوصا بمركز حارس المرمى على ابن النادي وان شاء الله حسب ما اسمع ان
الحارس محمود اليوسف رح يكون الامل المنتظر بالنسبة للحوت

[T . AJJAN]

كل سنة منوقع بنفس الامر
يعني قبل مانوقع مع اي لاعب عم نشوف تاريخو ولا لاء
ولابس هيك هيا انو تعاقدنا مع لاعب

[T . AJJAN]

وانا اتمنى كل التوفيق للسيد احمد والعيسى
والاعتماد على حراس النادي لانو العيسى صار منا وفينا
وننتظر الموهبة محمود اليوسف

[مهند شاويش]

بالتوفيق لنشوف الهواش لوين رح ياخدو يا حبيبي لهلعادة راح المدرب بقوم بروح اللاعب احتراففففففففففففففففففففففففففففففففففففففف

[أبو هشام الحطيني]

يعني والله امرنا عجيب . لإيمتى رح نضل بهالدوامة
والله اشتهيت مرة وحدة يكمل فريقنا موسم واحد بدون تغيير
عشر سنين و لهلق كل سنة 2-3 مدربين و كل واحد طريقة تدريبو غير التاني و الله حقون اللاعبين يهسترو
و خمس لاعبين رايحين و عشرة جايين و الله ما عم نحفظ اسم اللاعب لحتى يروح

ياعمي هيدا الشي ابدا ما صحّي لفريق كرة قدم
نحنا عم نلعب بدوري (محترفين) بس يللي عم يصر بدون شك دوري هواة
بكل الدوري السوري مافي غير الكرامة ثابت على مدرب و تشكيلة وحدة و النتيجة باينة

[maher43]

على كل بالتوفيق ئلوا في وجهتوا القادمة

[مهرتوو]

يا شباب لازم الاستقرار الاداري والتدريبي لانوو هيدا الشي من اكتر الشغلات يلي بتسوي فريق قرة قدم حقيقية واكيد يا شباب مو لازم نتخلى ولا عن واحد من الفريق الشاب بسيثناء المحترفيين من خارج الفريق الله يسهلون ويباركلون لانون دافعووو عن الوان فريق حطين بيوم من الايام بس والله يا شباب ما في حدا اكوس من ابن الانادي

وخر شي بلتوفيق الك يا بسام رفعتلنا راسنا بكتير لعب ويارب تصحلك فرصة لعب حلوة

[basharo13]

الله يوفقك يا كابتن بسام ولو كان مسبواك عادي بس بكفي انك في يوم من الايام كنت تحمي عرين حطتن

[bayaa rena]

أرسل أصلا بواسطة SALAHDIN

بالتوفيق لبسام خارج أسوار الحوت

حارس جيد قدم ما يملك للحوت

بانتظار تألق العيسى و خلفه السيد أحمد

فعلا هدا الحكي الصح الله يوفقو