موضوع للنقاش: هل تؤيد عودة الاعب جمعه عباس وهل تزغب في عودة المرحوبي للعب لحطين

بسم الله الرحمن الرحيم
على خلفية الاخبار الواردة حديثا حول عودة محتملة للاعب جمعة عباس الى صفوف الحوت واعلان الادارة في وقت سابق عن تخليها عن المهاجم المغربي المرحوبي فهل تؤيد عودة جمعة عباس الى صفوف النادي وهل انت مع او ضد قرار الادارة حول منع المرحوبي من المشاركة مع حطين رغم انه عاد برفقة العزيم وما هي توقعاتك للخطة المستقبلية التي ستعتمدها الادارة حول اللاعبين ؟ وهل من الممكن اشراك اللاعبين سويا في ظل وجود السيد بيازيد وماهو مصير مروان السبدة ومحمد فارس في حال اشراك كل من المهاجمين ماذا تقترح ؟؟
الرجاء من الجميع المشاركة

[alaadine-k]

عودة جمعة مقرونة بالاختبارات الطبية التي سيخضع لها كما اكد لي مشرف عام الفريق عدنان او كف
وسيصل الجمعة الى اللاذقية

[YOUSEF..MS]

من وجهة نظري لازمنا هداف بيعرف طريقو عالمرمى بس ما يكون على حساب ابناء النادي
يعني الصراحة هداف واحد بيكفي
لان هالسنة ما لح ننافس على بطولة الدوري
ولولا كاس الجمهورية كنت قلت ما بدنا مهاجم من برا النادي بس للضرورة احكام
ولازمنا هداف لان عنا مباريات صعبة بالكاس
وانا من ناحيتي برشح جمعة عباس ...

[ابو البحر]

اخوي بشار من اليوم ورايح مافي ياامي رحميني
البقاء للاجدر بغض النظر عن الاسماء
بدنا نتائج عملية يعني عم نجيب لاعبين بس لندفعلون مصاري وندللون
بشرفي هالاحتراف خرب الدنيا
لك يا جماعة رونالدو وقت يلي حس فيه المدب انو نزلت لياقتو ما كان ينزلو ليلعب حتى رجع مستواه
بس في خبر لازم ينذكر وانا مسؤل عن كلامي روحو شوفو بالشاطئ الازرق شو عم يسوو لاعبين حطين المحترفين لو مالعيب لجيب الصور وانشرها بالموقع
للتذكير علي محمد هواري
ابو البحر

حبيبي ابو البحر الفالي طولي بالك شوي
نحن ما بغرض انو نحكي على اللاعبين وشو عم يعملو
كل انسان حر بحياتو بيعيش بالطريقة الي بتريحو نحن هلأ عم نناقش موضوع مهم
من شوي ابو كمال حكى انو جمعه عباس رح يرجع عالنادي بحال اجتاز كافة الفحوصات وكان مستواه بيليق انو يرجع يلعب انا سؤالي واضح يا غالي بدي بس رأيك انت مع او ضد واذا مع ليش واذا ضد ليش واداء الفريق بشكل عام رح يتطور او يتراجع وانا رح حط رآيي بالاخير لما شوف ارائكم كلياتا
واحلى حطينية

[ابو البحر]

ولا يهمك ياغالي
بس المشكلة انو هالحرية يلي عم تحكي عنها عم تأثر بشكل مباشر على اللاعب وعلى مستواه
انا مع عودة جمعة عباس اذا كان جاهز لانو كان يلعب بمستوى ثابت

[Rammstein]

... يا شباب نحنا وضعنا في خطر .. يعني لهلق نحنا معرضين للهبوط ولو باحتمال ضعيف ...
... لا تنسوا انو كل اللعب الصعبه بررا اللادقيه ...
,,, يعني قال ابو مروان .. ما بدنا ولا محترف مشان الدوري ... هل الحكي ما كتير دقيق ...
... يعني اذا ما في محترفين بالهجوم ... مين بدو يلعب ..
.. انا مع عوده الاجهز اما جمعه او المرحوبي ...

[الحوت المهاجر]

مشكور اخوي بشار على الموضوع المهم والحساس
انا برأي في حال رجع جمعة عباس وكان مستواه الفني ووضعوا الصحي بحالة جيدة فاكيد رح يكون افضل من المرجوني لان المرجوني جربناه ذهاب كامل وما بظن انو عطى شي لان ما في نتائج وكل الي جابوا كام كول وهادا مو هو طلبناه لان بدنا هداف وانا بصراحة ما شفتو كتير بتعرف بحكم وجودي بالسعودةي وقلة النقل التلفزيوني
اما جمعة عباس فأثبت السنة الماضية انو هداف على الرغم من ان مستوا فريقنا السنة الماضية كان وسط فقدر ياخد لقب الهداف وبظن هو الافضل بحال جاهزيته
بس ملاحظة انو كان على الادارة تاخد قرارها قبل نهاية الذهاب ويقرروا لحتى يقدر اي لاعب يتأقلم شوي ممع الفريق بفترة الاستراحة بين الذهاب والاياب ولازم نكون نعرف شو بدنا وشو ناقصنا وهيك منرتاح ومنعرف نستفيد
بالتوفيق للفريق والله يختار الي فيه الخيرررررررررررررررر للجميع

[أبو ناظم]

انا تماما من رأي الحوت المهاجر
يعني يا شباب اذا انعرض على فريق هداف دوري و رفضوا بيكون في شي غلط
اذا عباس جاهز انا مع استقداموا 100%

[SALAHDIN]

في حال كان جمعة عباس جاهز صحياً وبدنياً فأنا مع إستقدامه , وغير ذلك فلا .

[syriana]

يعني بدلا من دفع فلوس للعباس ولغيرة وهي بين اجور ومقدم عقد حتما بين نص مليون الى مليون ليرة ..
ليش ما بتجيب الادارة مدرب لياقة محترم ( ولو اجنبي ) وبيشتغل مع الجهاز الفني على اعادة تجهيز اللاعبين كالبيازيد ..وبقية اللاعبين الموجودين ....
يعني ما المهم دفع مصاري كيف ماكان وحلول اسعافية شباب ..
مدرب لياقة محترم بيخدم الفريق وبيركز على بعض اللاعبين كالبيازيد وغيرهم وبعض التعب من الجهاز الفني وبنفس المبلغ ....صدقوني استتحسن النتائج وستجدون فريقا معظمة من ابناء النادي وافضل ..

باختصار :
انا ضد دفع اي قرش على اي محترف جديد هذا الموسم وبالمبلغ الذي ترصده ادارة النادي لهؤلاء المحترفين يمكنها ان تطور الفريق من خلال دعم الفريق الحالي بمدرب لياقة محترم ..

[T . AJJAN]

يعني مابعرف ليش هيك بيصيبر بس عنا بنادينا
طالما رجعنا فكرنا بالعباس ليش ماصار التعاقد معو من بداية الموسم او عندما انتهى الموسم ماتقولوا انتهى زمن الادارة الماضية
طيب هو حاليا بعد ماترك حطين وين كان عم يلعب ولا خلص هو معنا السنة الماضيةكان هداف الدوري بس اذا كان بيفيد الفريق وشاف الكابتن حوالي انو بيفيد ليش لاء
بس بتمنى مايكون على حساب السيدة او البيازيد
لانو السيدة اكتر هداف هلق بحطين وكتير بنزلتو ( بالشوط الثاني) قلب مجريات المباريات
وبالتوفيق لحبيبنا الحوت
وبالتوفيق للعباس في حال مشاركته مع الحوت

[T . AJJAN]

وبظن انو عودة المرحوبي مرهونة بمستواه
وهذا الشي بيحددوا فقط الكابتن الحوالي الا اذا كان في شي تاني

[Bayren]

[quote=ابو البحر]

بس في خبر لازم ينذكر وانا مسؤل عن كلامي روحو شوفو بالشاطئ الازرق شو عم يسوو لاعبين حطين المحترفين /quote]




شو بيسوا العالم بالشاطئ الأزرق.....بيسبحوا36_1_12:

[Bayren]

شباب أنا مع كلام الأخ أحمد بكداش عن مدرب

اللياقة

*****

كما أنو برأي أنو يكون في مهاجم واحد محترف

مفيد

و لازم نهتم يا عالم

بالأرناؤط و أبو الريف

[T . AJJAN]

الله ولي التوفيق ونحنا بتمنى كل التوفيق للاعب يلي بيلبس قميص حطين

[Saeedoo]

أنا ضد كل الإبر المخدرة والمحترفين المرحليين

يعني

ماضد أنو يجي الخضير أو يضل المرحوبي ...بس يكون بشكل مدروس
يعني يندرس وضعو اللياقي والبدني ...وإذا كان مناسب نتعاقد معو لفترة جيدة ما لعبة ولعبتين
بدي أسأل شو استفدنا من محترفي السنة الماضية كلهم ..مادام كلهم غادرو حطين

وحده عماد عيسى ...الكل شايف مستواه الجيد هالسنة بالرغم من أنو السنة الماضية كان بمستوى متذبذب...(الاستمرارية)
يعني إذا بدنا نجيب جمعة خضير ليلعب معنا هالكام لعبة ...فبلاه ... وبما أنو المرحوبي موجود وموجود خليه يكمل بشرط يستعيد لياقتو اللي بلش فيها الموسم وإلا كمان بلاه
وخلينا نجرب بالشبان

وهو رأيي الأرجح
أنو هالسنة مارح ننافس عالدوري ...وبإذن الله ما منقرب عالهبوط لأنو في فرق كتير أسوأ مننا
هالسنة أول مرة بيظهر مروان سيدة بهالشكل وبيسجل خمس أهداف لأنو أخد فرصة
ظهر عنا سليم خضرة أحمد حاج محمد ..والديب ...وغيرهم لسا
خلونا نكمل الموسم باكتشاف باقي الشبان ونعطيهم الفرصة
لأنو إذا اكتشفنا موهبة فيهم أكيد رح يبقى معنا مواسم قادمة
ولكن إذا اكتشفنا هداف محترف أجنبي ...رح يغادرنا أول مابيجيه عرض مادي أحسن
ولنا في الأمثلة الكثير

[حسون الحطيني]

والله يا شباب جمعة لاعب كسب حب الجمهور بسرعة
و ادر يتاقلم مع اجواء الفريق و الدوري بسرعة كبيرة
و مو بس هيك اخد لقب الهداف رغم الاصابة يلي كان عم
يعني منها و غاب بسببا عن حوالي 4 مباريات
بالفعل انا مع عودة الاعب جمعة عباس
بس بنفس الوقت مابدي الفريق يعتمد على المحترفين بشكل اساسي
و مو على حساب ابناء النادي و خاصة الشباب

[أبو هشام الحطيني]

هلق الفريق بوضع حساس بتقدرو تحسو هالشي من الترتيب 5 نقط بيننا و بين الوثبة الترتيب قبل الاخير
لازم قبل كا خطوة الجهاز الفني يحسب الف حساب
بعدين كل هالحكي يللي عم ينقال الكابتن الحوالي بإيدو كل شي و عليه مسئولبة الاختيار
اما بالنسبة لرأيي فانو اذا كان العباس جاهز بدنيا" بكل تأكيد رجعتو احسن و النيجيريين لأنو عالقليلة مجرب من قبل و بالنسبة للمرحوبي برأيي ما في داعي إلو ما اثبت وجودو
و بالنسبة لباقي اللاعبين و خصوصا" البيازيد فرجعة العباس احسن لأنو رح ينحط البيازيد إدام ضرورة تحسين مستواه و منافسة العباس على التهديف و هيدا اكيد بيصب لمصلحة الفريق بشكل عام مع معرفتنا للإيجابية الكبيرة للبيازيد بالتعاون مع هداف صريح ثاني بالفريق

[maher43]

بالتوفيق لجمعة وان شاء الله يصير احسن من هديك السنة لانو ما بعتقد عندوا النضج الكروي وعلى كل موفق