اين انتم من ظاهرة الاحتباس الحراري - نادي حطين السوري

مهند شاويش · #1 (**permalink**) 04/02/07

زملائي في موقع حطين ما يحدث في الكرة الأرضية من تغييرات مرعبة بالمناخ تجعلنا نفكر بالأسباب وللأسف معظمنا لا يعرف السبب
الاحتباس الحراري هو سبب التغير المناخي بالكرة الارضية وسبب الاحتباس الحراري هوة انبعاث غاز ثاني اكسيد الكربون من المعامل والمصانع وقطع الاشجار يعني تدمير البيئة بشكل عام عم يدمر المناخ
تجار العالم والشركات الاقتصادية الكبرى تمنع الاعلام وتضغط عليه ليتجاهل هذا الموضوع الخطير لزيادة ارباحها مع تواطؤ معظم حكومات دول العالم
أرجو من جميع زوار الموقع ان تقرؤوا حول ظاهرة الاحتباس الحراري وما ستسببه مستقبلا
للموجودين بسوريا ما لاحظتو انو برد هالسنة غير كل سنة؟ عم تلاحظو انخفاض معدل الامطار
شو رايكون بالتلج اللي نزل بالسعودية ؟
شو رايكون بالفيضانات بانونيسيا والزلازل ؟
والأعاصير بالولايات المتحدة؟
ارتفاع درجة حرارة الأرض رح يودي بيوم من الايام لدوبان الاقطاب الجنوبي والشمالي ورح تغرق جزر ورح تختفي دول ورح يصير جفاف بدول ورح نمر بفترة عصر جليدي خلا ل 40-50 سنة جاية في حال استمر العالم بهالوضع
ويمكن الفترة اقل بكتير لأنو الأمور عم تمشي بطريقة متسارعة بشكل كبير
والعلماء حاليا عم حذروا من فكرة (فات الميعاد) يعني ما بقا ينفع شي والكارثة واقعة لا محالة
رجاء الموضوع مانو بسيط ولانو سهل وهوة خطر حقيقي عم يهدد الكون
بتمنى نثقف مجتمعنا حول هالنقطة ونحذر منا لانو الرأي العام ممكن يشكل ضغط على الحكومات وبالتالي على الشركات اللي عم تلوث الجو بشكل يومي وبشكل مرعب

BaTiGoAl · #2 (**permalink**) 04/02/07

والله العظيم يا مهند اللي شفتو من كم يوم برنامج عالجزيرة .....
مشان هالحكي فعلا وعاني عشي كبير يمكن قالو انو الاعلام سبب كبير عالتعتيم عالمشكلة بس سبحان الله القصة ما راحت من بالي وحكيت لرفقاتي شو شفت....
شفت بنص البحر تخيلو منظر ما بنساه البحر عم يحترق يا شباب
بغاز الميتان ... عم ينطلق بالجو....
قالو متوقع لندن تصير جفاف.....
يصير عندهن المطر في حالة النوادر ...
تذوب جبال القطب الشمالي وبالتالي ربع الجزء اليابس يختفي.....
والكلمة الأهم هي ....قال من المهم جدا ان نترك لاولادنا بيئة جيدة أو مكان لكي يعيشو فيه بسلام ...
فان لم ننجح في ذلك فالأفضل أن لا يعيشوا...
برنامج ما بنساه بحياتي ......
لانو لما شب
روسي بيسألني ليش عندكن برد .... فأكيد لازم نعرف انو الكون عم ينقلب ...
ولما تطوف دبي والشارقة من الأمطار ((لانو ما في مصارف لانو بحياتهن ما نزل عندهن مطر)) فاكيد منعرف انو الدنيا عم تمشي نحو النهاية.... خاصة بعد ما شفت اللي شفتو بالبرنامج شو متوقعين يصير ...
صدقني يا مهند المشكلة كبيرة جدا جدا جدا ...
ولا حدى شايللها قيمة...
بشكرك كتير كتير كتير عالموضوع الرائع

مهند شاويش · #3 (**permalink**) 04/02/07

لأ والأنكى من هيك حمودة انو العالم نايمةةةةةةةةةةةةةةةةةةةةةة ولا حدا فارقة معو

الحوت المهاجر · #4 (**permalink**) 04/02/07

والله يا شباب الموضوع خطير كتير ولازم يكون الاهتمام فيه كبير يعني تصوروا 2100 رح يرتعف البحر 59 سم يعني في مدن رح تغرق اكيد ورح تتغير خريطة العالم كلو هادا عدا عن الفيضانات والاعاصيرالله يستر والله شي بخوف

BaTiGoAl · #5 (**permalink**) 04/02/07

والله يا مهند....
فعلا ما حدى حاسس ....
الناس عايشة ليومها .....بس
صدقني بعيد الشر بس متوقع الكوارث قريبا.... ما بعرف ليش ما رح كون تشاؤمي لكن هيك علميا شو مزح يعني ولا تخريط فعلا كلشي متغير شو منكزب..... عحالنا وععيوننا

مهند شاويش · #6 (**permalink**) 04/02/07

كلامك سليم يا حمودة ورح نشوفا شي كتير قريبا وقريبا جدا
أخي الحوت المهاجر انا شفت نفس التقرير بانو 2100 رح يرتفع مستوى مياه المحيطات 59 سم ولكن الامور عم تمشي بتسارع اكبر بكتير وقبل ما نوصل لهلوقت رح يسبقول زلازل فيضانات اعاصير جفاف تصحر هجرة من دول لدول اختفاء جزر
الله يستر بتصدقوا عملي عقدة هالموضوع وما قاهرني غير تطنيشنا نحنة العرب العالم كلو عم يحكي بالقصة ونحنة ولا شي لا حول ولا قوة الا بالله

مهند شاويش · #7 (**permalink**) 04/02/07

للمزيد اضغط على الرابط وشوف من نتائج الاحتباس الحراري
http://www.aljazeera.net/NR/exeres/D...C38AC5D14D.htm

ديار · #8 (**permalink**) 04/02/07

بداية بشكرك أخي مهند على طرح الموضوع.
والله يا أخي تأكيدا على كلامك من يومين بس كانو عم بيقولو أنو في ثلج بالإمارات على جبال عمان عند الحدود مع دولة عمان ( برأس الخيمة ) مو بس هالسنة و السنة الماضية كمان قالو نفس الحكي و فعلا كان شي مفاجئ كتير.

موضوع الإحتباس الحراري منو حديث العهد أبدا أو وليد هاللحظة من زمان في ناس عم تنادي و تدعي لتوعية لمخاطر هالشي و لكن لا حياة لمن تنادي
لكن نحنا ما فينا نجمع بين شيئين بنفس الوقت
التكنولوجيا ----> تطور
التطور -----> حياة مختلفة
حياة مختلفة ----> الحلو و المر ( دمار من جهة و إعمار من جهة تانية )

الله يساعد النهاية قربت

مهند شاويش · #9 (**permalink**) 04/02/07

كلامك أخت ديار مظبوط ولكن الحكومات لازم تتحرك لتحط حظر على شركات النفط العملاقة والمصانع الضخمة اللي عم تكب غازات ومخلفات كلها تلوث وهية من اهم أسباب الاحتباس الحراري بالعالم

الله يستر

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات