.:.///.:. على هامش مباراة الغد .:.///.:.

[abu kamal]

بسم الله الرحمن الرحيم

بعد أقل من 24 ساعة تبدأ مرحلة الإياب والحوت لم يستقر بعد على محترفيه العزيم حسب مصادرنا باقي بالفريق ولكن المشكلة تكمن في هوية المحترف الثاني فهناك المرحوبي الذي تردد مؤخراً أن الإدارة استغنت عنه نهائياً ولكن مصادرنا أكدت لنا أن الإدارة لم تعطي كلمتها النهائية له حتى الآن وهي اجتمعت مع اللاعب لأكثر من مرة دون أن تخبره قرارها النهائي وبالنسبة للنيجيري مورفينغ فبحس مصادرنا أنه دون الطموح وبالنسبة للاعب جمعة عباس فقد علمنا أنه سيصل دمشق مساء الغد قادماً من إيران للالتحاق بفريق الحوت والتوقيع له ....؟؟؟
السؤال الذي يطرح نفسه هل العباس جاهز للعب هل سيلعب دون أن يختبر وفي حال عدم وصوله بالغد من سيكون البديل هل سيكون المرحوبي أم النيجيري مورفينغ أم غيرهما لا ندري ما سيحدث بالغد

تعقيب صغير : كان أمام الفريق متسع من الوقت منذ مباراة الوثبة إلى مباراة اليوم وقبل مباراة الوثبة حتى لماذا لم تصل إدارة النادي ومدرب الفريق إلى الآن إذاً كنا بحاجة إلى جهود أخرى في مبارتنا القادمة

مع فائق احترامي

أبو كمال

السؤال الذي يطرح نفسه هل العباس جاهز للعب هل سيلعب دون أن يختبر وفي حال عدم وصوله بالغد من سيكون البديل هل سيكون المرحوبي أم النيجيري مورفينغ أم غيرهما لا ندري ما سيحدث بالغد

طيب معقولة ابو كمال نجيب لاعب ويوقع للنادي وما بنعرف اذا كان خرج يلعب معنا او لا
والله متل الي عم يشتري سمك بالمي
وبعدين هي مباراة مهمة وحساسة يعني معقول لهلأ ما انعرفت هوية التشكيلة الاساسية
وبعدين ماكان في وقت يتخذو كل هالقرارات وهلأ عنت على بالهم قبل المباراة بيوم
والله شي غريب الي بيصير عنا !!

[مهرتوو]

يالله ياشباب عنا شباب احسن من كل هل غوصة وكل الغربيين بس بدون شوية اهتمام يعني لازم نهتم بلشباب يلي عنا مو هيك

[حسون الحطيني]

بالفعل عنا كتير لا عبين شباب بس بدن اهتمام كبير و ياخدو الفرصة

[maher43]

بس في شغلة انا سمعت انو اللاعب النيجيري ما منيح ابدا
وبالنسبة لجمعة عباس طيب ما بدنا نعرف اذا لساتو منصاب ولا لأ
وكمان انا من الاول حكيت انو دون مستوى الطموح اذا ما قارناه بعارف الاغا لانو عارف عندوا حس تهديفي تجاه المرمى و عندوا نضج كروي بس جمعة بس توصلوا الطابة ما بيعرف شو بيعمل فيها واذا اجتوا جنب المرمى بيحطوا واذا لاحظتوا انو من بين 10 فرص ليجيب هدفين ولولا المساعدة اللي تلاقاها من اللاعبين وهو منصاب ما كان طلع الهداف الكل ساعدوه من ركلة الجزاء لحتى لعبة الجهاد اللي صاروا يخلوه يركض جنب المرمى و يحط الهدف صح لهيك بعتقد انو البيازيد احسن منوا اذا رجع لمستواه او السيدة

فارجو النظر في هذا الامر

[basharo13]

يا جماعة كنا جانين بجمعة السنة الماضية ليش اليوم صار كل 10 فرص ليجيب كول قولوا الله يقدم الفيه خير ويفيد حطين36_1_11[1

[YOUSEF..MS]

يعني انا الشي اللي بدي افهمو لشو المحترفين ؟؟
اول الموسم لما آلو انو بدهم يعتمدو على اولاد النادي الجمهور الحطيني تنفس الصعداء
يعني خلينا نحكي الصراحة... الدوري ما النا والكأس ما بدنا اياه
بدنا نبني فريق يقارع الفرق الكبيرة بالمواسم القادمة ووقتها منقرر اذا بدنا محترف الا لاء
بس شرط يكون على مستوى عالي يعني يكون من افضل اللاعبين بالدوري السوري..

[wala fil a7lam]

ma betseer el mashakel ella 2abl yommmmmmm
lk hakena el tabkha badda te7tere222222222

allah yestor

[الحوت المهاجر]

معك حق اخوي ابو مروان والله انا حاليا وخصوصا بعد ضياع الدوري لازم نعتمد على ابناء الناديبدنا يكون هدفنا نبني فريق من الشباب فريق نتعب عليه ونغامر فيه ونراهن عليه رح يكون عنا فريق ان شاء الله قوي وعندو خبرة ورح يكون مكسب ل 10 سنين في المستقبلانا مع فريق شاب من ابناء النادي

[Abu Ammar]

والله معكن حق ياشباب ماحدا رح يقدر يشيل النادي الا ابناؤه

[La Balena]

الله يسلم هالايادي ابو حميد الغالي

وان شاء الله مابيصير الا كل خير

بس الله يخليك ابو الكيم كبر خطك شوي الله وكيلك بدها مهجر لحتى الوحد يشوف الكلمة


واحلى تحية لاحلى ابو كمال

[BaTiGoAl]

بس سؤال .....
يعني اذا وقعنا لمورفينغ ...
وهو مدافع ستوبر متل ما سمعت..
ما بقا منحتاج لمهاجم؟!!! بصراحة منطق خاطئ جدا جدا ..
ما رح احكي فيه ... اكتر من هيك
تانيا جمعة عباس!!! بعد مشاكله وانكاره لنادي حطين ..وللكثير من الاحداث ؟ ظهر ان هالشخص ما عند كلامه فليش الاعتماد عليه ((شو نسيتو قصة الموسم الماضي شو عمل فينا))
تالت شي ..
هيك سمعنا انو بدهن يعتمدو ليأسسو فريق شاب
فما في داعي نجيب عشر محترفين .. دفعة وحدة ؟!!! وفجأة يحرك علينا بدنا ناخد الدوري السوري؟ !
والله ما بعرف كيف ..
منحتاج لمهاجم بوجهة نظري ((بيتمتع بخفة حركة ولياقة ممتازة)) ... بتكفي وبتوفي وخلص كفاها الله ؟
كلهن سنة او تنين وبيطلع محمد جعفر باذن الله بعدين فيه عنا شباب عم يتأسسو بشكل ممتاز ليش عم تفكرو بالمحترفين؟ حاجة ... تجارب احتراف فاشلة ... النا 6 سنين عها الحالة..!!!!!!

شكرا ابو كمال عالاخبار ...

[Rammstein]

.. والله يا حموده معك حق .. شو بصير عنا عزيم ومورفينغ وال 2 دفاع .. والعزيم يلي بيلعبو احيانا وسط متاخر ... نحنا عننا مشكله بالهجوم ... ومشكله كبيره كتير ...
... يعني المدرب ناوي يلعبلي اللعب كلها دفاع .. والمهم عندو انو ما يخسر مشان هيك عم يدعملي الدفاع ...
برايي يا يجيبو محترف بالهجوم ... يا اما بلاها يعني ما بدنا لعيبه دفاع .. يلي عننا كويسين وماشي حالهن ...

[Phoenicean]

أنا من رأي الشباب أنو لازم يعتمد الفريق على أبناء النادي حتى نبني فريق جيد للمستقبل و بعدين لما بيصير عنا متل الكرامة و الاتحاد مشاركات خارجية بيفكر الواحد يجيب محترفين على مستوى عال حتى يستفيد منهن مو بغرض الاحتراف بس ... الله يقدم اللي فيه الخير

[alaadine-k]

لا تعليق

[hutteen love story]

ابناء النادي اولا وخاصه انو ما عنا شي نخسره

[bayaa rena]

يعني ياشباب نحنا ما نتربى ماكانو نسينا السنوات الماضية
يعني الاتحاد والكرامة آخر شغلة اعتمدوها هي المحترفين
وشوفو شو طلع معن عما يبعروا الفرق اصبروا على هل الفريق شوي

[فاروق ابن البحر]

والله انا مع ابو مروان يعني الدوري ما النا والكاس كمان هالسنة بلا المهم السنة الجاية او يلي بعدا يكون عنا فريق شاب قادر ينافس ويكون من ابناء النادي يعني هي الحمد لله فريق الشباب ماشاء الله ماشي تمام وفي مواهب حلوة بس نحنا ندير بالنا على هاللعيبة الشباب