من هي الشخصية المعروفة والتي قابلتها أو قمت بالسلام عليها - نادي حطين السوري

YOUSEF..MS · #1 (**permalink**) 10/02/07

السلام عليكم

من هي أكبر شخصية قابلتها أو قمت بالسلام عليها

سياسية أو شعبية أو رياضية أو فنية ..

أرجو المشاركة من الجميع

.
.
.

بالنسبة لي أكبر و أهم شخصية قابلتها في حياتي هي
عندما رأيت السيد الرئيس بشار الاسد رئيس الجمهورية
في معرض شام للكمبيوتر
وما بعرف اذا كان معنا بشار حنونة ( حطيني مغترب )
شو ابو البيش بتتذكر؟

rayana · #2 (**permalink**) 11/02/07

mmmm ana a7la moukabale ili kenet lama 2abalet kel lnouweb bi lebnan minnon samir ljeser w slayman franjiyi w najib mikati w mhamad kabara w 2abalton bi bet jeddi lama da3ahon 3al ghada kenet ktir mabsouta la2ani chefet aktar min cha5siye w 7atta mze7et ma3on
machkour abou marwan 3ala lmawdou3 l7elou

#3 (**permalink**) 11/02/07

اي لكان انا كنت معكم وكان معنا شب بنيسلي الله يذكرو بالخير من بيت بدور صورني جمب سيادتو بس كنت بعيد شوي وداير ضهري يا الله شو كان موقف رائع لما شفناه الله يحميه ويخليه ذخر للوطن

بالنسبة للشخصيات التانية الي قابلتها
الممثل باسم ياخور بصلنفه شفتو
و والممثل زهير رمضان بمطعم الكازينو باللادئية
وسلاف فواخرجي بالاكسبرس و بالاسكندرية بكارفور
ايمن زيدان ونورمان اسعد بالكورنيش
و بمصر شفت مذيع ال Mbc هاني النقشبندي
و تصوير فيديو كليب بالجرين بلازا
بالسعودية شفت ناصر القصبي تبع طاش ما طاش بمول الصيرفي
و شخصيات سعودية رفيعة المستوى ب افتتاح مولات بجده
وايمن رضا كان مقابيل الاكاديمية البحرية وصدفتو كان رايح عالشاطئ الازرق وسلمت عليه

#4 (**permalink**) 11/02/07

اما اللاعبين شفت الكل بس اكتر واحد كنت اصدفو الصبح عارف الاغا
كنت شوفه يركض تحت بيتنا بالكورنيش ومعو واحد تاني
كنت انزل امشي الصبح وعطول شوفه
وشوف لعيبه حطين بفشيفش عم يتمرنو

وكلاعبين عالميين شفت مباراة وحدة لليكرز بسنة 1991 وكنت قاعد اول صف انا وولاد خالتي

fayez · #5 (**permalink**) 11/02/07

أنا شفت من الريا ضيين فريق حطين كلو كان عندو لعبي بطرطوس مع الحرية و سلمت على الحارس مازن الأحمر
وسامر حج عمر .....

أما من الفنانين شفت بهلول (رحمه الله)

وأنا هلق بانكلترا و هاكي السنة رحت حضرت لعبة بالدوري الإنكليزي بين تشلسي و أستون فيلا و شفت:لامبارد.تيري .....مورينهو.....روبين.....دروقبا.....و اللاعبين كلو تاعين الفريقين.....و خلصت اللعبة بالتعادل

طروقة الحطيني · #6 (**permalink**) 11/02/07

بالنسبة إلي حضرت لعبة بايرن ميونخ ولاتسيو بدبي
وشفت كل نجوم الفريقين ومنون أوليفر كان حارس المانيا وباتريك سانيول وعلي كريمي
وليبيري وروي مكاي
واهم شي إني حصلت صورة للذكرى مع باتريك سانيول لاعب منتخب فرنسا حاليا
طبعا عالمستوى المحلي فأكيد شايفين كل لعيبة حطين وتشرين كمان
مطربين :
نانسي عجرم - باسكال مشعلاني - نور مهنا -
وبس حاجة

Saeedoo · #7 (**permalink**) 11/02/07

ظريف هالموضوع أبو مروان الحبيب

يمكن أنا أكتر موقف بتذكرو ...يوم كنت صف سابع وقابلتت سعيد حمادي بافتتاح معرض كنت مشارك فيه بمدرسة التخصصية بالرسم عالزجاج ...وقتها صار يسألني عن طريقة الرسم وعن الرسومات وأنا ما بعرف شو قلتلو ....

على الصعيد الرياضي طبعا أغلب لاعبي حطين وتشرين ولاعبين سوريين ... وشفت هون لعبي الجلاء والرياضي اللبناني وتصورت معهم كلهم تقريبا" ....وبالبطولة اللي حكا عنها طروقة كمان تصورت مع نونو غوميز(البرتغالي).....ممم هاد اللي متذكرو

فنانين كتير شايف باللادقية عالكورنيش ...بس مرة بالطيارة كانو معنا روعة ياسين وهي الغليظة رفيقتها ...نسيت شو أسمها...
ومرة بحفلة شفت سلمى المصري ...وصورني معها أبو طريئ ...طارق عجان كان معي ...

وهون الشيخ محمد أكتر من مرة شفتو بالسيارة طالع من مكتبو صوبنا بأبراج الامارات

بس أكتر شخصية بعتز أني تعرفت عليه وشفتو

هو

.
.
.
.
أبو كمال محشية 36_1_21[1].*

نتالي · #8 (**permalink**) 11/02/07

بس من غير زعل هلأ سعادة او شي مهم كتير اذا الواحد شفاف فنانين

؟؟؟؟؟

بالنسبة إلي ماحصلي الشرف وقابلت ولا شخصية مهمة لحد الآن .........

Saeedoo · #9 (**permalink**) 11/02/07

لأ أخت نتالي

لا سعادة ولا شي

عادي يعني بس إجابة عسؤال أبو مروان ....

يعني ...الشيء بالشيء يذكر

ذئب روما · #10 (**permalink**) 11/02/07

بالنسبة الي شايف الرئيس بملعب حمص باللعبة النهائيه ..

نوار مالك مجبور · #11 (**permalink**) 11/02/07

شـــاعرنا الغالي

موضوعك نهفة

......................

الشخصيات حسب الترتيب :

الرفيق عبد الله الأحمر الأمين العام المســـــاعد لحزب البعث العربي الاشتراكي

أثناء قيامي بدورة إعلام سياسي في العاصمة دمشق

...................................

الســـيد سليمان قدّاح

نائب رئيــس الجمهورية / نائب رئيس الجبهة الوطنية التقدمية .

أثناء عقد قران أخو زوجته بابنة عمتي

وأثناء حفلة الزفاف

................................

ســيادة العماد أول مصطفى طلاس

نائب القائد العام للجيش والقوات المســلحة

نائب رئيس مجلس الوزراء

وزير الدفاع

///// ســـابقا /////

اثناء ذهابي مع والدي

لمقر الأركان بدمشــق

................................
الأمين العام لجامعة الدول العربية

الســيد عمرو موسى

أثناء حضوره لعرض عســكري لنا بالاكاديمية في مصر

.................................

هلأ الفراطة : /// المقصود الأقل رتبة ///

الرفيق ماجد شدود : عضو قيادة قطرية لحزب البعث العربي الاشتراكي

رئيس مكتبي الشبيبة والرياضة القطري

.................................................

الرفيق عز الدين ناصر : عضو قيادة قطرية لحزب البعث العربي الاشتراكي

رئيس مكتب العمال القطري //// ســـابقا /////

...............................................

وزير التخطيط من بيت الزعيم نسيت اسمو

شفتو بمطار دبي
................................................

وزريرة المغتربين : بثينة شعبان

خلال محاضرة في مدرح الباسل جامعة تشــرين

........................................

و زرير النقل / ســابقا /

مكرم عبيد خلال زيارة قام بها لمقر الأكاديمية

.............................

و زير الصناعة : صافي ابو دان / محافظ اللاذقية سابقا

.............................

و زير المالية او الاقتصاد ما عم بذكر

الســيد محمد الحسيني

أثناء محاضرة بالمركز الثقافي

.............................

امين الفرع السابق الرفيق محسن الخير

امين الفرع الحالي الرفيق نبيه اسماعيل

المحافظ اللواء شيخ موسى

هدوووووووول 100 مرة

.........................

وفي وزير التعليم العالي المصري

و وزير السياحة السوري

و الأمين العام للحزب الناصري المصري

بــــــــــــــــــــــس هدول نسيان اسماؤهم

لا تأخذوني

....................

أمااااااااااااااااااااا الصعيد الفني

فارس كرم

و هيفاء وهبي

خلال عرس ابن الجود الله يوفقو

الغبي ابو وديع

لما غنى بنزلة مكتب ابو الفوز

أمل عرفة

شفتها بشارع الامريكان وسلمت عليها // كنت صغير //

وجمال سليمان

شفو لما كان عم بيصور فلم داخل أحياء الصليبة

وحســـام تحسين بك

و بنتو // نسيت شو اسمها //

شفتون بمطعم الصخرة بكســب

وأسعد فضة

شفتو بالشام بمقهى الهافانا

و الفنانة صباح بركات

بمطعم الشــلال

والفنان المصري عزت أبو العوف

و الفنانة منى شلبي

بمدينة 6 اكتوبر بالقاهرة

هاد ياللي متذكرو
............................

أبو النور

ديار · #12 (**permalink**) 12/02/07

اقتباس:

أرسل أصلا بواسطة نتالي

بس من غير زعل هلأ سعادة او شي مهم كتير اذا الواحد شفاف فنانين

؟؟؟؟؟

بالنسبة إلي ماحصلي الشرف وقابلت ولا شخصية مهمة لحد الآن .........

هلق هيك أخر شي طلع معك نتالي يعني و أنا شو ما شخصية مشهورة؟؟؟

نتالي · #13 (**permalink**) 12/02/07

لك شو هالحكي ياديار بالعكس انتي الكل بالكل ولا حدا قبلك ولاحدا بعدك

SALAHDIN · #14 (**permalink**) 12/02/07

انا من ناحيتي شايف الشيخ عبد الرحمن السديس و سعود الشريم

SALAHDIN · #15 (**permalink**) 12/02/07

اقتباس:

نوار مجبور/أبو النور/ vbmenu_register("postmenu_75518", true);
مشرف المنتدى الأدبي و الاجتماعي

أبو النور شو هاد

دولة بحد ذاتك
36_1_7[1].

ابو البحر · #16 (**permalink**) 12/02/07

ابو مروان الغالي
يا سيدي انت وافكارك ثروة للمنتدى
الشخصيات يلي قابلتها كتيرة طبعا بالترتيب رياضيا
مهاجم منتخب الارجنتين باتيستوتا بقطر لما كان عم يلعب مع نادي العربي القطري
مهاجم منتخب مصر الاول حسام حسن بالقاهرة
فنيا
كتير من الفنانين اذا بدي اذكرهم للصبح ما بخلص
بس رح اذكر كام واحد على رأسهم الهرم كاظم الساهر
جوليا بطرس ايهاب توفيق ماجدة الرومي مطربتي المفضلة وكلهم بمهرجان بيروت بحفلة المليون عربي

YOUSEF..MS · #17 (**permalink**) 12/02/07

اقتباس:

أرسل أصلا بواسطة نوار مجبور/أبو النور/

.

و زرير النقل / ســابقا /

مكرم عبيد خلال زيارة قام بها لمقر الأكاديمية

.............................

وانا كنت موجود لما حضر جولة تفقد لمبنى الاكاديمية لما كان مبني الثانوية البحرية

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات