قل رايك بصراحة ...هل انت مع عودة ...؟

[Kh@led]

تحياتي.. حبيت نزل هل الموضوع بهل الوقت تحديدا.. بعد الاخبار يلي

عم تقول انو تشرين عم بتفاوض مع عارف الاغا... و بالتاكيد هل الشي

رح يولد رد فعل عكسي لبعض محبي و جماهير حطين و الاغا معا..ضد ادارة النادي

لعدم دخولها بمفواضات مع الاغا

فانا حابب اطرح اسئلة عليكم..

1- حدا عندو فكرة كيف انتقل عارف الاغا الى الطليعة ؟

2- حدا عندو فكرة عن يلي صار بين عارف الاغا و ادارة حطين ؟ والعقوبة يلي فرضت ؟

3-في حدا بيتخيل انو عارف الاغا الموسم الماضي قد اصبح 99% تشريني؟مع سليم جبلاوي ؟
4-و بالاضافة الى ذلك هل تتمنى عودة الاغا الى الفريق؟

[Samer]

لك هاد من عضام الرقبة معقول يروح لعند هدوك. عارف لازم يرجع مهما كان الثمن.

[BaTiGoAl]

1- حدا عندو فكرة كيف انتقل عارف الاغا الى الطليعة ؟
الصراحة لا اعلم

2- حدا عندو فكرة عن يلي صار بين عارف الاغا و ادارة حطين ؟ والعقوبة يلي فرضت ؟
انا حسب ما سمعت يا خالد انو عارف تغيب عن مبارة جبلة هو وسليم الموسم الماضي ولم يحضرو للمباراة فها الشي دفع الادارة لتادي العقوبة اللي صدرت بحق عارف وسليم هديك الفترة ومن وقتها بلشت المشاكل ...3-في حدا بيتخيل انو عارف الاغا

الموسم الماضي قد اصبح 99% تشريني؟مع سليم جبلاوي ؟
ولله بعد موضوعك ما كنت بعرف والصراحة انصدمت كتير كتير كتير كتير ...قد ما بتتصور .. والصراحة الاكتر حاسس انو هالموقف كتير صعب صعب جدا وما عم بقدر اتخيلو ولو تخيل فما بالك بالواقع شو رح يكون شعوري يا خالد !!!
و بالاضافة الى ذلك هل تتمنى عودة الاغا الى الفريق؟
بالنسبة لعودة عارف انا اتمنى يرجع لكن بتمنى يرجع من قلبو من القلب اللي حضنو من الجمهور اللي عشقو من الناس اللي قدستو ... وما يخلي ادارة سيئة او سوء تفاهم تاثر على انتمائه لانو هو بيعرف انو خطوته هي كبيرة كتير ورح تجرح كتير ناس يا عارف بعملتك انت وسليم
بجد يا خالد الموضوع صعب فوق ما تتصور وانا هلق لسمعت ووعيت عليه وصدمني كتير بتمنى من القلب ما يصير لكن الطرفين عم يحكي فيه

[/quote][/center]

[Rammstein]

والله ما بعرف .......... بتمنا يرجع .... بس يا شريك صار عم يكبر راسو على النادي
......
بس اذا راح على تشرين بجوز يموتو متل ما صار مع جمال كاظم او بشار سرور

[BaTiGoAl]

لا اذا راح عارف بدو يصير اساسي متل الطليعة وعلم عكلامي هن بيتمنو هيك لاعب يلعب معن ...
وبدو يعجب ليورجي للكل انو لساتو عارف والادارة وحطين هو الخسران ...

[juventini]

و الله يا شباب موضوع عارف موضوع حساس كتير.. يعني ما حدا بيقدر ينسى عارف و إيامو بحطين.. بس إجت أيام و مرت ظروف عملت مشاكل كتير بين عارف و الإدارة و تسببت عند عارف بردة فعل نفسية و صارت بالأخير شغلات ما تركت للصلح مطرح.. و بالرغم من إنو ما بتمنى أبداً شوف عارف لابس تشريني بس الصراحة و مع احترامي لهاللاعب الكبير بقول إنو عنا تشكيلة شباب يخزي العين عنون و إنو قادرين نعمل كتير شغلات بإسلوب اللعب تبعنا بدون ما نحتاج للعيبة مفردين.. و لهالسبب ما بعتقد إنو فريقنا بحاجة ماسة لرجعة عارف.. و بعتقد إنو رجعة عارف إن حصلت رح تعمل مشاكل من اول و جديد و ما قصدي إنو عارف رح يعمل المشاكل بس قصدي إنو مجرد وجوده بالفريق رح يخلق مشاكل من ولا شي..
بتمنى التوفيق لعارف آغا و سليم جبلاوي و لكل لاعب طلع من حطين و أبدع مع غير فرق.. و بالتوفيق لرجالنا و شبابنا الموسم الجاية بإذن الله رح يكون غير..

[سامر حنونة]

انا و كلاعب بالنادي رح اقول انو الأدارة هي السبب الي خلا عارف يعمل هيك و احيانا هيك ادارة بتخلي الاعب يكره ما بس النادي و اللون الأزرق كمان بسسسسسسسسسسسسسسسسسسسسسسس
اتأكدوا انو اللاعب الحطيني الأصيل بضل اصيل من قلبو مامن شو ما حكى ما متل ما قلت أنو صار عارف تشريني
وأكيد انا مع عودة عارف وحاجتنا ندور ع لعيبة من برة النادي و خلينا نعطي فرصة للشباب

[Saeedoo]

3-في حدا بيتخيل انو عارف الاغا الموسم الماضي قد اصبح 99% تشريني؟مع سليم جبلاوي ؟
ما بعرف شو قصدك خالد بهالسؤال

والله ياخالد أنا معلوماتي أنو الموسم الماضي عارف تلقى عرض ممتاز من تشرين بس استنى كتير لإجاه عرض الطليعة وفضل يلعب للطليعة ...وهاد الشي يحسب له...

أنا ما بتمنى يرجع عارف عحطين لأنو صعب بعد هلق يعطي مظبوط متل قبل ...وبدها ترجع المشاكل ...
بس بقلك أنو رح ضل حبو وشجعو ويضل إلو مكانة خاصة بقلب أغلب الحطينية مارح تقدر الإدارة تمحيها ....وما بتخيل أنو يلعب لتشرين ...
وأنا متأكد أنو أبو فريد مارح يروح عتشرين ...باقي بالطليعة

بعدين الإدارة شو بدها بهالملفات القديمة والحسابات أي روحو رجعو زياد إذا صحي همكم حطين
زياد عالقليلة ما في اتنين بيختلفو عليه بحطين

[juventini]

أنا مع سعيد بهالكلام..

[محمد ديب]

أعتقد أن حطين أكبر من أي لاعب حتى لو كان ماردونا و لازم كل لاعب بدو يلعب مع حطين يكون عارف هذا الشيء . و لا شك أن عارف الأغا لاعب كبير و مبدع و عظيم و لكن حطين أولاً و نحن نحب عارف الاغا لأنو حطيني و اعتقادي أنو عارف بدون حطين يفقد كثير من إبداعه و لما يترك حطين هو الخسران و ليس حطين و الدليل أن حطين هذا العام أفضل كثيراً من الأعوام السابقة بلاعبيه الشبان المبدعين و إذا بدو يرجع عارف الأغا لازم يعرف أنو حطين أولاً ثم أولاً ثم أولاً و إلا يفضل ما يرجع و بدو يروح لتشرين يروح هو الخسران و رح يضيع كل تاريخه و من الآن بقول لعارف خسارة أنك حطيني في يوم من الأيام إذا ذهبت لتشرين و شكراً

[abu kamal]

أنا مابدي احكي وعلق شي
بس بصراحة أنا بتمنى يرجع أبو فريد للحوت

[hutteen my love]

لا تعليق

حطين فوق الجميع

[juventini]

أرسل أصلا بواسطة محمد ديب

أعتقد أن حطين أكبر من أي لاعب حتى لو كان ماردونا و لازم كل لاعب بدو يلعب مع حطين يكون عارف هذا الشيء

كلامك جواهر خي محمد ديب..

[BaTiGoAl]

يا شباب بس كلمة بجد ... ما بتحسوها صعبة انو عارف يلعب لتشرين؟!!! بس خبروني؟
انا هادا الي مدايقني ... بالنسبة لئلو انا ما زعلت لما عارف لعب للطليعة ...ما هون النقطة ولهلق انا ما زعلان بس حاسس انو فيه بقلبو ..نقمة عحطين خلفتا الادارة طيب نحنا شو النا علاقة بالادارة بتمنى عارف يحكم عقلو .. واكيد ما مننسى ايام عارف شو ما صار ..
نحنا كل واحد فينا بيعرف انو يلعب بكل الاندية مالنا زعلة لانو الادارة تركتو الا تشرين!!!

[أحمد دالي سلو]

إذا بدوا يلعب في حطين أهلا وسهلا به لأننا لانستطيع أن ننسى أيام عارف و أهدافه الجميلة .
وإذا بدوا يلعب لأي نادي أخر غير تشرين فسأظل أحبه و أشجعه.
فأما إذا لعب لتشرين فالله سيسقط من عيون كل الحطينين للأبد.

[BaTiGoAl]

أرسل أصلا بواسطة أحمد دالي سلو

إذا بدوا يلعب في حطين أهلا وسهلا به لأننا لانستطيع أن ننسى أيام عارف و أهدافه الجميلة .
وإذا بدوا يلعب لأي نادي أخر غير تشرين فسأظل أحبه و أشجعه.
فأما إذا لعب لتشرين فالله سيسقط من عيون كل الحطينين للأبد.

هاد اللي بعنيه ......يسلم تمك اخي احمد