صداقة الشب والبنت

[مهند شاويش]

شباب صبايا ممكن تعطوني رايكون بموضوع الصداقة بين الشب والبنت اي الذكر والأنثى بكل صراحة ومن دون مجاملات او شعارات
خارج نطاق الجامعة وخارج نطاق العمل هل توجد صداقة حقيقية بين الذكر والانثى وما نسبة هذه الصداقة الخالية من اي غاية ؟
ما هو عدد الصداقات التي انتهت بعلاقة حب وهل الصديق الذي تحول الى حبيب يسمح لحبيبته صديقته سابقا بالتعارف على اصدقاء جدد ؟
هل تقبل كرجل شرقي وانثى شرقية بأن يكون لحبيبك او زوجك صداقات من الجنس الآخر خارج نطاق العمل ؟
اليس معظم شبابنا متناقض مع ذاته بما يخص هذا الموضوع فيسمح لنفسه بان يصادق إناث بينما لا يسمح لأخته او حبيبته بأن تصادق ذكور ؟
":"016

شباب صبايا ممكن تعطوني رايكون بموضوع الصداقة بين الشب والبنت اي الذكر والأنثى بكل صراحة ومن دون مجاملات او شعارات

بالنسبة لنظرتي الشخصية الصداقة ابدا مو عيب بين الشب والبنت بالعكس شي عادي وشريحة كبيرة من الناس عندها اصدقاء بنات بس الموضوع دائما بيتاخد بحساسية

اولا لاننا مجتمع شرقي وعنا عادات وتقاليد قديمة ومأصلة فينا صعب كتير نغيرها

وتاني شي بسبب الحوادث واختلاف الحياة والظروف الصعبة الي بنسمع عنها والكم الكبير م الناس الي انحرفت و ما تنسى دور الاعلام والمسلسلات والافلام وتأثيرها على المشاهد ودور التربية كمان والوارع الديني

خارج نطاق الجامعة وخارج نطاق العمل هل توجد صداقة حقيقية بين الذكر والانثى وما نسبة هذه الصداقة الخالية من اي غاية ؟

اي طبعا في صداقات خارح نطاق لجامعه والصداقة الحقيقية موجوده بس متل ماقلتلك عامل التربية والثقافة من الطرفين بيلعب دور والاخلاق كمان بتلعب دور يعني لما ييكون الشب انسان مثقف ومتربي وبيعرف الاصول وكمان البنت ما بتشوف اي عوائق بس حاليا صعب كتير بسبب غياب الثقة من طرف الاهالي ونظرة المجتمع المحيط للصداقة والكاني والماني على البنت والشب من الناس المرضى نفسيا

ما هو عدد الصداقات التي انتهت بعلاقة حب وهل الصديق الذي تحول الى حبيب يسمح لحبيبته صديقته سابقا بالتعارف على اصدقاء جدد ؟

كتير صداقات بتنتهي بعلاقة حب لما الشب يكتشف انو هالبينت فهمتو وارتاحتله ووجود اشياء مشتركة بيناتهم وتقارب الثقافة هدا كلو ممكن يحول الصداقة لحب بس الاهم يكون الشعور متبادل من الطرفين لانو بحال اعترف احد الطرفين بحيو للتاني وكان الشعور من طرف واحد ساعتها بتنهار الصداقة وبينهار الحب

من ناحيتي بسمحلها بحال هي عطتني مجال لهالشي يعني خلتني اقدر اثق فيها بس طبعا رح حاول ادمج حالي بالوسط الي هي بتتعامل معو منشان ضل متطمن
بس هدا ما بيمنع انو الغيرة بتكون عم تاكلني اكل بس دائما لازم نحكم العقل قبل العاطفة



هل تقبل كرجل شرقي وانثى شرقية بأن يكون لحبيبك او زوجك صداقات من الجنس الآخر خارج نطاق العمل ؟

بقبل بس بشروط و كمان بحاول اني اتعرف على كل اصدقاء مرتي لحتى ضل قريب من الجو المحيط و بحال زوجتي بتحبني عنجد اكيد مارح تسمح للصداقة بينها وبين اي شخص تتحول لحب
بس بحال صار هيك شي ف رح قلها الله معك والقلب داعيلك


اليس معظم شبابنا متناقض مع ذاته بما يخص هذا الموضوع فيسمح لنفسه بان يصادق إناث بينما لا يسمح لأخته او حبيبته بأن تصادق ذكور ؟

اي مزبوط وهدا بسبب المجتمع الي عايشين فيه حاليا طاغي عليه الانحلال الاخلاقي وللاسف الشباب حاليا بيلعبو بعواطف البنات
وكمان في بنات مانن قلال ابدا
وبرجع بقلك تفكيرنا الشرقي ونظرتنا الشرقية بتلعب دور كبير منشان هيك الواحد بيخاف على اختو وحبيبتو من هيك علاقات لانو الدنيا حاليا ما الها امان بينما ما بيخاف على بنات الناس انو ينحكا عليهم وتتشوه سمعتن وهدا كمان بيرجع للتربية \

الخلاصة : بدا تضل الغيرة والعواطف بمجتمعنا هي الحاكمة
بيجوز انا حكيتك حكي تستغرب كتير لما تشوفه و الكل يستغرب لانو عقلكم ما بيتحمل هيك شي
وانا متلكم بس ما بلومكم ولا بلوم حالي لانو نحنا هيك تربينا وهيك تعلمنا وهيك تفكيرنا
وهدا ما ذمبنا

[مهند شاويش]

بصراحة كلامك عجبني وكتير كمان

بدك تطول بالك شوي بظن لانو الموضوع بدو اجابه طويلة
او يمكن البعض منن كان حابب يكتب متل ما كتبت
بسيطه انشاء الله بيجاوبو
شباب رجاء الموضوع هام وبدنا رأي الكل ..

[maher43]

36_1_21[1].* شباب صبايا ممكن تعطوني رايكون بموضوع الصداقة بين الشب والبنت اي الذكر والأنثى بكل صراحة ومن دون مجاملات او شعارات
والله يا اخي انا بعتقد و بامن بالصداقة بين الشب والبنت طبعا بدون نية سيئة و بتتوضح من خلال العلاقات بينهم المبنية على الاحترام و الثقة المطلقة
خارج نطاق الجامعة وخارج نطاق العمل هل توجد صداقة حقيقية بين الذكر والانثى وما نسبة هذه الصداقة الخالية من اي غاية ؟
وحتى غير الجامعة في صداقة و زمالة بس بهالوقت الخحال خفت كتير الصداقات الحقيقية ونسبة كبيرة من الصداقات بغاية مو بس من الشب كمان من البنت صايرة و بشكل ما طبيعي
ما هو عدد الصداقات التي انتهت بعلاقة حب وهل الصديق الذي تحول الى حبيب يسمح لحبيبته صديقته سابقا بالتعارف على اصدقاء جدد ؟
والله انا نادرا ما سمعت انو في صداقة انتهت بالحب والزواج كمان وهي قليلة كتير لانو الشب والبنت بمروا بمرحلة المراهقة و فترة غير مستقرة عقليا وبس تعدي هالمرحلة كل واحد بيفكر بالعقل وليس بالقلب
هل تقبل كرجل شرقي وانثى شرقية بأن يكون لحبيبك او زوجك صداقات من الجنس الآخر خارج نطاق العمل ؟
اكيد لألألألأ وهي طبيعة الانسان يعني الانانية موجودة فيه يعني في ناس حتى صديقتوا ما بيخليها تحكي مع حدا 36_1_21[1].*

اليس معظم شبابنا متناقض مع ذاته بما يخص هذا الموضوع فيسمح لنفسه بان يصادق إناث بينما لا يسمح لأخته او حبيبته بأن تصادق ذكور ؟
اي صح هادا الحكي والله راضي علي انو ما عندي اخوات بنات والحمد الله لانو هالايام صايرين نقمةة وليست نعمة 36_1_21[1].* عنجد اللي عم نشوفوا بالشوارع ما طبيعي ابدا ابدا اللهم عافينا طبعا انا ما عم عمم ابدا في بنات بينحطوا على العين و الراس بس المشكلة راحين بين هدول البنات اللي صار ما فيهم اي نوع من انواع الادب
ومتل ما خبرتك اخي انو طبيعة الانسان انانية بيحكي وبيعمل وما بخلي اختوا او حبيبتوا تحكي

[مهند شاويش]

عنجد اللي عاجبني بالاجوبة هوة الصراحة المطلقة نقاش ممتع

[maher43]

اي اكيد وصدقني انا بحكيلك اللي انا بشوفوا واللي بفكر فيه

[دليبيرو حطين]

شباب صبايا ممكن تعطوني رايكون بموضوع الصداقة بين الشبوالبنت اي الذكر والأنثى بكل صراحة ومن دون مجاملات او شعارات
اكيد في صداقة بين الشب والبنت بس بحدود يعني مامتل الصداقة بين الشبين او البنتين يعني مابتوقع بتوصل لهدرجة
بس الصداقة موجودة بمجتمعنا في العمل والجامعة يعني مو معقول مايكون عندك اصدقاء بشغلك بس انا من جهتي مابحب الاختلاط الزايد لانو اولا دينا ماسمح بذلك لانو الصداقة بتطور لشي تاني وتانيا نحن عقلنا البشري كشرقين لانقبل ذلك وبتوقع 90% من شريحة المجتمع هكذا
خارج نطاق الجامعة وخارج نطاق العمل هل توجد صداقة حقيقية بين الذكروالانثى وما نسبة هذه الصداقة الخالية من اي غاية ؟
يعني ع اساس شو رح تكون الصداقة
هلاء نحن منكون صداقاتنا بمجتمعنا يعني بجامعتنا بعملنا فكيف ستاتي تلك الصداقة يعني انا تعرفت ع رفقاتي بالجامعة وصرنا اصدقاء وبعد ماانهيت جامعتي صرنا اخوات بس كانت الصداقة بالجامعة
اما شوف فتاة بالطريق او بشي مقهى وقول هي بدي تكون رفيقتي
مو دائما الصداقة غاية بس نحن منعرف ع صداقاتنا بالمجتمع يلي عم نعيشو سواء مدرسة او جامعة او عمل وماان خلص هالفترة بتنتهي الصداقة
وراي بصراحة صداقة حقيقية خالية من أي غاية بين الشب والفتاة لايوجد
ما هو عدد الصداقات التي انتهت بعلاقة حب وهل الصديق الذي تحول الىحبيب يسمح لحبيبته صديقته سابقا بالتعارف على اصدقاء جدد ؟
بعرف كتير اصدقاء بالجامعة كانو رفقات واول سنتين كانو يمشو مع بعض ع اساس رفقات وبعدين حسو انو بحبو بعض وانو مو كانت صداقة وانو هيدا حب واخر سنة بالجامعة بيتركو بعض ومابتوج هالحب غير بالفشل والكذب
وانا كشب بنصح كل فتاة انو ماتثقي كتير بالشب خصوصا بهالايام لانو عم يصرلو كتير وكل ماكنتي عزيزة كل مابغلي بنظرو وماتقولو عني انو شرقي زيادة بس صدقوني هي الحقيقة
اما الصديق الذي تحول الى حبيب فانه لايسمح مطلقا بذلك وعندي امثلة في حياتي على ذلك ولااقولها عبثا
مع اني احب الحرية واحب الانفتاح وانا مع حرية المراة ولكن ليست أي مراة وكتير من النساء يستحقن ان يتوجو على روؤسنا
هل تقبل كرجل شرقي وانثى شرقيةبأن يكون لحبيبك او زوجك صداقات من الجنس الآخر خارج نطاق العمل ؟
لا طبعا مابقبل يعني انا يلي لازم كون لحبيبتي الاخ والحبيب والصديق مو لانو مابوثق بحبيبتي ولكن لانني لااثق بالطرف الاخر
اما في مجال العمل فلاامانع لان حبيبتي في العمل شخصية قوية
وبتوقع كل شب بيحب بنت مابتعطي وجه لحدا من شباب وبشوفوها كبيرة بنظرهم وفهمنانة
اليسمعظم شبابنا متناقض مع ذاته بما يخص هذا الموضوع فيسمح لنفسه بان يصادق إناث بينمالا يسمح لأخته او حبيبته بأن تصادق ذكور ؟
أي شبابنا متناقض مع نفسه كتيرا
ان الله لايغير مابقوم حتى يغير وا مابانفسهم
لكن لنبدأ من انفسنا وكل مانريد ان نقبل على شيئ نتذكر ان لدينا اخوات وبنات وسنكون يوما ما اباء للبنات
والصداقة تختلف بمفهومها وبعتقد البنت هي يلي بتحددها يعني هي يلي بتخلي الشب يتمادى معها وتتحول لشي تاني وهي يلي بتخليها تكون مجرد صداقة

[فاروق ابن البحر]

غلط وغلط وغلط ولا اقتنع بالصداقة بين شاب وفتاة وحتى الحب بلشت اكرهوا وما اقتنع فيه

[Saeedoo]

أنا رأيي شبيه كتير برأي الأخ دلبييرو حطين ...

إلى حد كبير ...لا أؤمن بالصداقة بين الشاب والبنت ...طبعا" بقصد الصداقة خارج الزمالة بالجامعة أو العمل ...

شوي رأيي معقد بهالقصة ...ومابدي وجع راسكن ...بس هاد هو باختصار..

وطبعا"..بالتالي مابرضى زوجتي يكون عندها صداقات خارج نطاق العمل ...و فيما يتعلق بهالنقطة بيعجبني نمط البنت ذات الشخصية القوية اللي بتعرف تخلص حالها بهالزمن

هالزمن ما زمن صداقات ...أذا الشب مع الشب ما بقى تشوف صداقة لتقلي شب مع بنت ..!!؟

[دليبيرو حطين]

الحمد لله طلع حدا رايو متلي احسن مايفكروني معقد

[مهند شاويش]

طيب شو رايكون انو انا كمان رايي من رأي دلبييرو وسعيد لأ ويمكن أكتر
بجد انا كشاب محكوم باللي بيفرضوا علي ديني وبالدرجة التانية شرقيتي
حتى في شباب لو ما كانوا ملتزمين دينيا بتشوفون ما قادرين يخلعوا عباءة الشرقي وبيبقوا شرقيين بس بهالشريحة بالذات بتشوف التناقض اللي سألت عنو
شباب ملاحظين انو الجنس الآخر ما علق على الموضوع ابدا ؟؟؟؟؟؟؟؟

[Saeedoo]

ليش أخي دلبييرو حطين ليعتبروه تعقيد

بالعكس أنا بعتبرو صراحة ...

يعني التعقيد أنو تقول أنك بتؤمن بالصداقة وبكرا بعد الزواج تكتشف أنك عمتناقض نفسك لما تمنع زوجتك من أي صداقات مع شباب بحكم أنك رجل شرقي ..

وأخي مهند معك تماما بهالنقطة ...يعني هيدي النقطة ما إلها علاقة كتير أوقات بالالتزام الديني

يعني بعرف كتير شباب مقطعين موصلين وما لهم علاقة بالتدين و بعد الزواج بتلاقيهم بيحبسو زوجاتهم وياويلهم يحكو مع غريب ...
ولما بتناقشهم بيقلولك أنا رجال وهية مرة ...!!؟؟

[دليبيرو حطين]

نحن رح نخاطب شاب مثقف مو شاب بدو يفرجي رجولتو ع مرتو وشاف وطالع ومافهمان شي
يعني هادول حتى الصداقة مابعرفوها

[الحوت المهاجر]

أرسل أصلا بواسطة دليبيرو حطين

الحمد لله طلع حدا رايو متلي احسن مايفكروني معقد

مين قال عنك معقد ؟؟36_1_12:

انا كمان ما بأمن بالصداقة بين الشب والبنت نهائيــــا خارج نطاق العمل او الجامعة

واي علاقة صداقة بين بنت وشب وراها مصلحة او غريزة او شي

انا ضد يكون زوجتي او اختي يكون الها صداقة خارج نطاق العمل والجامعة وضمن الحدود حتى

وكمان انا بنفس الوقت ما بعمل اي صداقة مع اي بنت لمجرد الصداقة

الزمان هالايام صار بخوف والثقة صارت معدومة نهائياااااااااا

الله يستررررر 36_1_7[1].

[مهند شاويش]

كلام سليم أنا بطالب براي من الجنس الىخر بدنا نعرف كيف بيتعاطو مع هالموضوع

[emy]

شباب صبايا ممكن تعطوني رايكون بموضوع الصداقة بين الشب والبنت اي الذكر والأنثى بكل صراحة ومن دون مجاملات او شعارات
أكيد فى صداقة بين البنت و الولد و بتكون صداقة كتير حلوة بس المهم انها تكون صداقة فى حدود الاحترام و الصداقة بين البنت و الولد مش عيب ابدا ابدا

خارج نطاق الجامعة وخارج نطاق العمل هل توجد صداقة حقيقية بين الذكر والانثى وما نسبة هذه الصداقة الخالية من اي غاية ؟
سواء بالجامعة أو بالعمل أو غير الجامعة و العمل فى صداقة و صداقات كتيرة جدا و بتكون صداقة بريئة جدا مش فيها اى مصالح او غايات و يمكن انا عايشة الحالة دى و شايفة ان مش فيها اى غاية

ما هو عدد الصداقات التي انتهت بعلاقة حب وهل الصديق الذي تحول الى حبيب يسمح لحبيبته صديقته سابقا بالتعارف على اصدقاء جدد ؟
فى صداقات بتنتهى بعلاقات حب بس مش كتير اما الصداقات اللى بتتحول لحب و بيكون حبيب اكيد بسمح بس لحدود انه يكون عارف الصداقات دى او تكون هيه عارفة الصداقات دى و يكونوا كلهم قدام بعض مش صداقات كل واحد تكون مش معروفة للتانى

هل تقبل كرجل شرقي وانثى شرقية بأن يكون لحبيبك او زوجك صداقات من الجنس الآخر خارج نطاق العمل ؟
انا اسمح بس فى حالة واحدة لما اكون عارفة الصداقات دى و اكون عارفاهم معرفة عميقة مش اى معرفة كده و خلاص عشان مش فى يوم من الايام تاخدوا منى و لا ايه رايك؟

اليس معظم شبابنا متناقض مع ذاته بما يخص هذا الموضوع فيسمح لنفسه بان يصادق إناث بينما لا يسمح لأخته او حبيبته بأن تصادق ذكور ؟
كتير بيعملوا كده بس لما الولد بيعمل كده عشان بيكون خايف على اخته من الدنيا دى مش موضوع انه رافض الموضوع بس الدنيا بجد بقت غابة مليانة وحوش و كله بياكل فى بعضه فتفتكر انه ممكن يسيب اخته او حبيبته للدنيا دى؟

[بنت البحر]

انا باعتقد لازم نسأل اول لسه في صداقة؟؟؟؟؟؟؟؟؟

واكيد الي عودة للمناقشة

[مهند شاويش]

رأي الصبايا مشجع كتير ولحد معين عندن بعض أفكارنا ناطرين مشاركة بنت البحر لنشوف شو وجهة نظر ا

[أبو هشام الحطيني]

الصداقة بين الجنسين برأيي تتبع للموقف
مثلا" اذا فرض على أي طرف ان يتعامل مع الجنس الاخر بحكم عمله أو طبيعه حياته اليومية عندها لامفر من الاحتكاك و عندها تحكم العلاقة نفسها طبيعة الشخصين و هذا يحدد ماهية هذه العلاقة
اما الصدقاة بين الجنسين لمجرد الصداقة فهذا برأيي شيئ خطأ على مجتمعنا لأن المرأة في مجتمعنا محكومة بجملة من العادات و التقاليد لا يمكن تجاهلها اما بالنسبة للرجل فهذا لا يهم
لذا فالصداقة امر جميل جدا" و لو كان بين الجنسين و لكن يجب ان تحكمه ضوابط المجتمع كي لا تؤثر هذه العلاقة سلبا" على اي طرف