الغباء الاعلامي...الى متى؟؟!!

[real medo]

الكل يشاهد ويسمع ما يحدث اثناء اي مباراة في الدوري السوري
عندما يستلم التعليق معلق لايعرف في كرة قدم شي سوا انها شكلها كروي,,,(ما بيعرف الطابة من الجبسة)
يعني يا جماعة معقول معلق ...ما بيعرف شو اسماء اللعيبة ...الا ما نكون جايبين اللعيبة من الكونغو واول مرة بيطلعوا على التلفزيون ...
لك امة الله معقول....
اركان مبيض يصير>>>>راكان مبيض
احمد حاج محمد>>>>احمد حاج عمر
العزيم >>>> العازم
شو هالمسخرة....ويا ريت بس هيك
اول اللعبة عمو المذيع....ما بيعرف حطين من المجد...سامر سعيد صار حارس حطين ....
والله شي بقلب النفس ..يا مااحلى ملاعبنا الخضراء....بكل شي في ملاعب بالعالم...بتلاقي معلق واحد عاللعبة....اما بملاعبنا....بتلاقي كل نص ساعة ...(وانقل المايكرفون الى زميلي )
شو يعني نشف ريقيوا ...ولا يمكن بدي يقضي حاجة....يالله صرت عم اشتهي معلقين الخليجين ....لك هدوك طول اللعبة بيحكوا حكي الوا معنى
يعني اليوم ما وجعني راسي من الخسارة وجعني راسي من التعليق البهوي.

[syriana]

فالج لا تعالج ..

متل ما قلك سيريانا

[الحوت المهاجر]

اخوي الاحلى قال هالمباراة ودية ولكن ميزتها انها ضمن نطاق الدوري والفائز فيها رح ياخد 3 نقطتصور مباراة الدوري صارت ودية ؟؟؟؟؟؟؟؟؟؟يا اخي شي بمرض بس الحمدلله اليوم بلشت اللعبة ساعة 3 ( توقيت السعودية ) وما قطعوها ولا مرة والحمدلله

[real medo]

يا عمي هيك معلقين لازم يعلقوا على دوري حواري
وانا بعتقد اني من اسباب ضعف الدوري السوري....هيك معلقين
يعني ما بلاقي معلق متل الخلق ...عبد الله خفته مع احترامي الو..بتلاقيه كانوا نايم باللعبة
ولا كامل نجمي ...طول الوقت عم يحكي حكي فاضي...(الاهلي والاهلي....)
وشو بدي احكي ما بعرف..والله مصيبة

[الآغا]

لايوجد ولا اعلامي سوري على مستوى الاهمية وزاد الطين بلة ( المهرج ) جمال

[abu marwan]

معلكين اخر زمن

[SAHED]

من قبل المرة حكيت الله يعينا على المعلق يلي رح يجينا على فكرة حتى بالتعليق عنا صار في تحييز يعني ......... ولا بلاها خلينا ساكتين احسن لك بعمرهم مرح يصيروا ويضربوا هني ويلي حطهن معلقين اصلن هدون علاكين مو معلقين

[الحوت المهاجر]

يا اخي كل معلق كويس فورا بتصرلوا فرصة للشغل برا برواتب مغرية جدا وامكانيات وتجهيزات رهيبةوالكل ما رح يفوت هي فرصةبذكر مرة عملوا لقاء مع مصطفى الاغا بجريدة بعد غياب كام سنة عن التلفزيون السوري وسألوه شو رايك بالتلفزيون هلاء ؟ فقال مستغرب لسة بيستعلموا الورق ؟؟؟؟؟؟!!! بالمحطة mbc اكيد بطلو عادة الورق وصار كل شي كمبيوترات محمولة وشاشات عملاقة خلوها لربكم اذا مباراة الدوري بينقلوها باربع كاميرات واتنين منهم جمب بعض ...؟؟

[real medo]

يا ريت مصطفى الاغا عنا

[الحوت المهاجر]

أرسل أصلا بواسطة medo_fateh

يا ريت مصطفى الاغا عنا

اخوي بمليون سنة ما بيرجع

هو وياسر علي ديب وايمن جادة

[أحمد وزان]

يا شباب السلام عليكم
يعني هالموضوع انفتح عالعين و الراس بس مو كان لازم نشهر ببعض المذيعين
و يا أخ ميدو شكلك مو بتعرف أنو المذيع السوري ما بيقدر يا خدر رياحتو بالحكي ع المايك متل بقية الدول و القنوات لذلك
و الحمد لله بكفي أنو في عنا معلقين عم يشرفوا اسم سوريا بالخارج وعم يبيضو الوش و هاد الشي بكفي أنو المعلق السوري أيضا من المعلقين العرب ذوي الخبرات العالية من وراء المايك
لذلك ارجو من الجميع عدم وضع لوم على احد من المعلقين لأنو هي بالنهاية مهنة ولا يستطيع أحد أياً كان لأن يتعرض لشرف مهن مهما كانت الظروف و الأحوال
و أنا متأكد أنو الأخ أياد ناصر أكبر دليل على شرف المعلق السوري داخل الوطن لأنه عرض عليه مئات العقود للعمل في إذاعات خارج نطاق الوطن و أبا إلا أن يترك التلفزيون الذي ظهره و ألمع نجمه و هذا أن دل على شيء يدل على صدق الوفا و الولاء للوطن
بس بالنهاية شي بسم البدن من بعض المعلقين بس ما باليد حيلة لأنو بضل هاد موظف مثله مثل أي موظف في باقي الدوائر الحكومية
و باعتقادي و اعتقاد الجميع أننا لا نستطيع أيضا أن ننقد شخص بتصرفاته أو في أداء عمله إلا إن كنا أفضل منه في أداء هذا العمل فهل أنتم يا أيها المعترضين على المعلقين لأفضل أداء منهم.؟؟؟؟؟؟؟؟؟؟؟؟؟؟؟؟
سلمات

[real medo]

طيب...لو عند مذيعينا ثقافة رياضية ما كانوا بيغلطوا...

والله اختي الصغيرة بتعلق احسن من الشيخ بكري

شو عم تحكي انت يا زلمه

لكان معقول العزيم صار مجداوي ؟

حبيبي اي موظف ب اي شركة بياخدو على شهادتو ودراستو و مؤهلاتو

الا عنا بتشوف الدكتور حلاق

والمهندس ماشي بعربية فول

والي ما بيعرف يحكي كلمتين عبعض بيصير معلك رياضي

شو هالمسخره

[nawwar]

عوجا ويا ما حنشوف

[Abu Ammar]

والله ما بعتقد عنا ولا معلق رياضي مقبول(باستثناء اياد ناصر)
من التعليقات المشهورة للمعلقين التحفة:
وا أرضيه زاحفة تعلوا العارضة بقليل....
معمعة في منطقة الجزاء...شو قاعدين في مرعى؟؟؟؟؟؟!!! والله عيييب...