::: قالت الصحف عن حطين (2) :::

المجد فاز على حطين ‏
‏
حقق المجد فوزاً جديراً على ضيفه حطين بثلاثة اهداف مقابل لاشيء والشوط الأول (2/صفر) في المباراة التي جرت أمس في ملعب الجلاء بدمشق. ‏
المجد انطلق منذ البداية نحو المواقع الهجومية معتمداً على تنويع الهجمات من الوسط تارة والجانبين تارة اخرى مع اجادة لاعبيه التمريرات البينية القصيرة، ورد حطين بهجمات افتقدت الى التركيز عند مشارف مرمى المجد، وفي الدقيقة العاشرة سجل بشار قدور هدفاً جميلاً بعد مواجهته حارس حطين عماد عيسى وسنحت فرص اخرى لبشار قدور وعلي الرفاعي لم تثمر وارتد حطين مهاجماً لكن مدافعي المجد والحارس سامر سعيد كانوا بالمرصاد، وكانت اخطر كرة لحطين تلك المباشرة التي سددها المغربي محمد عزيم وارتدت من القائم الايمن لمرمى المجد، وفي الدقيقة 42 اضاف بشار قدور الهدف الثاني للمجد من تسديدة ارضية مرت عن يمين الحارس وبه انتهى الشوط الاول. ‏
وفي الشوط الثاني كثف حطين هجماته عبر سيد بيازيد وعمار ياسين وسليم خضرة بديل هشام عابدين ومروان سيدة إلا ان الكرات الحطينية ارتفعت عن مرمى المجد أو انحرفت قليلاً أو ردها الحارس سامر سعيد، وقد استفاد المجد الذي لعب بثقة واضحة من احدى فرصه وسجل له علي دياب برأسه الهدف الثالث في الدقيقة 68 اثر كرة مرفوعة من حمزة ايتوني، وحاول حطين تقليص الفارق فسدد سيد بيازيد كرة مباشرة ردها السعيد والعارضة معاً، وعلت كرة عمار ياسين المرمى لتنتهي المباراة بفوز المجد 3/صفر. ‏

يتبع ...

[الامير totti]

ليش ما قالو المجد فاز على ... لاعب نايم بالملعب ..ولاعب عم بيخانق عالطالعة النازلة ..ولاعب عم يدوّر عالطابة وهيّ بين رجليه ..ولاعب ما الو حيل يركض ...ولاعب همو الوحيد يخلص من الطابة ...ولاعب بالاصل ما كان جاي على بالو يلعب بس منشان ما حدا يلعب محلو .قال لا انا اللي بي انزل ...ولاعب بالاساس نجم بس النجوم ما بتطلع الساعة 4 الضهر .........الخ ....

وما حدا شاف النجوم بعز دين الضهر ...الا جمهور حطين بظن

[YOUSEF..MS]

والمشكلة يا توتي ما رايحة غير عالجمهور

[nawwar]

لك أخ والله فريق حطين لغز غير الله عز وجل ما قادر يحلو

[الامير totti]

ابو مروان ..انا الي من سنة 1993 بعرف شو يعني حطين ... بس الصراحة ...هي اول مرة بحس حالي غلطان بالاسم

[حسون الحطيني]

والله يا شباب اذا بدو يضل الوضع على ما هو عليه على حطين السلام

[YOUSEF..MS]

كلامك صحيح اخي توتي
يعني

[YOUSEF..MS]

كلامك صحيح اخي توتي
يعني بالفعل هادل

[YOUSEF..MS]

كلامك صحيح اخي توتي
يعني بالفعل هادل ما حطين اللي منعرفو

[الامير totti]

أرسل أصلا بواسطة أبو مروان الحطيني

كلامك صحيح اخي توتي
يعني بالفعل هادل ما حطين اللي منعرفو

--------------------------------------------------------------

معناها بنصحك اتغير توقيعك الشخصي ...لوقت اللي يرجع ينولد الحوت عن جديد ابو مروان

[فاروق ابن البحر]

شوبكون يا جماعة بالذهاب ما كنتو يأسانيين هيك قولوا انشاء الله هالخسارة تكون هزة مرتبة للفريق مشان يصحو ويحسو على حالون

[fayez]

بالفعل اليوم حطين ما كان حطين يلي بنعرفوا .........بس و الله حطين راجع راجع الحوت الأزرق...........................36_1_11[1

[أبو هشام الحطيني]

و الله معطك حق يا اخ فاروق ما لازم نرفع العشرة مباشرة
ولازم نتذكر انو هالخسارة اجت بعد عدة انتصالرات متتالية
يعني ما في شي انتهى لسا و ممكن فعلا" تون هالنتيجة هزة للاعبين ليفيقو

[الحوت المهاجر]

والله يا شباب برأي الحل الوحيد والمفيد ان من الان نبدي نجهز فريق الشباب الحالي مع اللاعبين الشباب المترفعين جدد ليكونوا الفريق السنة الجاية ونخلص من كل نجومنا المعتمة وبالاسم بس نجوم والله هادا الحل الوحيد خلونا من الان نجهزهم ونعد الهم معسكرات ودورات وباقي سبع او تمن شهور للدوري بيكونوا صاروا جاهزين وخلينا سنتين ما نافس عل اي بطولة بس منكون كسبنا فريق ملتزم ومخلص للحوت وللجماهير الحوت

[maher43]

والله شو الواحد بدو يحكي ليحكي

[Mekdido]

أرسل أصلا بواسطة فاروق منلا

شوبكون يا جماعة بالذهاب ما كنتو يأسانيين هيك قولوا انشاء الله هالخسارة تكون هزة مرتبة للفريق مشان يصحو ويحسو على حالون

إي والله عم تحكي دردر .... ممكن تكون زلة ما أكتر و لا أقل ....

[real medo]

أرسل أصلا بواسطة توتي حطين

ليش ما قالو المجد فاز على ... لاعب نايم بالملعب ..ولاعب عم بيخانق عالطالعة النازلة ..ولاعب عم يدوّر عالطابة وهيّ بين رجليه ..ولاعب ما الو حيل يركض ...ولاعب همو الوحيد يخلص من الطابة ...ولاعب بالاصل ما كان جاي على بالو يلعب بس منشان ما حدا يلعب محلو .قال لا انا اللي بي انزل ...ولاعب بالاساس نجم بس النجوم ما بتطلع الساعة 4 الضهر .........الخ ....

وما حدا شاف النجوم بعز دين الضهر ...الا جمهور حطين بظن

انا ببصملك بعشرة...لعيبتنا نجوم بس باليلل....بتعرف لعيبتنا متعودين عاللعب تحت الاضواء
بقى لهيك بدكم تعزروهم ..لاني ما بيعرفوا يلعبوا الا على الاضواء الكاشفة

[مهرتوو]

لكم اخ يا شباب والله الواحد ما بيعرف شو بدو يحكي زالكل معو حق انوو ما لازم نرفع العشرة بس لازم نحط النقط على الحروف وبأسرع وقت

[acha 1]

معك حق يا ماهر لازم بالمنتدا نعمل شي ما لازم نخلي الفريق يتهور ونحنا عم نتفرج عليه

[عاشق الحوت الأزرق حسام]

بسيطة شباب غيرها بغيرها المهم نعالج أسباب الخسارة
وبعتقد هي كبوة جواد وبتزول وانشاء الله الحوت راجع
هيك انا متوقع ومتفائل