ارسم صورتك بحروفي...و اخسر حبك - نادي حطين السوري

بنت البحر · #1 (**permalink**) 18/02/07

فتحت حقائب سفري المليئة بك وحدك... وقفت لأعلم أي قطعة لي وأيها ليست كذلك...
فرزت حبنا قطعة ... قطعة... رصفت الوعود بعضها فوق بعض... وحاولت أن أختار...
هل تركت لي حرية الاختيار حقاً...!!؟
حدقت النظر.... بعثرت الذكريات... حاولت أن أعلم أي قطعة منك كانت لي في ذاك الحب الذي تشردت به معك عبر سنوات عمري....
قلبك.... خلية النحل المليئة بكل أنواع الشهد الذي أهدتك إياه ورود أخرى
يدك... التي صافحتني وهي تخبئ خناجر لطعني....
قدمك... التي وقفت على ذكرياتنا لتدوس كبريائي...
عنقك... الذي اشرأب ليتعالى على حب صنع منك رجلاً
عيناك... كهفا الظلم الذي سجنني أعوام... حمامة مذبوحة بلانهاية....
أنفك... الذي كان يخفي روائح الخيانة المتكررة....
فمك... الذي كان يأكل سنين عمري كأنها حق له وحده بلا منازع....
أم لسانك... الذي كان سياط تهمي على حبي لك... وثقتي بك... أكاذيب ملونة... وخدع متقنة الحياكة... وتبريرات بلا نهاية...
فرغت الحقائب من كل ما اختزنته من ذاك الحب... وعرفت بعد سنين من التشرد وأنا مثقلة بك... أن لا شيء بها أبداً كان لي....
وأنك عندما رحلت... لم تترك لي حتى حلاوة الذكرى لأقتات بها... وأبرر لنفسي السنين التي أهدرتها عبثاً عليك....

نوار مالك مجبور · #2 (**permalink**) 18/02/07

قلبك.... خلية النحل المليئة بكل أنواع الشهد الذي أهدتك إياه ورود أخرى

::::::::::::::::::::::::::::::

جميل جميل جميل

بانتظار مزيدك

شيء يبشر بالخير دائما بهنيكي

::::::::::::::::::::::::::::::

صديقتي الغالية : برجاء كتابة مصدر الموضوع

أو إذا كنت انت من كتب الموضوع برحاء كتابة اسمك آخر الموضوع

....................................

ابو النور

بنت البحر · #3 (**permalink**) 18/02/07

مشرفنا العزيز:
بالنسبة لمشاركاتي اكيد رح تكون كلها من كتاباتي و خلاف ذلك رح اكتب تحتها منقول

و شكرا لرأيك بكتاباتي
وبتمنى كون من الاعضاء اللي بيقدموا دايما شي حلو و أصيل و مش منقول
شكراً لمرورك المشجع

فهد الطليعة · #4 (**permalink**) 18/02/07

قدمك... التي وقفت على ذكرياتنا لتدوس كبريائي...
عنقك... الذي اشرأب ليتعالى على حب صنع منك رجلاً
عيناك... كهفا الظلم الذي سجنني أعوام... حمامة مذبوحة بلانهاية....
أنفك... الذي كان يخفي روائح الخيانة المتكررة....
شي رائع جدا جدا
اهيكي بنت البحر على هذه الرائعة

الحوت المهاجر · #5 (**permalink**) 18/02/07

مشكورة اختي الكريمة على كتاباتك الجميلة

دليبيرو حطين · #6 (**permalink**) 18/02/07

حلو كتير
بس تعليق انو مو دائما الرجل خاين
وكتير منصدف حالات انو البنت هي عم تخون لما بيصرلها فرصة احسن

ساسوكي · #7 (**permalink**) 18/02/07

test

emy · #8 (**permalink**) 18/02/07

يعطيكى العافية حبيبتى و كتابتك فعلا فوق الرائعة

ابو البحر · #9 (**permalink**) 18/02/07

طالما انك بنت البحر فكتير عادي انو تكوني كلك مشاعر واحاسيس
مشكورة يا بنت البحر دائما اتحفينا بكنوزك لانو متل ما منعرف البحر فيه كنوز كتير

فاروق ابن البحر · #10 (**permalink**) 18/02/07

اقتباس:

أرسل أصلا بواسطة ابو البحر

طالما انك بنت البحر فكتير عادي انو تكوني كلك مشاعر واحاسيس
مشكورة يا بنت البحر دائما اتحفينا بكنوزك لانو متل ما منعرف البحر فيه كنوز كتير

36_1_11[1 36_1_11[1 36_1_11[1

اكيد حتى يعرفوا عيلة البحر كيف كلنا فنانين و شعراء

فاروق ابن البحر · #11 (**permalink**) 18/02/07

اقتباس:

أرسل أصلا بواسطة دليبيرو حطين

حلو كتير
بس تعليق انو مو دائما الرجل خاين
وكتير منصدف حالات انو البنت هي عم تخون لما بيصرلها فرصة احسن

اخوي هو البنت دائما بتقول الشب خاين والشب بقول البنت خاينة يعني ما حدا رح يقدر يقنع التاني 36_1_21[1].*

sailor · #12 (**permalink**) 19/02/07

اول مرة بشوف هيدي المشاركة الك بنت البحر
دائما اكثر من رائعة

بنت البحر · #13 (**permalink**) 19/02/07

مرحبا

صديقي فهد الطليعة: شكرا للتشجيع مرورك هوي الرائع شكرا لمرورك

صديقي الحوت المهاجر: مشكور على تعليقك وتشجيعك شكرا لمرورك

صديقي دليبيرو حطين: بالعادة لما بكون في قوي و ضعيف دايما القوي بيكون الو حصة الاسد
انا ما فيني انكر انو في بنات ممكن تتسلى بمشاعر الشب و تخون بس اذا بدنا نحكي بقصة النسبية ما بطلعلنا معكون بنوب نورت الخاطرة شكرا لمرورك

صديقي ساسوكي: اهلا و سهلا فيك شكرا لمرورك

صديقتي ايمي: شكرا لرأيك الحلو وشكرا لمرورك

صديقي ابن البحر:اهلين اخوي اكيد نحنا عيلة فنية و تجمعنا ممكن يعمل اعصار من المشاعر و الاحاسيس شكرا لمرورك

صديقي ابو البحر: هيدا بعض ما عندكم و انا بيسعدني تواجدك بخواطري بقية المشاركات على الطريق و انشالله تنال اعجابك شكرا لمرورك

صديقي البحار: معقووووووووووول ؟؟؟؟؟؟؟؟؟؟؟؟
كيف مرقت من تحت ايديك هالخاطرة؟!!!!!!!!!!!
نحنا من بعدك و خواطرك بتشهدلك شكرا لمرورك

YOUSEF..MS · #14 (**permalink**) 21/02/07

شي جميل ورائع جدا
بارك الله فيكي ابنة البحر

بنت البحر · #15 (**permalink**) 21/02/07

صديقي ابو مروان الحطيني

شكرا لتشجيعك منور صفحات الخاطرة
شكرا لمرورك

Rammstein · #16 (**permalink**) 21/02/07

اقتباس:

أرسل أصلا بواسطة نوار مجبور/أبو النور/

قلبك.... خلية النحل المليئة بكل أنواع الشهد الذي أهدتك إياه ورود أخرى

ابو النور

... نوار بس قللي انت من وين بتجيب هيك مصطلحات ... ...

بنت البحر · #17 (**permalink**) 22/02/07

صديقي rammstein :
ما بعرف يمكن ما قريت حضرتك الخاطرة
اللي كتبو مشرفنا هوي اقتباس من الخاطرة الاصلية
نورت بمرورك

Rammstein · #18 (**permalink**) 22/02/07

اقتباس:

أرسل أصلا بواسطة بنت البحر

صديقي rammstein :
ما بعرف يمكن ما قريت حضرتك الخاطرة
اللي كتبو مشرفنا هوي اقتباس من الخاطرة الاصلية
نورت بمرورك

...
شكرا لضروره تذكيري بقراءه الخاطره .... ولكني يا سيدتي قراتها ... وقراتها بتمعن ...
ولكني انتظرت الرد من نوار وليس منك ... وانا اردت من كلامي هذا انا امازح الرفيق نوار مجبور ليس الا ...
تقبلي تحياتي
Rammstein

اقتباس:

أرسل أصلا بواسطة بنت البحر

صديقي rammstein :

نورت بمرورك

... ميرسي كلك ذوق ...

بنت البحر · #19 (**permalink**) 23/02/07

صديقي انا ما بقدر اقرأ النوايا بقرأ بس المكتوب
ومن خلال المكتوب حسيت انك مش قريان الخاطرة
ما تواخذني لأني ما فهمت النية
ونورت بمرورك مرة تانية

هشام · #20 (**permalink**) 23/02/07

يعطيكي العافيه شي بيخول

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات