اخر اخبار فريق الرجال

[michel owen66]

ياريت حدا يخبرنا من أعضاء المنتدى في دوري شباب اليوم ولا مافي ؟ وإذا في ياريت حدا يتكرم علينا ويخبرنا بالنتيجة وشكراً لكم

[maher43]

يا سيدي مع انو ما بعرف بس يمكن كمان اتاجل منشان اللعبة الودية هههههههههه
مسخرة

[أبو ناظم]

يا شباب ليش اخدين الشغلة مسخرة, يعني الفريق ما بيحقللوا كبوة ولا ما بيحقللوا يخسر

الله العليم شو صار فيني يوم الجمعة و هادا يمكن تاني تعليق لألي على لعبة المجد

بس يا شباب لازم ناخد الوضع بجدية اكتر بشوي

يعني و لو خرجت عن النص شوي

ليش الكل بيطالب بمحاسبة و تقييم الفريق

وين راح محاسبة و تقييم الجمهور

الأفضل كل واحد يشتغل بحالو اول (يعني من مبدأ انر زاويتك) و بعدين بيتفرغ لغيروا

شو رح تكون نفسية الفريق لما رح يقرأ التعليقات برأيكون؟؟؟؟؟؟؟؟؟؟

يا شباب النا دور اكبر من هيك بكتير

السماح من الكل ما قصدت التجريح بحدا

بس برئيي الفريق اللي عندوا 10000 مدرب ما بحياتو بشوف الخير

السلام عليكم

[maher43]

اخخخخخخخخخخخ شو بدنا نحكي لنحكي المل متوفر والنفسية متوفرة شو ناطرين طيب
انتوا ملاحظين انو ما عنا لاعبين احتياط مستواهم كبير غير كام لاعب يعني بكل لعبة ما في غير 3 لعيبة وبس ما بيصير
لازوم يرفعوا كام لاعب من الشباب ويضغطوا عليهم شوي منشان السنة الجاية و يجرب فيهم هلىء
وكمان لازم من هلىء يحكوا مع كام لاعب حطيني من اللاعبين القديمين منشان يرجع يوقع للحوت متل عارف وسليم و كام لاعب
يعني الشغلة مانها فيزياء ومانها صعبة كلوا ببساطة متوفر بس العقل ليش ما يتحرك ما بعرف
حكينا بكام اقتراح ما حدا رد علينا فيهم منشان يصير يعتمد النادي على حالوا
عطاهم المدير مصاري ومكافات ما جابت نتيجة طيب وين الغلط ؟
الغلط من اللاعبين و من النفسية ومن الملاعب الزفت اللي عنا عنا لاعبين موهوبين و عندهم فنيات كبيرة طيب ليش بالشام ما قدموا مستوى منيح ولا بجبلة اكيد من الملعب التعبان اللي عم نلعب فيه اي الطابة ما وقفت على الارض كمان الملعب بيلعب دور باللعبة برا والله لو ما تقرب الكاميرا على الضو ما بنعرف انو المطر عم ينزل يعني ما بكل لعبة تحطوا الحق على اللاعبين
بس في كام لاعب ما بيصير ينزل ليرجع لمستواه اركان مبيض غايب عن الفريق الحسونة كمان والسيدة والبيازيد هي نص الفريق



اخي ابو ناظم انا معك بس لازم كل واحد يشوف غلطوا وكل لاعب يقرا لازم يعمل شي منشان مستواه يرجع نحنا هون ما لكا لاعب ينسى كيف يلعب نصفقلوا ونئلوا معلش لازم نحكي منشان يفيق

[أبو ناظم]

أخي ماهر انا معك 100% لازم يوصل صوتنا و ملاحظاتنا بس ما عن طريق المنتديات بحيث الكل بيقرأ و بعض الاحيان عم توصل الامور للتجريح
يعني النقد لازم يكون بناء و النصيحة لازم تكون واضحة و بدون تجريح
لازم يكون فيه قنوات لتوصل رأينا للادارة و المدرب باسلوب النصيحة لا عن طريق التجريح

ممكن كتير نستفاد من الشي اللي ممكن نحن نشوفوا و المدرب ما شايفوا بس بالاسلوب الصحيح

[maher43]

والله يا ابو ناظم صح هالحكي وانا متل ما سمع كل واحد بالنادي او كل عضو عندوا واحد بينقلوا الاخبار هون
ونحنا هون ما لنجرح اللعيبة ولازم نوقف مع الحوت بالاوقات الصعبة مو نهرب متل ما عمل غيرنا
بس انا عني اذا بتئلي شغلة عني ما بتعجبك انا بسمع منك وبعمل على انو صلحها مو تئلي يلا معلش وبسيطة منشان ضل اعملها صح ؟

لازم اللاعب يفوت وبعتقد اللاعبين عم تفوت لناو كل واحد بدو يعرف شو ينحكى عليه ولازم يصلح الغلط

[fayez]

على خير إنشاء الله و يارب ينتصر الحوت الأزرق دائما"........":"016 ":"016



":"016 ":"016 ":"016

[مهرتوو]

ياشباب والله لازم نعطي الفريق دفعة معنوية كمان مو الكل ضغط ضغط يعني لازم نعمل كونترول على حالنا اكتر من هيك بشوي هنن صحي غلطو وصحي ما قدمو بلعبة جبلة بس عم يقدموا شي معقول والله الملعب بشام كان اسوء ما تتوقعو بس بقول انو لازم نعطيون دفعة لاقدام شوي

[maher43]

لك يا ماهر اينو ضغط صدقني كلامنا لمصلحتهم دائما و من ئهرنا على الوضع اللي وصولا ئلوا اكيد نحنا ما بنكره حدا بس لازم يحسوا بالجمهور ويلعبوا ويقدموا متل ما عم ياخدوا الشباب عم تتعب بس كمان لازم الواحد يحسن مستواه

[ابو الليل]

السلام عليكم

أنا كنت من أول من قال لانريد الدوري نريد فريق قوي للمواسم القادمة ولكن أن نفوز بصعوبة على أرضنا ونخسر بالنتيجة والأداء فهذا دليل على أنه يجب على الجهاز الفني للفريق أن يعيد الحسابات لا نقول نقاتلهم ولكن النقد موجود دائما فليكن نقدنا نقداً بنّائاً للمصلحة العامة وأن نعمل باحتراف ونكن أفضل من غيرنا ؟؟؟؟؟؟؟؟؟؟؟؟ وشكراً

[Mekdido]

الله يقدم اللي في الخير

[T . AJJAN]

أبو ناظم مو شايف انتي معي انو الوضع متدهور
وانت وقت عم تكون مع الفريق بقلبك وهو مو معك ولا مع النادي من اصلو ماراح تتدايق وتكتب اي شي المهم تروح عن نفسك
يعني انتي ابوناظم اخوي مو ملاحظ انو الفرق مو كتير كبير ابدا مع الفرق يلي بالمؤخرة وموقعنا ومبارياتنا كتير صعب وبيتطلب حل جذري قبل وقوع الفاس بالراس ياسمح الله

[nawwar]

على خييييييييييييييييييييييييييييييييير