ترقبوا حوت ال2007

abu kamal · #1 (**permalink**) 17/05/06, 01 :44 01:44:17 AM

بدأت تتبلور الصورة الختامية للحوت في الموسم القادم
فمع الإعتماد الكلي على لاعبي الحوت الحاليين بصفوف الفريق
والتجديد لعماد عيسى بقي أمام الحوت التجديد للاعبين على الأغلب من محترفي هذا العام
يعلن عنهم في الوقت المناسب
إضافة إلى استقدام ثلاثة لاعبين على الأغلب من الأندية
ومع تجديد عقد الهواش الذي بات أمر حدوثه قريب جداً
تتشكل نواة الحوت للموسم المقبل على أمل العودة إلى التألق والإبداع ومقارعة الكبار
والمنافسة على الألقاب
كل هذا وأكثر سوف يرا النور بإذن الله في الفترة القليلة القادمة

Kh@led · #2 (**permalink**) 17/05/06, 01 :49 01:49:57 AM

انشالله خير..و رح نوافيكم بالاخبار اول باول

SALAHDIN · #3 (**permalink**) 17/05/06, 01 :58 01:58:40 AM

بإذن الله راجعين يا شباب

وترقبوا كل أخبار الفترة القادمة من خلال موقعنا

مهند شاويش · #4 (**permalink**) 17/05/06, 02 :07 02:07:50 AM

بس بدي اعرف شو عندو أسامة حداد ونزار الحسين لنجدد عقودون شباب بصراحة انا ما متفائل أبدا وفي حكي لازم ينحكى
يعني ليش ما منعطي فرصة على اليسار لسليم خضرة متل ما تشرين عطى فرصة لنديم صباغ
انا بكل صراحة ضد التجديد للهواش اولا اللي ما عندو شي وهادا كلام اللاعبين نفسون وضد التجديد لنزار واسامة لأنومستواهون كان أقل من عادي وبهالوضع رح يبقى حطين يفرح وينزل بالشوارع ليش لأنو بقينا بالدرجة الأولى
بصراحة مليت من المجاملة والصبر والوضع سيء كتير والصورة قاتمة والحرب بين فريق راشد وفريق خلدون شغالة وما رايحة إلا على النادي وانا بعرف تماما شو عم قول

Digital-Zero · #5 (**permalink**) 17/05/06, 02 :15 02:15:56 AM

انشالله بيرجع الحوت للتألق والانتصارات
وشكرا عالأخبار

abu kamal · #6 (**permalink**) 17/05/06, 02 :22 02:22:20 AM

أبو مروان أخوي أنا قلت لاعبين ع الأكتر
الحداد كان كويس وقت اللي يلعب وسط متأخر
منحي اللي قلنا واللي علينا
بالنسبة للهواش مابعرف بس يمكن لأني بيعرف الفريق بس راح يكون معو عالم تانية
أكيد ابو مروان

abu kamal · #7 (**permalink**) 17/05/06, 02 :23 02:23:20 AM

ع كل حال أبو مروان لسا بكير كتير
هلأ في فترة تحضير راح تكون الفريق صار بيعرف بعضو
وكلشي ممكن يتغير واسا في وقت قدامنا

BaTiGoAl · #8 (**permalink**) 17/05/06, 03 :11 03:11:30 AM

ابو كمال ..بدك الصراحة ..
فيه كام لاعب قدمو مباراة او تنين مناح والباقي كلو اقل من عادي يعني حرام ندفع فيهن مصاري عاساس محترفين ؟؟
طيب ليش لا الشباب لعبناهن كام لعبة ادو احسن من هالمحترفين ...
اللي حكاه مهند صحيح ...
انا ما ضد الهواش انا ضد انو حاج نشغل لعيبة ونتاجر بمصارينا كرمالن ..وناسيين شباب النادي ...
بالنسبة للموسم الجاية بتصور لو حضرو من هلق وانتظمو وقررو مين بدن للسنة الجاة من هلق لشهر وبقيو عالتمرين ...
رح يمشي حال الفريق انشالله ..
بس ما بعرف اذا اللي قلتو بصير
وبشكرا ابو كمال والكل وكل الي بدو يساهم بنشر اخبار الحوت

Rammstein · #9 (**permalink**) 17/05/06, 04 :41 04:41:37 AM

اقتباس:

أرسل أصلا بواسطة italiano

بس بدي اعرف شو عندو أسامة حداد ونزار الحسين لنجدد عقودون شباب بصراحة انا ما متفائل أبدا وفي حكي لازم ينحكى
يعني ليش ما منعطي فرصة على اليسار لسليم خضرة متل ما تشرين عطى فرصة لنديم صباغ
انا بكل صراحة ضد التجديد للهواش اولا اللي ما عندو شي وهادا كلام اللاعبين نفسون وضد التجديد لنزار واسامة لأنومستواهون كان أقل من عادي وبهالوضع رح يبقى حطين يفرح وينزل بالشوارع ليش لأنو بقينا بالدرجة الأولى
بصراحة مليت من المجاملة والصبر والوضع سيء كتير والصورة قاتمة والحرب بين فريق راشد وفريق خلدون شغالة وما رايحة إلا على النادي وانا بعرف تماما شو عم قول

بسحابب عقب على شغلتين الاولى انو اسامه صحي كان يجلطنا ببعض اللعب بس المشكله ذالعب اسمه ما ببيين لانو صايره مهامو الدفاعيه اكترمن الهجوميه
ونزار الحسين .....بظن انو بالاياب الكل شاف كيف صار نزار وكان وحش باكتر من لعبه

مهند شاويش · #10 (**permalink**) 17/05/06, 05 :40 05:40:58 AM

أبو كمال الغالي انت بتعرف شو همي وبتعرف وجعي وبصراحة خايف نعيش كابوس آخر سنتين انشالله بطلع غلطان والمهم حطين

juventini · #11 (**permalink**) 17/05/06, 09 :08 09:08:31 AM

اقتباس:

أرسل أصلا بواسطة italiano

بصراحة خايف نعيش كابوس آخر سنتين

و الله معك حق يا مهند.. هيدا اللي خايفين منو بالفعل و الله يستر.. لإنو عن جد الواحد ما بقا عندو قدرة عالصبر و المجاملات الفارغة.. و أنا معك مية بالمية من ناحية أسامة حداد لإنو ما عطا شي من أول ما إجا لهلأ و مستواه كان عالدوام مستوى عادي و أحيان كتيرة اقل من عادي..

Saeedoo · #12 (**permalink**) 17/05/06, 09 :37 09:37:47 AM

أنا بدي كيفورك بحطين .....ولن أتنازل عن مطلبي ..

مع الهواش أو بدونو ...بس بدي كيفورك ....

.
____________________
.
وبخصوص اللعيبة بتصور فينا نشيل 2 أو تلاتة بس منهم للموسم الجاية ...
وأسامة حداد كويس بعتقد بس تغيير المركز هو اللي أثر عليه ..
أهم شي يصير الانسجام بين لاعبي الفريق وكل لاعب يحفظ محلو وشغلو

juventini · #13 (**permalink**) 17/05/06, 09 :45 09:45:43 AM

بعتقد إنو كلام سعيد من ناحية كيفورك لا غبار عليه..كيفورك شئنا أو أبينا هو عامود أساسي بنادي حطين من قبل و هلأ و بعدين.. و اولتها و آخرتها لازم يصح الصح و يصير كيفورك بموقع اتخاذ قرار بالنادي.. هلأ بعرف في كتير منكون يمكن يختلفوا معي بس وجهة نظري إنو نادي حطين بحاجة لناس همها مصلحة النادي و بس, و إذا كان هيدا هو المعيار فكيفورك هو عنصر أساسي بالمعادلة.

BaTiGoAl · #14 (**permalink**) 17/05/06, 02 :31 02:31:49 PM

أخي دامو كيفورك بدو مصلحة النادي فمستحيل يرجعوهههههه وفهمك كفاية يعني ؟؟؟...
مين مننا ما بريد كيفورك؟!!! لك كيفورك من القلال اللي بحبو حطين من القلب ...

abu kamal · #15 (**permalink**) 18/05/06, 07 :15 07:15:57 AM

الله حيو شباب كلامكم حلو كتير
وإن دل على شي بدل على محبتكم للنادي
تابعوا معنا بحيوتكم ونشاطكم
وانشالله أفكارنا كلا راح تكون موضوع طرح بشكل
دائم

نوار مالك مجبور · #16 (**permalink**) 18/05/06, 07 :52 07:52:39 PM

إنشاء الله خير يا شباب وبيرجع الحوت ليكون حوت
أبو النور

juventini · #17 (**permalink**) 18/05/06, 08 :02 08:02:55 PM

آمين يا رب, الله يسمع منك أبو النور..

Samer · #18 (**permalink**) 18/05/06, 08 :25 08:25:26 PM

انشالله تفاؤل يكون بمحلو لانو بداية الموسم الماضي كانت مبشرة بس بعدين داب التلج. كنا عالاساس طالعين لفوق بس شفتو شو صار. بدنا نعرف اذا الناس بالادارة عم يشتغلوا صح او غلط و لازم لشباب يكشفوا كلشي امام الجمهور.

الامير totti · #19 (**permalink**) 19/05/06, 10 :09 10:09:21 PM

باعتقادي التشكيلة اللي عم يلعب فيها حطين بالفترة الاخيرة ..كانت منيحة ...
وانا ما ضد اي واحد بيقول انو الحداد كا سيء ... بس وقت اللي ما كان عم بيلعب بمركزو !!!
بس وقت اللي رجع ..فرجانا مستوى يعني منيح ..أحسن من الاول ...
وبالاخير ..حطين فوق الجميع

محمد ديب · #20 (**permalink**) 19/05/06, 10 :59 10:59:52 PM

يا شباب لا حدا يزعل رح ننجلط صرنا عشرين سنة عم نتسنى و خايف نتسنى العمر كله و ما نشوف الحوت بطلاً للدوري بدي أعرف شو ناقص هالنادي

لازم نعرف الوجع و نحط أيدنا عليه و كل واحد يشتغل بضمير فنادي حطين ليس ملك لأحد بل هو ملك لكل محبيه حتى لو بالكونغو

مرة بنقول الإدارة و مرة اللاعبين و مرة المدرب ومرة الجمهور ومرة ما بعرف شو

الكل بأكد أن الحوت هو مدرسة كروية بتطلع احسن لاعبين بالبلد من 15 سنة واكثر !!! طيب ليش ما عم نأخذ الدوري ؟؟؟؟؟

على كل حال أن مو متقائل لا بإسامة حداد و لا بنزار الحسين بصراحة ولا بالهواش بدكن نأخذ الدوري لازم نشتغل بضمير و نعتمد على اللاعبين أبناء النادي الشبان يللي أثيتوا مستواهم و كذلك أصحاب الخبرة بس يلعبوا بدمهم و يحترموا أسم حطين و مافي مانع التعاقد مع لاعبين محترفين على مستوى عالي يستفاد منهم النادي مو يكونوا عالة على النادي مادياً ومعنوياً يعني بصراجة نحن بحاجة لهداف على مستوى عالي من طينة عارف و زياد و راجا أو فراس الخطيب أنا سمعت أنو راجا راح بتعاقد مع نادي محلي و يللي راح يصير واضح مثل كل سنة سيتم التعاقد مع اللاعبين يللي ما لاقو نادي يلعبوا معه و نحن بالوقت نفسه بنفرط بالاعبين من أبناء النادي للأندية الإخرى مشان يغلبونا فيهم ---- يا شباب شي بيجلط

و شكراً للجميع و لكل من يحب الحــــــــــوت

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات