كيف حبيت حطين دخول وحكيلنا - نادي حطين السوري

ابو البحر · #1 (**permalink**) 25/02/07

اخواني اعضاء المنتدى الاكارم
تحياتي لكم
يمكن اكتر شغلة بنزعج عليها بحياتي انو بداية محبتي لكرة القدم كنت من عشاق نادي تشرين بس كيف وليش ما بعرف وبزعل انو ضيعت سنتين من عمري بحب تشرين
والحمد لله يلي صحيت على حالي وصرت حطيني
سبحان الله
طبعا كيف وليش كمان ما بعرف
بس كل يلي بذكرو انو كان عمي ياخدني على الملعب وكان بهديك الايام من رابطة المشجعين
ومن وقتها وانا بعشق كل شي لونو ازرق
وصار حطين حبي الاول وعشقي ويلي ما بيفرقني عنو غير الموت
بس يا ريت حطين بيحس فيني وفي غيري
وما رح قول غير
ااااااااااااااخ وبس
وبدي من الاعضاء الاكارم كل واحد يدخل ويكتب كيف عشق حطين
تحياتي
ابو البحر

juventini · #2 (**permalink**) 25/02/07

حكايتي قريبة من حكايتك يا أبو البحر.. كنت صغير كتير شغلة 7 سنين و ما اعرف مين حطين و مين تشرين و لما يسألوني مين بتشجع كنت قول تشرين على قد ما كنا إسمعها بالأخبار.. بس لما يسألوني أي لون بتحب كان الأزرق و الأزرق بس.. و من وقتها ابتدت قصة عشق لحطين الأزرق ما عم تعرف نهاية..

maher43 · #3 (**permalink**) 25/02/07

بالنسبة ئلي انا ما بذكر الا وانا وصغير حطيني وحتى بعتوني من مدرسة شكري حكيم للنادي بالتامن لانهم شافوا مستواي الرائع هههههههههه وكمان بالحادي عشر بعتوني وكان وقتها خالد خلاص ودريد خياط بعتني لعند نزار كاظم والله يرحم هديك الايم
بس من صغري حطيني وبتابع حطين وبحب حطين ما تسئلوني ليش فهذا في قلبي

YOUSEF..MS · #4 (**permalink**) 25/02/07

والله يا ابو البحر ما بعرف جاوبك لان انا كيف حبيت حطين ما بعرف
يعني فيك تقول بالفطرة...

fayez · #5 (**permalink**) 25/02/07

و بالنسبة إلي إنو من وقت ماكان عمري 4 سنين بحب حطين لأنو كل العيلة حطينية

و بتفرج كل جمعة عاحطين وقت بيلعب أو بيسمع بالراديو على ملاعبنا الخضراء

ولأهلئ بالغربة بموت بحطين وفي كم إنكليزي صارو يحبوا حطين و يتمنوا يجوا ويحضروا حطين....

حسون الحطيني · #6 (**permalink**) 25/02/07

انا لما كنت بالصف الاول كان ابن الانسة تشريني ما بعرف كيف الله عمالي قلبي و صرت متلو
شايفين رفقة السوء شو بتعمل36_1_21[1].*
بس بعدين الله هداني (الحمد لله)

Saeedoo · #7 (**permalink**) 25/02/07

هههههه... حلوة خي بدر هيدي تبعيت الأخبار ...

_______________________________

والله أنا أهلي ماكانو يهتمو أبدا بحطين وتشرين .....

يمكن أكتر شخص تأثرت منو بحب حطين هو أخي وصديق عمري حسان ( بتعرفو أبو حميد)

بعدين أنا من حارة حطينية للموت ...وطلع منها أبو فيصل وبشار و طلال وغيرو

وفي ذكرى مهمة كتير علقتني بحطين أنا وصغير ...في فنان الله يزكرو بالخير

رسم شعار حطين بشكل كبير عالحيط

كان رسمو رائع جدا ...والشعار أصلا" أنا بحسو من أحلى شعارات الأندية بالعالم

ما لأني حطيني ..بس فعلا" إذا بتدققو فيه فنيا" و دلاليا ..بتلاقوه رائع وإبداعي

هالشعار أثار فضولي كتير بصغري وعلقني بحب حطين بعد ما عرفت أنو لنادي حطين

____________________

ومشكور أبو البحر عالموضوع الحلو

BaTiGoAl · #8 (**permalink**) 26/02/07

بتعرفوه للحب من أول نظرة ....
th_hutten
هاد هو ....
ولو كان فيه قصة تانية لكنت حكيتها بس ما بذكر حالي كنت قول غير كلمة حطين من عشر سنين وطالع....
يعني ما حبيت نادي تاني بعدين انتقلت عليه ...
ما بعرف ليش انا لما بحب نادي صعب انتقل عننادي تاني ... سواء من اي سي ميلان ولا من ايطاليا ولا من الارجنتين واكيد الاساس الازرق ((وحطين)) الاول

YOUSEF..MS · #9 (**permalink**) 26/02/07

اقتباس:

أرسل أصلا بواسطة حسون الحطيني

انا لما كنت بالصف الاول كان ابن الانسة تشريني ما بعرف كيف الله عمالي قلبي و صرت متلو
شايفين رفقة السوء شو بتعمل36_1_21[1].*
بس بعدين الله هداني (الحمد لله)

ملعوبة حســــــــــــــــــــــــــــون

#10 (**permalink**) 26/02/07

انا قصتي مع حطين قصة
من بداية حياتي عشت بفرنسا مع اهلي لانو الوالد طبيب وكان عم يختص بباريس ولما رجعت ع سوريا درست من صف الاول كان رفيقي تشريني وابوه كان كتير متعصب لتشرين قام اخدنا وقعدنا بالملعب مع جمهور تشرين وكنت اول مره بقعد فيها وفعلا يا شباب ضليت فتره شجع تشرين وعرفت اديش في ندية بين الجمهورين فمرة من المرات علقنا انا ورفيقي قام ضربتو وضربني المهم انكسر سني جابو ابوه وكذا وكبرت القصة اجا ابوي اخدني تاني يوم جكارة فية قلتلو انا صرت حطيني و ..... عليك و عتشرين
هههههههههههههههههههههههه
وهدا يوم وهداك يوم
وطبعا لما كبرت شوي وتعرفت ع شباب حطينية اركان مبيض وعمار بشتاوي وصرنا نروح ننط ع مدرسة الشهداء واحيانا الملعب البلدي ونروح عالملعب نحضر اللعب ونشتري علام وشغلات
بس للاسف افترقنا انا سافرت عالسعودية من صف السادس لهلأ واركانو ماشاء الله عليه متل ما توقعتو صار لاعب بنادي حطين وكان معنا كمان شب اسمو احمد كنا ومحمد صوفي
وكتير شباب الله يذكرن بالخير ماعاد بعرف شي عنن

BaTiGoAl · #11 (**permalink**) 26/02/07

اييييي والله يا بشارو اسماء كتيرة ....
الله يعلم وين صارت مع انو بزكر انهن كانو بنادي حطين
":hl

#12 (**permalink**) 26/02/07

ايه والله خاصة احمد كنا كان لعيب من الطراز الاول بتذكرو من صف الخامس كنا بالعفاف وكان دائما فريقو يفوز ببطولة المدرسة وكان خارب الدنيا
وبتذكر لعب فتره لشباب حطين بعدين ترك
ربك العليم وين اراضيه

أبو ناظم · #13 (**permalink**) 26/02/07

من أول نظرة

Saeedoo · #14 (**permalink**) 26/02/07

اقتباس:

أرسل أصلا بواسطة أبو ناظم

من أول نظرة

وبتؤمن بالحب من أول نظرة 36_1_21[1].*

الحوت المهاجر · #15 (**permalink**) 26/02/07

اقتباس:

أرسل أصلا بواسطة Saeedoo

.....

يمكن أكتر شخص تأثرت منو بحب حطين هو أخي وصديق عمري حسان ( بتعرفو أبو حميد)

وهل يخفى القمر 36_1_12:

والله اشتقنالو لحسون ولاحاديثو واركيلته وفنجان القهوة عندو 36_1_11[1

الحوت المهاجر · #16 (**permalink**) 26/02/07

والله يا شباب انا قصتي قصة

انا كل عمامي وخوالي تشارنة ( والعياز بالله ) 36_1_21[1].*

وانا حطيني متل الوالد وومتعصب من صغري والوالد مو كتير بروح عل الملعب

وانا شو بدي اعمل ؟؟

اضطر اسفا روح مع خوالي او عمامي واقعد بين التشارنة وخصوصي بمباراة الديربي

وبس يجي كول لحطين ما اعرف كيف بدي نط وافرح 36_1_11[1

وصار معي قصة مرة كنت متل العادة مع خوالي عم احضر لعبة ما بذكر مين عم يعلب مع مين

بس كان الكردغلي الكبير عم يلعب ولعب طابة خطأ واانا نطيب وقلت شو هالج .....

الجمهور من الطرفين نط علي وربكم ستر وقتها ما دبحوني ":"016

فاروق ابن البحر · #17 (**permalink**) 26/02/07

والله انا من انا وصغير كانت خالتي تئلي قول انا حطيني لجبلك علبة بسكوت كاملة بينما خالي التشريني كان يضحك علي وما يجبلي شي مشان هيك صرت حطيني والحمد لله كان خالي يضحك علي وما صرت تشريني

ما تفكروني فجعان 36_1_21[1].* 36_1_21[1].* 36_1_21[1].*

ابو البحر · #18 (**permalink**) 27/02/07

اقتباس:

أرسل أصلا بواسطة فاروق منلا

والله انا من انا وصغير كانت خالتي تئلي قول انا حطيني لجبلك علبة بسكوت كاملة بينما خالي التشريني كان يضحك علي وما يجبلي شي مشان هيك صرت حطيني والحمد لله كان خالي يضحك علي وما صرت تشريني

ما تفكروني فجعان 36_1_21[1].* 36_1_21[1].* 36_1_21[1].*

لالالالالالالالالالالا اخوي اطمن ماحدا بدو يقول عنك فجعان
وانا من موقعي هذا بتشكر كل شركات البسكويت يلي ساعدت وجود امثالك بحطين
36_1_21[1].* 36_1_21[1].* 36_1_21[1].*

فاروق ابن البحر · #19 (**permalink**) 02/03/07

اقتباس:

أرسل أصلا بواسطة ابو البحر

لالالالالالالالالالالا اخوي اطمن ماحدا بدو يقول عنك فجعان
وانا من موقعي هذا بتشكر كل شركات البسكويت يلي ساعدت وجود امثالك بحطين
36_1_21[1].* 36_1_21[1].* 36_1_21[1].*

شو اخوي ابو البحر شكلك بدك تستلمني 36_1_21[1].*

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات