السلام عليكم
اليوم رح تابع معكن بأجمل مباريات حطين إيام الفريق الذهبي اللي ما رح يتكرر
و احلى مبارة للفريق برا ارضو كانت مع الحرية بحلب سنة 96 يعني من حوالي 11 سنة و كان وقتا عارف بقمة تألقو و وقتا بمجرد ما نزل حطين عل الملعب بلش جمهور الحرية مسخرة على عارف و على وزنو الزائد (و صارو ينادولو محشية) طبعا عارف ما تعود يرد الا بأرض الملعب و هاد اللي صار
وبلشت المبارة و لسه ما مضي دقيقة استلم عارف الطابة من جهة اليسار على راس منطقة الجزاء و ارسلها بشمالو صاروخ بمرمى الحرية(غول من أجمل غوال عارف)و هون خرس جمهور الحرية عل الاخر و بعد حوالي عشرين دقيقة سدد ناصر حمصي (الله يذكرو بالخير )كرة من خارج الجزاء ارضية بأقصى الزاوية هدف تاني لحطين (و بذكر كيف سجد بعد الغول من فرحو)
و انتهى الشوط 2-0 لحطين و دخل الحرية الشوط الثاني ناوي التعديل بس كان لعارف رأي تاني و إختراقة رائعة لجزاء الحرية و عرقلة و جزاء نفذها الجبلاوي الغول التالت و لسه ما فاق الحرية من الصدمة أخد عارف الطابة من نص الملعب و ما حدا من مدافعين يستجر يقرب و ضلو يرجعوا معو لحتى وصل على حدود الجزاء و لاحظ تقدم الحارس و أرسلها بكل حرفنة على يمين الحارس و هون جن جنون الحرية و صار لعيبة الحرية بدن يكسروا عارف بأي ثمن و فعلا صارو يزحلقو عليه ليضربو و يطالعو و حتى بهي ما قدرو عليه و انطرد لاعبين من الحرية لضربن لعارف من الخلف(حاجي قادر و مصطفى بطل على ما اذكر) و اخيرا ختما عارف بهدف رائع من مجهود فردي و انفرادة و من زاوية منحرفة في مرمى الحرية
و هيك كلفتن للحرية مسخرتن على عارف 3 غوال و ضربة جزاء و طرد لاعبين و لما رجع الفريق على اللاذقية كان الالاف بأنتظارو و حملو الفريق عل الكتاف و كانو بيستاهلو ينحملو عل الروس
و إلى اللقاء في ذكرى جديدة رائعة
28/02/07, 04 :08 04:08:27 AM
النمط الخطي
