قرار هام :حظر اي شيء يتعلق بالسيد بيازيد و محمد حوالي

[Kh@led]

قررت ادارة الموقع حظر اي شيء يكتب بالمنتدى و يتعلق بالمدرب محمد حوالي و الاعب السيد بيازيد بسبب الاساءات المتكررة التي حصلت من قبل الشخصين بحق ادارة الموقع سواء على الصعيد الشخصي او الرياضي .
فنحن نرفض ان يتم اتهامنا بالتبعية لاي شخص كائن كان او جهة ما ... و نرفض ايضا ان يطعن بنا من الخلف .. فلسنا نحن من نقبل بان يُمسح بنا الاراضي كما زعم اللاعب المحترف السيد بيازيد .. بالاضافة الى عدد من الامور التي من معيب ذكرها و للاسف صدرت من لاعب كنا نعتز به حقا و من مدرب وقفنا جانبه بداية ....

[فاروق ابن البحر]

ونحنا مع ادارة الموقع لانو الشخصين المذكورين لما عم يحكوا عن الموقع عم يحكوا علينا كلنا من ادارة ومشرفين واعضاء الله يعطيك العافية استاذ خالد وتذكر دائما انو الشجرة المثمرة هي من ترمى بالحجارة

[Saeedoo]

ياعيب الشوم بس

[أحمد وزان]

خالد فهمنا شو صاير بس!!!!!!!!
لك والله ما خلق يلي بدو يمسح فينا الأراضي مو هيك خلودة!!
سلمات

[YOUSEF..MS]

يا حيف عالاخلاق الرياضية

[YOUSEF..MS]

اذا هيك الاخلاق الرياضية
فما تتوقعو ابدا يتحسن وضع الفريق ..

[YOUSEF..MS]

خالد :
برأي الموضوع لازم يتثبت ..

[SALAHDIN]

شو بتتوقع من مدرب عتب على أمر تافه وهو , وجود إسم بشار سرور أكتر من إسمه بالعدد الأول من المجلة

[Kh@led]

لك ما مخلي حدا و ما قايلو انو هو ما عامل لقاء معنا .. او انو لقاءنا معو منو رسمي لانو ما كان في ورقة و قلم..

[BaTiGoAl]

بحس انو النادي بعض الاحيان احتكار لناس معينة بس !!!!!!
يا حرام يا حطين

[مشجعي حطين بالشام]

ان غد لناظره لقريب

وحطين اكبرمن الكل

لا تنسوا

[ابو البحر]

استاذ خالد المحترم
اعضاء وزوار الموقع الكرام
الحقيقة هالكلام صدمة كبيرة النا ويطلع من لاعب كبير ومدرب نحنا الكل كنا حاطين ثقتنا فيه
يااستاذ خالد بموضوع المقابلة يلي انت نزلتها بالمنتدى مع الكابتن محمد حوالي ذكر انو في عالم عم تخرب بالنادي وما ذكر اسماء واذا كان عندو الجرأة انو يحكي هيك كلام عن الموقع كان يذكر هالعالم يلي عم تخرب بالنادي الحقيقة تقال انو في مين دافشهون ليعملو هيك يعني نحنا بالموقع محاربين من عدة جهات والاسباب بعضها مجهول بس صدق يا استاذ خالد انو هيدا الشي دليل على مسيرتنا الناجحة بالموقع وانا وكتير من الاعضاء منتضامن مع ادارة الموقع وهدفنا نحقق شي لمسيرة النادي يلي ماقدرو المذكورين يحققوه على ارض الملعب

[fadoooooo]

و انا شخصيا معك سيد خالد و لا يهمك اساسا شو قدم السيد من وقت ما اجا ما حاج بيوقف بالملعب متل الحجرة العثرة لا بيكش و لا بينش

[نوار مالك مجبور]

الباخرة لا تتوقف كرمال شـــــــــــخص

والنادي لا يقف على لاعب ومدرب

ومتل ما بدنا بدنا نعمل

إن عجبون منيج وإذا ما عجبون

في البحر الميت

::::::::::::::::::::

ولا يهمك خالد كل الشباب معك

:::::::::::::::::

ابو النور

ماحبب علق هلأ لحتى روق شوي
لانو تعليقي مارح يعجب حداا
واكتفي حاليا بكلمة حسبي الله ونعم الوكيل

[syriana]

شباب على مهلكون ..
عذرا خالد بس انت باعلانك زكلامك عم تحالف القرار الذي اتخذته ..

شباب النقد شيء والتهجم الشخصي شيء ..
خلصونا من القصة ..
ما حدا يصب بنزين ويشعلها اكتر يستر عليكون جميعا ..
نادينا تعبان من سبع سنين وكل ما فعلته الادارات المتتالية كان ترقيع ومسكنات ..
لا لاعب ولا مدرب (اي لاعب او اي مدرب ) يتحمل سؤولية ما يحدث الان (ولا الادارة الحالية )
هناك سوء تخطيط ونحن نحصد نتائجه الان ..
ما تشخصنو الموضوع رجاءا ..

[فاروق ابن البحر]

أرسل أصلا بواسطة syriana

شباب على مهلكون ..
عذرا خالد بس انت باعلانك زكلامك عم تحالف القراؤ التي اتخذته ..

شباب النقد شيء والتهجم الشخصي شيء ..
خلصونا من القصة ..
ما حدا يصب بنزين ويشعلها اكتر يستر عليكون جميعا ..
نادينا تعبان من سبع سنين وكل ما فعلته الادارات المتتالية كان ترقيع ومسكنات ..
لا لاعب ولا مدرب (اي لاعب او اي مدرب ) يتحمل سؤولية ما يحدث الان (ولا الادارة الحالية )
هناك سوء تخطيط ونحن نحصد نتائجه الان ..
ما تشخصنو الموضوع رجاءا ..

اخوي كلامك صح بس لما بتشوف مدرب ولاعب عم يتهجموا تهجم واضح وبروحوا وبيجوا بقلولك الموقع السبب والموقع الحق عليه واعضاء الموضع ما بيعرفوا شي ولا بيفهموا ولا اخر شي بقولوا مسحوا الارض فينا بهيك وقت صار لازم نرد ولازم نحكي يلي بقلوبنا لانو المرض اذا ما عالجتو من البداية بينتشر وبصيب كل الجسم

[fayez]

خالد نحنا كلنا معك


وما حدا ينسى حطين منحطوا على راسنا من فوق

[syriana]

أرسل أصلا بواسطة فاروق منلا

اخوي كلامك صح بس لما بتشوف مدرب ولاعب عم يتهجموا تهجم واضح وبروحوا وبيجوا بقلولك الموقع السبب والموقع الحق عليه واعضاء الموضع ما بيعرفوا شي ولا بيفهموا ولا اخر شي بقولوا مسحوا الارض فينا بهيك وقت صار لازم نرد ولازم نحكي يلي بقلوبنا لانو المرض اذا ما عالجتو من البداية بينتشر وبصيب كل الجسم

يا عمي فهموهون ولو من خلال اجتماع مع اللاعبين والمدربين والادارة (ادارة النادي ) ان اي منهم يمكن ان يكتب ويوضح وجهة نظره هنا
والبينة على من ادعى ..

كما ارجو من خالد نغيير الصفحة الاولى من الموقع واستبداله ببرنامج ادارة محتوى محترم يتم من خلاله وضع الاخبار الرئيسية وقرارات الادارة والتحليل الرسمي للمباريات (صفحات رسمية مسؤولة عنها ادارة الموقع امام ادارة النادي )
اما المنتدى فكل مسؤول عما يكتب ويحق لي ان نقد فلان طالما لفلان الفرصة بالرد ..


مودتي

[الحوت المهاجر]

والله معهم حق التنين ؟؟؟ ما شاء الله عليهم مدرب نتائجه مبهرة وتفسيراته ابهر ولاعب ما شاء الله عليه ما خلى فريق ما جاب فيه كووول حسبي الله ونعم الوكيل