لـــــمن تهدي نجــــــــاحك

[نتالي]

مرحبا جميييييييييييعاً

أكيد كل إنسان بيتمنى يوصل لخطوة أو هدف معين بحياته

فرضاً حدث وحققت حلمك

ونجحت لمين بتهدي نجاحك


وأكيد لازم تخبرنا شو هو هدفك اللي بتسعى لتحققه .. وإن حدث لمين بيكون إهداءك ..

هدفي الاسمى يلي وصلتلو اني نزلت وزني 80 كيلو وتحولت لانسان تاني بكل النواحي
وبهدية لخالي سمير صوفي هو يلي شجعني بالبداية ووقف معي وكلماتو كانت الشرارة الي خلت حياتي كلها تتغير

[BaTiGoAl]

80 كيلو
الله يعزك يا بشار.... برافو عليك
انا هدفي بس خلص دراستي وكمل دكتوراه او ماجستير واكيد الهدية رح تكون للاهل ... اللي خلونا نوصل لها الموصيل
وباذن الله ما بخيب ظنهن....

اما نجاحي بدراستي وبشغلي بهدية لابوي وامي يلي غرسوا فيني كل التعليمات الصحيحة يلي قدرت تكون انسان قد يكون عادي ما بيتميز عن غيرو بشي بس الحمد لله ما انحرفت ولا ضليت الطريق ولا غلطت اغلاط كبيرة بحق نفسي وحق رب العالمين
وانشاء الله بحافظ على هالشي

[فاروق ابن البحر]

انا حلمي انو ارجع لممارست الرياضة وللمنتخب الوطني واكيد اذا تحقق هالحلم بهديه لكل شخص شجعني اني حاول واتدرب وارجع لممارسة الرياضة يلي عم تمشي بدمي

[Saeedoo]

موضوع ظريف أخت نتالي وفكرة حلوة

بس بتمنى من كل الأعضاء يضلو بإطار الرد عالموضوع فقط

بدون أي حوارات جانبية

[ابو البحر]

هدفي هو التالي
اعمل لدنياك كأنما تعيش ابدا
واعمل لأخرتك كأنما تموت غدا
اكيد لابني يلي بدو يحمل اسمي وهيدي احلى هدية لانو بدها الناس تقلو الله يرحمو لابوك شو كان كويس

[فاروق ابن البحر]

أرسل أصلا بواسطة Saeedoo

موضوع ظريف أخت نتالي وفكرة حلوة

بس بتمنى من كل الأعضاء يضلو بإطار الرد عالموضوع فقط

بدون أي حوارات جانبية

تكرم اخوي سعيد

[fayez]

بالنسبة إلي هدفي إنو خلص دراسة و إحصل على المرتبة الأولى في الجامعة

وإرفع راس وطني الحبيب الغالي في الغربة


و نجاحي طبعا" بهدي لأبي و و الدتي الحبيبة....

[الحوت المهاجر]

نجاحي اكيد بهديه لكل شخص وقف وراي ودعمني لوصلت لهون واكيد هني الوالد والوالدة لان ضحوا كتيررررررر كرمال نجاحي ووصلي لوضعي الحاليوبصراحة ما شوف ولا اي طريقة اشكرهم فيها او حتى رد جزء بسيط من افضالهم عليبس بدعليهم بالصحة والعافية وان شاء الله بضلوا فوق راسي يارب

[مهرتوو]

اكيد نجاحي بعملي و استلام دفة العمل بطرطوس هي اكبر من عمري بكتير بس يلي ساعدني وقف معي اكيد هية امي ومع دعوات امي واكيد بتمنى انو الله يطول بعمرا
وامنيتي التانية انو اتخلص من العسكرية بأي سبب كان وهادا هلق حلمي الكبير انو اخلص من العسكرية

[أحمد وزان]

و الله أنا حلمي خلص من البعثة يلي أنا فيها و بعدين اضع نفسي تحت تصرف الدولة و كون من الهيئة التدريسية بجامعة دمشق طبعا بصفة دكتور مهندس كومبيوتر اختصاص صيانة و شبكات
و بهدي هالنجاح انشالله لأمي الحنونة يلي هي سبب نجاحي و تفوقي بالحياة و للوالد الحبيب و أخواتي و لحبيبة ألبي يلي ما رح انساها بحياتي ؟!
سلمات

[شوماخر]

حلمي ما احتاج لحدى وكون اقوى من الزمن بسبب ظروف كانت قاسية علي والحمد لله تخطيت هالظروف وكلو بدعوات الاب والام وشكرا لك صديقة نتالي":"016

[abu kamal]

مشكور ناتالي موضوع حلو بالفعل
ومهم بنفس الوقت مشكورة ع جهودك

[ديار]

أتمنى تأسيس أكبر مكتبة عامة في الوطن العربي ..
و إذا تم هالشي بإذن واحد أحد فأكيد راح يكون الإهداء لمحبي القراءة و المعرفة

[amino]

حلمي انجح بهالسنة بالجامعة...((بعدين بفكر بالحلم اللي بعدو))

بهدي نجاحي للماما والبابا وجدو وستي وعماتي وخالاتي وعمامي وخوالي وولاد حارتي واعضاء الرابطة ولاخواتي الكشفيين ولجيراني واكيد لحبوبة قلبي ((ما تواخذوني اذا نسيت حدا))

[نتالي]

شكرا لمشاركتكن جميييييييييييييعاً

وان شاء الله يارب يارب بتحقق كل طموحاتكن وأهدافكن وبتهدوها لكل اللي بتحبوه


شكرا إلكن

[أبو ناظم]

حلمي كمل الماجستير السنة القادمة و بعدين الدكتوراه

اهدي نجاحي للنبي عليه الصلاة و السلام في المقام الأول

لوالدي و والدتي و زوجتي بالمقام الثاني

و استاذي في المقام الثالث

و لكل من دعمني و سأل لي النجاح

[Saeedoo]

مهرتوو -- حطيني-موت

تنبيه أخير

بدكم تحكو مع بعض وتبهدلو بعض في عندكم المسنجر

وتم حذف الردود الخارجة عن النص وعن الموضوع