الهواش يوافق على تدريب حطين الموسم المقبل - نادي حطين السوري

Kh@led · #1 (**permalink**) 19/05/06, 08 :02 08:02:50 PM

وافق المدرب احمد هواش على العرض المقدم من ادارة النادي بتدريب الفريق

للموسم المقبل . و سيتم الاعلان عن الصفقة قريبا جدا...

يذكر ان المدرب هواش قد استلم حطين منذ مباراة الطليعة ..

وقاده لغاية الان ب 9 مباريات حقق الفوز 5 مرات و تعادل مرتين

و خسر مرتين ايضا.

SALAHDIN · #2 (**permalink**) 19/05/06, 09 :21 09:21:12 PM

الله يقدم يلي فيه الخير
و إنشالله رح نقدملكم ملف خاص عن المرحلة يلي استلم فيها الكابتن أحمد هواش + استفتاء
بعد مباراتنا مع الكرامة

وبالتوفيق للهواش مع حطين

BaTiGoAl · #3 (**permalink**) 19/05/06, 09 :26 09:26:42 PM

والله يا شباب الهواش رغم ظروف حطين ما بعرف ليش بحس حطين كتير بيتغير بوجودو... يعني نتائجو ايجابية كتير ...
بس اكيد انا بتمنى يكون جنبو كيفورك لانو كيفورك ما حنلاقي متلو بيشتغل لمصلحة النادي
وهو اللي رح يطلعلنا جيل شبابي نتفائل فيه لبكرا انشالله يا رب يرجعععع ليش ما نعمل دعوة عامة ونقدم طلب للادارة لاعادة كيفورك؟؟؟؟؟

الامير totti · #4 (**permalink**) 19/05/06, 09 :55 09:55:55 PM

الهواش مدرب له شأنه في الدوري السوري ....ان شاء الله الادراة تتعاون معه..لخدمة مصلحة الحوت

maher norway · #5 (**permalink**) 19/05/06, 10 :04 10:04:59 PM

انشاء الله خير بس مايصير فينا متل كل سنة بتغير المدربين انا رأي انو يكون هواش وكيفورك نستلمين الفريق متل الكرامة ابو شاكر وابو الريم

محمد ديب · #6 (**permalink**) 19/05/06, 10 :29 10:29:17 PM

يا شباب خلينا نكون واقعيين الهواش مدرب مناسبات و وقت الزنقة و نحن طبعاً نشكر نلبيته الدائمة لحطين و لكن بإعتقد أنو الهواش ما عندو شيء يقدمه لحطين لأنو أسلوبه و فكره الكروي لا يناسب حطين فإمكانياته أقل من حطين و بإعتقد أنو حطين صعب يحقق مركز متقدم مع الهواش مع إحترمي الشديد له ونحن ما بدنا نتحتفل و نقول مبروك بنهاية كل دوري لأنو حطين ما نزل للدرجة الثانية ََََ!!!! بدنا نقول مبروك لما بيأخذ حطين الدوري و أرجوا من المتحمسين للهواش يشرحوا لنا سبب هذا التقأول به و ما هي الخطط التي يلعب بها !!!! تحن بصـــراحة بدنا يعود حطين ذاك الحوت الذي يبتلع كل الفرق و يمطر شباكها بالأهدف فحطين كان دائماً معروف بنهجه الهجومي الكاسح . يا عالم راح ننجلط من يللي عم بيسير يعني ما بيستاهل ها لجمهور الكبير للحوت أنو يفرح ببطولة الدوري و لم مرة واحدة. أما كيفورك حبيب القلب فإعتقد أنو مزمار الحي لا يطرب و لما بيستلم تدريب الفريق ما بعرف شو بيصير و لكن أنا بفضل أن يستلم كيفورك قواعد حطين الصغار لانو ملك مين طلع لاعب كرة قدم.
بتمنى أن يعمل الجميع و يقدموا الغالي و الرخيص من اجل أسم حطين ليكون بالعالي و شكراً

hutteen love story · #7 (**permalink**) 19/05/06, 10 :39 10:39:15 PM

يا شباب الكلام لي حكهنا الاخ محمد ديب مظبوط وانا معه 100ب100

محمد ديب · #8 (**permalink**) 19/05/06, 11 :08 11:08:57 PM

Thank you very Much My Brother Hutteen Love story
Hutteen , We do love You

Samer · #9 (**permalink**) 20/05/06, 03 :04 03:04:45 AM

يعني خطوة ذات حدين. بظن انو بالوقت الحالي الهواش افضل لانو بيعرف اللاعبين الشباب و بيعرف كيف ولفن بالملعب. بس كمان التغيير جيد و لكن الو مشاكل لانو الفريق ما قوي عودو و بدن الشباب فترة ليركزوا و يصيروا تمام مع اي مدرب. و بالتوفيق للهواش مع كامل الثقة من الادارة و اللاعبين و يلي ما بدوا الله معو

abu kamal · #10 (**permalink**) 20/05/06, 05 :18 05:18:49 AM

الله يقدم اللي فا الخير لمصلحة حطين
مشكور سيس
ولو اني كنت بتمنى وجود الماردكيان معو

Rammstein · #11 (**permalink**) 20/05/06, 05 :29 05:29:10 AM

انا بظن الهواش هوه الانسب حاليا

BaTiGoAl · #12 (**permalink**) 20/05/06, 05 :56 05:56:01 AM

يا شباب اخي محمد ديب ...
رح قلك اسباب اللي خلتنا نتمسك بالهواش
اخي مر علينا اخر المواسم كتير مدربين من خارج الناديي بدءا من رفعت الشمالي اللي شفنا شو عمل بحطين ومدرب روماني مدري شو كان اسمو وغيرو وغيرو وغيراتو والصراحة ما شفنا حدى عمل شيئ ايجابي لحطين متلل الهواش حتى اللي بداخل النادي عجزو عن فعل اي شيئ وقت الزنقة والمشاكل والورطات السنة الماضية وشفت شو صار فينا هديك السنة وهالسنة غيرنا مدربين لكن متل م شايف ولا واحد ما نجح مع حطين حتى مدرب ابن النادي ما نجح يعني الخلاصة اخي محمد
انا بحط اللوم مو بس عالمدرب عالادارة واللاعبين وكل الفريق بشكل عام يعني معلش اش معنى كل مدربين البرازيل بينجحو وبحققو بطولات ...وقليل ما شفنا مدرب لمنتخب البرازيل بيفشل مو لانو هو كتير موهوب غير المدربين لا لانو عندو فريق مقوماتو عالية جدا يعني الفريق بيساعد المدرب لينجح اما مدرب لحالو معلشي ما فينو يحرك اللاعب متل الشطرنج ..اخي ..
فهمت علي
يعني حطين تحت ايد الهواش فزنا 5 وتعادلنا 2 وخسرنا 2 يعني نسبة ممتازة بالنسبة لمشورنا بكل الدوري من اكتر من موسم
اخي بتمنى تفهم قصدي ... والهواش الصراحة حفظ حطين شو بدو وشو ناقصو ولكن اكيد نحنا ما مننسى انو كيفورككككك هو ابن النادي يللي مستحيل نشوف متلو
لانو طلعلنا متل عارف وسليم والباقيين
فبتمنى وكلي امل انو يرجع ويا ريت متل ما قلتلكن نقدم كتاب او موضوع دعوى من جمهور موقع حطين للادارة مطالبة بعودة كيفورك لمكانة وبيته ...

Saeedoo · #13 (**permalink**) 20/05/06, 08 :51 08:51:57 AM

مبرووك لحطين التمديد للهواش ...
بس فعلا أنا متل رأي بعض الشباب ماني بصف الهواش ...
بذكر لما استلمنا الهواش وأقالو كيفورك قلي رئيس صحيفة الاتحاد بمنتدى كوورة ...(الهواش ميزتو بيعرف كيف يشحد النقط)
تماما هيك ...يعني الهواش بيعرف يخلص الفريق من أزمة وبيعرف كيف يحافظ على مستوى وسط بالدوري ..
بس ما بعتقد بيعرف ينافس بالفريق على الصدارة ..
وما تنسو ياشباب أنو الفترة اللي استلمنا فيها الهواش القسم السهل من المباريات ...يعني لما بتحكو عن إنجازاتو ...
باسثناء مباراة الاتحاد والجيش اللي كان إلهم ظروف خاصة من تراجع مستوى الاتحاد وعدم ثبات الجيش...
وماتنسو أنو خسرنا مع النواعيير بشكل غريب ..!!! ومع الطليعة ...وبعض المباريات التانية كان إلها ظروف خاصة متل لعبة الجهاد المنتهي والحرية مع حارس مبتدئ...
على كل أتمنى التوفيق للهواش مع حطين ...بس ما بتوقع أنو هو المدرب اللي ينافس عالدوري ...لأنو معروف طريقة لعبو وخططو الدفاعية

hutteen my love · #14 (**permalink**) 20/05/06, 12 :45 12:45:44 PM

بالتوفيق للهواش وبالتوفيق للحيتان الموسم القادم باذن الله

Kh@led · #15 (**permalink**) 20/05/06, 01 :14 01:14:27 PM

بس ما حدا ينسى يا شباب انو الهواش اخد بطولة دوري مع الاتحاد .. و بالتاكيد كل مدرب الو عيوبو...

BaTiGoAl · #16 (**permalink**) 20/05/06, 05 :26 05:26:43 PM

اقتباس:

أرسل أصلا بواسطة باتيغول

اخي بتمنى تفهم قصدي ... والهواش الصراحة حفظ حطين شو بدو وشو ناقصو ولكن اكيد نحنا ما مننسى انو كيفورككككك هو ابن النادي يللي مستحيل نشوف متلو
لانو طلعلنا متل عارف وسليم والباقيين
فبتمنى وكلي امل انو يرجع ويا ريت متل ما قلتلكن نقدم كتاب او موضوع دعوى من جمهور موقع حطين للادارة مطالبة بعودة كيفورك لمكانة وبيته ...

يا شباب ما حدى عطى رايو باللي قلته مشان طلب اعادة كيفورك ؟للنادي شو رايكن؟؟؟
يا ريت الكل يشارك

نوار مالك مجبور · #17 (**permalink**) 20/05/06, 09 :41 09:41:52 PM

إن غدا لناظريه قريب
ونحن مرتقبون ماذا سيحل بالحوت
وحدسي يخبرني خيرا إنشاء الله
ابو النور

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات