هل يتحقق حلم حطين و تشرين المنشآتي؟

[الحوت المهاجر]

هل يتحقق حلم حطين وتشرين المنشآتي؟

مع الضائقة المادية التي تعيشها أندية اللاذقية، وبالأخص حطين وتشرين، ونتيجة عدم امتلاك هذين الناديين للاستثمارات والريوع المادية الثابتة، ولعدم تغطية ريوع المباريات لمصاريف الفرق ومقدمات عقود ورواتب اللاعبين، فقد تقرر عقد اجتماع مبدئي يضم أطراف القضية الثلاثة لمناقشة الواقع الحالي للناديين المذكورين والعمل على تذليل صعوباتهما، وقد حضر الاجتماع السيد محمد حلمي أزهري »رئيس مجلس المدينة« والسيد الشيخ فهد راعي »مدير أوقاف اللاذقية« والمهندس سيف الدين سليمان »رئيس فرع الاتحاد الرياضي باللاذقية« والعميد يوسف داود مدير مشروع ساحة اليمن المتضمن مجموعة من الإنفاق والجسور في المنطقة الواقعة بين الناديين إضافة للسيدين سليم ديب سبع الليل ومصطفى محمد مندوبي ناديي حطين وتشرين.
وبعد استماع رئيس مجلس المدينة لآراء رئيس فرع الاتحاد الرياضي ولأسئلة مندوبي الناديين، فقد وضع بعض النقاط على الحروف ببعض القضايا وأهمها:
1ـ تأكيده على عدم وجود أي موافقة مسبقة تؤكد أحقية نادي حطين ببناء مخازن مجاورة لسوره الغربي خاصة بعد رفض اللجنة الإقليمية هذا الطلب.
2ـ أكد السيدان حلمي أزهري وعدنان عليو »رئيس مكتب الخدمات الفنية« عدم اقتطاع أي متر من أرض ملعب نادي تشرين أثناء عمليات الحفر بل كل ما قاموا به هو استرداد بعض الأمتار التي تعود ملكيتها للدولة.
3ـ تعهد رئيس مجلس المدينة بإعادة أبراج الإنارة لملاعب تشرين الإسفلتية بعد انتهاء مشروع ساحة اليمن.
4ـ كما أكد رئيس مجلس المدينة على دعمه للرياضة وأبدى استعداده لتذليل أي صعوبة تتعلق باختصاصهم وتعرقل مسيرة أي نادٍ.
أما العميد يوسف داؤود فقد أكد على نيتهم في الفترة القادمة بهدم الواجهة الحالية لنادي حطين والمطلة على ساحة اليمن وبناء واجهة جديدة تتناسب مع الشكل العام للساحة المذكورة والمبنية بأسلوب معماري جميل.
وبدوره فقد استغرب الشيخ فهد راعي والذي يمثل الجهة ص**** الأرض المقام عليها ناديي حطين وتشرين انشغال إدارات الأندية وانحصار تفكيرها ببناء بعض المحلات للاستفادة من استثمارها الذي لا يقدم ولا يؤخر. وقد طرح الشيخ راعي حلاً رائعاً وهو عرض الأرضين للاستثمار الدولي وبالمبالغ التي يقبضها الناديان من الاستثمار السنوي سيتمكنان من شراء أرضين كبيرتين بأطراف مدينة اللاذقية وببناء منشآت رياضية رائعة تلبي الطموح، وقد لاقت هذه الفكرة تأييد جميع الحاضرين.
وفي الختام أكد رئيس مجلس المدينة ومساعدوه من المهندسين المتخصصين على جاهزيتهم لتقديم المساعدة للناديين دون أي مقابل يذكر، وقد وعد السيد أزهري بتقديم دعمه المادي للناديين وذلك حسب الميزانية المتوفرة لديه.
منقول الرياضية / رائد عامر

[فاروق ابن البحر]

ايه يعني كالعادة دق المي وهي مي وعود وعود وعود

بعدين هي تبع الاستثمار الدولي كيف يعني ما فهمت حدا يشرحلي اذا ممكن

[الحوت المهاجر]

يمكن ببتأجر الارض للطرف خارجي وبيصير عليها مشروع سياحي كبير والمستثمر الاجنبي بضل بستثمرها لمدة معينة وبعدها بترجع للدولة على ما اظن والله فكرة منيحة بس وين وايمتى رح تصير ؟؟ وما بعرف شو السر وراء رفض افتتاح المحلات على سور النادي لو يكونوا عشر محلات بدخلوا بالشهر اقل شي 100 الف وهادا مبلغ حلو بسد شوية من العجز

[فاروق ابن البحر]

لحظة اخوي لا تفوتني بالحيط كيف يعني يستاجر طرف خارجي الارض والنادي وين بدو يروح بحالو

[الحوت المهاجر]

أرسل أصلا بواسطة فاروق ابن البحر

لحظة اخوي لا تفوتني بالحيط كيف يعني يستاجر طرف خارجي الارض والنادي وين بدو يروح بحالو

اخوي هي الارض بالاساس للأوقاف مو هيك !!

هلاء رح يجي طرف خارجي ( مستثمر اجنبي ) ويعمل عليها مشروع اقتصادي ( سوق مجمعات فنادق) اي شي ورح يدفع ايجار الارض ومن هالايجار هادا رح ياخد حطين مبلغ منه ويشتروا ارض بضواحي اللادئية ويعمر مباني للنادي وملاعب وصالات وهيك بيبصير مقر النادي الجديد بمنطقة جديدة تاني

[فاروق ابن البحر]

اخوي انا فهمت عليك بس لما هالمستثمر رح ياخد الارض يلي عليها مقر النادي ويستثمرا ولبين ما مقر النادي الجديد يجهز بهي الفترة النادي وين بدو يروح بحالو ولا بيعطوا وقت للنادي يعمر وينتقل بعدين بيستثمروا الارض ؟؟؟؟؟؟؟؟؟

[Saeedoo]

يعني وأخر هالكلام ما طلعنا بشي متل العادة

وعود وحكي ودعم شفوي لا محدود ...!!؟؟

أيمت رح ننتقل من إطار الكلام للواقع والتنفيذ ...وإذا ما قادرين ينفذو شي من وعودهم

شو المشكلة أنو يتعمر هالكام محل ..صحي هو مسكن وحل بسيط ..بس بما أنو مافي حل جذري شو طالع بالإيد
يعني هالكام محل مارح يخربو الدنيا ويشوهو البلد وسط ألاف المخالفات التانية

على كل ان شاء الله خير

نحنا منتأمل خير ....وبشر الصابرين

[فاروق ابن البحر]

والله يا اخوي سعيد انا شايف انو متل العادة على الوعد يا كمون

[الحوت المهاجر]

اخوي فاروق يعني النادي بيسأجروا مكتب وبيمشوا امورهم بالفترة الانتقالية ؟ او بينتقلوا للجنة التنفيذية بالفترة هادي يعني من كتر نشاطات الادارة واجتماعاتها

[syriana]

والله فكرة الاستثمار الدولي رائعة .. ومدينة اللاذقية بحاجة الى مكان للمعارض مثلا وسط المدينة ..
كما ان مساحة الناديين الموجودة حاليا لن تصلح ابدا لتطوير الناديين ..
يعني اتمنى ان تنفذ هذه الفكرة وان يتم بناء مقر جديد مع ملعب وصالات للناديين في الضواحي وهذا افضل ..

ان فساد الراي ان تترددا..

[حسون الحطيني]

[quote=الحوت المهاجر]يمكن ببتأجر الارض للطرف خارجي وبيصير عليها مشروع سياحي كبير والمستثمر الاجنبي بضل بستثمرها لمدة معينة وبعدها بترجع للدولة على ما اظن والله فكرة منيحة بس وين وايمتى رح تصير ؟؟
شي يوم شي نهار شي سنة شي قرن شي ليلة معتمة

[Abu Ammar]

بعتقد أنو لازم يحلوا هلقصة....لأني شكل الناديين لاتتناسب مع حجم وشكل مشروع ساحة اليمن...

[مهند شاويش]

لا يا شباب انتبهوا منيح ؟ استثمار دولي بتعرفو شو يعني ؟
الله لا يكتر خيرون بدن يكبو نادينا برا المحافظة للمناطق ويعملو محلو معرض سيارات لأنو الموقع دايقا عينون عليه كتير
لك ياشباب اقسم بالله من مصادر موثوفة اذا بيهبط حطين عالدرجة التانية رح يشلحونا ارض النادي
قال استثمار دولي قال على مين بدن يضحكوا

لا حول ولا قوة الا بالله

[BaTiGoAl]

مهند شو الشغلة هيك .....
جمهور حطين وين بروح بها الحالة؟؟؟؟؟؟
استثمار دولي ما بعرف شو يعني بس بتمنى يكون شي ايجابي
صراحة حطين ما مستثمر شي ....
عايش هيك ...
والله ما حل كمان
بدنا حل بقا يمشي الحال.. بتمنى ما يكون الكلام متل ما قال ابو وليد
يا رب خير لحطين