أعضاء تحت دائرة الأضواء (( Saeedoo ))

[Saeedoo]

أرسل أصلا بواسطة أبو مروان الحطيني

بالتوفيق للأخ سعيد اللي بحس ان ماعندو مجاملة يعني اللي بقلبو على لسانو ..وبلاحظ عليه انو بيقول للأعور اعور بيعينو ...اكيد فهم قصدي :::.

شكرا" أخي أبو مروان

بس صدقاً أنا ما بتقصد شخص بعينو ...بس أكتر شي بكرهو التصنّع ...وبحب قول الحق دوما
بس طبعا" ضمن حدود الاحترام وبعيد عن أي تجريح ...وبظن الحمد لله ولا مرة جرحت حدا بالحكي

[Saeedoo]

أرسل أصلا بواسطة مهرتوو

اكيد بلتوفيق لاخوي سعيد وبتنمى انو اتعرف عليك شخصي اذا مافينك حاليا لو على الايميل واكيد كل الاداريين من العمال المكافحين ومشكور على الجهود الرائعة

الله خليك ويوفقك يا ماهر أنت كمان

ان شاء الله بتشرف بمعرفتك ...وإلنا حوار أكد عتامسنجر...بس نفضى شوي

عراسي أخي

[Saeedoo]

أرسل أصلا بواسطة الحوت المهاجر

لك عراسي احلى ابو وليد والله مشكور اخوي ساهد على الموضوع وكمان كل الكلمات ما بتوفيه حقوا للسعيدوووووووسعيد صديقي من ايام الشقاء بسوريا وهم التفكير بالسفر والمعاناة والمقابلات والله كانت ايام عصيبة الله لا يرويها لحدا وايام الجامعة وكافتيريا العلوم وساحة الاقتصاد ما بتنسى وخصوصي صاحبنا حسون عسول والله ايام حلوة ما بتنسى كانت بس اخوي ابو وليد بدنا نفرح فيك قريبا ان شاء الله يالله شد حالك خلصنا بقا واتكل على الله وصدقني رح تختلف حياتك كلها صحي بتزيد مسوؤلياتك بس الحياة بيصر الها معنى تاني اخوي ابو ناظم اذا شفتلوا شي عروس كويسة عرفوا عليها وخلينا نخلص منو س : ايمت اخر مرة عسلت مع عسووووووا ؟؟

هههه الله يخليك يا أبو حميد ..أكيد إلنا ذكريات ما بتنتسى
خصوصي مع صديقنا المشترك حسان ...
حسان ما مجرد صديق بالنسبة إلي ...بتعرف أنت أنو أكتر من أخ ..هاد صديق الدراسة من الابتدائي لليوم...
أما بخصوص تفرح فيني ...أفرح فيني هيك شو المشكلة ...ضروري أنا أوقع لحتى أنت تفرح
بعدين أنت لساك خاطب وعمتحكي كأنك بالجنة ...طيب انتظر للتتزوج بجوز تغير رأيك 36_1_21[1].*


عمبمزح ياغالي الله يوفقك ان شاء الله

وبالنسبة إلي ان شاء الله خير أبو حميد ...أكيد منقول الله يختار الخير ...

وعن حسان
أخر إجازة الصيفية الماضية شفتو كتير وعسلنا وأخدنا شاليه أنا وهو والشباب انبسطنا كتير وتسلينا
بتعرف أنت قعدتو لحسان غير شكل

[Saeedoo]

مرحبا أخي سعيد اللي باله طويل جدا جدا جدا وبيتحمل كتير ناس مو أنا أكيد


أهلين أخت نتالي ...برجع بعيد أنو واجبنا نساعد الأعضاء ونتحملن ....ما في أي مشكلة


1- عرفنا طموحك بس ممكن نعرف أكتر وتحكيلنا عن طموحك العلمي وشو هو ولا أسرار

مممم...هو بصراحة طموح تكميل الدراسة يعني ماجستر ودكتوراه ...من زيادة العلم ..وجربت بعد التخرج مباشرة أمشي بهالطريق أنا وأحد الأصدقاء بس للأسف انقطع الطريق بعدما مشيت خطوة جيدة ..بسبب أحداث 11 إيلول اللي ترافقت مع فترة التقديم..36_1_21[1].*
المهم بعدين اتجهت بطريق تاني...ولهلق ما عملاقي تفريعة منو عالطريق الأول إذا صح التعبير



2- شو هي امنياتك أو أحلامك للي لسه ما تحققت ؟؟؟؟ وبتتمنى تتحقق ..

أحلام عادية تقريبا" ...طبعا الاستقرار والاطمئنان على أهلي وأخواتي مع مستقبلهم



3- اذا عطيتك مليون ليرة شو أول شي بتشتريه ؟؟؟؟ هو انا مامعي مليون بس فرضاًُ

ممم..والله سؤال صعب ..ما خطرلي ..
هلق لو قلتي شي عشرة مليون كنا قلنا ...بس مليون هالإيام ما بتستاهل
هلق إذا شي شخصي ...أنا مهووس بالتكنلوجيا ممكن يعني أشتري فيها شاشة LCD عملاقة مع الملحقات اللي بتجهز غرفة كاملة وأحضر عليها مباريات وأفلام سينما ...

إذا شي عام ...ممكن أخد بيت صغير بكسب منشان كل صيفية أنزل أقعد فيه صوب أبو كمال زيدان .... ومنو أهلي بيصيفو فيه



4- شو بعينلك حطيــــــــــــــــــن

دمي دموعي وابتسامتي ...هيدي أكتر عبارة معبرة برأيي


أسئلة ثقافية


ماهي أكتر الكتب اللي قرأتها ولازالت تترك آثر لديك ...

بصراحة أنا قارئ سيء ....يعني قليل ما أقرا كتاب كملو ..وهيدي أكتر الشغلات اللي بتزعجني ..أغلب الأوقات بقرا فقرات وكتير أوقات بقرا من النت هيك أمور ..

بس كتاب بذكرو ومتأثر فيه ..من فترة قريت كتاب عن التحليل النفسي بيحكي عن عدة نظريات بالتحليل النفسي للإنسان في أمور كتيرة منو أثرت فيني
ماني معقد36_1_7[1]. ,,..بس بحب اقرا شوي عن الفلسفة وعلم النفس




برأيك النت هي وسيلة كافية للثقافة ؟؟

في كتير وسائل حاليا" للثقافة أحدها النت ...هية جيدة جدا إذا استغلت بالشكل الصح ..بس مانا كافية مية المية الصراحة ..بضل الكتاب إلو قيمة أكبر

أين أنت من السياسة ؟؟ متابع باهتمام أم فقط مستمع ....

فينك تقولي متابع جيد جدا" ...يعني بهتم كتير أوقات بالأخبار ...وبحب أعرف التطورات ...


سؤال أنترنتي



شو رأيك بالمنتدى و شو أكتر شي بتحبه فيه و شو أكتر شي بتكره ؟؟؟

المنتدى كويس وعميتطور بشكل جيد ...كميا" ونوعيا" ....
أكتر شي بحبو فيه أنو شامل من ناحية الأقسام ..والأعضاء..يعني منشوف فيه كافة أنواع الأعضاء من ناحية الثقافة والإهتمامات
بجد هي شغلة حلوة أنو بكل قسم في ناس متخصصة فه بتحسي ومبدعة بالهجال ..والكل مجتمعين هالمنتدى
أكتر شي بكرهو ...ضعف ثقافة الحوار عند كتير من الأعضاء ...فغالبا قراءة المواضيع بتكون سريعة والردود عامة بدون النقاش وإغناء الموضوع
بتمنى الكل يحاول يكتب مواضيع ويناقش بمواضيع سواء رياضية وحطينية أو غيرها



مين من الأعضاء تتمنى اللقاء به ...


ممم والله في كتير أعضاء بحب اتعرف عليهم شخصي ...بس من الناس اللي لسا ما شفتهم ...أبو ناظم (لأنو بدو يعزمني عالغدا )

ومن اللي بعرفن ...الأبو كمالين بحب التقي فيهم لأنن بيسلو أكتر من كيلو بزر 36_1_21[1].*


مين اللي من الأعضاء بتابع مواضيعهم دايماً ....


أنا بقرا كل المواضيع غالبا" ...بس الأشخاص اللي بتشدني مواضيعهم من ناحية طريقة الطرح والتفكير
بالمواضيع الرياضية الحطينية مهند (italiano) بتعجبني مواضيعو ولو أنو بشوفو أحيانا بينفعل شوي فيها

وأبو ناظم كمان مواضيعو كتير غنية خصوصي بطريقة الطرح الأكادمية المدروسة


ومواضيع وكتابات عامة بحب تابع مواضيع الأخت ديار اللي بتتميز مواضيعها بنسيج وتتابع حلو ...وفي الأخ (hakkomeh) للي مفتقدينو بالمنتدى من فترة ..لأنو طريقة كتابتو متميزة بكل المقاييس

كل الناس خير وبركة وفيكتير مواضيع حلوة بس هاد اللي متذكرو



سؤال إجباري


شو رأيك بالكرامة ...وخاصة بعد فوزه على قطر ...

غير شكل الكرامة ...بس ربحو السد مو قطر... على كل أنا من مشجعي الكرامة بعد حطين والسنة الماضية حضرنا لعبتو بالملعب وكان معي طارق وشوية شباب رفقات





سؤال بالطبخ


شو اكلتلك المفضلة ؟؟
كلشي 36_1_21[1].*
بحب السبانخ ....ووووو الكوسا بطحينة



آخر شي لابد يعني من هالسؤال شو رأيك بالحزب البناتي
ظريف كتير ...وأضفى نوع من البهجة واللطافة عالمنتدى .....

شكرا لأسئلك وبعتذر عالإطالة ..بس أنا عادة" بسترسل بالحكي

[ديار]

السلام عليكم..
بداية, بشكر الأخ ساهد على هالموضوع المميز اللي بيضفي جو أكثر تميز على المنتدى
يبدو في زحمة كتير - ما شاء الله- 36_1_7[1].36_1_7[1]. .......

دوري أسألك عن الغربة شلون جو الإمارات معك؟كيف شفت البعد عن الوطن و الأهل, و هل كان للغربة تأثير إيجابي؟؟

و بالنهاية, بشكرك على كافة المساعدات اللي قدمتها إلنا نحن الأعضاء و التفهم الدائم و خااصة نحن الحزب البناتي

[Saeedoo]

أرسل أصلا بواسطة hutteen my love

لك وقعت وماحدا سمى عليك


ههههههههههههههههههههههههههه

وانا رح أترك أسئلتي للأخير

بس في سؤال عالماشي ولا سعيد وين البيجامة اللي بعتلك حقا من 4 شهور ولاجبلتي البيجامة ولا رجعتلي المصاري

لك أأأأخ والله العظيم بتمنى لاقيها بس منشان أخلص من لسانك

ما ضل حدا عرف بقصة هالبيجاما

بس مرحبا مصاري

وناطر أسئلتك ..بس لا تكتر

[abu kamal]

هلأ كمان أنا راح اترك ردي للأخير
بس ولله مشان البيجاما الله يكون بعونو لأبو الكيم
ولله عيب

[abu kamal]

بس شو بدنا ياعمي باتي " أبو وليد " مافي منو ولله
أحلى شب ياشباب عنجد اللي مابيعرفو بيجهلو

[abu kamal]

ولي عودة بالأخير
سلام هلأ

[Saeedoo]

أرسل أصلا بواسطة SALAHDIN

من دون مجاملة أبو السعود إنسان رائع , وهو بالنسبة إلي أخ كبير واعي و مثقف ....
ومتل ما قال خالد الكل شاف كيف صار وضع المنتدى لما دخل سعيد الإدارة , وبتوقع سعيد كان ممكن يفيد المنتدى و الموقع أكتر لو كان بسوريا

تسلم يا صلاح ...وأنت أخ عزيز وشهادتي فيك مجروحة......بصماتك ولمساتك الفنية واضحة دوما من إيام صحيفة حطين ..ولو أنك ما بتحب تحكي عن حالك ..

أنت وخالد بحب دوما وقف معكم ونشتغل سوا لأنو بعرف طموحكم وحبكم لحطين

أرسل أصلا بواسطة SALAHDIN

:::::: أسئلتي هي ::::::

* المصاري يلي بعتلك هن مع ساهد شو صار فيهم ؟؟؟

بصراحة والله لهلق محتار شو أعمل فيهم ...لأنو بتعرف أنت ...مبلغ كبير بهالحجم (ليرة سورية) صعب تصرفو بسهولة
والله أنت وأبو كمال غمتوني بلطفكم ...أنت باعتلي ليرة ...وهو باعتلي كلام

أرسل أصلا بواسطة SALAHDIN

* شو هي الشغلة يلي سويتها وندمت عليها ؟؟

مممم..ما بتذكر شي كبير ومهم عملتو وبندم عليه بصراحة ...الحمد لله كلشي بتصرفو حتى لو بالأول بين أنو ما صح بس بالأخر بتأكد أنو الخير في ما اختار الله

أرسل أصلا بواسطة SALAHDIN

* وين بتقضي أوقاتك بدبي ؟ ومع مين ؟؟؟؟؟؟؟؟؟

من الشغل للبيت ومن البيت للشغل 36_1_11[1

عموما خلال الأسبوع أحيانا بنزل عالقهوة ..وأحيانا عمول الإمارات أو غيرو بحكم قربو من سكني بحب أحضر سينما أحيانا ...وفي شوية نشاطات رياضية متل لعب طابة بين وقت لتاني

وإيام العطل أحيانا منروح عالبحر أو زيارة عأبو ظبي أو شي محل ..يعني تغيير
بس بتمر أقات طويلة ما بحب أطلع برا البيت
وأكتر رفقاتي هون متعرف عليهم بالإمارات يمكن شي غريب بس فعلا" صار عندي رفقات أكتر من الي كنت أعرفهم مسبقا هون
كنت أنزل مع أبو طريء جارك ..وفي شلة شباب من الادقية رفقاتي بالشغل ....وكتير غيرهم

أرسل أصلا بواسطة SALAHDIN

* يا ترى دخلت فرع الهندسة برضاك ولا حسب العلامات ولا في ظروف تانية ؟؟؟؟

بصراحة بداية" كان طموحي أدخل هندسة كهربا وتحديدا كمبيوتر ..أنا متولع بالكترونيات من صغري وكنت أعمل دارات وتجارب كتيرة من هالنوع وحتى اشتغل بفك وتصلح الراديوات وغيرو

بس سبحان الله مع أني كنت حاطط رغبتين باللادقية وحلب ..بس فرقت معي على علامة ..مع أنو السنة اللي قبلها كانت الكهربا أقل بـ 13 علامة تحديدا"
المهم لقيت حالي محكوم بهندسة العمارة اللي قدمت امتحانها بدون اهتمام كبير ...بس نجحت فيه ..لأني كنت كمان إلي تجارب بالرسم قبل

بس صدقا" بحمد الله أنو دخلت هندسة عمارة بعد الشي لأنو دراستها ومجالها أحلى وحبيتو كتير بعد الدخول فيه بعمق

أرسل أصلا بواسطة SALAHDIN

* واذا استلمت رئاسة نادي حطين ...شو أول خطوة ممكن تعملها ....

أكيد إعادة مدارس ناشئي وصغار حطين وإعادة كيفورك مردكيان للإشراف عليها
ليطلع عنا من جديد جيل متل الكنفاني والأغا وشليم وهشام جمال...ووو..إلخ ..

وبعتذر عإطالة الجواب كمان

[Saeedoo]

أرسل أصلا بواسطة SAHED

سعيدو نسيت اسئلك سؤال مهم شو بتعنيلك هالصورة
36_1_21[1].* 36_1_21[1].* 36_1_21[1].* 36_1_21[1].* 36_1_21[1].*

36_1_7[1].
الجيش
السبب الأول لسفري من سوريا

أرسل أصلا بواسطة الحوت المهاجر

ايواااااا ونصب كمااااااااااااان لك شو هالحكي ابو وليد دافع عن حالك 36_1_7[1].

لك أبو حميد ..البيجاما قصتا قصة

هية باختصار بيجامة ريال مدريد ...لأنو بالإجازة الماضية كنت لابس وحدة..وأبو كمال من عشاق الريال كمان (الشغلة الوحيدة المتفقين فيها 36_1_21[1].* )
المهم قال بدو بيجامة الريال الجديدة ...تبعيت هالسنة ...س والله دورت كتير ما بقى لاقي ...ومن يومها لليوم ما ترك حدا حكالو عالبيجاما...
والمصاري انسى.... لا عطاني مصاري ولا هم يحزنون

[نوار مالك مجبور]

أخوي سعيد :

لست بحاجة لشهادة مدح مني

من الآخر

ســـــــــــــؤالين لا غير

::::::::::::::::::::::::::::

الأول :

هل انت تنتمي لحزب رسميا او قلبيا

و شـــــــــــو اسم هالحزب

::::::::::::::::::::::::::::

الثاني :

ما هو شعورك تجاه الأطفال

وهل عندما تكون حزين

تلجأ لهم

:::::::::::::::::::::::::

ابو النور

[A.alaraby]

سعيدووو ما معقول يعملو موضوع عنك وما شارك فيه

لذلك حضر حالك على البلادة بذاتها

1-بأي مدرسة كنت بالثانوي ومين بتتذكر من أساتذتك بالخير ومين عذبك أكتر شي؟؟

2- شو رأيك بأبو مالك (وافي) بيني وبينك ؟؟

3- انشالله بالمستقبل بعد ما تجمعلك شي 5 أو 6 مليون بدك ترجع تستقر بسورية ولا حابب تضل بالامارات ؟؟

4- عذبك أبوي ولا كان آدمي (بشرفك) ؟؟

5-كام ساعة بتقضي على النت يوميا (وسطيا) وكيف بتعبي وقتك التاني (إذا ضل عندك وقت)

6-شو البلد اللي عبالك تروح عليها وليش ؟؟؟

7-في عندي عروس حبتك من الصورة وهي حلوة ببعتلك ياها ولا شو؟؟

[LIVERPOOL 22]

من خلال مشاركاته النشطة وطريقةمتابعتهو والتفافه حول الاعضاء والمنتدى وللسانه الرائع وقلبه الطيب وانسانيته الطيبة بالتوفيق للاخ سعيدوو وارجوا من الاخ ساهد ايضا ان يعرفنا على العضو صاحب المشاركات الاكتر في المنتدى حطيني مغترب وهو الذي ايضا من قائمة الحطينين المغتربين والمهاجرين

[Saeedoo]

أرسل أصلا بواسطة ابو البحر

السلام عليكم وحمة الله

الاخ سعيد من الناس المثاليين في المنتدى ويستحق التقدير والاحترام والمجهود يلي عم يقوم فيه واضح للجميع وانا بشكرك من كل قلبي لانك مخلص بعملك ولاتنتظر الرد من احد وهيدي من مقومات النجاح بالحياة وكسب حب الناس

شكرا أخي أبو البحر ...شهادتك بعتز فيها بكل صدق ...وان شاء الله كون متل ما عمتقول
كلك ذوق يا غالي

أرسل أصلا بواسطة ابو البحر

اخ سعيد سؤالي الك هل كنت يوا من الايام لاعبا في صغار حطين
وهل كان عندك طموح لتكون لاعب كرة قدم في هذا النادي الذي نعشق

والله بصراحة بحياتي ما لعبت بالنادي ...بس كنت مشجع فقط من بعيد .....أحيانا منلعب طابة كنوع من الرياضة والحركة والتسلية ..بتعرف أنت متل كل الشباب
ولا طمحت أبدا كون لاعب ...أنا متابع جيد وبستمتع بمتابعة كرة القدم ..بس كممارسة مجرد هواية أو رياضة.

أرسل أصلا بواسطة ابو البحر

واخيرا وبكل صراحة قيم الاسماء التالية :
خالد المصري
صلاح الدين قواف
نوار مجبور ابو النور
ابوكمال
ساهد
حطيني مغترب
ابو مروان الحطيني
محمد نور
نتالي
ديار

تقبل تحياتي
ابو البحر

والله سؤالك محرج ....وطبعا" أنا أصغر من أنو قيم الأشخاص المذكورين كلهم لأنو كل اللي ذكرتن أصدقاء عزيزين ومن خيرة الناس فما رح أوفي حقهم شو ما قلت
بس رح قول نظرتي المتواضعة إلهم وليس تقييم

خالد مصري
طموح جدا" وعندو رؤية رائعة وتفكير مستقبلي مشرق....أحيانا الل يمابيعرفو مظبوط بياخد عنو فكرة غلط لأنو قليل الكلام والحوار غالبا...بس بالمقابل سهل التعامل ومتفهم جدا"

صلاح قواف
مبدع ومخلص جدا بشغلو ..ومثابر على أي شغلة بيشتغلها ..يعني ما عندو أنصاف حلول بهالأمور ...من أطيب الأشخاص اللي ممكن تشوفهم ..هو وخالد أخوة أصغر إلي

أبو كمال (في اتنين )
أبو كمال محشية
يتنفس حطين و كرة القدم من الشخصيات اللي فعلا" بتستمتع بصداقتهم بشكل كبير لخفة دمه وطيبته ....بيعصب بسرعة كتير بس بيهدا بسرعة أكبر..بجد اللي ما بيعرف أبو كمال بالطبيعة ما بيعرف شي عنو ...أحلى إيام قضيتها معو عالكورنيش الجنوبي 36_1_11[1


أبو كمال زيدان
انسان دغري وما عندو مجاملة ولا تهاون خصوصي بشي أسمو حطين ..صاحب شخصية قوية ومؤثرة عاللي حواليه دوما"....كمان قضيت معو أحلى إيام وذكريات بكسب ..لأنو مختار بكسب
ولو أنو ما فادني شي 36_1_21[1].*


الأشخاص اللي انذكرو قبل بعرفهم بشكل شخصي ولذلك عمبحكي بمنطلق معرفتي
بس القادمين لحد الأن معرفتي بهم عن طريق المنتدى وان شاء الله تصير فرصة لتعارف أكبر
لذلك رح أحكي من منطلق مراقبتي لردودهم ومشاركاتهم


أبو النور
أكتر شخص بالمنتدى بشعر أنو منظم بيشتغل دوما بشكل مدروس ومابيترك شي للصدفة
فعلا شخصية متميزة من ناحية الترتيب والعمل يمكن من وراء اهتماماته السياسية والحزبية والدراسية أخد عهالنظام ..ولو أنو أحيانا هالنظام بيعطي فكرة سلبية عنو هية ما موجودة حقيقة"
ساهد
طبعا من مؤسسي منتدى قناة حطين وأحد أعمدة الملتميديا بالمنتدى ...ومن خلال كلامي معو اتأكدت أنو يعشق حطين ومخلص بشغلو وعملو ...بتمنى اللقاء فيه والتعارف أكتر قريبا ..

حطيني مغترب
بشار أكتر المثابرين بالمنتدى وصاحب مجهود جبار ما حدا فينو ينكرو ..مثقف و نشيط وصاحب قلب طيب بس بلومو أحيانا أنو بينفعل بسرعة وبيتسرع بالرد والتصرف ...ولو أنو عن طيب خاطر أكيد

أبو مروان الحطيني

بحس أنو أنسان عاطفي بشكل كبير ...بيخلص لأي شي بيحبو بالحياة حتى لو كان بالرياضة يعني حطين و مستعد يعمل أي شي كرمال الشي اللي بحبو

محمد نور ..

مبدع جدا" بكل صدق ..وأكتر شخص بهرني بعملو بمقاطع الفيديو اللي اشتغلها
حتى من خلال كلامي معو شفت أنو مخلص جدا بالأمور اللي بتهمو ...يعني بس يتابع شي بيخلص إلو بشكل كبير ...


نتالي
صاحب ة طلة حلوة وروح لطيفة ومحبة جدا" لأصدقاءها لدرجة أنو بتضر نفسها أحيانا في سبيل مساعدتهم ...ولو بدون قصد
قلبها طيب جدا بس مشكلتها متسرعة أحيانا ببعض المواقف ..
عندها أفكار وتطلعات وأمال كتير حلوة
مؤسسة الحزب البناتي ورئيسة العصابة 36_1_21[1].*

ديار
مثقفة جدا" ومن البنات النادر تواجدهم بصراحة هالإيام ..بحس فيها مشروع كاتبة أو أديبة أو ناشطة إجتماعية مهمة ...بتتميز بشخصية مميزة وقوية بتفرض احترامها عكل من يحاورها... وبالمقابلة قريبة من الجميع ولا تتردد في مساعدة من يحتاج.



وبعتذر إذا غلطت بوصف أي شخص من المذكورين
كلهم أخوتي و عيلة وحدة كلنا ان شاء الله

[T . AJJAN]

بالفعل الشباب كفو ووفوا بالمدح فيك لانو بالفعل انت شخص قل وجودو بهل الحياة
ماراح طول عليك حكي لانو انت بتعرف شو انت بالنسبة الي
اسئلتي ابووليد
1_ ما هو اجمل شي عملتو بحياتك
2_ شو بيعنيلك تشرين والبارشا والبرازيل
3_ شو بيكون شعورك لمل بتحاول تنزل على الشارقة
4_ شو بيعنيلك هل الاشخاص
بهاء
خالد التشريني
فادي فرحات
ابوجاسم
ابوكمال
ابوكمال
خالد
صلاح
كيفورك
باتيستوتا
5_ شو الهدية يلي بدك تهديها للست الوالدة بمناسبة عيد الام
6_ سعيد انا سمعت انا سمعت انو في قصة حب جديدة على الطريق فينك توضحلنا اكتر وشو جنسية سعيدة الحظ
36_1_11[1
36_1_12:

[Saeedoo]

أرسل أصلا بواسطة ديار

السلام عليكم..

دوري أسألك عن الغربة شلون جو الإمارات معك؟كيف شفت البعد عن الوطن و الأهل, و هل كان للغربة تأثير إيجابي؟؟

وعليكم السلام أخت ديار
وأنا كمان بتشكر ساهد عهالموضوع والاستضافات دوما"

وبخصوص سؤالك عن رأيي بالغرية ..

بصراحة قلت قبل أنو عانيت كتير أول فترة ...خصوصي أنو أنا كل حياتي وحتى إيام الجامعة قضيتها مع أهلي وبنفس البيت يعني ما تغربت أبدا خلال حياتي الدراسية ..لذلك موضوع السفر للإمارات بالأول كان صعب خصوصي أني أجيت بالفترة الأولى زيارة ...وتقريبا ما بعرف حدا أو بالأحرى كأنو ما بعرف حدا لأنو الي كنت بعرفهم تفاجأت فيهم
المهم الحمد لله توفقت واشتغلت بالفترة الأولى بأبوظبي وكمان ما كنت أعرف حدا بأبو ظبي ...هالشي خلاني أتعب كتير بالفترة الأولى والبعد عن الأهل والأصحاب خاصة أني تركت أصدقاء كتير بسورية يعني ما بنسى ليلة سفري كام واحد إجى ودعني غير التلفونات وفي منهم طلعو معي عالشام حتى ...بس الحمد لله بعد فترة صار عندي أصدقاء ورفقة ما بكذب إذا قللك متل سوريا وأكتر

ومع مرور الإيام أكيد بحمد من الله الواحد بتستقر أمورو بالشغل والسكن و...إلخ

يعني حاليا برأيي الغربة هي الخيار الأفضل لكل شاب حابب يعمل شي خصصي اذا عندو عسكرية ..طبعا إذا توفرت ظروف عمل مناسبة إلو بالغربة
وبعتقد الغربة أثرت علي بشكل إيجابي وسلبي بأمور وأمور تانية ...بس إيجابياتها بالنسبة إلي أكبر يعني متل تحمل المسؤولية بشكل أكبر وترويض للنفس بفترات منها
..ونقطة مهمة الانفتاح والتعرف عالعالم كلو وعشعوب مختلفة بحكم تركيبة البلد هون وأكيدأمور العمل والمادة والخبرة وتوظيف الدراسة...(والراحة من العسكرية أهم شي 36_1_11[1 )
سلبيات ..أكيد البعد عن الأهل والأصحاب وأنو الواحد بينحرم من كتير أمور هون متل الحياة الاجتماعية وبعض العادات بسورية ...وأهم شي الذكريات الحلوة والأماكن الظريفة اللي عالقة بالبال من البلد..
باختصار أنا لحد ما مبسوط الحمد لله بجو الإمارات وفعلا بلد جميل وممتازة من كتير النواحي

أرسل أصلا بواسطة ديار

و بالنهاية, بشكرك على كافة المساعدات اللي قدمتها إلنا نحن الأعضاء و التفهم الدائم و خااصة نحن الحزب البناتي

العفو أخت ديار... لا شكر على واجب ..هاد واجبنا ...لكن ليش أسمي مشرف 36_1_11[1
وبعتذر عالإطالة بالرد

[Saeedoo]

أرسل أصلا بواسطة abu kamal

بس شو بدنا ياعمي باتي " أبو وليد " مافي منو ولله
أحلى شب ياشباب عنجد اللي مابيعرفو بيجهلو

[Saeedoo]

أرسل أصلا بواسطة نوار مجبور/أبو النور/

أخوي سعيد :

لست بحاجة لشهادة مدح مني

تسلم أبو النور شكرا عالإطراء الحلو ...خجلتوني يا شباب

أرسل أصلا بواسطة نوار مجبور/أبو النور/

الأول :

هل انت تنتمي لحزب رسميا او قلبيا

و شـــــــــــو اسم هالحزب

بصراحة ...بحياتي ما انتميت لأي حزب بشكل رسمي
أنا بطبعي ما بحب الالتزام بأحزاب أو هيك أمور ...بس أكيد قلبيا" بنتمي أو بالأحرى بتعاطف مع البعض
بحب وبهتم كتير بالأفكار الناصرية ...و معجب جدا بشخص عبد الناصر...ويمكن بحكم أنو ولدي كان ناصري بشكل كبير كمان ...
وبتعجبني أفكار و طريقة بناء حماس الفلسطينية وخاصة طريقة الوصول للحكومة وبناء الديمقراطة الصحيحة بعيدا عن الوهم والكذب الغربي
س متل ما قلتلك كلو بيندرج بإطار إهتمام وليس انتماء

أرسل أصلا بواسطة نوار مجبور/أبو النور/

الثاني :

ما هو شعورك تجاه الأطفال

وهل عندما تكون حزين

تلجأ لهم

بحب الأطفال كتير خصوصي بأعمار محددة وهيدي على فكرة اللي بالصورة معي ..بنت بنت عمتي مقربة كتير مني بكم أنهم هون بالإمارات ....
بس أحيانا ما بكون إلي خلاق كتير عالولاد خاصة اللي بيحركو كتير...بعصب منهم ...
بس لما بكون حزين بفضل أقعد لحالي بعيد عن أي شخص

وشكرا لأسئلتك أبو النور الحبيب

[أحمد وزان]

بصراحة يا جماعة أكتر انشان يتحلى بالصبر هو سعيدوووووووووووو
وبقولها ادام الكل
موفق أخ سعيد وزرقك الله كل ما تشتهيه
موفق يا غالي
سلمات