أعضاء تحت دائرة الأضواء (( Saeedoo ))

[SAHED]

أعضاء تحت دائرة الأضواء
الحوت المهاجر

مهما تكلمت ومها حدثتكم عن هذا الشخص فلن اوفيه حقه بالحديث انه حوت مهاجر يفني وقته في عمله وفي منتداه الغالي تراه يعمل على كافة الجبهات وبإسلوب الجندي المجهول نراه في جميع المواضيع بردود واقعية ومدروسة ومنطقية مواضيعه رائعة بكل معنى الكلمة ومتنوعة وغنية بشكل أروع فتراه يصول ويجول في جميع المنتديات بمواصيع مفيدة وتستحق النقاش حمل شارة الادارة منذ فترة قليلة (( يعني صار من اصحاب البدلة الحمرا ))
36_1_21[1].* وهذا ان دل على شيء فإنه يدل على ثقة إدارة الموقع بهذا المشرف الكبير . صاحب عقلية إدارية كبيرة وأثبت وجوده بالإدارة بشكل قوي جدا . يدير عدة منتديات بالموقع وتراه مستعد في أي وقت لملئ فراغ اي مشرف في احوال الضرورة يتميز بمواضيع النقل المباشر للمباريات وله الفضل الكبير في إغناء مكتبة قناة حطين بلقطات و اهداف المباريات . العضو المتميز جدا في موقع كوورة والذي ساهم ضمن مجموعة كبيرة في إعلاء اسم نادي حطين في هذا الموقع المشهور
وكل هذا الكلام لم يوفي ضيفنا اليوم حقه وأكيد هالمواصفات تنطبق على إنسان يحبه ويحترمه الجميع ويشرفني ان استضيفه اليوم .
(( Saeedoo ))
وكالعادة رح اعطيكم شوية معلوات وعرفكن عن ضيفنا واكيد في النهاية الاسئلة رح تكون للجميع .
الإسم : سعيد حدّاد
العمر : 28
المؤهلات الدراسية : هندسة معمارية - جامعة تشرين - 2001
العمل حالي : مهندس معماري بشركة مقاولات بدبي
انضم للمنتدى بتاريخ 26 / 3 / 2006
من أعضاء الإدارة ومشرف على عدة منتديات وصحف
صاحب المركز الرابع من حيث عدد المشاركات 3236 مشاركة حتى تاريخ 8 / 3 / 2007
أكثر مواضيعه ردودا
~¤¦¦§¦¦¤~صحيفة ريال مدريد~¤¦¦§¦¦¤
بـــ 888 ردا
ويسعدني ان أبدأ الاسئلة للأخ سعيد وكالعادة أبدأ بالاسئلة التقليدية :
1 - الاسم الحقيقي وليش اخترت اسم Saeedoo وشو بيعنيلك ؟
2 - من أنت ( بثلاثة اسطر ) أو أكثر ..؟
3 - كيف انضممت لمنتدى حطين؟؟
4- ماذا تعني لك الحياة ؟.
5 – طموحاتك وكيف تتمنى أن يكون مستقبلك ؟
تحية طيبة لك

SAHED

[Kh@led]

احلى ابو السعود... و ما خافي على الجميع ..انو سعيد حاليا مع ابو كمال زيدان ..عم يديروا المنتدى بشكل فعلي ... و الكل لاحظ التغير يلي حصل من وقت ما دخل سعيد على الادارة و لو اجت متاخرة .. بس الحق كان علينا مو عليه..

[فاروق ابن البحر]

كل التوفيق للاخ سعيد الله يعطيه العافية عضو نشيط جدا ومستعد لمساعدة الجميع بدون كلل او ملل تحياتي اخوي سعيد

[أبو ناظم]

سعيد حبيبي عندي كام سؤال:

1. ايمت بدك تترك الـ Ecc و تروح على شي مكتب استشاري يستفاد من فنك؟
2. كيف شفتللي الغربة بالامارات و هل بتتوقع انو يتحسن الوضع لما بتكمل نص دينك؟؟؟؟؟؟؟؟؟؟؟
3. لما بدك تكمل نص دينك (باذن الله) بتتوقع انو يخف نشاطك ولا هل الشي بدو يكون دافع لألك؟
4. ايمتا بدنا نتغدا سوا؟؟؟؟؟؟؟؟؟؟؟؟36_1_21[1].*

[pathfinder]

اول شي أخي أبو ناظم سعيد بيشتغل ب Acc وليس Ecc بعدين اضافة جديدة كمان سعيد اشتغل ببرج بأول شارع الشيخ زايد قبل ال فيرموند اوتيل وحاليا يعمل ببرج اليعقوب قبل أبراج الامارات يسكن حاليا بالبرشاء مع أحد الأخوة المصريين وأنا بالنسبة الي صديق غالي والي معو ذكريات صحيح مو كتيرة ولكن من أحلى الذكريات

[Saeedoo]

أرسل أصلا بواسطة pathfinder

اول شي أخي أبو ناظم سعيد بيشتغل ب Acc وليس Ecc بعدين اضافة جديدة كمان سعيد اشتغل ببرج بأول شارع الشيخ زايد قبل ال فيرموند اوتيل وحاليا يعمل ببرج اليعقوب قبل أبراج الامارات يسكن حاليا بالبرشاء مع أحد الأخوة المصريين وأنا بالنسبة الي صديق غالي والي معو ذكريات صحيح مو كتيرة ولكن من أحلى الذكريات

36_1_7[1].

مين ..؟؟؟
والله دهشتني

[Saeedoo]

أول شي بشكر أخي ساهد عالتقديم الحلو

الله يعطيك العافية عالمجاملة اللطيفة وان شاء الله بتشرف بمعرفتك شخصيا" صحي حكينا كتير بس للأسف أنو ما تقابلنا بشكل شخصي لسا

وبخصوص أسئلتك :

1 - الاسم الحقيقي وليش اخترت اسم Saeedoo وشو بيعنيلك ؟

الأسم الحقيقي : سعيد حدّاد
أما اختيار الأسم ..أنا بالعادة بحب ادخل بأسمي الحقيقي بدون أسماء مستعارة ..يعني Saeed
بس لما سجلت بمنتديات كووورة أول مرة كان الأسم مأخود واضريت ضيف أحرف ..فاخترت Saeedoo .. اللي كان بعض رفقاتي ينادولي فيه أيام المدرسة واستمر الموضوع
بعدين جربت غيرو مرة ..واكتشفت أنو الأسم الحقيقي أحسن شي وبالنهاية رجعتلو مرة تانية وأخدت هالأسم لكل المنتديات


2 - من أنت ( بثلاثة اسطر ) أو أكثر ..؟

مع أني مابحب أوصف حالي..بحب هالشي يجي من الأخرين هنن يحكو عني وليس أنا
بس رح أحكي شوي
انسان عادي وبسيط وهبني الله حب الأصدقاء الحمد لله ..عندي طموح بالحياة بحب عيش لتحقيقو ... ديناميكي بالي طويل نوعا ما بس ضمن حدود .... مؤمن بالله وعندي شعور بالمسؤلية تجاه أهلي اللي بدوما" بفكر فيهم قبل ما أخد أي قرار بحياتي

3 - كيف انضممت لمنتدى حطين؟؟

أنا والشباب كنا مجموعة وحدة بصحيفة حطين بكووورة سورية قبل ما ننضم لهون
ولا زلنا ..مع اختلاف التواجد والحضور..أنا كنت رئيس الصحيفة مع خالد والأبوكمالين وصلاح ...وقبل كان حمودة(نيدفيد الحطيني) كمان وفراس وغيرهم
في كتير من الشباب هون اجتمعنا من قبل بمنتدى كوورة وتعرفنا هنيك

4- ماذا تعني لك الحياة ؟.
رحلة قصيرة يجب أن تعطي فيها أكثر من ما تأخذ

5 – طموحاتك وكيف تتمنى أن يكون مستقبلك ؟

عندي طموح علمي بتمنى أقدر حققو ولو أني أبتعدت شوي بحكم الانغماس بالعمل
وطموح عائلي بالاستقرار

تحية طيبة لك

تحية كبر إلك أخي ساهد

[Saeedoo]

فاروق ابن البحر vbmenu_register("postmenu_86305", true);

كل التوفيق للاخ سعيد الله يعطيه العافية عضو نشيط جدا ومستعد لمساعدة الجميع بدون كلل او ملل تحياتي اخوي سعيد


شكرا أخي فاروق...هاد واجبنا ..
أي مشرف بالمنتدى واجب عليه يساعد الأعضاء ويكون نشيط
وإلا ليش أسمو مشرف ..

[Saeedoo]

أبو ناظم
سعيد حبيبي عندي كام سؤال:

اتفضل أبو ناظم الغالي

1. ايمت بدك تترك الـ Ecc و تروح على شي مكتب استشاري يستفاد من فنك؟
فعلا" الشركة هية ACC - (Arabian Construction Company).I
هو صحي المقاولات مانو المجال الأفضل للمعماري...بس كمان الخبرة فيها ذات قيمة كبيرة ....وبصراحة الحمد لله مرتاح بالشركة لحد كبير من حيث العمل والاستقرار والأشخاص والمشاريع
بصراحة ممكن فكر بالتغيير بس بتعرف أنت لازم الواحد يدرس القصة من مختلف النواحي يعني ما بس نوعية العمل كمان المردود المادي والاستقرار وحجم الشركة ...إلخ
منحكي بس شوفك على كل.36_1_12:


2. كيف شفتللي الغربة بالامارات و هل بتتوقع انو يتحسن الوضع لما بتكمل نص دينك؟؟؟؟؟؟؟؟؟؟؟
هههههه
والله الغربة غربة ..خصوصي بأول فترة ...بصراحة أنا تعبت بأول فترة من موضوع الغربة تحديدا" بس الحمدلله بعدين تعودت واستقريت ومتل ما بدك تقول تكيفت مع الوضع ..وحاليا بشوف أنو شهر الإجازة السنوي بيكفي (مبدئيا")
ولما بكمل نص ديني مابعرف والله ...لازم أسألك أنت ...
بتوقع بيعتمد عالنصف الأخر..يمكن تصير الغربة مضاعفة مثلا"
ويمكن الواحد ما بقى يحس بأي غربة

لأ الصراحة ..طبعا" الاستقرارمع الأهل بيخفف كتير من الغربة (ولو أنو ماكتير مشكلة شايفها الغربة)

3. لما بدك تكمل نص دينك (باذن الله) بتتوقع انو يخف نشاطك ولا هل الشي بدو يكون دافع لألك؟

ههههه حاسس سؤالك ملغوم يا أبو ناظم
كيف يعني يكون دافع إلي ..قصدك أهرب من مشاكل الزواج بالدخول للمنتدى ...والله هيدي العبارة لازم تشوفها أم ناظم 36_1_12:

أكيد مسؤولية العائلة رح يخفف من دخولي المنتدى ..ولو أنو بالحالة العادية بمر بفترات دخول كتيرة وأحيانا بتمر إيام بخف دخولي...حسب المزاج وبالطبيعة كسر للروتين وحب للتغيير

أنت ليش مصمم تزوجني مابعرف ...صحي ما متنا ..بس شفنا اللي ماتو 36_1_21[1].*

4. ايمتا بدنا نتغدا سوا؟؟؟؟؟؟؟؟؟؟؟؟

وقت اللي بدك ...أنت بس اعزمني وديبك أنا
ما بتسافر الحكومة عندك (من غير شر)

[abu marwan]

بالتوفيق للأخ سعيد اللي بحس ان ماعندو مجاملة يعني اللي بقلبو على لسانو ..وبلاحظ عليه انو بيقول للأعور اعور بيعينو ...اكيد فهم قصدي :::.

[مهرتوو]

اكيد بلتوفيق لاخوي سعيد وبتنمى انو اتعرف عليك شخصي اذا مافينك حاليا لو على الايميلواكيد كل الاداريين من العمال المكافحين ومشكور على الجهود الرائعة

[الحوت المهاجر]

لك عراسي احلى ابو وليد والله مشكور اخوي ساهد على الموضوع وكمان كل الكلمات ما بتوفيه حقوا للسعيدوووووووسعيد صديقي من ايام الشقاء بسوريا وهم التفكير بالسفر والمعاناة والمقابلات والله كانت ايام عصيبة الله لا يرويها لحدا وايام الجامعة وكافتيريا العلوم وساحة الاقتصاد ما بتنسى وخصوصي صاحبنا حسونعسول والله ايام حلوة ما بتنسى كانت بس اخوي ابو وليد بدنا نفرح فيك قريبا ان شاء الله يالله شد حالك خلصنا بقا واتكل على الله وصدقني رح تختلف حياتك كلها صحي بتزيد مسوؤلياتك بس الحياة بيصر الها معنى تانياخوي ابو ناظم اذا شفتلوا شي عروس كويسة عرفوا عليها وخلينا نخلص منو س : ايمت اخر مرة عسلت مع عسووووووا ؟؟

[نتالي]

مرحبا أخي سعيد اللي باله طويل جدا جدا جدا وبيتحمل كتير ناس مو أنا أكيد


1- عرفنا طموحك بس ممكن نعرف أكتر وتحكيلنا عن طموحك العلمي وشو هو ولا أسرار


2- شو هي امنياتك أو أحلامك للي لسه ما تحققت ؟؟؟؟ وبتتمنى تتحقق ..


3- اذا عطيتك مليون ليرة شو أول شي بتشتريه ؟؟؟؟ هو انا مامعي مليون بس فرضاًُ


4- شو بعينلك حطيــــــــــــــــــن




أسئلة ثقافية


ماهي أكتر الكتب اللي قرأتها ولازالت تترك آثر لديك ...


برأيك النت هي وسيلة كافية للثقافة ؟؟


أين أنت من السياسة ؟؟ متابع باهتمام أم فقط مستمع ....



سؤال أنترنتي



شو رأيك بالمنتدى و شو أكتر شي بتحبه فيه و شو أكتر شي بتكره ؟؟؟


مين من الأعضاء تتمنى اللقاء به ...


مين اللي من الأعضاء بتابع مواضيعهم دايماً ....




سؤال إجباري


شو رأيك بالكرامة ...وخاصة بعد فوزه على قطر ...




سؤال بالطبخ


شو اكلتلك المفضلة ؟؟



آخر شي لابد يعني من هالسؤال شو رأيك بالحزب البناتي

[SAHED]

شو هاد نتالي ما شاء الله حطيتي سعيد بخانة اليك وصار الشغل لفوء راسو جاوب ابو السعود هات ورجينا
36_1_21[1].* 36_1_21[1].* 36_1_21[1].*

[hutteen my love]

لك وقعت وماحدا سمى عليك


ههههههههههههههههههههههههههه

وانا رح أترك أسئلتي للأخير

بس في سؤال عالماشي ولا سعيد وين البيجامة اللي بعتلك حقا من 4 شهور ولاجبلتي البيجامة ولا رجعتلي المصاري

[SALAHDIN]

من دون مجاملة أبو السعود إنسان رائع , وهو بالنسبة إلي أخ كبير واعي و مثقف ....
ومتل ما قال خالد الكل شاف كيف صار وضع المنتدى لما دخل سعيد الإدارة , وبتوقع سعيد كان ممكن يفيد المنتدى و الموقع أكتر لو كان بسوريا

:::::: أسئلتي هي ::::::

* المصاري يلي بعتلك هن مع ساهد شو صار فيهم ؟؟؟

* شو هي الشغلة يلي سويتها وندمت عليها ؟؟

* وين بتقضي أوقاتك بدبي ؟ ومع مين ؟؟؟؟؟؟؟؟؟

* يا ترى دخلت فرع الهندسة برضاك ولا حسب العلامات ولا في ظروف تانية ؟؟؟؟

* واذا استلمت رئاسة نادي حطين ...شو أول خطوة ممكن تعملها ....

[SAHED]

سعيدو نسيت اسئلك سؤال مهم شو بتعنيلك هالصورة
36_1_21[1].* 36_1_21[1].* 36_1_21[1].* 36_1_21[1].* 36_1_21[1].*

[الحوت المهاجر]

أرسل أصلا بواسطة hutteen my love

لك وقعت وماحدا سمى عليك


ههههههههههههههههههههههههههه

وانا رح أترك أسئلتي للأخير

بس في سؤال عالماشي ولا سعيد وين البيجامة اللي بعتلك حقا من 4 شهور ولاجبلتي البيجامة ولا رجعتلي المصاري

ايواااااا ونصب كمااااااااااااان لك شو هالحكي ابو وليد دافع عن حالك 36_1_7[1].

[SAHED]

أرسل أصلا بواسطة hutteen my love

لك وقعت وماحدا سمى عليك


ههههههههههههههههههههههههههه

وانا رح أترك أسئلتي للأخير

بس في سؤال عالماشي ولا سعيد وين البيجامة اللي بعتلك حقا من 4 شهور ولاجبلتي البيجامة ولا رجعتلي المصاري

على سيرة البيجاما ابو كمال في موضوع من شي 6 شهور تبع خالد يلي اسمو (( كل يلي موجودين بالمنتدى اتفضلوا )) هنيك كمان انت سائلوا عن البيجاما معئول لهلأ ما وصلتك ؟؟؟

36_1_21[1].* 36_1_21[1].* 36_1_21[1].*

أرسل أصلا بواسطة hutteen my love

أبووليد شو صار معك بالبيجامة

[ابو البحر]

السلام عليكم وحمة الله
مشكور كتير اخ ساهد يلي عم تعرفنا على الاعضاء عن قرب
الاخ سعيد من الناس المثاليين في المنتدى ويستحق التقدير والاحترام والمجهود يلي عم يقوم فيه واضح للجميع وانا بشكرك من كل قلبي لانك مخلص بعملك ولاتنتظر الرد من احد وهيدي من مقومات النجاح بالحياة وكسب حب الناس
اخ سعيد سؤالي الك هل كنت يوا من الايام لاعبا في صغار حطين
وهل كان عندك طموح لتكون لاعب كرة قدم في هذا النادي الذي نعشق
واخيرا وبكل صراحة قيم الاسماء التالية :
خالد المصري
صلاح الدين قواف
نوار مجبور ابو النور
ابوكمال
ساهد
حطيني مغترب
ابو مروان الحطيني
محمد نور
نتالي
ديار

تقبل تحياتي
ابو البحر