بجزاء قاتلة حطين عادل البرتقالة

[maher43]

سجل لحطين جمعة عباس د»3« والبيازيد د »32« و»90+9« وللوحدة بيتر موتيل د »10 و21« وجمال معو د » 71«.

* الملعب: إستاد الباسل الدولي والحضور لا يتجاوز »4« آلاف متفرج.

* الحكام: محمد نايف حلبي ووائل جبارة وحسام قريح وعبد الله عريان وراقبها تركي ياسين وعبد الحميد الحسن.

* الإنذارات: كمال عاجي ومعتصم علايا وباسل العلي وغسان معتوق من الوحدة وأحمد ديب وأحمد حاج محمد وهشام عابدين وسليم خضرة من حطين.

اقتنص حطين تعادلاً صعباً في الدقيقة التاسعة من الوقت بدل الضائع عن طريق مهاجمه البيازيد ، ورغم البداية الحطينية القوية والسريعة بهدف العباس المباغت إلا أن الوحدة عرف بقيادة نجمه ماهر السيد كيف يستغل الضعف الواضح على خاصرتي حطين وتحديداً اليمنى ومنها تمكن الضيوف من تسجيل هدفين جميلين وقع عليهما المحترف الزامبي بيتر موتيل بطريقة تدل على مكانته الكروية الكبيرة، ومع سيطرة البرتقالة على وسط الملعب من خلال اعتمادها على الخطة »4/4/2« وتنفيذها الجيد لحيثياتها واستغلالها للمساحات الفارغة والكبيرة بوسط حطين ما سهل من حركة لاعبيها وبوصولهم السريع لمرمى حطين لضعف التغطية الدفاعية من لاعبي الوسط وهذا ما حمل الحاج محمد والمدافعين عبئاً كبيراً فأتيحت للبرتقالة عدة فرص خطرة وأبرزها عرضية الغاني محمد رزاق التي قطعها علي طه بعد مرورها من الجميع، قبل أن يدرك البيازيد هدف التعادل من مباشرة نفذها بطريقة برازيلية داخل مرمى الوحدة قبل أن يتدخل عمار ياسين وبخبرة الكبار لانفرادتي كمال عاجي وبيتر مونتيل، وبعد »15« دقيقة من النصائح والتوجيهات ضغط حطين على مرمى ضيوفه وحاصرهم بكثافته الهجومية وباختراقاته السريعة للعمق عبر البديل مروان سيدة وبعكس الكرات العرضية ولكن تألق الخليل والعلي والمعتوق والقيشاني أبعد الخطر عن مرماهم ومع قيام الحكيم بإشراك وليد الشريف وبدفع ماهر السيد للخطوط الأمامية فقد نشط الضيوف وهددوا مرمى العيسى عبر بيتر موتيل والماهر إلى أن نجح جمال معو وهو المندفع من الخلف بغمز مباشرة ماهر السيد داخل شباك حطين وسط ذهول العيسى ومدافعيه ومع إشراك المبيض ومن ثم الفارس تحسن أداء حطين وزاد ضغطه على مرمى البيروتي الذي تعرض مرماه لمعمعة أولى وثانية مرتا بسلام ومع الهفوات الدفاعية المتكررة والتي ازدادت مع خروج الياسين كاد الوحدة أن يزيد الغلة عبر موتيل والبديل أحمد الخالد الذي مال للأداء الفردي وفضل تسديد انفرادته بجوار القائم بدلاً من تمريرها لماهر السيد وارتد حطين بهجمات مماثلة ومتلاحقة اضطرت غسان معتوق لإيقاف مهارة البيازيد من الخلف فأعلن حكم الساحة عن جزاء أدرك من خلالها حطين تعادله الثمين.

سيناريو الأهداف

*أرسل المغربي محمد عزيم كرة ثابتة دخل عليها العباس برأسه وأودعها بشبابك الوحدة د »3«.

*عكس ماهر السيد كرة أنيقة لموتيل الذي عالجها برأسه داخل صندوق حطين بالدقيقة »10«.

*تمريرة رائعة من السيد لبيتر موتيل تابعها الأخير عن يمين العيسى د »21« هدفاً لا يرد.

* على الطريقة الأوروبية أرسل البيازيد مباشرته لترتطم بقائم البيروتي وتعانق شباكه د»32«.

* د »71« دخل جمال معو من الخلف ووضع كرة السيد المباشرة داخل مرمى حطين.

*أدرك البيازيد التعادل من جزاء احتسبت لعرقلة المعتوق بالدقيقة »90+9«.

أقوال المدربين

* أيمن حكيم »مدرب الوحدة«: لم أعتد على الاعتراض على الحكام ولكن حكام اليوم أخرجونا عن طورنا وخطفوا الفوز منا.

* محمد حوالي »مدرب حطين«: كنا الأفضل استحواذاً وفرصاً وتلقينا أهدافاً غير طبيعية نتيجة عدم توفيق دفاعنا وأضعنا »4« فرص محققة بآخر »10« دقائق.

بطاقات بيضاء

*للاعبي الفريقين الذين أمتعوا الحاضرين بأدائهم الجميل وبأهدافهم الستة الرائعة.

*لماهر السيد الذي صنع أهداف فريقه الثلاثة وكان نجماً حقيقياً بكل شيء.



بطاقات سوداء

*لجماهير حطين التي بالغت بطرق تعبيرها عن عصبيتها جراء الأخطاء التحكيمية الواضحة.

*لبعض جماهير الوحدة التي شتمت لاعبيها وكادرها الفني بعد انتهاء المباراة رغم عرضهم الجيد والممتع.

*لبدر الدين الأزور الذي تهجم على طاقم الحكام وحاول الاعتداء عليهم بعد انتهاء المباراة.



أضواء على المباراة

* توقفت المباراة »8« دقائق نتيجة رمي جماهير حطين الحجارة وزجاجات المياه على حكم الراية بعد هدف الوحدة الثالث.

* بإجماع مراقبي المباراة السيدين تركي ياسين وعبد الحميد الحسن فقد كانت المباراة أكبر من مستوى حكم الساحة ومن المتوقع أن يذكرا ذلك بتقريرهما.

* قطع الحكم الرابع عبد الله عريان شهر عسله بعد أسبوع من زواجه وحضر إلى اللاذقية للمشاركة بقيادة المباراة.

* لم يستفد حطين من كراته الملعوبة واكتفى بتسجيل »3« أهداف من »3« ضربات ثابتة.

* ثار مدرب الوحدة بعد المباراة وطالب بمحاسبة حكم الساحة الذي لعب »11« دقيقة كوقت بدل ضائع بدلاً من »9« دقائق.

* بأخلاقه العالية قال ماهر السيد: لقد قدمنا مباراة كبيرة ولكن كثرة أخطائنا بتقدير الكرات العرضية جعلنا نتلقى »3« أهداف سهلة.


جريدة الرياضية

[الحوت المهاجر]

مشكور اخوي ماهروالله ضعف وسطنا ودفاعنا واضح متل الشمس وهادا اكيد بسبب خطة اللعب الفاشلة مع لاعبينا

[Saeedoo]

مشكور أخي ماهر ...

3 أهداف إلنا إجت من كرات ثابتة ...!!؟؟

معقول ما عمنقدر نسجل أهداف ملعوبة ..!!؟؟
يعني إعتمادنا فقط على خبرة كام لاعب ..وكانو السيد بيازيد والعزيم والخضير مبارح

وأخطاء دفاعية قاتلة لفريقنا متل العادة..!!؟؟

======
وبحب وجه تحية للاعب الكبير والعملة النادرة بسورية
ماهر السيد
اللي برأيي كان بيستحق يلعب بدوري أفضل من دورينا السوري

[الحوت المهاجر]

الله عم يسترنا ونتوفق واهدافنا كلها كرات ثابتة هادا دليل على عدم تماسك الخطوط وكل خط بيلعب لحالو وهادا دليل ضعف خط الوسط الضايع بين الدفاع والهجوم وبالحاليتن مقصر بدوره لان اللاعبين لهلاء ما هضموا الخطة الجديدة لان هالخطة بدك لاعبين بامكانيات مهارية ولياقية ممتازة وقت بتطلب من الفارس يشارك بالهجمة ويرجع يغطي ورا اكيد لازم يكون عندوا لياقة نار ليقدر يقوم بدوره ولازم يكون عندو نضخ تكتيكي وخبرة ليعرف كيف وايمت بيرجع ويقرب

[maher43]

فعلا مبارح اول ما دخلت على المعب اتفاجات بالتشكيلة الغريبة اللي لعبنا فيها ولاعبين المهمين حاطههم على الخط و سليم خضرة ملعبوا ورا عنجد عيب كل مدرب بيجي يجرب فينا متل ما بدو و عم تروح على جمهورنا والله الواحد قرف يروح على الملعب او يشوف لعبة والله يستر من اللي جاية

[romance]

مشكور اخوي على التفاصيل الدقيقة وانشا الله بيفوز الحوت المباراة الجاية .......36_1_11[1

[fayez]

مشكور أخي ماهر و إنشاء الله الحوت بفوز يالمباريات القادمة


يعطيك العافية.....

[فاروق ابن البحر]

الله يعطيك العافية اخوي ماهر عالنقل وانا عندي بعض الكلام بدي احكيه :
اولا : دفاعنا كان سيء سيء سيء و الاهداف التالتة حرام ناكلون
تانيا : لكل يلي شككوا بهدف الوحدة التالت الهدف صحيح 100% وما في اي تسلل
تالتا : لمدرب الوحدة يلي قال انو الحكام سرقوا الفوز ضربة الجزاء صحيحية ومافيها اي شك بشهادة عضو لجنة الحكام الرئيسية سعيد عزام الشامي
رابعا : يلي قالوا انو جمهورنا بالغ بتصرفاتو بقول انو جمهورنا متل اي جمهور بالدوري السوري اعترض على هدف كان شاكك بصحتو وكان اربع اولاد هنن يلي عم بزتوا اناني فارغة على الحكم وما كانت عم توصل على الحكم وانو تلت حجار صغار بالعدد نزلوا على ارض الملعب فقط
خامسا : تهجم مدرب وحارس الوحدة على الحكم كان اشد من اعتراض لاعبينا وجمهورنا على الهدف

وبالنهاية بحب اكد انو انشاء الله ما رح يكون في اي عقوبات على النادي متل ما كنا خايفين لانو الاحداث يلي صارت ما بستدعي اي عقوبات وهي كانت ضمن المحدود والمعقول

ولكم الشكر

[maher43]

مشكور اخ فاروق

[Abu Ammar]

انشالله ننفد من العقوبات ...وهل شغب اللي صار كل الجمهور بيتحمل مسؤوليتو...لأنو كان فينن يمنعوا هلاولاد اللي عميزتوا الحجار...وكمان رجال حفظ الامن كانوا عميتفرجوا؟؟؟ والله مظهر حضاري كتيير..

[ahmad_hutteen]

شكرا للأستاذ رائد عامر وعلى الشفافية المطلقة
holeee holeee holeee holeee

[أبو هشام الحطيني]

منرجع يا شباب عموضوع الجمهور

يعني شو بدو هالجمهور

يعني متوقع انو ناخد الدوري لهيك بيعصبو و بيسبو

يعني لشو هالقلة الادب
بهالدوري الحوت لا ناقة له و لا جمل

خلينا نعدي هالدوري الجربان بسلام و بدون عقوبات و قصص تافهة من الجمهور

و الله النتيجة برأيي ممتازة و اكتر من متوقعة (بظل هيك اوضاع غير طبيعية)

خلينا نتحلى بشوية أخلاق و شوية روية
ليش التعصيب طالما ما النا شي بهالدوري

[rooney]

مشكور أخي

[T . AJJAN]

أرسل أصلا بواسطة أبو هشام الحطيني

منرجع يا شباب عموضوع الجمهور

يعني شو بدو هالجمهور

يعني متوقع انو ناخد الدوري لهيك بيعصبو و بيسبو

يعني لشو هالقلة الادب
بهالدوري الحوت لا ناقة له و لا جمل

خلينا نعدي هالدوري الجربان بسلام و بدون عقوبات و قصص تافهة من الجمهور

و الله النتيجة برأيي ممتازة و اكتر من متوقعة (بظل هيك اوضاع غير طبيعية)

خلينا نتحلى بشوية أخلاق و شوية روية
ليش التعصيب طالما ما النا شي بهالدوري

انا معك مشان الجمهور بس انتي معي انو المباراة كانت راح تروح وبقا مشان هيك الجمهور ماعم يستوعب انو الوحدة يلي كل العالم عم تربحوا بارضو وبرا ارضوا
نحنا يكون متقدم علينا ب 3 ووين بارضنا ونحنا اسا مهددين وهو ترتيبو ورانا بقا شو خلينا مشان مباراة الكرامة ولا الاتحاد ولا الطليعة