وداعا.... يا حطين

[حطيني مغترب]

بسم الله الرحمن الرحيم

كنت اخشى ان يأتي هذا اليوم وكنت لا اتصور ابدا ان يأتي ذلك اليوم الذي اقول لكم فيه وداعا
وداعا يا احبائي
لقد قضيت معكم اجمل ايام عمري سواء كعضو او كمشرف
وانا اليوم اذ قهرتني ظروف الحياة ومنعتني من التواصل معكم مجددا
ولقد حاولت كثيرا ولكنني لا استطيع ايجاد وقت لنفسي وها انا ذا اقول وداعا بكل الاسى الذي يعتصر قلبي بهذه اللحظات ولكن عهد حطيني مغترب انتهى وحان الوقت لكي اترك هذا المنتدى وانا مطمئن ب انه ب ايدي امينه واناس مخلصين ورائعين يعملون ليل نهار لخدمتكم
لقد دخلت هذا المنتدى ليس لكي اكون اسم لي على حساب المنتدى لانني لم اسعى يوما الى فعل ذلك ولم يكن هذا في يوم من الايام هدفي...
لقد كان هدفي ان اقدم شيئا ولو بسيط لهذا الحوت الكبير لكي اعبر له عن اخلاصي ك احد الالاف الذين يحبونه
لم تكن مشاركاتي الكثيرة والتي فاقت ال 11 الفا فقط لكي اصل لرقم ما
ولكنني وكما قالها يوما ابو كمال كل منا يحب حطين بطريقته الخاصة وتلك كانت طريقتي
اشكركم واشكر كل انسان ارسل لي رسالة محبة و عرفان
وافتخر واحني رأسي لكم جميعا يا اعضاء المنتدى الغالي واتشرف دوما ب انني استطعت ان اخدمكم طوال فترة وجودي في المنتدى
واعلم تماما ان قراري هذا قاس عليكم كما هو قاس علي ولكنني اليوم قررت التنحي لانني
لا استطيع القيام بواجبي على اكمل وجه رغم اني غير مطالب بذلك الا ان ضميري لا يرتاح ان
لم اشعر انني افعل لحطين كما كنت في اوج ايامي معكم
عشت معكم الفرح والحزن
الفوز والخسارة والالم والبكاء
عشت معكم في كل كلمه وكل حرف سطرته وكل مقولة قلتها وعشمي فيكم اليوم
ان تكملو المشوار من بعدي وان اجد في كل واحد منكم نفس العشق الذي احمله في صدري لذلك النادي الذي لطالما حلمت ان اضع فيه ولو حجرا واحد اغرس اسمي فيه لكي يبقى التاريخ يذكر انني انا بشار الذي كان ولا زال حتى اخر نفس يحب حطين ويفعل كل شيء من اجله
لقد مررت بظروف قاسية جدا بدأ من التحولات التي طرأت على حياتي مؤخرا وانتهاءا ب المشاكل التي سببتها لادارة الموقع بسبب رعونتي وتسرعي
ولكن اقسم لكم ان كل ما حدث لم يكن سببا لتركي المنتدى ولكنني عندما سجلت عضوية جديدة وحاولت ان انغمس معكم مرة اخرى لم استطع ان اكون نفس ذلك الشخص الذي كان
يجلس يومين متتاليين احيانا دون ان ينام فقط من اجل الحوت
شعرت بقوى خفية تجتثني من المنتدى وقررت ان اترك فيكم ذكرى طيبه قبل ان تحكمو علي بالفشل لعدم قدرتي على الوفاء ب التزاماتي اتجاه ضميري واتجاهكم فلهذا وبكل الحب اقولها لكم
وداعا وليس هذا كل شيء
سأظل دوما اراقبكم وازور المنتدى متى سنحت لي الفرصة واعلم تماما انكم لن تخذلوني
كما عهدتكم دوما وستظلون جندا اوفياء لاسم حطين وستحافظون على كل شيء
ولن اتخلى عن دعمي لكم ابدا واي شخص اراد مني اي شيء ف بريدي الالكتروني موجود لخدمته فيكفيني شرفا ان اكون خادم حطين والحطينيين وهذا اكبر من اي شرف اخر
والان اريد منكم بكل حب ان تقولوا لي وداعا وان تذكروني بالخير دائما وان تنسوا كل الاسائات التي سببتها لكم وان تغفروا لي وتدعوا لي بالتوفيق في عملي الجديد وحياتي الجديدة
و انا على عهدكم بي سـألقاكم قريبا
موعدنا في اللاذقية ب اذن الله وسأتشرف بزيارة كل فرد فيكم والتعرف بكم عن قرب
وفي الذكرى السنوية لانشاء المنتدى اقول لكم كل عام وانتم ب الف خير وادام الله لنا حطين
وانشاء الله نودع السنه هذه ونحن نكفكف الدمعة وننطلق ب ابتسامه مشرقة لمستقبل افضل وحطين افضل راجيا من الله ان ارى حطين في بطلا للدوري والكأس في العام القادم ب اذن الله
واستودعكم الله الذي لا تضيع ودائعة
يا اجمل واغلى ذكرى في حياتي
اخوكم المحب دائما وابدا
حطيني مغترب ..

ارجوا من مشرفي المنتدى تثبيت الموضوع
الى اللقاء

[ديار]

أخي بشار ما فيني غير أدعليك بالتوفيق و النجاح بكل خطواتك
و بشكرك على كل مجهودك و أعمالك اللي قدمتها بالمنتدى
بالتوفيق........

[Saeedoo]

أخي بشار ...أنا لحد الأن ما بعرف سبب تركك المنتدى متل ما قلتلك

الله يوفقك بعملك الجديد وضمن ظروفك الجديدة

بس معقول يعني ما عندك حل وسط ..ياإما 24 ساعة بالمنتدى أو ولا دقيقة ..!!؟؟

كلنا منمر بظوف ومنغيب عن المنتدى ...بس بكل الحوال فكرة الانسحاب مرفوضة
يعني هية أسوأ الحلول

على كل ..بعد ما حكيتك كتير ..بترك القرار لك ...وأنت بتعرف مصلحتك

وبالنهاية من عندي ما بتمنالك إلا التوفيق ان شاء لله

[نوار مالك مجبور]

انا قلتلك اول ما سجلت معنا يا بشار انو انت بركة المنتدى

وياللي قالو سعييد صاب ياللي بدي قولو

لك مني أطيب السلام والتمني بالنجاح ويجب ان نلتقي باللادئية

معشوقتنا الأولى

والســــــــــــــلام

:::::::::::::::::::::::::::::::::::::

أبو النور

[YOUSEF..MS]

بشار بعد كل اللي حكيناه انا وانت وبعد ما عرفت بامورك العملية والاجتماعية ما فني قلك الا وداعا يا احلى وارق والطف واكبر شخص عرفتو بحياتي ...مع تمنياتي الك بالتوفيق والنجاح بعملك ...وداعا

[فاروق ابن البحر]

اخوي بشار بتمنى انو ما ننحرم من مشاركاتك معنا وياريت تحاول ولو كل فترة تتواصل معنا لانو صعب علينا نفقد اخ غالي متلك

وانا من عندي متل الشباب بتمنالك التوفيق بحياتك وبعملك بس ما رح قلك وداعا بل الى اللقاء

[الحوت المهاجر]

اخوي بشار ::

ما بعرف شو بدي قلك فاجأتني بقرارك وعندي امل كبير رح تغير رأيك بعرف الموقف صعب وظروفك اصعب مع انو ما حكينا بالتفاصيل وبالظروف الجديدة عنك ( جوالي معك وناطر تلفونك )
اخوي بشار صحي تعرفت عليك هون وكان اول تعارفنا بمشكلة صغيرة وغلط مني تنبيه منك بس متل ما بقولوا بيصروا صحاب بعد اول مشكلة

بجد بشار شفت فيك الصديق والاخ المتعاون والمخلص والوفي وبجد كلني امل اني اتعرف عليك شخصيا وان شاء الله باقرب فرصة رح انزل جدة وشوفك

بجد بشار قلتلك عل الخاص وبرجع بقلك لا تحرمنا من مشاركاتك الحلوة والمميزة وحاول كل فترة تدخل ونشوفك ونطمن عليك

موفق بحياتك الخاصة وبشغلك ان شاء الله وبرجع بقلك ناطرينك ترجع لمنتداك واخواتك هون

[fayez]

أخي و حبيبي بشارووو مابعرف شو بدي قول و الله بدي إفقدلك و الله بكيتني


حبيبي بشارووو الله يسهلك و يسر إمورك يارب

[هشام]

الله يوفقك ويكون معك يارب":"016

[LIVERPOOL 22]

اخي العزيز بشارو اول ما دخليت على المنتدى ورايت اسم حطيني مغترب ومشاركاته الكبيرة تفائلة خيرا وفي اي لحظة واي وقت صباحا ومساء وظهراوعصرا ادخل المنتدى اشاهد فيه حطيني مغترب قلت في نفسي ماهذا الانسان الوفي والمخلص لناديه وللمنتدى على كل الله يوفقك يا غالي في حياتك وفي عملك الجديد وارجوا ان لا ينقطع حبل المودة الحطينية التي بيننا

[مهند شاويش]

بشار لا تستلم مشوار محبة حطين طويل وانت بالك طويل وبدها صبر انا من رأي سعيد وابو النور
لا تترك المنتدى ما حدا بريدك تترك صدقني وجودك ضروري وضروري جدا

[أبو ناظم]

بعد السلام و التحية

بشار بعتقد ان ردة فعلك مبالغ فيها, ياأ خي من دون الخوض بتفاصيل "علما بانني اجهل الكثير عن ملابسات قرارك" بس انا بشوف يا بشار ان لازم تراجع قرارك لأكثر من سبب:
1. الجهد الكبير المبذول من قبلك بالمنتدى شكل علامة تجارية لا تخفى على احد و لا اعتقد ان صاحب هذا العطاء ممكن ان يبخل ببضع دقائق يوميا.
2. بالنسبة لموضوع الاشغال "بشااااااااااااااااار" حبيبي الكل مشغول هون و ما بدي افتح موضوع الوقت حتى ما ينبحتوا باقي الشباب و كل واحد يحكي همو (انا يوميا من الاحد للخميس برا البيت من السادسة صباحا الى الثامنة مساءا).
3. أخي بشار انت حطيني معناتا انت حوت و الحوت كبير بكلشي و ما ممكن يتنحى بسهولة (ما عن عبث تسمى حطين بالحوت)
4. حطين بيستاهل ياخي تصرف من وقتك لألو.

بشار القرار النهائي لألك و ما بدي بين عم اضغط عليك بس رأيي الخاص


ما مستاهلة و رجااااااااااع

[maher43]

اخي بشار انا من الاشخاص اللي ما عرفتك شخصيا بس ما ردود الشباب هون عرفت مين انت وشو انت لهيك انا بحترمك كتير وبعزك كتير ومع اني ما بعرف شو عم يصير لاني بعيد عن الشباب كلها بس بحب ئلك انو الله يوفئك بحياتك ومتل ما خبرتك بالرسالة انو لا انت ولا نحنا رح ننسى بعض ورح نضل بالعقل مع بعض و رح ترجع لانو قلبك ما رح يطاوعك تبعد والله يوفئك وما رح قول وداعا بس رح قول الى اللقاء
الله معك

[مهرتوو]

اخوي بشار اكيد انا يلي بعرفك منيح متلي متل ابو مروان وغيرانا وبصوتي وبصوت بقية الاعضاء خليك معنا ولو مرة كل اسبوع انا بقول الله يوفقك بعملك الجديد يلي قلتلي علية من فترة بس ما معناه انك تترك المنتدى يلي حبيته انا من خلالك وانت بتعرف كيف حبيت المنتدى ما بتخيل حالي اكتب موضوع انا بخص حطين او موضوع ثقافي او ترفيهي او شي لعبة وانت مانك مشرف عليه وعم تراقب بئيه الاعضاء شو عم ترد على الموضوع بشار وبقلك جد خليك ولو مرة كل اسبوع خليني حاكيك
اما انا فا بقلك انو اعتذارك مرفوض لانو الى اللقاء غير موجود في قاموس حياتي
وبقلك انو كل واحد بل منتدى بحبك وبيتمنالك كل خير

[أبو هشام الحطيني]

شو هالحكي بشار
معقول!!!!


لك انت نص المنتدى

شو هالحكي و الله ما مصدق

رجاع عن هالقرار بأي طريقة
من أخوك ابو هشام

[حسون الحطيني]

لك اخوي بشار والله ما بعرف شو بدي الك
الله يسرلك

[عاشق الحوت الأزرق حسام]

له يا بشار والله زعلتني والله انت شعلة المنتدى والله كنت كل ما ادخل المنتدى كنت شوف مشاركاتك الكبيرة والله ابهرتني بنشاطك وحيويتك وخاصة وقت غطيتك لألعاب آسيا الدوحة 2006 وبعثت لك برسالة لطلب بسيط وانت مشكور رديت علي وشكراًَ على كل شي قدمته لحطين وبتمنالك التوفيق بعملك الجديد وحياتك ولاتنسانا وتنسى حطين وبتمنى ترجع للمنتدى شِلأنه المنتدى بحاجة لواحد مثلك

[ابو البحر]

اخوي بشار الغالي
القرار اولا واخير بيعود الك
طبعا مشاغل الحياة ربما تؤثر على الشخص بحكم عمله ومكان تواجده واوقات فراغه
انا اقدر لك اعذارك رغم اننني اتمنى منك البقاء ولو مجرد مرور لانك في القلب
الله يوفقك يا رب

[rooney]

بالتوفيق أخي بشار