هل أنت مع بقاء أحمد هواش للموسم القادم ؟

[SALAHDIN]

بعد انتهاء الموسم الكروي 05/06 احتل حطين المركز الخامس بعد أن تعاقب عليه 4 مدربين ( ياسر مكيس – استيفان – كيفورك ما ردكيان – أحمد هواش ) نريد الآن تقييم عمل المدرب أحمد هواش من وجهة نظرنا كجمهور حطيني ؟ و هل أنت مع قرار الإدارة بالإبقاء عليه لموسم جديد ؟ هل تعتقد أنه قادر على تحضير فريق يستطيع المنافسة ؟

لمحة سريعة على المرحلة التي استلم فيها الكابتن أحمد هواش التدريب ............

لعب حطين خلالها 10 مباريات من أصل 26 مباراة
حصل من خلالها على 18 نقطة من أصل 30 نقطة ممكنة أي أنه حقق ما نسبته 60 %
جمعها من 5 فوز 3 تعادل 2 خسارة
وهذه هي النتائج التي حققها

حطين 1 : 2 الطليعة

الجيش 3 : 3 حطين

حطين 2 : 0 الاتحاد

القرداحة 1 : 1 حطين

حطين 2 : 1 الفتوة

النواعير 2 : 1 حطين

حطين 9 : 1 الجهاد

حطين 4 : 0 الحرية

المجد 1 : 2 حطين

حطين 1 : 1 الكرامة

بينما حصل حطين بمرحلة ما قبل أحمد هواش على 17 نقطة من أصل 48 نقطة ممكنة أي بنسبة 35.4 %
جمعها من 4 فوز 5 تعادل 7 خسارة
***************
سجل حطين 26 هدف بينما سجل بالمرحلة السابقة للهواش 17 هدف
دخل مرمانا 12 هدف بينما دخل مرمانا في المرحلة السابقة للهواش 26 هدف
***************

[مهند شاويش]

بالاضافة لنتائج الكأس وخروجنا مبكرا
مشكور صلاح الغالي على الاستفتاء الحلو

[أحمد دالي سلو]

أنا مع بقاء الهواش كمدرب للفريق .
لأنه يعرف أمكانيات الاعبين جميعا. والنتائج التي حققها مع الفريق تعتبر جيدة مقارنة مع النتائج التي سبقت قدومه.

[BaTiGoAl]

أنا مع بقائه لكن الي نظرة عتب عليه ؟؟؟ليش عم يلعب 361 لك كريهة هالخطة ...ممكن نغيرا برأيي لو ما معنا السيدة ومروان ممكن يكون الفارس وابو الريف بتصير وراهن باكين اركان ونزار وبالنص اسامة حداد والعكرة
والدفاع كانت ممكن تصير الياسين وطه ووافي والوالي ...
يعني عم بحكي عخطة اليوم
لك يرفعو طابات لكن الرفع للاعب واحد داخل ال16 صعب يمشي الحال فخطة برايي ما كتير كويسة بامكاننا نلعب بغير هيك ...
لازم نكثف الهجوم .. لنستفيد من الهجمات اللي عم نسويها وتروح عالفاضي لقلة العدد الهجومي

[مهند شاويش]

انا ضد الهواش يا شباب
وبراهن على إانو رح يترك الفريق بعد اربع اسابيع من بداية الموسم الجاية
يا جماعة حطين ليكبر بدو مدرب كبير وخلينا واقعيين وبلا عواطف الهواش ما رح يقدر يقدملنا فريق ينافس بيعمل فريق سابع تامن بالكتير وهيدا واقع وعن تجربة
الهواش جربنا حتى لما كانت تشكيلة حطين بعزها بوجود عمار عوض وكنان عابدين وعبد الناصر حجازية وعارف والكنفاني الهواش ما قدر يجيب دوري
مع احترامي إلو بس انا متاكد إنو ما عندو شي جديد للفريق

[الامير totti]

انا مع بقائه ...ليس حبا فيه ..ولكن اظنه يفهم اسلوب اللاعبين في حطين

[juventini]

أرسل أصلا بواسطة italiano

مع احترامي إلو بس انا متاكد إنو ما عندو شي جديد للفريق

الهواش مدرب أزمات و صحوة حطين بالفترة الأخيرة صارت بفضل اللعيبة ما بس المدرب.. و على كل حال ما بعتقد كتير يستمر الهواش مع الفريق.

[BaTiGoAl]

يا شباب معلشي طيب وان اقترحتو عدم تكملتو مين البديل برأيكم؟؟؟ بكون بمكانه السليم؟
انا بتمنى كيفورك والهواش يستلمو سوا انشالله يتحقق كلامي

[مهند شاويش]

بصراحة ما في مدرب محترم بيقبل يدرب حطين بوضعو الحالي
يعني ياسر السباعي من شو بيشكي او عماد خانكان أو نزار محروس
اللي بدو يعمل فريق محترف بدو يجيب مدرب محترف ولازم يدفع مدربين ال10000 ما بجيبو بطولة صدقوني

[juventini]

صحيح يا غالي مدربين براتب عشر آلاف ليرة ما حدا بيتوقع منون شي..

[Saeedoo]

والله وأنا كمان ما متحمس للهواش....

الكل عمينظر لنتائجو الأخيرة وأنا برأيي مانها مقياس أبدا ...
والهواش إذا استمر معنا مابيطول الموسم الجاية ...بكرا الجمهور نفسو بينقلب عليه ...
الله يسترنا

[سامر حنونة]

انا برأي والله حقق نتائج بترفع الراس و لو انو من اول الدوري كان ممكن انو نكون من المنافسين
فخلونا نعطيه فرصة التحضير الكاملة

[عاشق الحوت الأزرق حسام]

نعم مع بقاء الهواش في التدريب

[abu kamal]

انا مع بقاؤ ولكن مع مساعدة فنية ضرورية جداً هادا رأيي

[مهند شاويش]

يوم لا ينفع الندم
بتمنى ما شوف اليوم اللي تندموا فيه على التجديد للهواش
شباب بلا عواطف وكونوا واقعيين الهواش ورقة محروقة ومكشوفة
وبيقبل دائما دور الحلقة الأضعف
انا ممكن
ممكن وافق ابو كمال بإنو بدو مساعدة فنية كبيرة ما كيف من كان
بس بكرا بجيبوا ياسر مكيس

[hutteen love story]

انا لست مع بقاءه او عدم بقاءه انا مع ترتيب البيت الحطيني بالكامل0 قبل بدايه الدوري يعني مين لي قدم لحطين من اصغر لاعب لي مدير النادي0اي تقيم اداء الكل بدون استثناء لحتى يصير قادر حطين المنافسه على الدوري 0 الدوري مانو لعيبه ومدرب فقط والا ما كان تغير خمسين مدرب بسنه وحده

[BaTiGoAl]

أرسل أصلا بواسطة hutteen love story

انا لست مع بقاءه او عدم بقاءه انا مع ترتيب البيت الحطيني بالكامل0 قبل بدايه الدوري يعني مين لي قدم لحطين من اصغر لاعب لي مدير النادي0اي تقيم اداء الكل بدون استثناء لحتى يصير قادر حطين المنافسه على الدوري 0 الدوري مانو لعيبه ومدرب فقط والا ما كان تغير خمسين مدرب بسنه وحده

........

[الامواج]

نعم مع بقاء المدرب أحمد هواش

[BaTiGoAl]

لك يا شباب جيبو كالروس البيرتو بيريرا ما حيفيد حطين الا اذا ما ظبطنا الشغل مظبوط وعملنا تفاهم كامل ومتجانس بين الادارة واللاعبين وصولا بالمدرب ...
الهواش هو المدرب الوحيد اللي طلع حطين من الازمة منو ولا من غيرو ما منعرف بس هاد اللي صار قدامنا ... فحاليا منتمنى الصبر يا شباب الاستقرار هاد اهم شي برايي حاليا اذا شفنا ما تغير شي وقتا منحكي بالموضوع كلنا عقناعة انو حطين ما رح ينافس الموسم القادم لكن انشالله رح يبلش بخطوة ايجابية وهاد اللي بدنا ياه من الاول
وشكرا الكم

[نوار مالك مجبور]

أرسل أصلا بواسطة italiano

انا ضد الهواش يا شباب
وبراهن على إنو رح يترك الفريق بعد اربع اسابيع من بداية الموسم الجاية

قصدك الادارة لح تخلي يتركوا النادي او بطفشو لانو الادارة بتحب التغيير الله يعطيها العافية كل اربعة اسابيع
أنا مع الهواش فهو المدرب الوحيد الذي فهم على الفريق .
والله يعطيك العافية يا كابتن احمد هواش و الله يصبرك على الناس الحواليك
ابو النور