كان يا مكان
واول ما كان هالمنتدى كان هادا الزلمه من ال10 الاوائل يلي شاركوا بالمنتدى
ولكل يلي ما بيعرف محمد سيد رصاص (باتيجول)
انا رح احكي كام كلمه بس صدقا رح حاول قرب ولو بدرجه بسيطه لواقع هالانسان
هو بكلمات موجزه انسان قل نظيرو بين البشر لانو الحياة المادية والعملية خلت قلوبنا تقسى شوي وخلتنا اناس عمليين اكتر من انو نكون عاطفيين او نتسم باللباقة مع غيرنا
بس هدا الشب مافيني قول عنو غير كلمه وحده (اطيب انسان شفتو بحياتي )
رغم اني ما قابلتو شخصي بس من اول يوم سجلت فيه عرفت شو هو قدرت ادخل بقلبو وحس بهالزلمه النقي الصافي الي ما بيحمل ضغينه لاي انسان والي بيبادر فورا لنزع فتيل اي مشكلة بتصير لانو انسان متربي عالطيبه والاصالة ولانو هو بيعرف اديش محبوب من الكل
بس تواضعو وكبر اخلاقو بيمنعوه دائما انو يفاخر بحالو قدام اي حدا
وكحطيني ما تسألوني عنو لاني شو ما قلت قليل
انسان متكامل بيحب الكل وما حدا بيحمل بقلبو اي مشاعر عداوه الو لانو الكل بيعرف شو هو ومين هو
باتيجول لا انا ولا اي حدا تاني بيقدر انو يوفيك حقك لانو للاسف مافينا نستعمل غير الكلام
انا بدي قلك كلمتين وبتمنى من رب العالمين يستجيب
الله يوفقك بحياتك الحالية والمستقبلية وانشاء الله بتضر رمز من رموز هالمنتدى متل ما دائما عودتنا و كل عام وانت ب الف خير واكيد شب مرموق متلك بيستحق بيوم من الايام انو يكون احد العناصر الي رح تخلق حطين جديد
حطين يلي كلنا بنتمنى نشوفو ب احسن صورة واكيد بفكرك وبعقليتك وعقلية عدة اشخاص بهالمنتدى رح تقدرو تحققو هلشي
بصراحة مافيني كون بليغ بالتعبير اكتر من هيك لانو هيدا اكتر شي تعلمتو باللغة وعرفت احكيه وانت بتعرف انو الي بالقلب اكبر بكتير من كلشي حكيتو
بطاقة معايدة بكل الحب بوجها ب اسمي ونيابه عن كل حطيني لعيون احلى ابو حميد الغالي
والله يسعدك وتحقق كل يلي ببالك
حطيني مغترب
21/03/07
النمط الخطي
