تحياتي شباب كيفكم بصراحة أنا كنت ناوي رد على كل رد للشباب بس شفتهم كتار كتير أنا راح لخص ردي على الردود بعدة نقاط :
1/ لما كتب خالد الموضوع كتبو لنشوف الغلط اللي صار معنا ونوصل لنتيجة تخدم الحوت
2/ اتشعب برأي الموضوع كتير كتير عن طريقو بس المهم هلأ راح احكي بكام نقطة بس صدقاً مانا دفاع عن الإدارة أبداً هي وجهة نظر
الأغا و الجبلاوي :
قصة قديمة معروف من أبطالها هم اللاعبين أنفسهم اصلا عيب نرجع نذكرهم نحنا
بالنسبة للفارس وأركان وتشبيهم بالكاظم و الجبلاوي : الفارس والكاظم مافينا نقارن بيناتون لأنو هاد مركز وهداك مركز ونفس الشي ع الجبلاوي وأركان أما المقارنة بين الفارس والجبلاوي فالفارس وبهالعمر اللي هو في أكيد أحسن بألف مرة من الجبلاوي ولد لسا عمرو 20 سنة وع فكرة هو مرشح لأفضل ناشئ سوري وع الأرجح راح يندعا ع منتخب الأولمبي و أركان جمال كاظم جمال بنفسو قال عنو انو هاد خليفتو وهو بشوف انو احسن منو لأني متل مابتعرفو انو الكاظم كان ضعيف نوعاً ما بالمراوغة على عكس أركان تماماً وهو أيضاً من بين أبرز اللاعبين هذا الموسم
وهلأ شباب حابب احكي ع موضوع تشرين والكرامة :
شباب مين قال انو تشرين هالسنة أحسن مننا ومين اللي قال انو تشرين ملعب شباب كتير هالسنة لأ ياشباب هالحكي ولله ماصح ياشباب ولله في شغلات كتير ماحدا بيعرفا بعدين كيف تشرين أحسن مننا لك ياشباب تشرين فايز علينا ذهاب وإياب ونحنا فوقو
بالنسبة للكرامة ياشباب الكرامة الو 5 سنين عم يجهز هالفريق ياشباب أول سنة استلم فيا نصوح البارودي نادي الكرامة خربت الدنيا عليهم وهنة ماهم ماردوا على حدا وخلو معون عبد الحفيظ عرب وراح واجا القويض وطلع واجا ابو الريم وراح واستلم بعدو الخانكان ونافس ورجع نافس وراح واجا القويض والحموية واستلمو لأخدوا الدوري يعني فريق جهزو صرلون عم يجهزوا فا 5 سنين لأخد الدوري ورغم كل الضغوطات اللي صارت عليهم بالأول بس بعدين مشي الحال والكل صار ايد وحدة ونحنا هاد اللي بدنا نوصلو هلأ وبلشنا في هالسنة فعلياً كتير نحن هالسنة لعب معنا أحمد ديب,
سليم خضرة ,يحيى قلفاط ,أحمد حاج محمد , علاء أرناؤوط , أحمد ابو الريف , مروراً بياسر عكرة وشادي ظرطيط ومصطفى السيد احمد والحسونة وختاما بالفارس وأركان يعني فريق كلو شباب مع خبرة عمار وهشام والوالي والحداد ولو بعض التوفيق للجبيلي أول الدوري كان حطين بخلص تالت دوري ولله وهلأ الموسم الجاية هيك بدو يصير الأغلبية شباب وبعض الخبرة والبدلاء معظمهم شباب يعني طبعاً مافينا نلعب الشباب كلهم بعتقد ببطولة متل بطولة الدوري طبعاً اللي عندو شوية خبر إذا أثبت كفاءة بالصيف متل أركان والفارس والظرطيط والعكرة والحسونة ممكن يلعبوا واللي ماعندهم خبرة راح يدخل بأجواء الفريق والدوري تدريجياً طبعاً بحسب حاجتنا لهم يعني يعني المشكلة بالأسماء اللي عنا حالياً مافي غير اسمين أو تلاتة بينشالو في أسامي قوية كتير وراح يكون لها مستقبل كتير كبير بس لسا بكير عليها أكيد راح تشوفوها وهنا عم يشتغلوا بالإدارة حالياً لإعادة الكوادر المميزة للنادي وإعادة المدارس الكروية متل ماكنا بس طبعاً كلا هالشي بصير خطوة خطوة ما 50 خطوة مع بعض لأ،ي لازم تكون كلها مدروسة بنوعية واتقان عالي مشان مانرجع لورا مرا تاني وتكلفنا كتير
وهلأ إجا دور الجبيلي :
أول ماجا الزلمة كنت حبو كتير بس بعد مابلش الدوري كرهتو كتير لأني ماخدم حطين بنظري ابداً أبداً وزاد كرهي الو يوم لعبة الوحدة بس بعد ماحكا معو صلاح وسمعت كلامو انو جاهز ليرجع ع حطين ولو بدون مقدم عقد ليقدم شي للنادي احترمتو كتير لهل الزلمة وحستوا انو نطلم يعني ولو شوي من ناحية إصابتو ماحدة رحمو لأني وأنا كنت مع اللي مارحمو بس هو بهل البادرة مسح كل شي وفرجانا انو فعلاً كبير وناطرينوا بالملعب انشالله
وهلأ مسألة الداعميين للنادي :
الداعميين للناي هنا اللي وصلوا النادي لهل الموصول أول السنة كان رايي الإدارة بناء فريق جديد لحطين يعني متل مابقولوا إعاجة تأهيل كاملة من الصغر للرجال قام الداعميين قال لأ بدنا نافس ع الدوري وناخدوا وهي لعيبة جيبون والمدرب الكل صار بيعرف قصتو برأيي تعادلنا أول لعبو وخسنا ظلم مع جبلة وخسرنا بعد مع تشرين والكل شاف كيف خطأ فرد وانسحبوا الداعميين ولسا مامدفوع إلا شي بسيط من مقدمات عقود اللاعبين فصار اللي صار على أي أساس هلأ عم تطلبوا يرجعوا الداعميين مشان يرجعوا يبيعوا ويشتروا بالنادي لك صار كل واحد فيون مابحط بلا مايكون عضو إدارة هيدول هنة الداعمين اللي عم تحكو عنون
وبدي اختم بشوية دردشة صغيرة بأسماء لاعبين :
سليم جبلاوي : لاعب جيد ومميز جداً ولكن انتماؤه الأول للمال فماذا تنتظر من هكذا لاعب
عارلف الأغا : بيوم من الايام ألو ياسر علي ديب الله يحميك من تنين الإصابة والغرور الله رحمو من وحدة بس التانية صار يعلب فيا علينا وهاد أكبر عيب
هشام عابدين : عرض الطليعة عليه 1000000 وعرض النواعير الدبل بس هو قرر حطين وب500000 برأيي هاد اللي بحب نادا والإتصالات الي كانت تصير معو كانت تصير قدامي ولله بس هو بحب حطين وعم يلعب لحطين
عمار ياسين : عرض عليه النواعير والطليعة بس فضل حطين وقبل بنصف القيمة كمان ورغم كل الكلام اللي كان ينقال عنو انو كان يبيع لعب لعب وبرهن حبو لقميصو وانتماؤا له على عكس غيرو
طلال شومان : ياعالم صرنا بال2006 يعني طلال شومان منتهي كروياً من شي 4 مواسم ولسا عم نحكي فيو برأيي هاد غلط كبير
نزار الخطيب وبلال صاري ومروان سيدة : يمكن الأول والتاني كان ممكن يعملو شي ولو على الإحتياط بس حتى هنة نفسهم بحكم المنتهين كروياً بحكم العمر واللياقة أما الثالث فأأأأأأأأأأأأأأه عليه يعني مابعفر مين عم يطالب فا ولهلأ بيذكروا لك ياعالم هاد من 5 سنين كان عم يبهدلنا قدام الفرق هلأ شو بدو يطلع يسوي
بشار سرور : هاد الغلط برأيي بس الأمور رجعت اتصلحت وبشار رجع ع بيتوا وهو هلأ قريب كتير من القرار الحطيني
زياد شعبو : اللي صار اني الجيش بفترة جمع الإدارة لمصاري غير رأيو وبطل يبيع الشعبو وهنة هلأ ناطرين عرض من الجيش لشرا ء الشعبو
الموضوع برأيي كبير كتير كتير وكبر كتير هون الإدارة غلطت وغلطت بس ةقفت واعترفت بغلطا وقادة حطين لمركز جيد كتير وبرأيي حطين لازم يكون 5 ومتعادل جيش وربحان اتحاد ولازم كرامة فهاد يعني انك قوي صار أغلاط أول الموسم المهم انن اتعلمنا منها واستفدنا
وهاد اللي خلاني اطلع أنا والشباب ع الإدارة على فكرة الإستقرار الإداري كتير مفيد برأيي وهو أهم شي إذا كان بدك تاخد نتاج جيد ومميز بس برأيي لازم نكون كلياتنا ايد وحدة ونتكاتف مع بعض لنرجعغ النادي للواجهة أقوى من اياام زمان
وقبل مااختم بدي احكي بس نقطتين حطين هلأ أكيد غير حطين من 10 سنين لورا التاريخ غير تاريخ والأسامي غير أسامي المهم النتيجة البرازيل أخدت كأس العالم 94 وهي عم تلعب دفاع ووقت اللي لعبت ومتعت طلعت بالربع الناهئي بال90 مع فرنسا فإذاً مالهم كيف نلعب المهم شو نعمل ع كل حال صارت قريبة كتير رجعة الحوت بإذن الله بعتقد بفترة قريبة راح يجي فريق أفضل من اللي كان من شي 10 سنين بكتير
وبالنسبة لجمعة عباس :
جمعة عباس فاز بهداف الدوري بس فاز بعد جهد كبير من وسطنا من هشام للفارس لأركان للحداد والالحسين والوالي ألخ......
اللي بدي قولوا انو عارف الأغا هداف والجيلاوي هداف والسيد هداف والشومان هداف وحتى الشعبو هداف بس هاد بفضل حطين قبل كل شي وبعدين مجهود اللاعب وأكبر دليل جمعة عباس هداف الدوري حالياًً خلفو الشعبو والأغا والجبلاوي أول محترف بياخد هداف الدوري رغم امكانياتو المحدودة برأيي وخير الكلام على كلامي الأغا كيف كان هداف تاريخي أيام ماكان بحطين
طولة كتير بالحكي بتمنى تكون رسالتي وصلت حطين فوق الجميع أنا لست مع الإدارة ضد النادي ولا مع الناس ضد الإدارة أنا مع حطين ضد الجميع المهم هو حطين والأهم هو الحوت
ع فكرة بس للتاريخ معلومة صغيرة بإحصائية بسيطة حطين خلص 3 الإياب وبرأيي هاد انجاز كبير كتير
ومشكورين شباب
24/05/06
النمط الخطي
