ملف ادارة نادي حطين ... مالها و ما عليها .

[Kh@led]

تحياتي ... سيتم اليوم فتح قضية ادارة نادي حطين ..ما لها وما عليها.

اتصور ان لكل شخص افكار و تصورات عنها و عن اعضائها..

الادرة الحالية برئاسة السيد مصطفي جبلاوي و عضوية كل من السادة

خالد مثبوت , راشد جعارة , محمد مكيس , سليم مكيس , عدنان ابو كف,عبدو حسينو,

سليم دكر و نعمان فتاحي علما ان سامر دالي سبق ان قدم استقالته

الادرة بدات فعليا منذ ان تم تكليف السيد مصطفي جبلاوي بتسير امور النادي

فاخذت على عاتقها تحضير الفريق للموسم الكروي.. ثم بالشهر العاشر تم

تثبيت السيد جبلاوي رئيسا للنادي بعد اجتماع الجمعيعة العمومية للنادي

وانتخابه بالتزكية , كونه المرشح الوحيد.

لن نعود الى ما قبل الفترة الماضية اي القضية ستناقش

منذ نهاية الموسم الماضي الى نهاية الموسم الحالي..

الادرة الحالية .

هاكم بعض الامور التي حدثت خلال موسم كامل (تحضير + دوري)

* كان توجه الادارة الى بناء فريق شاب ..يعتمد على ابناء النادي ..مع دعمه بلاعب او اثنين

من خارج المحافظة .. من اجل اكتساب اللاعبين الشباب الخبرة الكافية

للمواسم القادمة .. الا ان ذلك لم يحصل بعد اجتماع الفعاليات الاقتصادية الداعمة للنادي

الصيف الماضي مع الادارة ..و قرروا بناء فريق من اجل المنافسة الفورية على اللقب..

و تم اعداد دراسة شاملة ..وتم الموافقة عليها.. من قبل الفعاليات...

الا ان معظم هذه الفعاليات قد انسحبت منذ ان مني الفريق بخسارته الثانية امام لتشرين

لتقع الادارة بمازق كبير..

*تم بالصيف مفاوضة عدد من المدربين كبار .. منهم عمار عوض و محمد قويض

فعمار عوض عندما كان باللاذقة ..لم يكن قد انهى اعماله مع نادي الوحدة الاماراتي..

وتم الاختلاف على امر معين...

اما محمد قويض فقد اوقع النادي بحيرة كبيرة.على الرغم من.وعد الادارة له بتامين كافة

متطلباته ... فخلال مدة لا باس بها .. اسبوعان تقريبا يأجل بته للموضوع من يوم الى اخر ...

الى ان اعتذر بالنهاية عن تدريب حطين..

فوقعت الادرة بمازق... فتم على الفور مفاوضة المدرب الروماني مارايان الذي درب

القرداحة سابقا و حقق معه نتائج جيدة جدا ,, الا انه اعتذر ايضا بسبب ارتباطه مع احد الاندية

و ايضا تم الحديث مع سعدي توما المدرب العراقي ..و ايضا اعتذر بسبب ارتباطه مع المنتخبات

العمرية بالعراق...

فهنا لم يعد للادارة خيارات كثيرة.. و المدرب ياسر مكيس لا يملك خبرة كافية

ليقود الفريق بالدوري خاصة انه يملك كم لا باس به من نجوم الدوري السوري..

فتم على الفور الاتصال باستيفان ..و لم يبدي اي تردد ...

مع العلم .. ان الهدف الاول للادارة من التعاقد مع استيفان هو الاستفادة من خبراته

بمجال قطاع الناشئين و الشباب .. و الشيء بالشيء يذكر ..

ان المدرب استيفان يملك من المعرفة التدريبية الكروية ما يملكه 10 مدربين سوريين

وبشهادة مراسل القامشلي بانه يملك مكتبة ضخمة بمنزله تحوي على احدث الخطط

فنون التدريب الكروي...

الا ان البعض اشعل الفتنة بين استيفان و المكيس و حصل ما حصل عند بداية الدوري..

* موضوع التعاقد مع اللاعبين .. من لديه اعتراض عن اي لاعب تعاقدت مع الادارة..

من عبد القادر جبيلي ..مرورا ب وافي و الوالي و جمعة عباس و الحسين و الحداد..

الا ان الامر الذي ذكرته سابقا اثر كثيرا على تحضيرات الفريق

ولم توظف امكانيات اللاعبين بشكل جيد.. الا بعد قدوم المدرب هواش .. فعهه لم نخسر مع

اي فريق من المقدمة ( الجيش _ الكرامة _ الاتحاد)

*موضوع عارف اغا و سليم جبلاوي.. الكل يعلم انهم وقعوا مع الطليعة قبل نهاية الموسم

الماضي...اي قبل مباراة النصف النهائي مع الاتحاد ... ولم يكن الفريق قد بدا بتنفس الصعداء

بعد الهروب من شبح الهبوط باعجوبة .. وبداءت الادارة المكلفة بذات الوقت بتحضير للموسم

الجديد...وفوجىء الجميع بخبر تعاقد الاغا و الجبلاوي مع الطليعة... ولم ينتطرو حتى الرض

المقدم ناديهم الاصلي ...بعكس هشام عابدين... الذي فضل الانتظار قبل التوقيع مع اي فريق

على الرغم من المكالمات الكثيرة التي تلقاها من ادارة النواعير و الطليعة.. بشهادة الجميع.

فبذلك يكون الاغا و الجبلاوي هم من تخلوا عن النادي وليس العكس كما يدعي الجميع..

*هناك امر شائع بين البعض بان الادارة حرامية.. كلام باطل تماما لعدة امور

اولا- معظم مقدمات العقود التي دفعت للاعبين تمت من قبل عضوين او ثلاثة بالنادي

مع بعض المساعدات من المحبين ..

ثانيا-لايوجد اي دخل بالنادي ,, المقصف الذي بالنادي تم استثماره منذ عهد السيد صلاح

معلا اي منذ حوالي سنتين و عقد الاستثمار ينته بنهاية العام 2007 ..

و تم بمنتصف الموسم التعاقد مع بيبسي من اجل رعاية فريق الرجال .. بمبلغ

لايفكي قيمة عقد اللاعب عبد القادر جبيلي ..

ثالثا-المسؤول المالي بادارة حطين السيد خالد مثبوت .. لا احد يشك بنزاهته.. او ما قدمه

للنادي...على مر السنوات و كان مهندس معظم الصفقات ..و الداعم الاكبر لها ماديا ..

و بمحصلة الامور الثلاثة ..هل الادارة حرامية؟؟ هل هناك شخص يسرق نفسه..

ماذا يسرقون؟

*حقق الفريق المرتبة السابعة بالدوري ..وكان قريب جدا جدا من المرتبة الخامسة لولا

الحكم الذي حكم المباراة الاخير مع الكرامة... اذا ما علمنا اننا امام الطليعة المتخم

بالنجوم..الذي كلف ادارة ناديه اضعاف مضاعفة عما كلف حطين هذا الموسم من تعاقدات

مع لاعبين جدد و المدرب الايراني جلال طالبي و تشرين الذي انتصر علينا ذهابا و ايابا ..

اذا ما قرأنا ترتيب حطين خلال المواسم الماضية منذ احلاله وصافة الدوري

خلف جبلة... بموسم 99\00 .. احتل المركز السادس موسم 00\01

السادس ايضا 01\02 و ايضا السادس 02\03 و تراجع الي الحادي عشر موسم 03\04

و الثاني عشر 04\05..

اي انه بالمحصلة استطاعت اعادة مسيرة حطين الى الطريق الصحيح...

*بالتاكيد ان الادارة ستتعلم من اخطائها... هناك اخطاء حصلت .. والكل بعترف بها..

وما من احد يعمل دون ان يخطئ ... و هذه مقدمات تدفعنا الى عدم تقبل

اي عذر الموسم القادم اذا ما استمرت الاخطاء..

و بالنهاية لكم الحكم ..

و اكرر ... قضية تبدا من نهاية الموسم الماضي الة نهاية الموسم الحالي دون التطرق

الى ملفات قديمة جدا ..لا شان لنا بها...


ملاحظة هامة جدا : الموضوع بعبر عن وجه نظري ...و ليس بالضرورة انها تكون وجهت نظر الموقع او المنتدى ... انا كنت عم احكي بصفتي حطيني ..و ليس بصفتي مدير الموقع
او محسوب على الادارة حسب ما فسرها البعض بعد ما اعلنا رسمية الموقع ..

[نوار مالك مجبور]

من زمان لازم تحكولي هالحكي أنا كنت مسافر بالبحر ورجعت بلعبة تشرين التانية
تحليل رائع للسيد خالد وبالفعل مدير بحق وحقيق
وبوجه رسالة اعتذار للسيد خالد مثبوت لانو ظلمتو بلساني بطريقة غير مباشرة الله يسامحني
ولا حول ولا قوة إلا بالله
أبو النور

[BaTiGoAl]

أهلين اخي خالد ...بشكرك على موضوعك ..
ومعلوماتك ... خالد انا بس كان بدي قول ولو فكرة صغيرة ؟؟؟
اجتماعات الادارة لشراء اللاعبين اجت متأخرة جدا ...يعني اكيد من الصعب توليف فريق قبل الدوري باسبوعين او 3 اسابيع بس ...
تانيا ما في ادارة بتسوي هيك شبابها ...
انا كان كل اعتراضي ليش هالكم الهائل من المحترفين مهما كان اسمهم وشهرتن بالكرة السورية لكن كان اكبر غلط التعاقد معهم لسبب انو
اذا فشلت هالتشكيلة باحتلال مركز لحطين رح تتدهور اوضاع حطين كتير فعليا ...
وفعلا هاد اللي صار ...
عدد قليل جدا من جمهور حطين يتابع كل مباراة ... من اقل السنوات...بالمقابل يتوجب على الادارة دفع مبالغ طائلة للمحترفين ... وتالت شي تجاهل الجيل الشاب اللي بقي عمقاعد الاحتياط هالسنة كمان بسبب المحترفين ..
انا بدي احكي شغلة هالاسباب اللي حكيتا باخر كلامي هي سبب اعتراضي الكامل على الادارة لانو كان فيها تفكر لقدام وتتفادى كل هالخطوات نحنا كلنا منعرف انو محبي نادي حطين بيتركوه باي لحظة مشان هيك الادارة تعاقد وعهدت بمصاري للمحترفين اكتر من طاقة النادي وخزينته مشان هيك عم بحكي انا ..
بالنسبة للجيل الشاب كان ممكن نستخدمه هالسنة وحلنا نستخدمه ونطوره ونفكر فيه وننسى جيل الختايرة وجيل ((اشباه المحترفين)) ونكون فريق شاب يملك لياقة والمهارات للموسم القادم وما كنا دفعنا كل هالمصاري وما كان النادي مكسور كل هالشي ...
هون الكلام
حاليا اللي فات مات ... منتمنى من الادارة تتخذ القرارات السليمة ... للموسم القادم بتمنى تصقل المواهب الشابة اللي عنا لانو فعلا بدها صقل وناقصها الخبرة ..بتمنى المحبين لنادي حطين يتكاتفو ليرجعو حطين كما كان ...
واخر شي بتمنى من جمهور حطين يصبر عنادينا شوي ويعرف انو بقدومو للملعب هو عم يفيد نادينا ويحل ازمات عم يوقع فيها
فبتمنى مد اليد لنادي حطين وبتمنى مننا نحنا كاعضاء بمنتدى حطين نعمل شي مساعدة للنادي ونرجع نفتح موضوع مشروعات تجارية لنادينا ليرجع حطين يربحلو كام ليرة ... ويفك نتفة من مشاكلو

[Kh@led]

التعاقدات كانت بناء على طلب المدرب ... و قلت كان التوجه نحو بناء فريق شاب
بس الفعاليات الاقتصادية كان بدها منافسة

[مهند شاويش]

المشكلة أخي خالد بإنو الادارة ما عندها تخطيط مستقبلي وبتتعامل مع الظروف والواقع من دون ما يرسموا خط للوصول بحطين لمرحلة الاستقرار الفني والمادي بكل الألعاب
يعني شو فكرة الادارة لتامين مدخول ثابت للنادي أكيد ولا شي وناطرين ريوع المباريات وتصدق الداعمين اللي بيتدخلوا بالفريق
خالد مثبوت انسان شريف وأنا بعرف أخلاقو وفعلا انسان نزيه
بس يا ترى مصطفى جبلاوي اللي كان يغدي الفريق خبز بفيلفلة نقلا عن احد اللاعبين ليوفر 2000 لجيبتو انسان نزيه ؟
أو عبدو حسينو اللي معروف بتاريخو ومعروف شو عمل بقواعد حطين انسان نزيه ؟
انا ما عندي خلاف شخصي مع الادارة لكن صعب اقدر جامل اشخاص معروفين لحطين
ولجمهور حطين وبدنا ادارة تخطط للمستقبل
وللاسف في كام شخص بادارة حطين ما عم يشتغلوا بضمير متل البقية ولازم ينوضع حل للموضوع
يعني ليش خلدون وراشد ما بحطو ايديون بايدين بعض وبطلعوا برا المتسلقين والمتملقين وبيتركوا الجهاز الفني يشتغل لمصلحة النادي بس

[BaTiGoAl]

لازم كان نقطة الشباب ما ينسوها او يتجاهلوها بقدوم المحترفين
يعني هلق خسرنا كمان موسم لقدام
عكل متل ما قلت ما بينفع العتاب بتمنى يفكرو لقدام ويفكرو بالجيل الشابب كيف بدهن يوظفوه بمكانه مع تطويره بالفترة الصيفية

[Kh@led]

طيب مهند...هات قلي من وين فينا الادارى تامن دخل ثابت للنادي .. قلي شي طريقة ؟؟؟

[Kh@led]

مشكلة نادي حطين هي المصاري ..طول ما الوضع هيك... ما رح نتطور,,,,

[مهند شاويش]

خالد هنن بموقع المسؤولية هنن عندون القدرة على ارض الواقع يبتكروا الأفكار
ولو انا كنت مسؤول بإدارة حطين كنت درست الواقع بعيدا عن الخيال وقدرت شوف استراتيجية للتمويل
الاستسلام للواقع جريمة
مقهى انترنت داخل النادي هيدي فكرتك خي خالد
مركز كمال اجسام داخل النادي
دورات تنحيف للبنات داخل النادي -ساونا
هيدي شغلات بسيطة بس كون على ثقة مدخولها الشهري ما بيقل عن 200000
سوق تجاري داخل النادي يكون موجود فيه قمصان لجميع الأندية والمنتخبات ولفريق حطين بالذات - بجامات - احذية
لا تنسى موقع النادي الاستراتيجي يعني كل شي مهيأ لهيك افكار
يعني الموضوع مانو معقد ولا صعب بس بدو شوية تصميم ومغامرة
وبرجع بقلك لو كنت بموقع مسؤول على أرض الواقع انا واثق بإني رح اقدر شوف طريقة أمن فيها دخل ثابت للنادي
لازم نتخلص من عقدة قلة الحيلة والضعف اللي عم تاكل نادينا أكل

[BaTiGoAl]

والله يا خالد هن ادرى بالاوضاع وهن اذا فكرو شوي كويس ممكن يطلع معن شي مربح للنادي خاص وثابت حاليا
نحنا طرحنا مشاريع عالنادي لكن للاسف يمكن الموضوع راح عالفاضي لازم يرجعو يفكرو فيه ويفتحو ملف الارباح الخاصة بالنادي ونحنا واقفين معن بكل خطوة لنساعدهن

[BaTiGoAl]

والله اللي قاله مهند سليم يعني عيب عليهن كمان يبقو عاجزين عن فعل اي شيئ ..متل ما غامرو بشراء اللعيبة يغامرو بشي مشروع تجاري مشان يزيدو دخل النادييييي يعني يتحركو خطوة بشي مشروع ولا بدنا نضل نقول والله ما في مصاري مستحيل؟؟ظ!!!

[SALAHDIN]

أرسل أصلا بواسطة باتيغول

نحنا طرحنا مشاريع عالنادي لكن للاسف يمكن الموضوع راح عالفاضي لازم

لأ يا محمد الموضوع ماراح عالفاضي أبداً و كل الأفكار يلي طرحناها وصلت وكان من الممكن تنفيذ البعض وخصوصاً موضوع كأس العالم بالنادي يلي انطرح للتعهد وتمت الموافقة على طلب أحد الأشخاص يلي قدم دراسة كاملة للتكاليف و للأرباح المتوقعة و عأساس الأرباح تقدم للنادي كتبرع و هلأ عم يتفاوضوا مع شركة لتقدم رعاية لهالحدث ( يعني الموضوع سيرى النور قريباً ) وهاد أحد الأفكار المصروحة ضمن الموضوع

وبالنسبة لصالة النت بالنادي كمان عم تندرس حالياً ومن الممكن طرحها للأستثمار عما قريب

وبالنسبة للمشاريع الضخمة يلي انطرحت فكان الجواب إنو الأرض ملك للأوقاف و أي تغيير كبير بمنشأة النادي ( كإقامة محلات ) بيسمح للأوقاف بإخلاء النادي

وبانتظار حل هالموضوع

[Saeedoo]

شكرا ياخالد عالموضوع وعالقصة الطويلة
أنا ما بتهمك بأنك واقف بأي صف ولو أني بتمنى منك تمني أخ أنو تضل على حيادك ...
بالنهاية كلنا بيهمنا مصلحة حطين ...ولا شيء غير ذلك ...
هلق منشان أخطاء الإدارة...الإدارة غلطت وغلطت وغلطت ...
طبعا جل من لا يخطئ بس لازم يتعلم الواحد من أغلاطو...

هلق تقلولي مافي مصاري ومن وين التمويل ...طب فيننا نعرف مين مصارد التمويل تبعيت السنة الماضية اللي انجاب فيها اللعيبة ...
وبخصوص السرقة أنا ما بتهم حدا ...بس بقلكم بصراحة أنو الحكي عن أنو المقدمات الضخمة مثلا المليون اللي اندفعت للجبيلي كان فيها إن ...هيك الحكي كان ...
طيب والتعاقد مع المنصور ما أكبر غلطة ...شب رفيقي بيعرفو للمنصور قال كان عميترجى الإتحاد ليدفعلة 100 ألف ويلعب معو بأي راتب ...منجي نحنا مندفعلو 400 ولاعب ماعندو شي يقدمو نهائيا...
مارح أحكي بعارف وسليم لأنو المشاكل بينهم وبين الإدارة بلشت قبل نهاية الموسم الماضي
بس شو حقيقة أنو زياد شعبو بعت خبر للإدارة أنو حابب يرجع لحطين وكان خالص عقدو بس هنن ما استجابو ..؟؟!؟!؟
وشو سبب عدم قبول عودة طلال شومان بالرغم أنو وافق يلعب بدون مقدم عقد ...وبنفس الوقت ماعنا حدا أحسن منو ياعب بهالمركز ؟؟؟وحتى لو كان لياقتو تعبانو جاية يلعب براتب بس ليش ما تجربوه لو إحتياط ؟؟؟
بعدين بخصوص المدربين ...بربك لكن استيفان مدرب ....لك فشل بكل النوادي بسورية ولسا منجربو عنا ...بعدين الحق عليهم تماما الإدارة ...قبل أسبوعين بس من الدوري لسا عمندور عمدرب لكن ...
وسؤال كتير هام بالنسبة إلي
ليش التغت كل معسكرات الفريق خصوصي أيام كيفورك ...وليش ماكان يتأمن ملاعب للتدريب وليش وليش
لاتقلولي مصاري ...ملينا من هالعذر ...معسكر تدريبي بالشام أو حتى بطرطوس شو بكلف ...بعدين بعتقد تشرين ما معو مصاري أكتر مننا ...

وغيرو في كتييييير أغلاط وأسئلة عندي بس هيدي الي خطرت عبالي هلق ...
بس برجعلكم لسا بأسئلة

[محمد ديب]

الأخ خالد المحترم شكراً على هذا الموضوع و على كل المعلومات التي تم طرحها من طرفك و على الجهد الذي عم تبذلوا

و لكن لا تقنعني من كلامك ان كل الأمور على مايرام و أنو الجميع قاموا بدورهم على أكمل وحه و أنو المركز السابع كتير منيح لحطين و انو الهواش مدرب كبير كتير و ما خسر من فرق المقدمة و أن كل التعاقدات كانت ممتازة و اللاعبين كانوا على مستوى أسم النادي و إنو الإدارة عملت يللي عليها .

يا شباب مشكلة نادي حطين على ما يبدو أزلية و أسف قول أنو رح تبقى أزلية إذا تم الوضع على ماهو عليه و السبب بيتلخص بالتالي :

1- إدارة متخبطة و غير واعية أنا لا أخصص الإدارة الحالية فقط و إنما كل الإدارات التي مرت على النادي و إدارة كل مين أيدو ألو و كل واحد بيغني على ليلاه و شلاليات و مشاكل بين بعضهم البعض و مع اللاعبين فعدم الإستقرا ر الإداري يخلق جو غير متاسب لأي فريق لأن يبدع مهما كان لاعبيه و إلا في حدا بينكر أنو مجموعة حطين كانت الأفضل في سوريا لسنوات عديدة و ما في بطولة و لا هم يحزنون يعني لم يستطع حطين إستغلال الجيل الذهبي و يحقق و لو بطولة دوري واحدة.
على كل حال من خلال طرحك أخي خالد لإستعدادات العام الماضي يظهر التخبط واضحاً من خلال التعاقد مع المدربين و اللاعبين و العلاقة مع الداعمين للنادي و عدم الإستقرار الذي بدء قبل بداية الدوري.

في الوقت الراهن خلينا ننسى العام الماضي و نحاول جميعاً أنو يكون إستعداد حطين شكل مختلف و خلق جو من الإستقرار و توفير ما يحتاجه الجهاز الإداري و اللاعبين و التنسيق مع الداعمين للنادي و كل المحبين من الأن و كذلك تحفيز الجمهور و توعيته ليكون سند حقيقي للفريق و بث روح االفوز ضمن جميع مفاصل الفريق .


2- المدربين: معظم المدربين اللذين مروا مؤخراً على النادي ليسوا على مستوى حطين و في منهم بيفهموا بأي شىء إلا بكرة القدم و يعني لا في خطط و كل مدرب بيلعب مشان ما يخسر و لا تلاحظ أنو في تنظيم داخل الملعب يعني يا شباب نادي حطين ما إلو شخصية حالياً داخل الملعب و هذا ما يفسر أنو حطين بيربح أحياناً فرق كبيرة و بيخسر مع فرق ضعيفة و هذا شىء محزن و بيدل على أنو الفريق عم يتخبط .
يا شباب لا حدا يزعل إذا قلت أنو حطين مستحيل يكون ضمن الخمسة الأوائل تحت قيادة الهواش و بكرة بعد أربع أو خمس مباريات بنقول و الله الهواش ما طلع مو شىء و يتم التعاقد مع غبره و يللي عم يخسر دائماً هو حطين و بنستنى للعام يللي بعده .

يا شباب مشان الله تقتنعوا أنو الهواش ما بيعرف يعمل فريق بيلعب فوتبول حلو و الفرق شاسع بين حطين اليوم و حطين الأمس فقد ذهبيت المتعة عن الفريق و النهج الهجومي و الشخصية داخل الملعب و إذا بدنا حطين يرجع لازم نتعاقد مع مدرب بيفهم بالفوتبول مثل القويض أو المحروس أو نيناد أو عمار عوض أو إعادة كيفورك مع إعطاء الصلاحية الكاملة له من بداية الموسم حتى نهايته و يشارك في ضم بعض اللاعبين و إعداد الفريق متل ما بدو .

3- اللاعبين : تعاقد النادي مع مجموعة من اللاعبين العام الماضي و حسب رأي الجميع مو افضل من الموجودين بالنادي أو يللي كانوا موجودين و غادورا النادي و مستواهم عادي و بالعكس البعض منهم حرام يلبس قميص حطين و البعض منهم ما لعب و حصلت كتير من المشاكل معهم ( الجبيلي - المنصور وغيرهم ) . يجب الإعتماد على إبناء النادي اللذين أثبتوا جدارتهم و هم كثر و أنهاء عقود اللاعبين يللي ما فادوا النادي و التعاقد مع لاعبين متميزين جداً من الأن حتى و لو لاعب أو أثنيين أفضل من التعاقد مع خمس او ست لاعبين مستواهم عادي . و كذلك دراسة أوضاع كافة اللاعبين من ابناء النادي الموجودين و رفع العقوبات عن اللاعبين و نبدء صفحة جديدة و كذلك محاولة إرجاع النسور الحطينية المهاجرة في فرق الدوري السوري بشرط واحد هو أنو يكون حطين فوق الجميع ( الجبلاوي - الأغا - شعبو - طلال عبدو - طلال شومان و غيرهم ) بإعتقد أنهم مفيدين للفريق .

أنا أسف للإطالة و ما حدا يزعل شباب و في مواضيع كتيرة حابب أحكي فيها بصميم هذا الموضوع لكن بتركها لأيام قادمة و لازم يعرف الجميع أننا نعمل من أجل عودة الحـــــــــــــــــوت .

[hutteen my love]

شباب أنا برايي انو الادارة لها أخطاء كثيرة جدا جدا جدا

بس برايكن اذا اجت هلأ ادارة جديدة مارح نرجع نوقاع بنفس المشاكل شي أكيد بدنا نرجع للصفر

أنا برأيي أنو مافي ادارة بدها تجي على حطين وتعجبنا لأنو مشكلتنا ما بالادارة وانما مشكلتنا بشغلتين

أول شغلة مادية بحتة وماحدا يقلي يدبرو حالن بشي مشروع استثماري

لأنو الأنظمة اللي بتخضع الها أندية سورية كتير مشربكة

وتاني شغلة مشكلتنا بمحاربة بعضنا لبعض

يعني مافينا نعتمد حاليا غير على الداعمين

طيب أنا عندي حل ليش هالمحبين لحطين ما بيتعاونو على اقامة مشروع للنادي ويكون هالمشروع كممول أساسي للنادي وهيك بيكونو قدمو هدية العمر للنادي وبنفس الوقت خلصو من تبرعات كل سنة يعني احسن مايحطو كل سنة مبالغ عادية يحطوها مرة وحدة بمبلغ محترم أنا هيدا رأيي

[Kh@led]

طيب ... مع كامل احترامي و تقديري للمدرب كيفورك... بس وقت استلم حطين ... من مباراة الطليعة بالذهاب لحتى مباراة تشرين بالاياب ... شو قدم شي جديد للفريق ...
خسرنا مع الفرق القوية .. الوحدة ..الكرامة .. تشرين ... الاتحاد... الجيش .. و فزنا على .. النواعير و القرداحة و الجهاد...و تعادلنا مع الطليعة و الحرية و الفتوة و المجد...

تاني شي ... وقت يلي كان موجود الكابتن كيفورك صار في مشاكل كتير بالفريق ...
من قصة اشارة الكابتن ... يلي ما انحلت ابدا وقت كان موجود...و صار وقتا قصص مخجلة حقا ... لقصة الجبيلي ... وليش ما اتلعب الجبيلي بلعبة الوحدة اساسي ,,, و و و و و
...

والله يا شباب في شغلات كتير لا انا و لا انتو بيعرفها ...مشكلتنا انو نحن دايمن بنسمع حكي الناس و بنصدق فورا .. من دون ما نتاكد.. و دايمن بنكون مخدوعين بالاسماء ..

كمان عم تطالبو برجعة لاعبين النادي ... الكل بيعرف من شي 3 سنين او اكتر ... وقت كان يلعب لاعب الشباب مع فريق الرجال ..شو كان ينعمل فيه ... من مسبات و شتم..لتفشيل .
في شهود كتير ... وفي لاعبين تركوا النادي من ورا هل الشي.. حتى في لعيبة رجال خافو على المراكز ..تعيتون ما تروح...

لو بقي هل كم لاعب القديمين .. كانو رح يبقو على حساب اللعيبة الشباب يلي برزوا هل الموسم.. في حدا بيصدق انون رح يقبلو انو يكونو على الخط...

الكل عرف شو صار بلعبة تشرين وقت يلي كان عمر عكيل ما على السكور كلو... لك طفشو
لسالم بيطار من ورا هل القصة.. وقتها اثرت كتير على معنويات عماد عيسى .. يلي لعب المباراة بدون مدرب حراس ... و فوق ذلك ضغط نفسي من الجمهور الكبير يلي حضر اللعبة
و هي اول لعبة بيلعبها العيسى تحت هل الجمهور الكبير.. فمن وين ما رح يخطا ... و للاسف اخطا وكان خطا قاتل.. و اذا لاحظتو... تقبل يقعد على الخط .. من دون ما يعمل مشاكل ..
ونفس الامر لنزار الحسين .. يعني في عندون عقلية احترافية... بينما لو لاعبنا صار معو هل الشي لحتى تخرب الدنيا .. وهل القصص صايرة كتير ..

بنرجع على موضوع عارف و سليم و زياد .... السيد خالد مثبوت رح يوضح بالتفصيل قضية كل لاعب ... و شو صار الموسم الماضي مشاكل معون ...

اما زياد شعبو ..فمين قال انو عرض حالو على الادارة ..و الادارة ما فاوضتو.. هاد حكي ما صحيح
..الشعبو لاخر لحطة كان موقع بحطين..بس العقيد حسن سويدان اتمسك في .و ما سمحلو يترك الجيش...بيرجع و بقول مشكلتنا اننا بنسمع و بنصدق شو ما انحكا ...

[Saeedoo]

كلام الأخ محمد ديب مظبوط مية بالمية ...

لا تحاولو تقنعو حالكم بالفريق هاد ...حتى لما عمنربح لعبة والله العظيم أداء غير مقنع ....ولعب تطفيش ...ومنعتمد على أغلاط الفريق التاني ..
معلش خالد سواء بالعبة جبلة ولا لعبة الحرية ولا لعبة الكرامة ...هادون اللي شفتهم عالتلفزيون... يازلمة ويييييين حطين أيام زمان ...كنا حتى لما نخسر نكون خسرنا بشرف وكان في لعب ...هلق إذا ربحنا منربح بدون لعب ....
ولا تقلي لو ضل الجيل القديم ما كنا شفنا جيل جديد ...مع احترامي لكل الشباب الجدد وتمنياتي بالتوفيق إلهم أي وييين فرق المستوى لحد هلق مافي واحد منهم عليه العين بصراحة حتى أركان ومحمد فارس يوم فوق عشرة تحت ...
يعني بتقارنلي محمد فارس بجمال كاظم ....ولا أركان بسليم جبلاوي ...ولا شادي ظرطيط ببلال صاري ...

معلش أنا بحب اللاعبين الجدد وبتمنى يكونوا الأحسن ...بس ما بدنا نضحك عحالنا ..أنا برأيي في فرق كبير ....والهواش ما عمل أي كيان للفريق ...يالله أي لعب ويارب تجي بعينو على هالمبدأ...
بعدين شو معنويات وما معنويات ...شو هالحكي لاعب محترف تأثرت معنوياتو ...بعدين شي طبيعي لاعب محترف يقبل يقعد عالاحتياط لأنو أسمو محترف ...وعميلعب لأنو عميقبض مصاري ...للأسف هاد الاحتراف عنا ....
والجبيلي ...كان غلطان مية بالمية ...ماكان أبدا ملتزم بتدريبات الفريق كيف بدك كيفورك يلعبو ..
أنا ما عمقول أنو يستلم كيفورك وبدي كيفورك ...لأ ...كل مدرب إلو إيجابيات وسلبيات ...بس أنا ضد الدفاع عن الهواش وبرأيي ما رح يقدم شي مهم السنة الجاية ...
منشكرو على أنو استلمنا بالأزمة وخلصنا منها ...بس ما بعتقد قادر يبني فريق أبدا ...
ليكو استلم الاتحاد أول الموسم وبالرغم من كل الأسماء اللي فيه وبطولة الدوري والكاس الماضيين ...ماطلع معو شي ...

وخالد إذا في شغلات عمتقول لا أنا ولا أنت منعرفها ...أي خلي اللي بيعرفها يحكيها يتفضل ...مع أني بحب أسمع الطرفين ما طرف واحد ...
وشكرا إلك

[Saeedoo]

أبو كمال ....

والله نحنا ماننا ضد أشخاص بأسماءهم ...والله أنا مابعرف شخصيا حدا من الإدارة لكون ضدو

بس من تصرفاتهم وأخطاءهم كرهتم ...
ماعندي مشكلة يضلو أهلا وسهلا ....بس المشكلة يرجعو يوقاعو بنفس الأغلاط ...
لأنو كل سنة نفس المشاكل والأغلاط ....

ليش السنة الماضية طفشوه لبشار سرور ....ونهوه للاعب مع تشرين ...ماكان أحسن من شادي ظرطيط بالدفاع...وليكو أبوكمال شاهد عالمشكلة ....قال ماكانو يدفعولو 50 ألف زيادة ليكمل العقد ..

ليكو فريق الكرامة ما أحلاه فيه خليط من القدامى والشباب ....حسان عباس والرفاعي والتركماني .......والحسين ومهند ابراهيم وجنيات...

بدكم نعتمد عالجيل الجديد ما مشكلة ما عندي مانع ...بس اهتمو بالأجيال الجديدة مظبوط ...
ما تتركو السيد عبدو حسينو يطفش الصغار كلهم ....
ملاحظين من أيمت ما أخدو ولا لاعب من شباب حطين عمنتخب سوريا للشباب ...؟!؟!؟!؟!
ياحرام ياشباب حطين يا حرام ....

حرام لما كانو أول داعم للمنتخب الشاب ....
مروان منى ...سيد بيازيد .....عارف ...سليم ...عمار عوض وجمال كاظم بزمانو .....

مين المسؤول عن عدم تخريج جيل شاب كويس بحطين ...؟؟!؟!ما الإدارة ..؟!؟!؟

ياريت تتفضل الإدارة وتقلي شو سبب انحدار شباب حطين الهائل ...؟؟؟؟؟!!!!

[BaTiGoAl]

أرسل أصلا بواسطة Batistuta

بدكم نعتمد عالجيل الجديد ما مشكلة ما عندي مانع ...بس اهتمو بالأجيال الجديدة مظبوط ...
ما تتركو السيد عبدو حسينو يطفش الصغار كلهم ....ملاحظين من أيمت ما أخدو ولا لاعب من شباب حطين عمنتخب سوريا للشباب ...؟!؟!؟!؟!
ياحرام ياشباب حطين يا حرام ....
حرام لما كانو أول داعم للمنتخب الشاب ....
مروان منى ...سيد بيازيد .....عارف ...سليم ...عمار عوض وجمال كاظم بزمانو .....
مين المسؤول عن عدم تخريج جيل شاب كويس بحطين ...؟؟!؟!ما الإدارة ..؟!؟!؟
ياريت تتفضل الإدارة وتقلي شو سبب انحدار شباب حطين الهائل ...؟؟؟؟؟!!!!

...........................

[Kh@led]

سعيد انت طلعت عن الموضوع تماما .. ما فينك تحاسب الادارة عن شغلات ماضية .. و راحت ..
مين قلك انو منتخب الشباب ما كان لعيبة من حطين ... علاء ارناؤوط لولا الاصابة كان شارك مع المنتخب بالتصفيات..و محمد ابو الريف .. كمان تمت دعوتو اكتر من مرة .. بس المدرب ما استقر عليه...حتى بجريدة الاتحاد.. انتقدو المدرب ليش ما اخد كم لاعب و كان من بيناتون محمد ابو الريف .. و ايضا استدعو محمد حاج محمد... و منتخب الناشئين الحالي بيضم لاعبين من حطين ... فهاد دليل على شو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.
سعيد انت عم تناقض نفسك .. بدك نعمل متل تجربة الكرامة .. لاعبين شباب و خبرة... ماهاد يلي صاير حاليا بحطين .. الكرامة عندو بس 4 لعيبة قديمين.. عباس رفاعي تركماني قصاب ...و الباقي كلون شباب ...و لعلمك نص فربق كرامة الحالي من جيل فريق شبابنا يلي نافس على الدوري و كان بيضم اركان و السيدة و عماد حسن و الحسونة و و و .. بس بفضل لاعبين النادي يلي انت عم اتطالب برجعتون .. طفشوا من النادي ... انت كيف بتقبل تلعب مع لاعب .. بيقعد بيسبك و بيسب عيلتك بارض الملعب .. انت هل الشي ما بتعرفو.
و مين قال انو الكرامة ما تعرض لهزات قبل ما يبلش يستقر و ينافس و يكون فريق ...
من 3 مواسم ... الكرامة غير بموسم واحد 4 مدربين ..و مانت نفس الادارة الحالية برئاسة نصوح بارود.. فهل هاد كان دليل انو الادارة فاشلة .. اكيد لاء .. شوف هلاء الكرامة وين صار ..
كمان الاتحاد و تشرين و الوحدة و الحرية .. كلون اتخلو عن اللعيبة الكبار لانون مقتنعين انو ماعاد عندون شي يقدمو للنادي .. او للمسيرتون الشخصية ...

مشكلتنا انو لساتنا بنتغنى بالماضي كنا نلعب و كنا نفوز و كنا نخسر و و و و و ...
انا براي .. بفضل انو نخسر مع اللعيبة الشباب يلي طالعين جداد و لا نخسر مع اللعيبة يلي انت عم اتطالب انون يرجعو......