أعضاء تحت دائرة الأضواء (( Kh@led ))

[SAHED]

أعضاء تحت دائرة الأضواء
مؤسس المنتدى





شاب طموح إبتدأ عمله بحلم صغير حلم نبع من قلب عاشق للحوت الازرق اراد ايصال صوته وصوت عشاق النادي الى جميع اصقاع الأرض .
حبه للنادي وعشقه الكبير جعله يهدر من وقته وعلى حساب حياته الشخصية والعملية والدراسية الكثير والكثير وكله كرامة لعيون الحوت وعشاق الحوت .
حلمه الصغير تحقق وكانت انطلاقته في 23 / 3 / 2006
كان هذا اليوم هو انطلاقة الشرارة الاولى لموقع ومنتديات نادي حطين الرياضي . وكانت شرارة صغيرة لكن بعزمه واصراره وبمؤزارة الاصدقاء المخلصين والاعضاء العاشقين لناديهم أصبحت هذه الشرارة نارا لا تهدأ وأصبح لموقعنا كلمته المسموعة و التي لها التأثير حتى في إتخاذ القرارات .
صفات موقعنا تنطبق على مديره وهي تتجلى بثلاث صفات
(( الصدق – الشفافية – الشجاعة ))
والصفة الأهم هي الذوق الرفيع و التهذيب العالي والإحترام .
وهي صفات موقعنا .
وكلمة الحق تقول المكان يدل على شخصية سكانه واصحابه .
ضيفنا هو صاحب المواضيع الإدارية والمواضيع الحطينية بالدرجة الاولى حتى ان نسبة مواضيعه التي تتعلق بالنادي تقدر ب 90 بالمئة .
ردوده تتجلى بالموضوعية ونادرا ما نرا ردوده في المواضيع العادية .
يفضل المواضيع التي تتعلق بالنقاش بموضوع كرة حطين ويشجعها ونراه في النقاشات متميزا وكلامه مدروس وموزون . يبتعد عن التصريحات النارية . اثبت لباقاته وبراعته بالحديث اثناء لقائه اذاعيا و عبر الهاتف تلفزيونيا .

أكيد الكل عرف ضيف اليوم ويلي رح نستضيفه بمناسبة الذكرى الأولى لتأسيس الموقع .

(( Kh@led ))

وكالعادة رح اعطيكم شوية معلومات وعرفكن عن ضيفنا واكيد في النهاية الاسئلة رح تكون للجميع .

الإسم : خالد المصري

العمر : 22

المؤهلات الدراسية : سنة رابعة هندسة ميكاترونيك \جامعة تشرين

انضم للمنتدى بتاريخ 25 / 3 / 2006 وطبعا هو يوم تأسيس الموقع

صاحب المركز ؟؟؟؟؟ من حيث عدد المشاركات 1112 مشاركة حتى تاريخ 28 / 3 / 2007

أكثر مواضيعه ردودا

تعرفوا علينا بالصور ..

بـــ 164 ردا

ويسعدني ان أبدأ الاسئلة للأخ خالد وكالعادة أبدأ بالاسئلة التقليدية :

1 - الاسم الحقيقي وليش اخترت اسم Kh@led وشو بيعنيلك ؟

2 - من أنت ( بثلاثة اسطر ) أو أكثر ..؟

3 - كيف قررت إنشاء منتدى حطين؟؟

4- ماذا تعني لك الحياة ؟.

5 – طموحاتك وكيف تتمنى أن يكون مستقبلك ؟

تحية طيبة لك

SAHED

[Kh@led]

مشكور ساهد على المقدمة الحلوة...و اكيد لو كنت لحالي ما كنا وصلنا لهون... و الفضل كلو بيعود للجميع ...

بالنسبة لسؤالك الاول ..فهاد اسمي الحقيقي ..مع تعديل بسيط بحرف ال @..
السؤال التاني : انا انسان جدي بالحياة كتير.. بحب اتقن الشغلة يلي اعملها ..يعني يا انو اعملها و تنجح تماما .. يا اما ما بقرب.. بكره الفشل ..و الفشل بيحبطني كتير... عشقي لحطين كبير كتير.. بس بصراحة بعد ما دخلت الاجواء خف شوقي بسبب الامور يلي عم شوفا و اسمعا .. جو الرياضة بشع جدا ..و اثر بشكل سلبي علي ..
السؤال التالت : فكرة انشاء موقع لحطين فكرة قديمة كتير ..و لما اتعرفت على ابو كمالين و سعيد و صلاح اتشجعت كتير .. و الحمدالله نحنا كلنا هلاء موجودين ..
السؤال الرابع : الحياة اما نجاح او فشل .. ما في حل وسط..
السؤال الخامس: طموحاتي اكيد بعيدة عن الرياضة على الاقل شي 20 سنة. طموحي الاول ..خلص دراستي و أمن مستقبلي ..

و شكرا كتير على الاستضافة الحلوة ..

[hutteen my love]

مابقبل مافي ديمقراطية بالمنتدى

خالد محالي ردي وأنا باعلنها بالفم المليئ خالد عم يكتم الأفواه

يا لئيم ياخالد

[نوار مالك مجبور]

مهام الرفيق خالد مصري بالمرحلة الثانوية :

::::::::::::::::

1 / عضو عامل باتحاد شبيبة الثورة

2 / عضو نصير بحزب البعث الحربي الاشتراكي

3 / امين الحلقة الرابعة لمدة سنتين

4 / عضو بالنادي الاعلامي السياسي بفرع اللاذقية

::::::::::::::

وكل هالشي كان تحت خدمة الوطن

وكوني كنت امين الوحدة ونائب رئيس النادي السياسي و امين الوحدة السكنية

بشــــــــهدلوا بهالشي

::::::::::::::
خاصة لما بيكون في مســــــــــيرة ما بيقبل غير هو يكون حامل العلم السوري

واخر واحد بيطلع من المسيرة

::::::::::::

وكل هذا الكلام تأكيد على ان منظمة شبيبة الثورة لا تخرّج إلا المجتهدين

والمننتدى أكبر دليل

::::::::::::

سؤالي سيادة المدير

أيمت آخر مرة ؟ ؟ ؟ ؟

::::::::::::

ابو النور

[Kh@led]

والله يا ابو النور اخر مرة زرت فيها مصر ..من شي سنتين.(. الدم بحن)

[hutteen my love]

أنا أسألتي ل لولو (خلودة)36_1_21[1].* بس بدك تجاوبني بصراحة وبشفافية تامة36_1_12:

1- مين جبلك ال mp4 وشو بتعنيلك usa

2- ليش زعل صاحبنا ونزل من السيارة هديك المرة 36_1_21[1].*

3- مين قدوتك بالحياة36_1_12: وحبيت الميلان وايطاليا وحطين كرمالو

4- أكتر شخص بتكرهوا بالمنتدى (غيري أنا وأبوكمال وصلاح وسعيد) بصراحة

5- مين هو سكيرو 36_1_21[1].* وليش هيك بنادولوا بأسبيرو

6- مين حاربك وفشلك رياضيا وطلعك برا النادي

7- ليش بتشبه حالك بأنزاغي مع أنك أحلى منو يلذيذ

8- بعد أميركا الى اين تتجه نواياك حاليا36_1_12:

9- ليش ما بتنزلني معك على أكسبريس

10- شو رايك بالتركمان

11- اذا كنت رئيس نادي شو أول شغلة بتعملها وشو مخططك بيكون لتنجح ادارتك وناديك

12- أكتر لاعب بتعشقوا بحطين

13- شو رأيك بكلة كابتتتتتتتتتتننننننننننننن

هدي اسئلتي خفيفة نضيفة وبدي اجابة صادقة لكل سؤال

[Kh@led]

أرسل أصلا بواسطة hutteen my love

أنا أسألتي ل لولو (خلودة)36_1_21[1].* بس بدك تجاوبني بصراحة وبشفافية تامة36_1_12:

1- مين جبلك ال mp4 وشو بتعنيلك usa

رفيقتي بعدين اسمو ipod يا ذكي

2- ليش زعل صاحبنا ونزل من السيارة هديك المرة 36_1_21[1].*
قلي لالي انو زعل منك ..و الك قلك انو زعل مني ... بقا انا عجزت
3- مين قدوتك بالحياة36_1_12: وحبيت الميلان وايطاليا وحطين كرمالو
بدون ادنا شك ..احمد محشية36_1_7[1].

4- أكتر شخص بتكرهوا بالمنتدى (غيري أنا وأبوكمال وصلاح وسعيد) بصراحة

موز البحر

6- مين حاربك وفشلك رياضيا وطلعك برا النادي

المدرب نزار كاظم.... و الكابتن عبدو دعمني كتير..بس انا التفتت لدراستي ..و مبارح اجاني عرض على الريان اللبناني ..بس مني جاهز بدنيا ..فانرفضت (ما رفضت)
7- ليش بتشبه حالك بأنزاغي مع أنك أحلى منو يلذيذ
هو بيشبه حالو فيني .. ة بالعلامة بعد ما انا اخدت رقم تسعة ..هو اخدو فورا ..بس انا حاسس انو الشباب ما رح يصدقوني .. و حياة ابو كمال هل الحكي صحيح36_1_21[1].*

8- بعد أميركا الى اين تتجه نواياك حاليا36_1_12:
للاسف ..مشروع امريكا انتهى قبل ما يبلش ..و حاليا اتجاهاتي غير محددة

9- ليش ما بتنزلني معك على أكسبريس

انت متزوج ..و حلو كتير ...و الاكسبريس للبشعين و العاذبين فقط..و ا

10- شو رايك بالتركمان

كل الناس خير و بركة

11- اذا كنت رئيس نادي شو أول شغلة بتعملها وشو مخططك بيكون لتنجح ادارتك وناديك

اول شي اول شي بسكر الموقع لانو عم يعمل مشاكل .. و مخططاتي انت نائبي ..ابو كمال محشية مشرف على كرة القدم .. صلاح قواف مشرف كرة سلة ..سعيد حداد بدو يهندسلنا مقر جديد...


12- أكتر لاعب بتعشقوا بحطين

عمار عوض

13- شو رأيك بكلة كابتتتتتتتتتتننننننننننننن

بتذكرني بكلمة برمفخ

هدي اسئلتي خفيفة نضيفة وبدي اجابة صادقة لكل سؤال

وشكرا على اسئلتك المهضومة متلك..

[abu marwan]

خالد غني عن التعريف
شاب طموح الله يوفقو بحياته وبتمنالو كل خير ..
بس بحب اسألو :
ليش بتتبعو سياسة اللي عجبو اهلا وسهلا واللي ما عجبو كمان اهلا وسهلا ...


تحياتي الك ..

[Kh@led]

ابو مروان الغالي .. كلامك صحيح ..و انا قلتلا بمقابلتي على التلفزيوون... لانو اتعبنا ئد ما حاولنا انراضي الكل .. بس بالاخير.. حاجة ..فلهيك سياسة لاباس بها

[abu marwan]

الله يقويكم ..

والكم مني تحية من القلب ..

[ليفربول22]

استاذ خالد انسان رائع ومهذب ومثقف وخجول وارجوا ان يكون له شاءن داخل اروقة النادي وخاصة ضمن الادارة وبحب اسئل استاذ خالد شو احلى مباراة حضرتا خارج الاذقية لفريق حطين واحلى سفرة مع الجمهور وشكرا لك خلودة الطلياني

[أبو ناظم]

السلام عليكم

أخي خالد تحياتي الك و امل اني نلتقي عن قريب باذن الله

سؤالي :

شو تصورك لتحسين أوضاع النادي ؟
كيف برأيك فينا نرجع الحوت القاتل اللي بتخافو كل الاندية؟
شو اكتر شي بتخاف منو على حطين و بتحب يبعد عنو؟
شو اكتر شي بتتفائل فيه لحطين؟

الجواب عاوزوا بصراحة

[hutteen my love]

خالد مين فيفي 36_1_7[1].

[Kh@led]

أرسل أصلا بواسطة ليفربول22

استاذ خالد انسان رائع ومهذب ومثقف وخجول وارجوا ان يكون له شاءن داخل اروقة النادي وخاصة ضمن الادارة وبحب اسئل استاذ خالد شو احلى مباراة حضرتا خارج الاذقية لفريق حطين واحلى سفرة مع الجمهور وشكرا لك خلودة الطلياني

تسلم يا نديم.. و احلى لعبة اكيد حطين و الجيش بالشام بنهائي الكاس ...و نفسها احلى سفرة لما وحدنا اللباس بس في هديك السفرة لما صاحبنا اكل قتل حشك و لبك36_1_21[1].*

[Kh@led]

أرسل أصلا بواسطة أبو ناظم

السلام عليكم

أخي خالد تحياتي الك و امل اني نلتقي عن قريب باذن الله

سؤالي :

شو تصورك لتحسين أوضاع النادي ؟
بصراحة انا عجزت عن هل الموضوع .. و شايف امور النادي ما رح تتصلح بحياتا .. لانو كل فترة بتخلق فئة جديدة بالنادي بدا اتشد اللحاف لجنبا ..و هيك صار في عنا مليون فئة و خود على شد
كيف برأيك فينا نرجع الحوت القاتل اللي بتخافو كل الاندية؟
جيل جديد من اللاعبين الصغار .. اي على الاقل 5 او 6 سنين
شو اكتر شي بتخاف منو على حطين و بتحب يبعد عنو؟
المصلحة الشخصية .. و الغيرة العماء عليه ..كل طرف بيعتبر حطين حبيبتو ..و ما بيقبل حدا يقربلو عليها ...حتى لو تركا
شو اكتر شي بتتفائل فيه لحطين؟
بصراحة صرلي 3 سنين ما تفائلت .. بس ممكن اتفائل بحالة وحدة هي رجعت عمار عوض على النادي..

الجواب عاوزوا بصراحة

و شكرا على مرورك

[نديم منلا]

أخي الكريم خالد الله يعطيك العافية على جهودك الكبيرة. وبدون مجاملة فكرتك بتصميم موقع لنادي حطين أنت وأصدقائك تعتبر قدوة لشباب اللادئية (خصوصا أنو أعماركن شابة إنشالله عقبال المية سنة) سؤالي إلك عن وضع فرق حطين الشابة . دائما حطين عندو مواهب شابة بس معظمها عم يختفي بعد وصولوا لمرحلة الرجال بينما كل الدنيا عم تهتم بقواعدها بقدر الفريق الأول. برأيك شو الحل لكسب هالمواهب الي عم يضيع معظمها ??? وبتمنالك التوفيق الدائم بدراستك و حياتك ...

[Kh@led]

أرسل أصلا بواسطة nedimmolla

أخي الكريم خالد الله يعطيك العافية على جهودك الكبيرة. وبدون مجاملة فكرتك بتصميم موقع لنادي حطين أنت وأصدقائك تعتبر قدوة لشباب اللادئية (خصوصا أنو أعماركن شابة إنشالله عقبال المية سنة) سؤالي إلك عن وضع فرق حطين الشابة . دائما حطين عندو مواهب شابة بس معظمها عم يختفي بعد وصولوا لمرحلة الرجال بينما كل الدنيا عم تهتم بقواعدها بقدر الفريق الأول. برأيك شو الحل لكسب هالمواهب الي عم يضيع معظمها ??? وبتمنالك التوفيق الدائم بدراستك و حياتك ...

شكرا على كلامك الحلو...
ما بقدر اعطيك فكرة كلية عن الفرق الشابة لانو ما عم تابعها صراحة.. بس متل ما الكل بيعرف فريق الشباب عم ينافس على الوصافة .. و بتصوري ان هي فرصة ذهبية لنادي ليستفيد من اللاعبين المميزين بهل الفريق ..
المواهب غن تختفي بسبب انو ما عم يتعاقب على الفريق مدربين قادرين يطوروا الموهبة .. متل ما بتعرف الموهبة هبة من عند الله .. بس بالمقابل لازم هل الموهبة تتطور ...و للاسف ولا مرة شفت مدرب عم يطور لاعب واحد ..و لا شفت مدرب عم يدرب لاعب على المهارات ...ما معقول كل اللعيبة (دفاع و هجوم و سط) ياخدو نفس التمارين التكتيكية...
فلهيك مشكلة حطين الها حل واحد.. مشرف كرة قدم على مستوى كبير ..

و شكرا لمرورك

[نديم منلا]

شكرا إلك على الإجابة. وما إلنا غير ندعي الله أنو يجي مدرب قدير لفرق حطين الشابة ونشوف جيل حطيني عم يفوز ببطولة الدوري .

[أبو هشام الحطيني]

كيفك اخ خالد
بصراحة بدي ابديلك اعجابي فيك لأكتر من نقطة
أولا" قراراتك بصراحة عم تكون بكتير حكمة و تروّي و بدون عصبية
ثانيا" ما عم ييجاوز المهنية بالعمل الى الشخصنة و الردود العفوية التلقائية و هيدا بيدل على حرفية عالية و مسئولية
ثالثا" و هو الاهم حبك للحوت و انفاعك لنجدة ما يمكن نجدته من نادينا العريق

بالنسبة للأسئلة
أول سؤال مين أكتر دكتور حبيتو و أكتر دكتور كرهتو بالجامعة
تاني سؤال مين أكتر (مطربة) بتسمعلها بهالايام
تالت سؤال اذا ماكنت حطيني شو بتحب تكون
رابعا" وين حابب تحضر نهائي كأس العالم و بين مين و مين

مشكور أخوي خالد

بصراحة انا من يوم تعرفت عليكون زاد اعجابي بكا أعضاء الادارة بسبب النزاهة و العملية اللي بميزو ادارة هالمنتدى

و بتمناللك التوفيق بهالفرع الصعب اللي بعرفو منيح لأني درستو قبلا"

[Kh@led]

أرسل أصلا بواسطة أبو هشام الحطيني

كيفك اخ خالد
بصراحة بدي ابديلك اعجابي فيك لأكتر من نقطة
أولا" قراراتك بصراحة عم تكون بكتير حكمة و تروّي و بدون عصبية
ثانيا" ما عم ييجاوز المهنية بالعمل الى الشخصنة و الردود العفوية التلقائية و هيدا بيدل على حرفية عالية و مسئولية
ثالثا" و هو الاهم حبك للحوت و انفاعك لنجدة ما يمكن نجدته من نادينا العريق

بالنسبة للأسئلة
أول سؤال مين أكتر دكتور حبيتو و أكتر دكتور كرهتو بالجامعة
بصراحة ما حبيت ولا دكتور بس في كم دكتور مميز متل الدكتور علي سليمان و الدكتور حسن احمد و الدكتور بسام عطية .. بس في معيد كان يعطينا ر4 عملي ..ما معقول شو كنت اكرهو .. حطلي 6 من 20 على العملي .. بس الحمدالله شلت المادة .. تاني دورة ..
تاني سؤال مين أكتر (مطربة) بتسمعلها بهالايام
ام كلثوم و الغنية المفضلة (اروح لمين) يلي بتنطبق على حطين هل الفترة
تالت سؤال اذا ماكنت حطيني شو بتحب تكون
ولا شي ...
رابعا" وين حابب تحضر نهائي كأس العالم و بين مين و مين
بميلانو و يكون بين ايطاليا و البرازيل
مشكور أخوي خالد

بصراحة انا من يوم تعرفت عليكون زاد اعجابي بكا أعضاء الادارة بسبب النزاهة و العملية اللي بميزو ادارة هالمنتدى

و بتمناللك التوفيق بهالفرع الصعب اللي بعرفو منيح لأني درستو قبلا"

و شكرا على مرورك...