نحن لم نتخلى عن عارف؟؟

[خالد مثبوت]

تحية

أريد أن أعود الى موسم 2004 - 2005 :

ملحمة توقيع عارف

كان النادي في عهد الوصاية و الوصاية لم تكن محبذة لفكرة بقاء الكثير من اللاعبين و منهم عارف و سليم و برغم هذه الضغوط سعينا للبقاء على عارف و سليم و على حساب المحبين نظرا لرفض الأطراف المسيرة للنادي بوقتها لدفع مقدمات عقود لللاعبين أعلاه
و كان اللقاء معهم و الاتفاق على مقدمات العقود ، و كلف المدرب رفعت الشمالي و كان المعسكر في منتجع الشاطىء و لم يلتحق عارف ضمن المجموعة و نحن لا نعرف لماذا ؟؟
فتحركت المجموعات المهووسة بعارف ( و أنا من ضمنهم ) و استطعنا الوصول اليه بعد عناء و ذلك لهروبه و عدم رده على الهاتف و التقينا بالنادي و الأشخاص الموجودين : راشد جعارة - مصطفى جبلاوي - خالد مثبوت - أحمد علما - محمد وفائي - ربيع جود - عارف
( طبعا هذا اللقاء كان قد سبقه احباط لعملية توقيع عارف مع تشرين بمبلغ 1800000 ل.س مع تشرين )
و اتفقنا أن ندفع لعارف مبلغ 500000 ل.س ، بالاضافة الى تعديل راتبه الى 35000 ل.س بدلا من 20000 ل.س فاعترض السيد مصطفى جبلاوي كون العقود موقعة بسقف 20000 ل.س فاحتج براتب السيد بيازيد فأجابه السيد جبلاوي بأن عقد السيد بيازيد 20000 ل.س و ان كان هناك من يعطي السيد مبلغ 15000 ل.س فهو من خارج النادي فأصر على الراتب 35000 ل.س
لم يكن بحوزتنا سوى مبلغ 350000 ل.س فرفض التوقيع لحين حضور المبلغ كاملا رغم تعهدنا له بتأمين المتبقي صباح الغد فلم يوافق فوعده الأستاذ أحمد علما بتأمين المبلغ ريثما يجهز حقيبته للالتحاق بالمعسكر و بعد نصف ساعة اتصل عارف بالأستاذ أحمد علما و تراجع عن الوعد و قال بالحرف الواحد بأنه ( لن يوقع و سيترك الرياضة ) و توجهنا الى الشاطىء و بعد نصف ساعة اتصل شقيق عارف ( الكابتن خالد ) بنا و قال بأنه قادم الى الشاطىء بصحبة عارف ، و قبل عارف و وعد بالالتحاق بالمعسكر صباحا و توجهنا الى أمام النادي و سلمناه المبلغ كاملا أي :
350000 ل.س + 150000 ل.س + 90000 ل. ( 15000 ل.س × 6 شهور سلفا )

ما حدث بعد مباراة جبلة

لم يأتي عارف الى الملعب و لم يكن هناك عذرا حيث شوهد يلعب مع أخوته و أصدقائه بنادي تشرين مساءً ، فاستدعي عارف الى التحقيق و قد كان السيد راشد جعارة مكلفا برئاسة النادي
فكانت أجوبته تتلخص بأنه مل الرياضة و لم يعد قادرا على تقديم أي شيء للنادي ( السبب الحقيقي لعدم ذهابه الى المباراة لأنه كان يعرف بأن المدرب لن يشركه أساسيا في مباراة جبلة )
و بعد أخذ و رد قال الأستاذ راشد حرفيا : " بالنيابة عن أعضاء الادارة يا عارف : أنت رمز من رموز النادي و لا يمكن أن نقص رأسك فورا فالنادي يدين لك بالكثير من انجازاتك و سنعتبر أن الذي جرى لم يجري و نحن بانتظارك غدا للالتحاق بسفر الفريق الى دير الزور ( مباراة الفتوة ) "
لم يأتي عارف في اليوم التالي و بقي نائما في البيت
( رأيي الخاص : استهتر عارف بالفريق و الادارة و بالجماهر و بالنادي )
فجاءت العقوبة قاسية تناسب ما بدر منه من اساءة ( توقيف 3 شهور مع حرمانه من رواتبه و مطالبته بالعطل و الضرر حسب العقد )
اكتفت الادارة بالثلاثة أشهر و عاد عارف الى الفريق بعد اكتمال فترة العقوبة
في فترة استدعاء اللاعبين قبل موسم 2005-2006 كان اسم عارف من ضمن اللاعبين على لوحة الاعلانات و لم يلتحق ( فقد كان قد وقع مع الطليعة من زمان )

عارف رمز و سيبقى رمز و سنبقى نحبه و لن تمحى من ذاكرتنا اللحظات السعيدة التي زرعها في نفوسنا
ملاحظة هامة : 2003-2004 عملت و كنت من أصحاب القرار في توقيعه
2004-2005 عملت و كنت من أصحاب القرار في توقيعه
2005-2006 لم أعمل على توقيعه و لم أعمل ضد توقيعه كما اتهمني البعض
و هو يعرف مدى عشقي له و حتى الآن ......

[Kh@led]

عرف جميع .. انو العضو حطيني فوق العادة ..هو السيد خالد مثبوت ... عضو ادارة نادي حطين و المسؤول المالي.

[Kh@led]

شكرا الك استاذ خالد انك وضحت هل المعلومات للجميع ... وخاصة للكل واحد بيحب عارف .,,
و مقتنع بالغلط يلي عملو عارف ..

[Kh@led]

انا براهن اي عضو معنا بالمنتدى اذا في اداري واحد باي نادي سوري .. بيفتح حوار مباشر مع جمهور ناديه ..

[hutteen my love]

مشكور أستاذ خالد لهالتوضيح

عارف لاعب كبير بس للأسف هو اللي ترك النادي وليس النادي اللي باعه

وعلى كل حال الكل بيخطئ ولو عارف أو غيرو بحب النادي يرجع ويصحح خطأه وأكيد النادي مارح يبخل عليه بس بحدود امكانيات النادي

وعلى فكرة كل الكلام اللي حكيه السيد خالد أنا بعرفه حرفيا وصحيح مئة بالمئة

[حطينية حطينية]

عارف لا ينسى لكن نحن تناسيناه

[hutteen my love]

شباب الاستاذ خالد عالخط اللي بحب يوجهلو شي سؤال يتفضل يوجه السؤال لكن بواقعية لوسمحتو

[hutteen my love]

بس يمكن الاستاذ خالد نسي وقت اللي كتب عارف بالرياضية أنو مستحيل يرجع على حطين

[أحمد دالي سلو]

سيد خالد هل في نية من الإداره الحالية التفاوض مع عارف .
وهل صحيح أن نادي تشرين وضع اللمسات الأخيرة على توقيعه .
وشكرا.

[Kh@led]

السيد احمد انا بقدر جاوبك عن الشق التاني من السؤال .. ما بعتقد انو ادارة حطين بتهتم لموضوع تعاقدات الاندية الاخرى ..الهم الوحيد حاليا ..هو نادي حطين فقط ..

[حطينية حطينية]

شو هي نية الادارة اتجاه عارف وسليم

[BaTiGoAl]

شكرا الك كتير استاذنا الكريم خالد مثبوت والله نحنا فعلا كل اللي قلته واقعي ومنطقي وبالعكس انا عكلام الشباب انت كتير وثقت فيك وصدقتك من كلامك مع انو ما بعرفك
بتمنى وكلي امل اعرف شو سبب تراجع عارف عن عشقه لناديه لك ما بعرف شو صرلو ... كلنا منعرف انو عارف ترك حطين لكننن شو السبب؟؟؟؟
رفض التوقيع لتشرين كتر خيره ... لكن جرحنا كتير بذهابه ...
ونحنا ما عم نلوم الاداراة عتصرفات عارف لكن الحق يقال عارف قدم كتير لحطين وبتمنى يبقى ذكرى طيبة وحلوة لكل الحطينية بتمنى عارف يسمع رسالتنا ...
وشكرا الك مرة اخرى

[حطينية حطينية]

وهل هالسنة بدنا نشوف نجوم من برا النادي

[Saeedoo]

شكرا سيد خالد عجرأتك ودخولك وشكرا على ردك المفصل
وأتمنى أنو دوما تضلو عتواصل مع جماهير حطين ...

بالنسب لعارف ...أكيد غلط ...
بس أكيد في سبب لهالتصرفات ....قدرتو تعرفو ليش هيك عمل ..؟؟!!!
أو إذا حدا من الشباب بيقدر يعرف وجهة نظر عارف بالموضوع ...

ومابعتقد موضوع مصاري لأنو متل ما قلت رفض العرض المغري من تشرين ووقع مع حطين ...

[Kh@led]

ملاحظة ... عارف لم يرفض التوقيع مع التشرين ... لولا تمسك الادارة الشديد بعارف وقتها كان من سنتين عارف عم يلعب بتشرين... و السيد خالد قال ..." احبطت العملية "

[Saeedoo]

ليش ما كان كشفو معو

شو كان بيمنعو ..؟!؟!؟

[Kh@led]

يلي منعو .. وقتها 30 الف شخص وقتها كان بدون عارف عارف ... هاد يلي منعو...
بس بعد لعبة جبلة .. ضل من هل 30 الف 10% فقط..

سعيد انا مستغرب فيك .. ليش منك مقتنع ..شو بدك اكتر من هيك....

[BaTiGoAl]

يا خالد...تم احباط العملية لكن هلق هو حر ...خليه يوقع لتشرين ...يصطفل لكن بتصور رح يخرب كتير عماضيه وحيدمر مشاعر الحب لئله كتير لو وقع لتشرين ...بتمناله التوفيق لكن بتصور حرام هيك ينهي مستقبلو الكروي تجاهنا..

[حطينية حطينية]

والله من يومين دخلت ع موقع نادي الطليعة وشفت صور عارف هنيك والله ادايقت كتير

[hutteen my love]

سعيد وقتها خاف من الجمهور ينقلب عليه

وخاف مايصير معو متل ماصار مع جمال

هيدا الكلام نقلا عن عارف بوقتها