:: بشار سرور : يغادر الحوت بلا رجعة ::

[abu kamal]

في تصريح خاص خصني به الكابتن بشار سرور أفادني خلاله أنه سيترك العمل بنادي حطين بتاريخ 10 / 4 / 2007 أي مع نهاية دوري الشباب بسبب التزامه مع فريق الشباب وقد علمنا منه أن الرحيل سيكون نهائياً هذه المرة ولن يعود للعمل في نادي حطين بالمستقبل مهما كان

ويأتي تصريح الكابتن بشار هذا على خلفية الأحداث الأخيرة التي جرت قبل يومين أو ثلاثة تقريباً والتي رافقت تعينه كمدرب لفريق الرجال والتي انتهت اليوم بعدم الموافقة على تعيينه



تعقيب بسيط : بعد نزيف اللاعبين وهجرة العوض وكذلك المردكيان الآن السرور والمحصلة واحدة الحوت يدفع الثمن

حسبي الله ونعم الوكيل
أبو كمال

[الامير totti]

جاي على بالي ...النادي كلو بقاااا ولووووووووووووو

[الامير totti]

شو سبب عدم الموافقه ابو كمال ... ومين اللي ما وافق .....

[abu kamal]

أعضاء إدارة مابعرف ليش

[الامير totti]

لك اي ادارة هي ...براسها ذرة عقل بترفض تدريب بشار سرور هلق وخصوصي بالوقت هيدا لفريقها
وهي عم بتشوف شو صار بفريق الشباب من وين طلعو ابو كنان ووين صار هلق .....
انا كنت ضد الفكرة انو ابو كنان يستلم الرجال لاني كنت حابب يبقى مع فريق الشباب ..لان بدنا السنة الجاي فريق ينافس عالدوري ..بس الشغلة هلق مو شغلة انا رفضت ولا انت ولا هوي الشغلة صار فيها تكسير راس ومصالح شخصية بالنادي باينة للاعمى ...
ابو كمال وصل للعالم كلو انو اذا انتو بدكن تدبحو حطين ما حدا بيسمحلكن تقربو صوبوووو
لك تفوووووووووووووووووووو على هيك وضع .........

[الامير totti]

وكلمة كمان وصلها لابو كنان ابو كمال ..قلو عن لسان كل واحد فيه ذرة شرف لحطين ...انت كبير وبضل كبير ...وحقك شو ما بدك تعمل لان والله صار الواحد يستحي يطلع بالعالم ويقول انا حطيني من ورا هيك عالم ...قال ادارة قال ...لك اقسم بالله العظيم ولا واحد فيهن بيفهم الخمسة من الطمسة ...ما عاد فيني ياااا طقيت ..ولا حدا يقول عم جرّح حدا ولا اطاول على حدا انا بحياتي ما كنت مفكر وصل للدرجة هي من العصبية .....اذا ما بدهن حدا يطاول عليهن .... يبعدو عن النادي اشرف الهن ...

[abu kamal]

شايف أبو جعفر كيف بكون التكريم هيك يا بلا

[LIVERPOOL 22]

طبعا ابو كمال في هذه الاياااام الشريف الذي بدو يشتغل من قلبواا مابيمشي حالوااا بهيك اجواء وهيك تخبطات والكل في نادي حطين يغني على ليلاااااااااه وا اسفاااااه ابوكنان انسان بيحترم حالوووو وبدو يطلع بعد ماوصل الرسالة والامانة لجماهير حطين وسيضع شبابهم بالمركز الثاني لك كبيررررررررر يا ابو كنان

[الامير totti]

يعني هلا هيك شو استفادت الادارة ولا استفاد حطين ...))؟؟؟؟!!! سؤال موجه لشخص الادراة
رح تخربو على النادي بالنهاية ..فريق الشباب اللي كنا بنطمح وبنتأمل انو ابو كنان يتابع معهم السنة الجاي وينافس عالدوري ... ويطلع مع الفريق للرجال ..ويرجع عز حطين مع بشار سرور ...هدموه بلحظة بقرار ارعن غير مسؤوول من اكبر واحد فيهن .......

[الامير totti]

وباكد هااا بردي الماضي ...انو حطين كان ...( وكان فعل ماضي ناقص بايد الادراة ) كان رح يرجع لعزو مع هالفريق الشاب اللي عم يعطينا ابر بنج بالاداء والروح القتالية اللي عم يلعبو فيها .. على نتائج فريق الرجال الي دافعين عليه الملايين .....
بس عتبي على حظنا .....بس اذا اجانا رئيس نادي متل العالم بيطلعو اعضاء الادارة مو شغلتهن
اذا اجانا اعضاء ادارة مناح بيطلع رئيس النادي نايم ..... من وين بدنا نطبق ريئس ادارة فهمان واعضاء ادارة فهمانين ...لازم يسحمو باحتراف الادارات احسن من احتراف اللاعبين

[BaTiGoAl]

ابو كنان
بهيك بيئة ما حدى بيستحمل النادي
لا حول ولا قوة الا بالله
هاد اللي كنت خايف منو.....
والله العظيم
بس بتمنى يعرف ابو كنان انو كلن بروحو وحطين يبقى
والحطيني بيبقى بحطين باذن الله لانو كلنا معو

[BaTiGoAl]

يا اخي والله من وقت ما قالو فريق رجال تكهربت ......
فريق الرجال ما رح يظبط ..... فريق الرجال ما رح يظبط......
خلص وتاكيد هالشي ما بدهن حدى يشتغل صح بالرجال مشان هيك انا كنت ضد يستلم الكابتن بشار
لانو ما بخلوه يطول....
بتمنى يكون نفسو اطول من نفسهن
ونحن كلنا معووو يا ريت يدرس قرارو منيح مشان يكون النا امل انو حطين رح يرجع

[الامير totti]

بس اذا بنرجع للمنطق يا ابو كمال ... اذا هني يعني هالارداة المادورة ... بدهن يفشلو ابو كنان
هاد الشي لازم يرفع من امكانية انو ابو كنان يبقى بمكانو غصب عن اللي بيقول اي وبيقول لا ..
لاني بعرفو بس يعصب ما بيرضى يطلع خسران ... من وقت اللي شفتو بالقهوة بيلعب شدة يمكن كون غلطان بتصوري ..بس ان شاء الله ما كون غلطان لاني والله بعد ابو كنان الشباب رح يفرطو متل ما فرط حبنا نحنا ....واذا فيه مونة النا نحنا اللي بنحب حطين من القلب مو من الكراسي ..مونة على ابو كنان بنقلووو ..ضل يا ابو كنان وكلنا معك

[BaTiGoAl]

اذا ترك الكابتن بشار فعلى النادي السلام.......
بهيك ادارة وهيك ظروف

[الامير totti]

والله نحنا قلبنا محروق على فريق الشباب اكتر شي ...فريق الرجال شلنا املنا منو هاي السنة متل الاربع سنين الماضية .... بس قلنا هااا صار عنا فريق شباب بينرفع فيه الراس ...بيقاتل باسم حطين مو بيقبض مصاري بس .... هيدا الشي اللي بدنا من ابو كنان يرجع يدرسو منيح ...ويخلي تفكيرو مع اهم كاس في سوريا كاس الدوري السوري العام اللي كل حطيني بيحلم فيه ...والله صرنا نشوف بطولة الدوري من ورااا فريق الشاب هالسنة والشي اللي عم بيقدمو الكابتن بشار ...كبير كتير بالنسبة للامكانيات المتوفرة ..... يا ابو كنان يا كابتن بشار اذا انت بتشوف انو فريق الشباب غير اللي حكيتو ...انو هوي امل حطين ... قلنا منشان ما نحلم بشي ونصحى على شي تاني ...بس انا واثق انو كل الحطينية هيك شايفين ...حتى الغير حطينية ..هون بالامارات رفقاتنا عم يستغربو من وضع فريق شبابنا وين كان وكيف صار ..وعم بيقولو انو الكابتن بشار كان صمام امان حطين ...وهلق رح يصير صانع امجاد حطين ...والله يستر من اللي جاي

[شوماخر]

السلام عليكم يا اعضاء المنتدى المحترمين.........
ما النا الا نسمع ونشوف وبس لاني الى عم يخرب بالنادي الادارين..ومانن سائلين عن حدى وحتى رئيس النادي الي نحن شايفينو سند النا . عم يلاحق عملو . وما بيقدر حتى يوكل ولو شخص من الي بيوثق منن.............. بقا شو ها النادي .

[حسن مكيس]

أخوي ابو كمال ان شاء الله هالمرة تكون غلطان لانو موخبرية بنوب رجعنا لقصة التطفيش من جديد و الله يستر بس ما يطفشوا حطين من حطين خيو عالم ما بدها حدا يشتغل صح وشكرا و بالتوفيق لابو كنان وين ما كان
وتصبحون على حطين

[Saeedoo]

لحظة ...أنا بلشت ضيع وما أفهم ...

صرلي كام يوم عمتابع بدون تعليق لأنو الأمور ملخبطة كتير ...

فينك تخبرنا ...مين أعفى الحوالي بعدين عين عدنان أبو كف كمدرب ..من الإدارة بالأول

بعدين

مبن عين الكابتن بشار ,,كمدرب ...وهل عين بقرار رسمي

وبعدين مين رفض أو عرقل تعيينو هلق ...

بعدين .......شو هلق

ياجماعة والله عيب ...شو عميعملو بحطين

والله عملونا مضحكة ...

لكن المدرب بيتغير 4 مرات خلال 5 إيام ..شو هالمسخرة ..!!!؟؟

[الحوت المهاجر]

اخوي ابو وليد من لقاء استاذ راشد جعارة بتعرف الجواب

اجتمع القدور والجعارة وسبع الليل وفخير مع سيف الدين سلمان ( تنفيذية اللادئية ) وقرروا يتعين بشار كمدرب ومدير النادي قال رح يطلع القرار بالليل واجا الليل والصبح وما طلع لا قرار ولا شي وما وافقوا اعضاء الادارة على بشار ؟؟ اذا مدير النادي كان موافق

اقتراح لازم ادارة النادي تستقيل كلها وما يضل غير ابو مصطفى دكر بالنادي ويعملوا انتخابات جديدة لان هالادارة كلها تخبطات وكل واحد ماشي لحالو

[Ahmad Nabeh]

لا حول ولا قوة الا بالله العلي العظيم الواحد ما فينو يحكي غير هيك و الله يوفق الجميع
على فكره هي اسمها بداية النهاية و الله يستر