هل انت مع استقدام لاعبين اجانب

حمودة الحطيني · #1 (**permalink**) 24/05/06, 11 :38 11:38:27 PM

السلام عليكم يا شباب حطين

سؤال بيطرح نفسو ؟؟؟؟؟؟؟؟؟؟؟؟؟ مين بأييد انو نجيب لاعبين من أوروبا

و نعيد تجربة ديدا و تشوبا اللي فعلا أثبتو اننون جديرين بس لولا كانت هالمحاربة من بعض الاشخاص ؟؟؟؟؟؟؟؟

شو رأيكم يا شباب ؟؟؟

و الله اذا كان مستواه بيحقق المطلوب انا مع اما اذا كان مستواه بمستوى الاعب المحلي انا ضد

و يا ريت تشاركون الرأي ؟؟؟؟؟؟؟؟؟؟

SALAHDIN · #2 (**permalink**) 24/05/06, 11 :55 11:55:31 PM

ليش لأ

إذا كانوا سوبر ستار حصراً يعني إذا كان اللاعب أحسن من لاعبنا بشوي زغيرة فبلاه أحسن .

Kh@led · #3 (**permalink**) 25/05/06, 12 :04 12:04:43 AM

ليش لا ...بس الامكانيات حاليا معدومة لحتى نجيب لاعب محلي ..بقا اجنبي

حمودة الحطيني · #4 (**permalink**) 25/05/06, 12 :19 12:19:28 AM

سيد خالد ؟؟؟؟ من زمان هيدي المشكلة و بتضل بالنوادي السورية ليوم القيامة شو هاد

و بسموها احتراف (( اما احتراف )) دخلك اتحاد الكرة شو بيساوي شاطرين ياخدو من النوادي عقوبات مادية و ياخدو عل العقد و مو شاطرين يساعدو نواديهم حتى يرتقو شوي باللعبة و يقومو على مستوى بيرفع الراس شوفو النوادي السعودية هون عقودهم مبالغها بتخوف حتى اليوم عم اقرأ بالجريدة عقد بـــــ 17 مليون ريال للاعب هولندي في الدفاع لنادي الاتحاد

دخلك سيد خالد هل 17 مليون ريال مو اكتر من ميزانية الاتحاد الرياضي العام مو اتحاد الكرة ؟؟؟

لازم اتحادات النوادي تساوي شي بهالموضوع ؟؟

نوار مالك مجبور · #5 (**permalink**) 25/05/06, 12 :58 12:58:59 AM

العجز المالي من مسؤولية الادارة /مقر نادي وعندها لو بترفع امكانية اللاعبين بصير في جمهور بيحضر وبيصير في اموال
أبو النور

hutteen love story · #6 (**permalink**) 25/05/06, 01 :33 01:33:51 AM

مع احترامي لحموده مقارنه غلط0ليش يا جماعه لانو رئيس نادي الاتحاد السعودي السنه الفائته حط 30 مليون ريال من جيبته وفهمكم كافي وهذا غير باقي الالعاب لكره القدم فقط0عرفته ليش رئيس نادي بكير لسه علينا لنضع رجال اعمال رؤساء انديه

BaTiGoAl · #7 (**permalink**) 25/05/06, 03 :44 03:44:47 AM

أخي معلش بتسمحلي بمداخلة يمكن تفكيرك بساعدنا لموسم ..ما اكتر لانو عم نضل على مشكلة عقم الجيل الشاب.؟؟
يعني بقينا موسم على محترف لك موسمين وبعدين ؟؟؟
بدنا جيل شاب يحمل اسم حطين لانو اكيد كلنا مقتنع انو حاليا لتاسيس حطين نحتاج لمواسم وليس موسم واحد وكل ما بلشنا عبكير كل ما حققنا اللي بدنا ياه بشكل ابكر ...
فبتمنى عدم تكرار المواسم الماضية وخلص فكرو بالشباب وكيف بدنا نطورهن وانشالله فيه جيل شاب لكن يحتاج لصقل مواهب فقط وتحياتي للجميع

BaTiGoAl · #8 (**permalink**) 25/05/06, 03 :46 03:46:51 AM

بعدين بالنسبة للي قلتو يا حمودة الحطيني عن الاتحاد الرياضي لازم السؤال يتوجه لئلن ما للاندية الفقيرة العايفة حالا

juventini · #9 (**permalink**) 25/05/06, 09 :03 09:03:02 AM

أنا ضد فكرة اللاعب الاجنبي و مع فكرة التركيز على اولاد النادي حتى لو ما جابوا نتائج بالبداية.. بالأخير إلا ما ينصلح حالون و يصيروا لعيبة على مستوى عالي.. احضار لعيبة اجانب عم يكون إلو تأثير نفسي كبير عاللعيبة الموجودين و عم يحرمهم من اللعب بس لمجرد إنو الأجنبي دافعيلو مصاري و لازم يلعب على قد المصاري حتى لو ثبت فشل مستواه..

محمد ديب · #10 (**permalink**) 25/05/06, 12 :23 12:23:29 PM

باتيغول]أخي معلش بتسمحلي بمداخلة يمكن تفكيرك بساعدنا لموسم ..ما اكتر لانو عم نضل على مشكلة عقم الجيل الشاب.؟؟
يعني بقينا موسم على محترف لك موسمين وبعدين ؟؟؟
بدنا جيل شاب يحمل اسم حطين لانو اكيد كلنا مقتنع انو حاليا لتاسيس حطين نحتاج لمواسم وليس موسم واحد وكل ما بلشنا عبكير كل ما حققنا اللي بدنا ياه بشكل ابكر ...
فبتمنى عدم تكرار المواسم الماضية وخلص فكرو بالشباب وكيف بدنا نطورهن وانشالله فيه جيل شاب لكن يحتاج لصقل مواهب فقط وتحياتي للجميع
هذا الكلام عجبني و دخا راسي

ملاحظة : يا عالم لا تضيعوا اموال النادي بلاعبين محترفيين بس بيعرفوا كيف يقبضوا و لا يقدمو ا أي فائدة للنادي . بدكن تجيبوا محترف خليه يكون لاعب سوبر ستار مو كومبارس

abu kamal · #11 (**permalink**) 25/05/06, 12 :55 12:55:48 PM

ياشباب لسا بكير بس إذا كان عنا خام كويس مافي داعي للمستورد

اقتباس:

أرسل أصلا بواسطة khaled

ليش لا ...بس الامكانيات حاليا معدومة لحتى نجيب لاعب محلي ..بقا اجنبي

Khalil · #12 (**permalink**) 25/05/06, 02 :28 02:28:55 PM

ليش لأ
بس بشرط أنو يكونو بمستوى أعلى بكتير من مستوى
لاعبينا
وهل الشي بأدي لتطوير مستوى لاعبينا
وتدعيم الفريق بسد الثغرات أو نقص بعض المراكز

hutteen my love · #13 (**permalink**) 25/05/06, 03 :40 03:40:03 PM

ممكن ليش لأ بس يكون محترف محترف ما بالأسم بس

abu kamal · #14 (**permalink**) 25/05/06, 03 :57 03:57:26 PM

اقتباس:

أرسل أصلا بواسطة hutteen my love

ممكن ليش لأ بس يكون محترف محترف ما بالأسم بس

هاد اللي بدنا نوصلو
ومشكور أبو حميد ع الموضوع

مهند شاويش · #15 (**permalink**) 26/05/06, 05 :16 05:16:33 AM

من هون انا بقول يا شباب وبتمنى الادارة تاخد هالشي بعين الاعتبار
انا ضد التجديد للحداد ولنزار الحسين لأنون وبصراحة عاديين جدا ولو كانوا ويسين بنظر البعض خلونا نعطي فرصة لولاد النادي
صدقوني انا ما بكرهون بس والله يا جماعة ولاد النادي للنادي ولمستقبلو
يعني متأملين ننافس الموسم الجاية سمحولي قلكون الواقع بقول انو حطين بتلات سنين ما بنافس على دوري لهيك خلونا نعتمد على ولاد النادي وحاجة تطعبم بشي عادي واقل من عادي
بعدين فينكون تقلولي حراس قواعدنا وين عم يروحو لك من كام سنة حطين ما عمل حارس مرتب
خلونا نجرب حراس الشباب لازم نعطيهون فرصة
لك آآآآآآآآآآآآآآآخخخخخخخخخخخخخخخخخخخ

أبو النور ما حفظتو لبيت الشعر تبع لو ناديت حيا قولو وفشلي خلقي الله يوفقك

hutteen love story · #16 (**permalink**) 26/05/06, 11 :35 11:35:26 AM

اخواتي برأي انو ما يكون عنا 5 \6 لعيبه محترفين بس لاعب او تنين يعني تطعيمه مع الشباب و حسب الامكانات و حسب المكان الذي نحتاج اليه للاعب0يعني ما ضروري جيب لاعب وسط وانا محتاج لاعب دفاع بالاضافه لان يكون مميز ومن خارج سوريا

SALAHDIN · #17 (**permalink**) 26/05/06, 11 :51 11:51:27 AM

شباب أنا بتوقع إنو كمان هالنقاش طلع عن الموضوع , لأني الموضوع إنو (هل انت مع استقدام لاعبين اجانب ) أي من خارج القطر

مهند شاويش · #18 (**permalink**) 27/05/06, 01 :09 01:09:59 AM

صلاح الغالي ما المشكلة أجنبي او محلي بالنهاية اسمو لاعب محترف
بعتقد انو كتير من الشباب للاسف عم يحكوا حكي متناقض يعني لما منقول بدنا نعتمد على ولاد النادي وبدنا نبني فريق جديد وبنفس الوقت بطالبو بالتجديد لعماد عيسى ولنزار حسين ولاسامة حداد
يعني بناء فريق شاب من ولاد النادي ما بيمشي مع تجديد عقود هاللاعبين والله اعلم مين لسا عالطريق فعن أي فريق شاب عم نحكي

BaTiGoAl · #19 (**permalink**) 27/05/06, 05 :20 05:20:29 AM

كلام مهند صحححححح ...
انا بشكل صريح بقول انا ضد الاستقدام ...
اي احد حاليا ...
بدنا جيل شبابي من حطين يبقى كام سنة لياخد ويتعود بعدين بصير ... انا هيك بتمنى ..وما بقتنع برونالدو بفريقنا ما حاقتنع فيه

BaTiGoAl · #20 (**permalink**) 27/05/06, 05 :21 05:21:20 AM

مهند ...بيت الشعر هو
قد اسمعت لو ناديت حيا
لكن لا حياة لمن تنادي
يمكن حفظتو لانو كان عم ينطبق علينا فعلا
بس انشالله هلق لا

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات