الاتحاد السوري يحقق في فضيحة تواطؤ حطين والحرية - نادي حطين السوري

حطيني ودمي أزرق · #1 (**permalink**) 30/03/07

دمشق : اكد رئيس الاتحاد السوري لكرة القدم احمد جبان يوم الجمعة ان الاتحاد سيقوم بالتحقيق في التصريحات المنسوبة الى مدرب نادي حطين المستقيل محمد حوالي الذي اتهم فيها قائد الفريق عمار ياسين بتسهيل فوز الحرية على حطين في المرحلة الماضية من البطولة.

واشار جبان الى انه سيتم استدعاء حوالي وياسين للتحقيق معهما في نهاية الاسبوع القادم واتخاذ الاجراءات المناسبة في حال ثبوت صحة هذه الاتهامات او عدمها. وكان حوالي فجر مفاجأة كبيرة عندما اتهم ياسين "ببيع مباراة فريقه مع الحرية".

وجاء اتهام حوالي في حديث ادلى به الى التلفزيون السوري واتهم فيه ايضا مدرب حطين السابق احمد هواش وعددا من اعضاء الادارة السابقة بالتواطؤ في عملية البيع، مؤكدا انه يملك الدليل على تورطهم .

وكانت مباراة حطين مع الحرية التي اقيمت ضمن المرحلة التاسعة عشرة شهدت فوز الحرية صاحب المركز الرابع عشر الاخير 3-1، واثار تبديل ياسين بين شوطي المباراة شكوك الكثيرين بالمدرب ومنهم اللاعب نفسه الذي اكد اعتزاله اللعب مع ناديه بسبب موقف مدربه.

ورد ياسين فور سماعه بالاتهام المباشر له بتسهيل عملية فوز الحرية، بتحريك دعوى قضائية بحق المدرب حوالي اتهمه فيها بالقذف والذم والاساءة لسمعته.

http://www.elaph.com/ElaphWeb/Sports/2007/3/222696.htm

من موقع ايلاف على النت ياشباب
شو يعني في تحقيق ..!!؟؟

فاروق ابن البحر · #2 (**permalink**) 30/03/07

والله لحتى يتبهدل الحوالي متل ال ....... بس والله اذا بينضر النادي من ورا هالتحقيق لحتى يجن جنون جمهور حطين عالحوالي

hutteen my love · #3 (**permalink**) 30/03/07

بحب خبركون أنو الحوالي صرح انو ماعندو أي دليل على عمار ياسين والأحد وعبر برنامج الرياضة في تلفزيون اللاذقية سوف يقوم بتوضيح كلامه الحوالي يعني هلأ هالتحقيق بدو يعود على الحوالي وليس على حطين

منشان كل واحد يتحمل مسؤولية كلاموا من يوم ورايح

حطيني مغترب · #4 (**permalink**) 30/03/07

معناتو الخبر مزبوط مية بالمية
هدي ايلاف يا شباب مصدر قوي جدا جدا وموثوق تماما
معناتو الي ضرب ضرب والي هرب هرب وحضرو حالكم عالتاني

BaTiGoAl · #5 (**permalink**) 30/03/07

هلق قالو عتزل عمار ياسين نهائيا ً؟؟؟؟؟
يا شباب عطونا الخبر المظبوط!!!
انا سمعت عمار اعتزل ما دام الحوالي موجود
طيب راح الحوالي شو قرار عمار؟؟؟؟؟؟

Saeedoo · #6 (**permalink**) 30/03/07

ياشباب التحقيق رح يكون مع الحوالي والياسين ..

وما دام الحوالي ما عندو أي دليل وكلو كان كلام بالهوا بساعة عصبية ...رح يكون موقفو محرج

على كل ...الله يمضي هالأمور على خير ....بس للأسف الكابتن الحوالي أساء لنفسو ولفريقو بهالتصريحات ...!!

Saeedoo · #7 (**permalink**) 30/03/07

اقتباس:

أرسل أصلا بواسطة BaTiGoAl

هلق قالو عتزل عمار ياسين نهائيا ً؟؟؟؟؟
يا شباب عطونا الخبر المظبوط!!!
انا سمعت عمار اعتزل ما دام الحوالي موجود
طيب راح الحوالي شو قرار عمار؟؟؟؟؟؟

عمار موجود ورح يلعب عادي

قرارو كان بخصوص اللعب بوجود المدرب الحوالي

بس بعد تغييرو رح يبقى مع الفريق

hutteen my love · #8 (**permalink**) 30/03/07

شباب باذن الله القصة منتهية لأنو الحوالي طلع ماعنو اي دليل بس هو قال أنو حكي هيك لأنو عندو دليل من سنة 95 يعني من البلاي أوف قفلولنا عالموضوع لأنو أنا واثق أنو القصة أنتهت ومافي شي باذن الله

الحوت المهاجر · #9 (**permalink**) 31/03/07

ان شاء الله بتكون القصة منتهية والا بتهدلنا لا سمح الله

YOUSEF..MS · #10 (**permalink**) 31/03/07

ما في قصة بالاساس لحتى تكون منتهية
القصة شخص حكا كلمتين عالتلفزيون وبدو يتحاسب عليهم ..

أبو هشام الحطيني · #11 (**permalink**) 31/03/07

الخطة المدروسة صارت واضحة كتير
الله يجيب الخير و ينفّد الحوت من المهازل و من المتآمرين الصغار

ammar_rayyes · #12 (**permalink**) 31/03/07

والله خبر مزعج لان حطين لا ينقصه مشاكل (بيكفيه اللي عنده) و بانتظار الاخ فاروق منلا ليزودنا باخر الاخبار عن هذا التحقيق.

LIVERPOOL 22 · #13 (**permalink**) 31/03/07

مصادر تؤكد انو الحوالي انه سيسحب كلامه ويوضح الامور ويعتبر كلامه انه في لحظة غضب وبظن يوم الاحد

hutteen22 · #14 (**permalink**) 31/03/07

يا شباب هلأ مين حطو مدرب جديد بس ان شاء الله ما يكون مدرب جديد وعمجربوا علينا

Abu Ammar · #15 (**permalink**) 31/03/07

ياحبيبي على هل مسخرة ..أصلا ما اجانا من الحوالي غير وجع الراس..بس لو استلم بشار سرور الفريق أكيد كان قدر يشيلنا من هل مصايب..الله يستر

ahmad_hutteen · #16 (**permalink**) 31/03/07

اقتباس:

أرسل أصلا بواسطة BaTiGoAl

هلق قالو عتزل عمار ياسين نهائيا ً؟؟؟؟؟
يا شباب عطونا الخبر المظبوط!!!
انا سمعت عمار اعتزل ما دام الحوالي موجود
طيب راح الحوالي شو قرار عمار؟؟؟؟؟؟

ياشباب على الحالتين مارح يلعب ان استمر الحوالي بالتدريب مارح يلعب واذا جابو الكابتن بشار مارح يلعب للانو في مشاكل بيناتون الحل الوحيد منشان يلعب انو يسلمو التدريب لعدنان ابو كف

أبو هشام الحطيني · #17 (**permalink**) 31/03/07

كللو عند العرب صابون

و المسلسلات شغالة و المخرج آخد اجازة

SAHED · #18 (**permalink**) 31/03/07

لحظة غضب من العبقري الحولي يمكن توصلنا للدرجة الثانية فعلا الغرور قاتل هالمدرب ومفكر حالوا ششي مدرب عبقري وعالمي بس الله يلعن هيك زمن يلي خلا هيك مدربين درجة عاشرة يوصلوا فينا لهيك مراحل ومهازل

أبو ناظم · #19 (**permalink**) 31/03/07

يا شباب الموضوع باذن الله و على رأي ابو عنتر

ناكتة و عرضية

مهرتوو · #20 (**permalink**) 31/03/07

والله القصة فايتة بمليون حيط بدنا نركز على خبر لانو ملينا

أدوات الموضوع	البحث في الموضوع
عرض نسخة للطبع إرسال هذه الصفحة إلى بريد إلكتروني	البحث في الموضوع: بحث متقدم
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)

اعلانات