التعامل مع الادارة

[مهند شاويش]

[color="black"][/[RIGHTزملائي الأعزاء اعضاء موقع حطين :

لوحظ مؤخرا وجود نوع من الاختلاف في وجهة نظرنا حول العلاقة مع الادارة الحالية لنادي حطين وكيفية التعامل مع أخطائها واخطاء ما سبقها من ادارات.
السبب برأي البعض هو انضمام ادارة الموقع للعمل ضمن اللجنة الاعلامية لنادي حطين والصفة الرسمية التي اضفيت على الموقع .

وأقول للجميع بأن ما حدث هو لمصلحة حطين وعلينا أن نستغل هذا التطور بشكل جيد ومن الممكن ان يصبح الموقع أكبر ورقة دعم للإدارة في حال عملوا بشكل صحيح كما من الممكن ان يكون الموقع اكبر ورقة ضغط ستواجهها الادارة عند حدوث اخطاء
المطلوب ان نكتشف الخطأ ونشير إليه عبر الموقع وادارة الموقع بدورها تقوم بمساءلة الادارة وعندها نستيطع فقط تقييم عمل ودور كل عضو في موقعنا
كما أود أن انوه لضرورة الدقة بالمعلومة ومصدر الخبر حتى لا نضع زملاءنا في ادارة الموقع بموقف محرج .

استفسار صغير:

سؤال طرحه احد الأصدقاء في حال تغيير الادارة ألن يتم حل اللجنة الاعلامية وعندها سنعود من جديد لموقف المعارض اي موقع من دون صفة رسمية ؟
اتمنى الإجابة ومن هنا كنا نفضل بقاء الموقع على الحياد وعدم العمل ضمن ادارة النادي حتى لا يحتسب الموقع على
فريق معين
ولكن الذي حصل قد حصل وعلينا استغلاله بشكل جيد

نقطة اخيرة:
شباب الموقع
ابو كمال وصلاح وزيدان وخالد حطينية بصدق وللموت بتمنى ما حدا يشكك بانتماؤون للنادي
كمان أبو النور وسعيد حطينية للعضم
والخلاف امر طبيعي على ان يبقى ضمن حدود محبة حطين
النقد البناء غير الجارح هو ما يدفع العمل الاداري نحو النجاح [/right]

[juventini]

بالفعل يا شباب لازم نستفيد من اللي صار و بالنهاية كلياتنا بدنا مصلحة حطين و ما مصلحة اي حدا تاني و أنا واثق أنو ولا واحد من الشباب رح يرضى بأي طريقة يكون سبب بضرر لعملية اصلاح النادي.. و هيدا هو المهم.

[SALAHDIN]

أول شي بدي إشكرك مهند على هالموضوع , وعلى الثقة يلي عاطينا هي
ومتل ماقلت رح نستخدم هالموقع أكبر ورقة دعم للإدارة في حال عملوا بشكل صحيح كما من الممكن ان يكون الموقع اكبر ورقة ضغط ستواجهها الادارة عند حدوث اخطاء . وهاد يلي رح يصير ما رح نسكت عن أي غلط مهما كان صغير .
بالنسبة للاستفسار :
في حال تغيير الإدارة سيبقى الموقع رسمي كون الموضوع أخذ شكله القانوني ( رفع كتاب لفرع الإتحاد الرياضي ومنه حوّل لدمشق أي أن الموقع رسمي بغض النظر عن تغيير الإدارة , أما عن حل اللجنة الإعلامية بالتأكيد ستحل كغيرها من اللجان المشكلة )

لن نتحول لموقف المعارض عند تغيير الإدارة بل سنتحول للموقف المعارض عندما نرى أن الأمور تجري بعكس مصلحة حطين سواء مع هذه الإدارة أو مع أي إدارة قادمة ,

مابيهمنا مين ما استلم إدارة حطين يلي بيهمنا إنو يكونوا اشخاص بدهون مصلحة النادي .

إنشالله كون جاوبت عاستفسارك و وبرجع بشكرك على هالموضوع

[خالد مثبوت]

سميت هذه اللجنة باللجنة الاعلامية لنادي حطين و لم تسمى باللجنة الاعلامية لادارة نادي حطين ..
و قد اشترطنا على هذه اللجنة عند تأسيسها أن تستطلع الرأي و الرأي الآخر لأن اختلاف الرأي صحي و مفيد ، لكن تركيزنا كان على عدم نشر أي معلومات ضعيفة غير موثوقة المصدر لاضفاء صفة الشرعية و الرسمية على الموقع و أعتقد أن الشباب مهتمون بهذا الموضوع و خاصة أن العديد من رواد الموقع هم خارج سوريا أو حتى بعيدون عن أجواء النادي و كواليسه
أما بالنسبة لاستمرارية اللجنة ببقاء أو بزوال الادارة الحالية فأعتقد أن أي ادارة قادمة ستكون غبية اذا فكرت بعدم التعاون مع هذا الجيل المثقف و الواعي و العاشق لنادي حطين

عضو مجلس ادارة نادي حطين
خالــــــد مثبوت

[Kh@led]

تحياتي مهند.. انا بس بدي ضيف شغلة وحدة على كلام الاستاذ خالد و صلاح.. انو انت حكمت علينا مسبقا بالمعارضة.. و نحن ذكرنا من قبل .. رح يكون موقفنا معارض في حال كانت الامور عم تجري بعكس ما كل حطيني بيتمناها انها تمشي.. انا اذا كانت الامور على خير .. فاكيد رح ندعم الادارة .. مابدنا نشتغل بردات الفعل ...

وشكرا الك

[SALAHDIN]

مشكور إستاذ خالد عتعقيبك

[مهند شاويش]

مشكورين شباب عالتوضيح

[hutteen my love]

مشكور أخ مهند على موضوعك اللي بعتقد بوضح وجهة نظر بعض الأعضاء اللي معنا بالموقع

مهند بس بحب وضحلك رأيي بالموضوع نحن ما اول مرة بنشتغل بالنادي وبقصد نحن يعني عائلتنا

وبالأخص أخواتي يعني أشتغلو من زمان كتير بالنادي

ووقت اللي مايعجبون الوضع بالنادي كانو يتركو ويمشو وأنا هيك يعني وقت اللي بشوف الادارة ماعم تشتغل لمصلحة النادي وحاة عينك لأول واحد يترك ويمشي

ونحن مابدنا نقعد ونشكك هلأ باداراة النادي هلأ بدنا الفريق يمشي ويرجع لوضعو الطبيعي

ياجماعة اذا بدنا نضل نحكي بها الموضوع بنضل شهر ومابيخلص الحكي

خلونا بقا نشتغل كلنا مع بعض وخلو التقييم لبعدين

كلنا حطينية وكلنا بحب النادي

[abu kamal]

مشكور مهند ع كلامك
بس برأيي مابقا فيني ضيف شي بعد كلام خالد وصلاح وأبو كمال
وقبلهك كلام الأستاذ خالد مثبوت

[نوار مالك مجبور]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا تعليق
أبو النور

[BaTiGoAl]

شكرا يا مهند عالموضوع وشكرا لكل الشباب اعضاء النادي الاعلاميين على التوضحح ...

[حمودة الحطيني]

يا شباب الكل لازم يتعاون مشان يشيل حطين من الازمة اللي طولت كتير مو هيك شباب لازم نشتغل بقى